查看完整版本: [-- باللىرىڭلارغا ئىسىم تاللىۋىلىڭلار؟ --]

كەڭ ساي مۇنازىرە مۇنبىرى -> ماشىنا -> باللىرىڭلارغا ئىسىم تاللىۋىلىڭلار؟ [打印本页] 登录 -> 注册 -> 回复主题 -> 发表主题

boran910920 2011-10-10 23:08
 كىشى ئىسىملىرى ۋە مەنىلىرى؟
ئادەم : بۇغداي ئۆڭلۈك، ئادەم ئاتا، ئادەم ئىبرانىيچە قىزىل، ئىنسان، ئىنسانىيەت دېگەن بولىدۇ.
ئىبراھىم : ئىبرانىيچە ئىسىم بولۇپ، مەنىسى ئاممىنىڭ ئاتىسى دېگەن بولىدۇ.
ئەجۋەد : سېخى، ئېسىل، ئۇلۇغ.
ئېھسان : ياخشىلىق قىلىش، ياخشىلىق، ياخشى ئىش قىلىش.
ئەھمەد : مەدھىيىلەشكە تېگىشلىك، قەدىرلەشكە لايىق.
ئىدرىس : بىر پەيغەمبەرنىڭ ئىسمى.
ئەدھەم : قارا، ئىشكەل.
ئەدىب : يازغۇچى، ئوقۇتقۇچى، ئەدەپ- ئەخلاقلىق.
ئىرشاد : يېتەكلىمەك، توغرا يولغا باشلىماق.
ئۇسامە : يولۋاس.
ئىسھاق : ئىبرانىيچە ئىسىم بولۇپ مەنىسى، كۈلىدۇ دېگەن بولىدۇ.
ئەسەد : قەھرىمان.
ئىسلام : بويسۇنماق، ئىتائەت قىلماق، باش ئەگمەك.
ئىسمائىل : ئىبرانىيچە ئىسىم بولۇپ مەنىسى، ئاللەنىڭ سۆزىنى ئاڭلايدۇ دېگەن بولىدۇ.
ئىقبال : كەلمەك، باشلىماق، يېقىنلاشماق، بەخت، راۋاج تاپماق.
ئەكرەم : مەرد، سېخى.
ئىلياس : بىر پەيغەمبەرنىڭ ئىسمى.
ئىمام : مۇسۇلمانلارنىڭ رەئىسى (خەلىپە)، نامازنى باشلاپ ئوقۇيدىغان كىشى، چوڭ يول.
ئەمىر : شاھزادە، پادىشاھ، قوماندان، باشلىق، رەئىس.
ئەمىن : ئىشەنچلىك، سادىق، ۋاپادار، بىخەتەر، تىنچ، راستچىل، سەمىمىي، دوست، ساقلىغۇچى.
ئەنەس : مۇلايىم بولماق، ئىناق ئۆتمەك، ئۈنسى- ئۈلپەت ئالماق، بىر ساھابەنىڭ ئىسمى.
ئەنۋەر : ناھايىتى نۇرلۇق، بەك چۈشىنىشلىك، چىرايلىق.
ئەييۇب : ئىبرانىيچە ئىسىم بولۇپ مەنىسى، تەۋبە قىلغۇچى دېگەن بولىدۇ؛ بىر پەيغەمبەرنىڭ ئىسمى
باسىت : مۇلايم.
باكىر : ئەتىگەن، دەسلەپكىسى، بالدۇر كەلگەن.
بىلال : نەملىك، سۇ، پەيغەمبىرىمىزنىڭ مۇئەززىنىنىڭ ئىسمى.
سابىت : مۇستەھكەم،مۇقىم، قەھرىمان.
ھافىز : ساقلىغۇچى، قۇرئان كەرىمنى يادلىغان كىشى.
ھامىد : ھەمد ئېيتقۇچى، ئاللەنىڭ نېمىتىگە شۈكۈر قىلغۇچى.
ھەسەن : چىرايلىق ۋە ئەخلاقلىق.
ھۇسەين : ھەسەننىڭ كىچىكلىتىلگەن شەكلى.
ھەمزە : يولۋاس.
ھەيدەر : يولۋاس.
خالىد : باقىي، مەڭگۈ.
خەلىل : دوست، نەسىھەت قىلغۇچى، سادىق، سەمىمىي، ئورۇق(ئاۋاق)، پېقىر.
داۋۇد : ئىبرانىيچە ئىسىم بولۇپ مەنىسى قەدىردان (سۆيۈملۈك) دېگەن بولىدۇ.
زاكىر : ئاللەغا زىكىر- تەسبىيھ ئېيتقۇچى، ئېسىدە تۇتقۇچى، زېرەك.
زۇلفىقار : ئەلىي رەزىيەللاھۇ ئەنھۇنىڭ قىلىچىنىڭ نامى.
رەجەب : ھىجرىيىنىڭ 7- ئېيى.
رۇستەم : پارىسچە جەسۇر، باتۇر، قەھرىمان دېگەن بولىدۇ.
رەشاد : توغرا، توغرا بولماق، ھىدايەت تاپماق، بىر خىل ئۆسۈملۈك.
زاھىر : نۇرلۇق، يۈزى يورۇق، رەڭگى چىرايلىق.
سالىم : قۇتۇلغۇچى، بېجىرىم.
سەئىد : تەلەيلىك، خۇشال.
سەلام : تەبرىك، تىنچلىق، ئامانلىق.
سۇلتان : پادىشاھ، قابىلىيەت، ھۆكۈمرانلىق قىلماق، ھۆججەت.
سۇلەيمان : قۇتۇلغۇچى، ساغلام.
سەييىد : باشلىق، داھىي، خوجايىن.
سىراج : پانۇس، كۈن، چىراغ.
شاكىر : شۈكۈر قىلغۇچى، تەشەككۈر بىلدۈرگۈچى، رەھمەت ئېيتقۇچى.
شەرەف : ئالىيجاناب بولماق، ئېسىل بولماق، شان- شەرەپ، پەخىر، ئىگىز جاي.
شەرىف : ئېسىل، ئالىيجاناب، مۇنەۋۋەر، ئاقسۆڭەك، پەيغەمبەر ئەلەيھىسسالامنىڭ ئەۋلادى.
