يالغاندىن كېسەللىك ئىسپاتى ئېلىش ۋە چىقىرىپ بېرىش كەڭ ساي تور ئەسەرلىرى كەڭ ساي مۇنازىرە مۇنبىرى

查看完整版本: [-- يالغاندىن كېسەللىك ئىسپاتى ئېلىش ۋە چىقىرىپ بېرىش --]

كەڭ ساي مۇنازىرە مۇنبىرى -> كەڭ ساي تور ئەسەرلىرى -> يالغاندىن كېسەللىك ئىسپاتى ئېلىش ۋە چىقىرىپ بېرىش [打印本页]

登录 -> 注册 -> 回复主题 -> 发表主题

nida0998

2011-09-28 21:32

بىسمىللەھىرراھمانىرراھيم

بارلىق ھەمدۇ-سانا جانابى ئاللاھقا بولسۇن، پەيغەمبىرىمىزگە، ئائىلە-تاۋابىئاتىغا ۋە ئۇنىڭغا تاكى قىيامەتكە قەدەر ياخشى ئەگەشكەنلەرگە دۇرۇت-سالاملار بولسۇن.

مۇسۇلمان كىشى ئومۇمەن ئامانەتنى جايىدا ئادا قىلىدىغان بولۇشى كېرەك، ئامانەت دېگىنىمىز ئاللاھنىڭ ھەقلىرى بولسۇن، بەندىلەرنىڭ ھەقلىرى بولسۇن تۈرلۈك ئامانەتلەرنى ئۆز ئىچىگە ئالىدۇ. ئاللاھ تائالا ئامانەتنى ئىگىسىگە تاپشۇرۇشقا بۇيرۇغان:

(شۈبھىسىزكى، ئاللاھ سىلەرنى ئامانەتلەرنى ئۆز ئىگىلىرىگە قايتۇرۇشقا، كىشىلەر ئارىسىدا ھۆكۈم قىلغاندا ئادىللىق بىلەن ھۆكۈم قىلىشقا بۇيرۇيدۇ، ئاللاھ سىلەرگە نەسىھەت قىلغان ئىشلار نېمىدېگەن ياخشى، ئاللاھ ھەقىقەتەن ئاڭلاپ تۇرغۇچىدۇر، كۆرۈپ تۇرغۇچىدۇر)( نىسا سۈرىسى 58-ئايەت.)

ئامانەتكە خىيانەت قىلىش بولسا مۇناپىقلارنىڭ سۈپەتلىرىدىندۇر. مالىك ئىبنى ئەبى ئامىر ئەبۇ ھۇرەيرە رەزىياللاھۇ ئەنھۇدىن رىۋايەت قىلىدۇكى، رەسۇلۇللاھ ساللەللاھۇ ئەلەيھى ۋەسەللەم مۇنداق دېگەن: «مۇناپىقنىڭ ئالامىتى ئۈچتۇر: سۆزلىسە يالغان سۆزلەيدۇ، ئامانەت تاپشۇرۇلسا خىيانەت قىلىدۇ، ۋەدە قىلسا تۇرمايدۇ».(سەھىھەين: بۇخارى 2682-ھەدىس. مۇسلىم: 59-ھەدىس)

يەنە مۇسۇلمان كىشى ئومۇمەن راستچىل بولۇشى كېرەك، ئاللاھ تائالا مۇنداق دەپ بۇيرۇغان: )ئى ئىمان ئېيتقانلار! ئاللاھتىن قورقۇڭلار ۋە راستچىللار بىلەن بىللە بولۇڭلار.)( تەۋبە سۈرىسى 119-ئايەت.)

ئەبۇ ۋائىل ئابدۇللاھ ئىبنى مەسئۇد رەزىيەللاھۇ ئەنھۇدىن رىۋايەت قىلىدۇكى، رەسۇلۇللاھ ساللەللاھۇ ئەلەيھى ۋەسەللەم مۇنداق دېگەن: «ھەقىقەتەن راستچىللىق ئىخلاس بىلەن قىلىنغان ياخشى ئىشلارغا ئېلىپ بارىدۇ، ئىخلاس بىلەن قىلىنغان ياخشى ئىشلار بولسا، جەننەتكە ئېلىپ بارىدۇ، ھەقىقەتەن بىر كىشى راستچىل بولۇۋەرسە، ئاخىرى (ئاللاھنىڭ نەزىرىدە) ئىنتايىن راستچىل بولىدۇ، ھەقىقەتەن يالغانچىلىق پىسقى-پۇجۇرغا گۇناھ-مەئسىيەتلەرگە ئېلىپ بارىدۇ، گۇناھ-مەئسىيەتلەر بولسا، دوزاخقا ئېلىپ بارىدۇ، ھەقىقەتەن بىر كىشى يالغانچىلىق قىلىۋەرسە، ئاخىرى ئاللاھنىڭ نەزىرىدە كاززاپ دەپ يېزىلىپ كېتىدۇ».(سەھىھەين: بۇخارى 6094-ھەدىس. مۇسلىم: 2607-ھەدىس)

يۇقىرىقى ئايەت ۋە ھەدىسلەرگە ئاساسەن:

1- يالغاندىن كېسەل بولۇۋالغان ئىشچى-كادىرلار ئامانەتكە خىيانەت قىلغان، يالغانچىلىق قىلغان ھېسابلىنىدۇ.