شەئبان : ھىجرىيىنىڭ 8- ئېيى.
شەۋكەت : كۈچ- قۇۋۋەت، شەۋكەت، جۈرئەت.
سابىر : چىداملىق، ئىرادىلىك.
سادىر : سۇدىن قايتقۇچى، نەتىجە.
سادىق : ئىخلاسمەن، راستچىل.
سالىھ : ياخشى، مۇۋاپىق، ئۇبدان، لايىق، تۈز.
تارىق : كېچىسى كەلگەن مېھمان، چولپان يۇلتۇزى.
تالىب : ئىزدەنگۈچى، تەلەپ قىلغۇچى، ئوقۇغۇچى.
تاھا : پەيغەمبەر ئەلەيھىسسالامنىڭ ئىسمى.
تاھىر : پاك، پاكىز. تازا (كىر ئەمەس).
تەلئەت : مەنزىرە، سىرتقى كۆرۈنۈش، سىرتقى قىياپەت.
ئابىد : ئىبادەت قىلغۇچى، چوقۇنغۇچى، داۋاملىق ئىبادەت قىلغۇچى.
ئادىل : ئادىل، ھەققانىي، توغرا، ئىنساپلىق.
ئارىف : ئالىم، تونۇغۇچى، چىداملىق، مەرىپەتلىك، تونۇپ يەتكۈچى.
ئاسىم : ساقلىغۇچى، قوغدىغۇچى، توسقۇچى.
ئاكىف : ۋۇجۇدى بىلەن بېرىلگۈچى، باش چۆكۈرۈپ ئىشلىگۈچى، بىر يەردە تۇرغۇچى.
ئابباس : قوشۇمىسىنى كۆپ تۈرگۈچى، چىرايىنى بەك پۈرۈشتۈرگۈچى، قەھرىمان.
ئوسمان : ياۋا غاز، ئەجدىھا.
ئەرەفات : زۇلھەججە (ھىجرىيىنىڭ 12- ئېيى) نىڭ 9- كۈنى ھاجىلارنىڭ تۇرۇشى پەرز بولغان جاينىڭ ئىسمى.
ئىرفان : ياخشىلىق، ئىلىم، بىلىم، مەرىپەت،
ئەززام : ئىرادىلىك، قەھرىمان.
ئىززەت : غۇرۇر، كۈچ- قۇۋۋەت، غەلىبە، شان- شەرەپ.
ئىسمەت : گۇناھسىزلىق، مۇكەممەل بولۇش، قانائەتلىنىش، خاتالىقتىن يىراق تۇرۇش.
ئەلىي : ئۈستۈن، ئالىي، يۇقىرى، ئۇلۇغ.
ئاممار : كۆپ ئىمارەت سالغۇچى، ئىمانى كۈچلۈك، ئېغىر- بېسىق، سالماق، ھاياتى بويىچە ئىش باشقۇرغۇچى
غازىي غازات قىلغۇچى، جەڭ قىلغۇچى.
غالىب : غەلىبە قىلغۇچى، كۈچلۈك، زەپەرگە ئېرىشكۈچى.
فاتىھ : پەتىھ قىلغۇچى، ئاچقۇچى، باشلىغۇچى، جەڭدە غەلىبە قىلغۇچى، كۈچلۈك.
فارۇق : ھەق ناھەقنى ئايرىغۇچى، ئىككىنچى خەلىپە ھەزرىتى ئۆمەرنىڭ لەقىمى.
فەرھات : خۇشال، شادلانغۇچى، سۆيۈنگۈچى.
فەيسەل : ئۆتكۈر قىلىچ، توغرا ھۆكۈم چىقارغۇچى، قازى، گۇۋاھچى.
قاسىم : تەقسىم قىلغۇچى.
كەرەم : سېخىلىق، مەردلىك، مەرەھمەت، خەير- ئېھسان.
كەرىم : سېخى، مەرد، شەپقەتلىك، مېھماندوست، ھۆرمەتلىك، ئېسىل، پەزىلەتلىك.
كەمال : مۇكەممەل بولماق، تولۇق بولماق، كۆڭۈلدىكىدەك بولماق، كامالەت.
مۇھەممەد : مەدھىيىلەشكە ئەرزىيدىغان، نۇرغۇنلىغان يۈكسەك خىسلەتلەرگە ئىگە زات.
مەھمۇد : مەدھىيىلەنگۈچى.
مۇختار : تاللانغان.
مۇراد : مەقسەت، مۇددىئا، ئارزۇ.
مەسئۇد : بەختلىك، بەرىكەتلىك، تەلەيلىك، خۇشال.
مەئسۇم : خاتالىق ۋە رەزىللىكتىن يىراق، ساقلانغۇچى.
مەنسۇر : غالىب، يەڭگۈچى، غەلىبە قىلغۇچى.
مۇئمىن : ئىمانلىق، ئىشەنگۈچى، ئاللەغا ئېتىقاد قىلغۇچى.
ناسىر : ياردەم بەرگۈچى.
نايىف : ئىگىز.
نەزىر : ئوخشىغۇچى.
نىئمەت : نازۇنېمەت، مەرھەمەت، ئىلتىپات.
نىيازىي : پارىسچە ئىسىم بولۇپ مەنىسى مەشۇق، مەھبۇب دېگەن بولىدۇ.
ھاشىم : شورپىغا نان چىلىغۇچى، بۇزغۇنچى، تارمار قىلغۇچى.
ياسىر : ئاسان، يۇمشاق، مۇلايىم، قاسساپ.
ياسىين : پەيغەمبەر ئەلەيھىسسالامنىڭ ئىسمىلىرىدىن بىرى.
يەقۇب : بىر پەيغەمبەرنىڭ ئىسمى.
يۇسۇف : بىر پەيغەمبەرنىڭ ئىسمى.
يۇنۇس : بىر پەيغەمبەرنىڭ ئىسمى.
يەھيا : بىر پەيغەمبەرنىڭ ئىسمى.
جامال : گۈزەللىك.
قىز ئىسىملىرى
ئەبرار : ساداقەتمەن، كۆيۈمچان،
ئەمان : ئامانلىق، تىنچلىق، بىخەتەرلىك، خاتىرجەملىك، ئاراملىق، قوغدىماق، ئەھدە، كاپالەت، قەرز.
ئامىنە : خاتىرجەم، كۆڭلى توق، ساغلام.
ئەمىينە : ئىشەنچلىك، سادىق، ۋاپادار، بىخەتەر.
ئەنۋار : نۇرلار، يورۇقلۇقلار.
ئەنىيسە : كۆيۈمچان، خۇشخۇي، ئۈلپەت.
ئىمان : ئېتىقاد، تەسدىق، ئىشەنچ.
بۇشرا : خۇش خەۋەر، گۈزەللىك، چىرايلىقلىق، ھۆسن- جامال.
بىلقىيس : سەبەئ دېيىلىدىغان بىر قەدىمى مەملىكەتنىڭ ئايال پادىشاھى بولۇپ سۇلەيمان ئەلەيھىسسالامنىڭ زامانىدا ياشىغان، سۇلەيمان ئەلەيھىسسالامغا تەسلىم بولغان ۋە ئىمان ئېيتقان.
گۈلنار : ئانار گۈلى.
جەمىيلە : چىرايلىق، ئۇز، گۈزەل، كېلىشكەن.
ھەبىيبە : سۆيۈملۈك.
ھەفىيزە : مۇھاپىزەت قىلىنغۇچى، ساقلانغۇچى.
ھەلىيمە : ئېغىر- بېسىق ۋە ئەقىللىك ئايال.
ھەمىيدە : شۈكۈر ئېيتقۇچى ئايال، ماختاشقا ئەرزىيدىغان ئايال.
ھەنىيفە : ياخشىلىق تەرەپكە بۇرالغۇچى ئايال، مۇسۇلمان ئايال، توغرىنى چىڭ تۇتقۇچى ئايال.
ھەۋۋا : ھەۋۋا ئانا، ئىنسانلارنىڭ ئانىسى، يېشىلغا مايىل قارا ياكى قارىغا مايىل قىزىل.
ھۇرىيە : پەرى، ھۆر، رەڭگى ئاقپىشماق پەۋقۇلئاددە كېلىشكەن ئايال.
خالىدە : مەڭگۈ، دائىم.
خالىسە : ساپ، پاكىز، خالىس، بەك ئاق.
خەدىيجە : ۋاقتىدىن بۇرۇن تۇغۇلغان قىز بالا.
زاكىرە : ئەستە تۇتۇش قابىلىيىتى، خاتىرە، ئاڭ.
زاكىيە : پۇرىقى ئەتراپقا يېيىلىپ تۇرغۇچى.
زەكىيە : ھۇشيار ئايال، چېچەن ئايال، زېرەك ئايال.
رەشىيدە : ھىدايەت تاپقۇچى ئايال، ئاڭلىق ئايال، ئەقىللىق ئايال.
رەنا : بەك گۈزەل بولغانلىقتىن كۆرگەن كىشى مېھرىنى ئۈزەلمەي ئۇزۇنغىچە قاراپ قالىدىغان نەرسە.
زاكىيە : ياخشى ئۆسكۈچى.
زاھىدە : ئاخرەتنى ياخشى كۆرگەنلىكتىن دۇنياغا بېرىلمىگەن ئايال.
زاھىرە : گۈزەل ئايال، چىرايلىق ئايال، يۈزى يورۇق ئايال.
زۆھرە : چولپان يۇلتۇزى، ۋېنېرا، ئاپئاق، سۈزۈك رەڭ.
زەكىيە : پاك، گۇناھسىز، پەزىلەتلىك، ساپ، ئۆسكۈچى.
زەھرا : رەڭگى سۈزۈك ۋە نۇرلۇق، پەيغەمبەر ئەلەيھىسسالامنىڭ قىزى فاتىمەنىڭ لەقىمى.
زەينەب : كۆرۈنۈشى چىرايلىق خۇش پۇراق بىر دەرەخ، رىۋايەتلەردە كاككۇكنىڭ مەشۇقى سۈپىتىدە تەسۋىرلىنىدىغان ئەپسانىۋى قۇشنىڭ نامى.
زىينەت : گۈزەللىك ۋە ھۆسن بېرىش ئۈچۈن خىزمەت قىلىدىغان بۇيۇم، بېزەك، ھۆسن.
ساجىدە : سەجدە قىلغۇچى ئايال، باش ئەگگۈچى ئايال.
سارا : ئەڭ ياخشى ، تاللانغان، سەرخىل.
سالىمە : قۇتۇلغۇچى ئايال، بېجىرىم ئايال، ساغلام ئايال، ساق- سالامەت ئايال.
سەداد : توغرىلىق، راستچىللىق.
سەئدە : بەختلىق، بەرىكەتلىك.
سەئىدە : بەختىيار ئايال، تەلەيلىك ئايال، سائادەتمەن ئايال.
سالامەت : بېجىرىم، ئەيىبسىز، ساق.
سالام : سالام بەرمەك، سالام، تىنچ- ئامانلىق سورىماق،
سەلما : ھېچ ئەيىبى يوق ئايال.
سەلىيمە : قۇتۇلغۇچى ئايال، ئەيىبسىز ئايال.
سەمرا : بۇغداي ئۆڭلۈك ئايال.
سەمىيھە : مەرد ئايال، سېخى ئايال، قولى كەڭ ئايال.
سەمىيرە : كېچىدە مۇڭداشقۇچى ئايال، كېچىدە سۆھبەتلەسكۈچى ئايال.
سۇمەييە : ئىسلامنىڭ تۇنجى شەھىدى بولغان ساھابە ئايال(ئاللە تەئالا ئۇ ئايالدىن رازى بولسۇن).
سەييىدە : خانىم، خېنىم، خانزادە.
سىيما : ئالامەت، بەلگە، نىشان، ئەن، تامغا، تەقى- تۇرقى، سىرتقى كۆرۈنۈشى.
شادىيە : ناخشىچى ئايال.