2-دوختۇرنىڭ يالغاندىن كېسەللىك ئىسپاتى چىقىرىپ بېرىشى يالغان گۇۋاھلىق بېرىشتىن ئىبارەت بولۇپ، بۇ ساختىلىق، يالغانچىلىق ۋە ئامانەتكە خىيانەت بولىدۇ. يالغان گۇۋاھلىق بېرىش بولسا چوڭ گۇناھلارنىڭ بىرىدۇر.

ھافىز ئىبنى ھەجەر ئىمام قۇرتۇبىدىن مۇنداق نەقىل قىلىدۇ: "يالغان گۇۋاھلىق دېگەن يا بىگۇناھ ئىنساننى ئۆلتۈرۈش يا مال-مۈلۈك ئېلىۋېلىش يا ھارامنى ھالال قىلىش ياكى ھالالنى ھارام قىلىشتەك ناھەقچىلىكنى قولغا كەلتۈرۈش ئۈچۈن يالغاندىن گۇۋاھلىق بېرىشتىن ئىبارەت بولۇپ، چوڭ گۇناھلارنىڭ ئىچىدە ئاللاھقا شېرىك كەلتۈرۈشتىن قالسا ئۇنىڭدىنمۇ زىيانلىقراقى، ئۇنىڭدىنمۇ بۇزغۇنچىراقى يوقتۇر".(فەتھۇل بارى 10/412)

ئاللاھ تائالا: (يەنە ساختا سۆزدىن نېرى تۇرۇڭلار) دېگەن (ھەج سۈرىسى 30-ئايەت.) يەنە راھماننىڭ بەندىلىرىنى سۈپەتلىگەندە: (يەنە ساختا گۇۋاھلىق بەرمەيدىغانلار)(فۇرقان سۈرىسى 72-ئايەت)

ئەنەس ئىبنى مالىك رەزىيەللاھۇ ئەنھۇ مۇنداق رىۋايەت قىلىدۇكى، رەسۇلۇللاھ ساللەللاھۇ ئەلەيھى ۋەسەللەم «چوڭ گۇناھلارنىڭ ئەڭ چوڭى ئاللاھقا شېرىك كەلتۈرۈش، ناھەق ئادەم ئۆلتۈرۈش، ئاتا- ئانىنى قاقشىتىش ۋە ساختا سۆز قىلىش» دېگەن. ياكى رەسۇلۇللاھ: «يالغان گۇۋاھلىق بېرىش» دېگەن. (سەھىھەين: بۇخارى 6871-ھەدىس. مۇسلىم: 88-ھەدىس)

ئەبۇ بەكرە رەزىيەللاھۇ ئەنھۇ رىۋايەت قىلىدۇكى، رەسۇلۇللاھ ساللەللاھۇ ئەلەيھى ۋەسەللەم: «چوڭ گۇناھلارنىڭ ئەڭ چوڭلىرى: ئاللاھقا شېرىك كەلتۈرۈش، ئاتا- ئانىنى قاقشىتىش، يالغان گۇۋاھلىق بېرىش، يالغان گۇۋاھلىق بېرىش- دەپ ئۈچ قېتىم تەكرارلىدى-ياكى ساختا سۆز قىلىش» دېدى، رەسۇلۇللاھ ئاشۇ سۆزنى بىز كاشكى رەسۇلۇللاھ جىم تۇرسىكەن دەپ كەتكىچە قايتا-قايتا تەكرارلاۋەردى. (سەھىھەين: بۇخارى 6919-ھەدىس. مۇسلىم: 87-ھەدىس)

يەنە رەسۇلۇللاھ ساللەللاھۇ ئەلەيھى ۋەسەللەم: «كىمكى بىزنى گوللايدىكەن، ئۇ بىزدىن ئەمەس» دېگەن، يەنە بىر رىۋايەتتە: «كىمكى گوللايدىكەن، ئۇ مەندىن ئەمەس» دېگەن، (سەھىھۇ مۇسلىم: 101-102-ھەدىس)

ئەلۋەتتە بۇ يالغان ئىسپاتمۇ ئېنىق گوللاش، ئالداش دائىرىسىگە كىرىدۇ.