شەرىيفە : شەرەپلىك ئايال، ئېسىل ئايال، ئالىيجاناب ئايال.
شەفىيقە : شەپقەتلىك ئايال.
شەمس : قۇياش، كۈن، بەك گۈزەل دېگەن مەنىدە مەجازەن ئىشلىتىلىدۇ.
شەھىدە : ئاللە يولىدا شەھىد بولغان ئايال.
شېرىن : تاتلىق، لەززەتلىك، بەك چىرايلىك بەك گۈزەل دېگەن مەنىلەردە مەجازەن ئىشلىتىلىدۇ.
سادىقە : راستچىل ئايال، ئىخلاسمەن ئايال.
سالىھە : ياخشى ئايال، توغرا يول ئۈستىدىكى ئايال.
سەبىيھە : گۈزەل ئايال، كېلىشكەن ئايال.
سەدىيقە : راستچىل ئايال سەمىمىي ئايال.
سەفىيە : ساپ،، پاك، سۈزۈك، روشەن، تاللانغان، سىرداش دوست، ھەقىقىي دوست.
تالىبە : ئېزدەنگۈچى ئايال، ئوقۇچى ئايال، تەلەپ قىلغۇچى ئايال.
تاھىرە : پاك ئايال، پاكىز ئايال.
تەييىبە : ھالال، پاكىز، ئۇبدان، بەلەن.
زەرىيفە : ھۇشيار ئايال، زېرەك ئايال، چېچەن ئايال.
ئائىشە : پەيغەمبەر ئەلەيھىسسلامنىڭ ئايالى ۋە مۆمىنلەرنىڭ ئانىسىنىڭ ئىسمى، كەيپىياتى ياخشى ئايال.
ئاتىكە : قىپقىزىل ۋە ئېسىل.
ئارىفە : ئىلىم- مەرىپەتلىك ئايال.
ئالىيە : ئىگىز، يۈكسەك، يۇقىرى، ئالىيجاناب.
ئىبادەت : تائەت، ناماز، قۇلچىلىق قىلماق، ئىبادەت قىلماق، دىنى ئەھكاملارنى ئورۇنلىماق.
ئەزىيزە : سۆيۈملۈك، ھۆرمەتلىك، قەدىرلىك، ئېسىل. كۈچلۈك.
ئەتىيە : سوۋغا- سالام، ھەدىيە.
ئەفىيفە : ئىپپەتلىك، پاك.
ئەلىيە : شەرەپلىك، ئىگىز، يۇقىرى، يۈكسەك.
ئىنايەت : كۆڭۈل بۆلمەك، غەمخورلۇق قىلماق، ساقلىماق، باشقۇرماق.
فائىزە : غەلىبە قىلغۇچى ئايال، مۇرادىغا يەتكۈچى ئايال.
فائىقە : ھۆسن- جامالى بەك كېلىشكەن.
فاتىمە : بالىسىنى (سۈتىدىن) ئايرىغان ئايال.
فىردەۋس : باغ، بوستان، گۈلباغ، جەننەت.
فەرىيدە : يالغۇز، مىسلىسىز، قىممەتلىك گۆھەر.
قەمەر : ئاي.
كۇلسۇم : ئىككى مەڭزى ۋە يۈزى گۆشلۈك ئايال.
كەۋسەر : تاتلىق سۇ، جەننەتتە بىر ئۆستەڭ.
لامىئە : نۇر چاچقۇچى، داڭلىق.
لەتىيفە : مۇلايىم، مەرھەمەتلىك، مەدەنىيەتلىك.
لەيلا : بەك قاراڭغۇ ۋە ئۇزۇن كېچە، مەستلىك، مەستلىكنىڭ باشلىنىشى، ھاراقنىڭ كەيپى.
مارىيە : ئاقپىشماق ئايال.
مەريەم : سۇرىيانىيچىدە ئىگىز دېگەن بولىدۇ، ئىيسا ئەلەيھىسسالامنىڭ ئانىسىنىڭ ئىسمى.
مەلىيكە : مۈلۈكدار ئايال.
مۇنىيرە : نۇرلۇق، يۈزى يۇرۇق، گۈزەل، نۇر چېچىپ تۇرغۇچى.
نائىلە : ئېرىشكۈچى، سوۋغا- سالام.
ناجىيە : قۇتۇلغۇچى ئايال، تېز ماڭىدىغان تۆگە.
نادىرە : ھىكلەتلىك سۆز، لەتىپە، ئۆز زامانىدا تەڭدىشى يوق ئايال.
نادىيە : جەمئىيەت، يىغىن، كۇلۇب.
نارىمان : پارىسچە ئانارغا ئوخشاش دېگەن بولىدۇ.
نەجات : قۇتۇلماق، خالاس تاپماق.
نەجىيبە : تېگى- تەكتى ئېسىل، پەزىلەتلىك، زېرەك، نەپىس، ئەقىللىق.
نەجىيە : سىر، سىرداش دوست.
نەرگىس : تەڭگىچە ئاق ياكى سېرىق گۈلى بولغان بىر خىل ئۆسۈملىك بولۇپ گۈلىگە كۆزلەر ئوخشىتىلىدۇ.
نەزىيھە : ئىپپەتلىك، رەزىللىكلەردىن يىراق.
نەسرىن : ئەتىردەك پۇرايدىغان بىر خىل ئاق گۈل.
نەسىيمە : مەيىن شامال، ئىللىق ھاۋا.
نۇسرەت : غەلىبە، زەپەر، قۇتۇلۇش.
نەزىيرە : ئوخشىغۇچى.
نەئىيمە : تۇرمۇشى ياخشى ۋە كۆڭلى خاتىرجەم.
نۇر جاھان : جاھاننىڭ نۇرى.
ھاجەر : ئىبراھىم ئەلەھىسسالامنىڭ ئايالىنىڭ ئىسمى.
ھادىيە : يېتەكچى ئايال، توغرا يولغا باشلايدىغان ئايال.
ياسەمىن : خۇش پۇراقلىق بىر خىل ئۆسۈملۈك.


خېنجەر 2011-10-11 10:26
ھەممىسى ساپلا ئەرەپچە ئىسىملاركەنغۇ،بىرمۇ ئۇيغۇرغا خاس ئىسىملار يوقكەن.بىز ئەرەپ ئەمەس ،بىز ئۇيغۇر شۇنىڭ ئۈچۈن ئۇيغۇرغا خاس بولغان ئىسىملارنى قويۇشىمىز كىرەك. خۇددى تۈركلەرنىڭ ئىسمىنى ئاڭلاپ ياكى كۆرۈپ ھە بۇ تۈرۈككەن دەپ بىلگەندەك.

arslan720 2011-10-11 12:26
ھەي بۇرادەر بۇ تېماڭدا بىرەر ئۇيغۇرچە ئىسىم تېپىلمايدىغۇ-ھە..............نېمىسىنى تاللايدۇ بۇ ئىسىملارنى ،بەيدۇ تورىغا كىرىپ ئەرەپچە تور بەتلىرىنى ئىزدەپ كۆر ئاسانلا تاپىسەن شۇلارغا يوللاپ قويارسەن،ماڭا ئۈستەك بېرىپ قوي دىسىمۇ باللىرىمغا قويمايمەن بۇ ئىسىملارنى

3=1+1 2011-10-11 12:42
ياخشى تېما ئىكەن!! كۆپۇنچىسى مۇسۇلمانلاغا خاس ئىسىمكەن!!!
كىرەم دىگەندەك ئاللاھنىڭ سۇپتىنى  بىۋاستە كىشى ئىسمى قىلساق ياخشى بولمايدۇ.ئۇنىڭ ئالدىغان ئابدۇ ياكى ئابدۇل (بەندە،قۇل) قوشۇپ كىشى ئىسمى قىلسا توغرا بولدۇ !! لىكىن جەمبىتىمىزدە بەزەن كىشىلەر پەيغەمبىرمىزنىڭ سۇپەتلرىنىڭ ،ئىسملىرنىڭ ئالدىغا ئابدۇ،ياكى ئابدۇل قوشۇش ياخشى ئەمەس ،ئۇنداقتا ئىسىمنىڭ مەنىسى ئۆزگىرىپ كىتىدۇ!مەسلەن ئابدۇرۇسۇل. ئابدۇ ئىمىن دىگەندەك

رۇستەم دىگەن ئىسىم بىر پارىس <<جەڭچىس>> بولۇپ ئەينى ۋاقىتتا ئىسلامغا قارشى جەڭ قىلغان دەپ <<مەن >>ئاڭلىغان(ئىنقراق بىلدىغانلار بارمۇ؟؟)

ئىسلام بىلىملىردىن خەۋىرى بار بىلىم ئىگىللرىنىڭ  بىرلىكتە بۇ تىمىغا قارتا  ياخشى چۇشەنچىلەرنى بىرىشكە مۇھتاچ بىز!!

تېما ئىگىسكە رەھمەت!!!

خېنجەر 2011-10-11 16:09
ناچار تېما ئىكەن!! كۆپۇنچىسى ئەرەپلەرگە خاس ئىسىمكەن!!!

dulbarqin310 2011-10-11 17:39
توۋا باللار، ئۇنداقمۇ دەپ كەتمەڭلار، سىلەر ئادىل، خالىدە، مۇنىيرە، ئالىيە، ئىبادەت... دېگەندەك ئىسىملارنى ئاڭلىمىغانما ئۇيغۇرچىدا، تېما يازغۇچىنى تويغۇزۇپلاۋەتمەڭلەر ئۇنداق، كېلەر قېتىم سىلەردىن قورقۇپ ياخشى تېمىلارنىمۇ يوللىيالماي تۇرمىسۇن يەنە، بۇمۇ ياخشى تېمىكەنغۇ ئەسلى.

zero903 2011-10-11 18:02
ھەقىقى ئۇيغۇر تۈركى  ئىسىملارنىمۇ قۇيساق بولىدۇ ئەلۋەتتە،،،،،،،

خامۇش 2011-10-11 18:32
ياقمىغان بولسا قويمىساڭلارلا بولمىدىمۇ؟ ئۇنى بۇنى دىمەي........   سىلەرگە بۇنى مۇشۇ ئىسىمنى قوي دەپ زورلاپتىمۇ بىرەرسى! ياققانلار پايدىلانسۇن دەپ يوللىغاندۇ تېما ئىگىسى؟

بۇ ئىسىملارنى ئەرەپچە دەپ ھۆكۈم قىلىۋەتمەي، ئىسلامچە دەپ چۈشۈنۈڭلار مۇنداق! ئىسلامچە دىگەن خاس ئەرەپلەرگىلا قارىتىلماس؟ ئەرەپلەرنىڭمۇ ئۆزىنىڭ ئەنئەنىۋى ئەرەپچە ئىسىملىرى باردۇ؟

xarifa 2011-10-11 19:09
مۇسۇلمانچە ،ئىسلامچە ياخشى ئىسىملاركەن، اللە رەھمەت قىلسۇن!

سەردارجان 2011-10-11 19:13
مەنچىمۇ شۇنداق ئويغۇرچە ئوبدان ئىسىملا مۇ بار ،مەسلەن ،ئايگۈل ،ئىززەتگۈل،رەنا ،گۈلچىكرە ،سەمىجان ،ئىلشاتجان ،ئىزىزجان ..........ۋە باشقىلار.بولادىمۇ ئوخشاشلا يىقىن مەنىلار بار.

uyguhurogli 2011-10-11 20:40
دولقۇن ، يولۋاس ، ئارسلان ، باتۇر ، قەيسەر ........... مانا ئۇيغۇرچە ئىسىم لازىملا
ئۇ بولمىسا بۇ ئىسىملارنى قويۇڭ مانا بۇ ئۇيغۇرچە ئىسىملا

لۇتفى 2011-10-11 21:15
   توۋا مۇشۇ بەزى ئادەملەر بۇ مۇنبەرنى ئۆزىنىڭكىدەكلا قىلىپ قالىدىكەن ،مۇ شۇ بەزىلەرنى بىرەر دۇكانغا كىرىپ قالسا ، نېمىشقا مەن ئىزدىگەندەك نەرسە يوق ، بولدى بۇ دۇكاننى ئاچما دەپ دۇكاندار بىلەن ئۇرۇشىدىغاندەكلا كۆردۈم.    مەنچە بىر ئوبدان ئىسىملار كەنغۇ ، ئەگەر مەن بالىلىق بولسام چوقۇم مۇشۇنداق مەنالىق ئىسىملارنى قويىمەن ، قويىمەن چوقۇم ساھابىلارنىڭ ئىسىملىرىدىن قويىمەن ، باشقىلارنىڭ نېم دېيىشى بىلەن پەرۋايىم پەلەك .

natsist 2011-10-11 23:05
باشقىلارنىڭ ئەمگىكىگە ھۆرمەت قىلمايدىغانلار خېلى باركەنغۇ بۇ مۇنبەردە
سىلەرگە ئەرزىمىگەن بولسا گەپ قىلماي چىقىپ كەتسەڭلار بولىدۇ ئنكاس يېزىش سىلەرگە پەرز بولمىغاندىكىن
سىلەر ياقتۇرمىغان بىلەن ياقتۇرىدىغانلار جېق  شۇلار پايدىلانسۇن ھېچكىم سىلەرنى چوقۇم بۇ ئىسىملارنى قوي دەپ زورلىمىغاندىكىن

muslima32 2011-10-12 02:53
ئاللاھ رەھمەت قىلسۇن قېرىندىشىم جاپا چىكىپسىز،ياخشى تېمىكەن باشقىلار نىمە دىسە-دەلىۋەرسۇن مۇشۇنىڭدەك ياخشى تېمىلىرىڭىز بولسا ئايىماي يوللاپ تۇرارسىز،

ئىزباسار 2011-10-12 03:05
مۇشۇ ئىسىملارنى ياراتمىغان ئادەمنىڭ مىڭىسىدە بىر نىمە بار...............

arslan720 2011-10-12 10:24
ئىشلىتىش
بۇ مەزمۇن 14قەۋەتتىكى ئىزباسار نىڭ 2011-10-12 03:05 يوللىغان يازمىسىغا نەقىل :
مۇشۇ ئىسىملارنى ياراتمىغان ئادەمنىڭ مىڭىسىدە بىر نىمە بار...............

ئاغزىڭغا بېقىپ گەپ قىلە-ۋاي، ساڭا ئوخشاش زادروشكىلارنىڭ مېڭىسىدە  بارمىكىن دەيمەن،سەن تاز دىگىچە مەن تاز دەۋالاي دىمىگىنە تولا.
 ئۇيغۇرچە ساپ ئىسىملاردىن باشقىسى ماڭا يارىمايدۇ قانداق...

ئىزباسار 2011-10-12 11:05
ئۇزۇڭىزنى بېسىۋېلىڭ ئىنىم. سىزنىڭ مىڭىڭىزدە خېلى بىر نەرسە باركەن. مەن ئازراق دەپ ئويلاپتىكەنمە.
ھازىرقى قۇيۋالغان ئىسمىڭىزنىڭ نىمىلەرگە قۇيلىدىغانلىقىنى بىلىدىغانسىز....
بىز تەرەپتە پەقەتلا مۈشۈكنىڭ بالىسىنىلا...... شۇنداق دەپ چاقىرىمىز   

رەشىدە 2011-10-12 13:29
ئىشلىتىش
بۇ مەزمۇن 14قەۋەتتىكى ئىزباسار نىڭ 2011-10-12 03:05 يوللىغان يازمىسىغا نەقىل :
مۇشۇ ئىسىملارنى ياراتمىغان ئادەمنىڭ مىڭىسىدە بىر نىمە بار...............


مۇشۇنداق ياخشى مەنىلىك ئىسىمنىمۇ ياراتمامدۇ ئەمدى، توۋا

turukman 2011-10-12 13:30
arslan بۇ ئىسىم مۇشۇكنىڭ ئىسمىما ؟

natsist 2011-10-12 13:38
arslan مۈشۈكنىڭ بالىسىنى بىز شۇنداق ئاتايمىز
ئۇيغۇرچە ساپ ئىسىمدىن باشقىسى يارىمىسا گەپ قىلماي  چىقىپ كەتسەڭ بولىدۇ ئىنكاس يېزىش پەرز بولمىغاندىكىن
ساڭا يارىمىغان بىلەن يارايدىغانلار كۆپ شۇلار يازسۇن ئىنكاسنى

كۈرەش 2011-10-12 15:07
ھاي ھاي...
مۇنازىرىنى ئىلمىرەك قىلايلى قىرىنداشلار ئارسلان مۈشۈكنىڭ بالىسى مىكەن؟ خاتا بوپقالدىمۇ قانداق؟
ئارسلان دىگەن شىرنىڭ بالىسى....
بىر بىرىمىزنى توغرا چۈشۈنەيلى قىرىنداشلار مىنىڭچە بۇ پىمرىمنى قوللايسىلەغۇ دەيمەن

natsist 2011-10-12 15:17
ئىشلىتىش
بۇ مەزمۇن 20قەۋەتتىكى كۈرەش نىڭ 2011-10-12 15:07 يوللىغان يازمىسىغا نەقىل :
ھاي ھاي...
مۇنازىرىنى ئىلمىرەك قىلايلى قىرىنداشلار ئارسلان مۈشۈكنىڭ بالىسى مىكەن؟ خاتا بوپقالدىمۇ قانداق؟
ئارسلان دىگەن شىرنىڭ بالىسى....
بىر بىرىمىزنى توغرا چۈشۈنەيلى قىرىنداشلار مىنىڭچە بۇ پىمرىمنى قوللايسىلەغۇ دەيمەن

مۈشۈك ئائىلىسىگە تەۋە ھايۋانلارنىڭ باللىرىنىڭ ھەممىسىنى ئارسلان دەپ ئاتايدۇ  بىزنىڭ بۇ يەرلەردە يولۋاس ، شىر لار بولمىغاندىكىن مۈشۈكنىڭ بالىسىنى دەيمىز ئارسلان دەپ

dulbarqin310 2011-10-13 18:10
ئىشلىتىش
بۇ مەزمۇن 21قەۋەتتىكى natsist نىڭ 2011-10-12 15:17 يوللىغان يازمىسىغا نەقىل :

مۈشۈك ئائىلىسىگە تەۋە ھايۋانلارنىڭ باللىرىنىڭ ھەممىسىنى ئارسلان دەپ ئاتايدۇ  بىزنىڭ بۇ يەرلەردە يولۋاس ، شىر لار بولمىغاندىكىن مۈشۈكنىڭ بالىسىنى دەيمىز ئارسلان دەپ


راست دەيدۇ. بىزمۇ شۇنداق ئاتايمىز.

تاش 2011-10-13 18:27
ئەسسالامۇئەلەيكۇم،  بۇرادەرلەر، ئەسلى ئىنكاس يازماي دېگەن، يازمىسام بولمايدىغان ئوخشايدۇ.
بۇ مۇنبەرگە ساددا دىنى قاراش ۋە ساددا مىللەت قارىشىغا ئېگە تورداشلىرىمىزمۇ كىرىپ قالغان ئوخشايدۇ. بۇنداقلار سەل ئۆزۈڭلارنى تۇتۇۋېلىپ گەپ قىلىڭلار.  ئەمىلىيەتنىمۇ ھەقىقەتنى ئېتىراپ قىلغاندەكلا ئېتىراپ قىلىڭلار. سۆزلىگەن بىلەن بىر ئىش ھەل بولمايدۇ. ھەممىمىز تەڭ تىرىشايلى.

كۈرەش 2011-10-16 23:02
مۈشۈك ئائىلىسىگە تەۋە ھايۋانلارنىڭ باللىرىنىڭ ھەممىسىنى ئارسلان دەپ ئاتايدۇ  بىزنىڭ بۇ يەرلەردە يولۋاس ، شىر لار بولمىغاندىكىن مۈشۈكنىڭ بالىسىنى دەيمىز ئارسلان دەپ
.....
شۇنداقمۇ بىزتەرەپتە مۈشۈك بالىسىنى ئاسلان  شىرنىڭ بالىسىنى ئارسلان دەيدۇ

turuk007 2011-10-28 18:45
رەھمەت!!!

domika 2012-01-02 14:38
ھەقىقە تەن ياخشى تىما  ئكەن  يەنە يوللاپ تۇرا سىز               ئاللا  ھەمىمىز گە  تەقۋا لىق   ئاتا قىلسۇن       ئامىن  !

uygurkokbora 2012-01-02 18:14
1-قەۋەتتىكى خېنجېر  ئەسلى  ئىسمىڭنى  خېچىر   دەپ قويساڭ بولىدىكەن  ...بۇ  ئىسىم  ئۇيغۇرلاغىلا  ئەمەس  پۈتۈن دۇنيادىكى ھەر مىللەت مۇسۇلمانلىرىغا  خاس ئىسىمكەن  سەن ياخشىسى   [خەن ،،چىڭ،   جىن]  قاتارلىق ئاتالغۇلارنى  قوي ..!!!  [  كۆپچىلىك  گىپىم ئارتۇق كەتكەن بولسا ئەپۇ سورايمەن] >    مەن  گەرچە كۆپ بىلىملىك بولمىساممۇ   بۇنداق ياخشىى مەنىسى  بار  ئىسىملارنى  ياختۇرىمەن  .!!!!!!!!!!

uygurkokbora 2012-01-02 20:00
2- قەۋەتتىكى  ئارىسلان 720 غا  :::     بۇ ئىسىملارنىڭ ھەممىسى ئىنسانلارغا خاس ئىسىملاركەن  

arzuyum 2012-01-02 21:21
ئەسسالامۇ  -  ئەلەيكۇم  ،   سەمەت  دىگەن  ئىسىمنىڭ  مەنىسى  ھەققىدە  ئىلىملىك  قېرىنداشلىرىمىز   چۈشەنچە  بەرگەن  بولسا،
  


查看完整版本: [-- باللىرىڭلارغا ئىسىم تاللىۋىلىڭلار؟ --] [-- top --]


Powered by PHPWind v7.3.2 Code © 2003-08 PHPWind
Time 0.064425 second(s),query:3 Gzip enabled

You can contact us