3-يالغان كېسەللىك ئىسپاتى بىلەن ئىشلىمەي ئالغان مائاش ھارام كەسىپ دائىرىسىگە كىرىدۇ.

4-يالغان كېسەللىك ئىسپاتى چىقىرىپ بېرىش ئۈچۈن دوختۇرلار ئالغان پارا ھارام كەسىپ دائىرىسىگە كىرىدۇ.

ۋەللاھۇ ئەئلەم.

پەتىۋادا: دوكتور ئابدۇل ئەزىز رەھمەتۇللاھ.

مەنبە؛ساجىيە ئىسلام بىلىملىرى تورى

nazli0998	2011-09-29 00:02
ئاللاھ بىزنى يالغانچىلىقتىن ساقلىسۇن ! ئەمسە پىنسىيە مائىشى كىرەمدۇ ؟ كىرمەمدۇ؟

appakhoja	2011-09-29 00:12
قانداق قىلساق يالغانچىلىقتىن ساقلانغىلى بولۇدۇ؟مەن ئۆزەمنى يالغانچىلىق ئىچىدە ياشاۋاتقاندەك ھىس قىلىمەن.بۇ مېنى بەكلاملا ئازاپلايدۇ .

oglan	2011-09-29 01:27
يالغانچىلىق ياخشى ئادەت ئەمەس!

rayhan	2011-09-29 11:35
شۇنداق قىلىپ بۇ پەتىۋامۇ چىقىپ بولدى ......ئەمدى بۇنى بىزدەكلەر كوپ كۇرۇپ قويسا بولغۇدەك ...بىلىۋالدۇق .

bahadir0996

2011-09-29 13:56

مىنىڭچە بۇ مۇسۇلمان دۆلەتلىرىدىكى مۇسۇلمان ئەللىرىگە قارىتىلغان .چۈنكى ئۇلار نىڭ دۆلىتى ئۇلارنىڭ ھامىيسىدۇر . سىزنىڭ بۇيەردە شەرىئەت كۈچكە ئېگىمۇ ئەمەسمۇ ؟!\
ئاتا ئۆز بالىسغا قۇرئان ئۆگەتسىمۇ "جىنايەت"ھېسابلىنىدىغان يەردە ياشاۋاتىسىز . ئۆزىڭىزگە پايدىلىق پەتۋالارنى ھىچ ئەمىللەشتۈرەلمەيسىز . ......
مىنىڭچە ئېشەكنىڭ بىر تۈكىنى بولسىمۇ يۇڭدىۋېلىش كېرەك .

mollamat	2011-09-29 14:08
يۇرتىمىزدا بۇنداق ئىشلار كۆپقۇ بۇرۇن. ھازىرغۇ چىڭىپ كەتتى... ھارامنى يەيدىغان شۇنداقلارنى قانۇن قاتتىق جازالىشى كېرەك....مەسىلەن: 病退 دېگەن شۇغۇ، بەزىلەرنىڭ....

saifulla	2011-09-29 14:19
ئامال يوق يالغان سۆزلەشكە مۇشۇلارنىڭ ئۆزى قىستايدۇ ئادەمنى...بەشىنچى قەۋەتتىكى ئىنكاس ئورۇنلۇق.

دېدار

2011-09-29 17:13

ئىشلىتىش
بۇ مەزمۇن 5قەۋەتتىكى bahadir0996 نىڭ 2011-09-29 13:56 يوللىغان يازمىسىغا نەقىل :
مىنىڭچە بۇ مۇسۇلمان دۆلەتلىرىدىكى مۇسۇلمان ئەللىرىگە قارىتىلغان .چۈنكى ئۇلار نىڭ دۆلىتى ئۇلارنىڭ ھامىيسىدۇر . سىزنىڭ بۇيەردە شەرىئەت كۈچكە ئېگىمۇ ئەمەسمۇ ؟!\
ئاتا ئۆز بالىسغا قۇرئان ئۆگەتسىمۇ "جىنايەت"ھېسابلىنىدىغان يەردە ياشاۋاتىسىز . ئۆزىڭىزگە پايدىلىق پەتۋالارنى ھىچ ئەمىللەشتۈرەلمەيسىز . ......
مىنىڭچە ئېشەكنىڭ بىر تۈكىنى بولسىمۇ يۇڭدىۋېلىش كېرەك .

ھەقېقەتەن دانا پېكېر بوپتۇ.......

$ئۈمىد$

2011-09-29 22:04

خەق بىزنىڭ تىگىمىزدىن چىقىۋاتقان بايلىق بىلەن تەرەققى قىلىپ خېلى بىر يەرگە باردى ، شۇنىڭ بەدىلىگەئەسلىدە ئىشلىمەي يېتىپ يىيىشكە تىگىشلىك خەقتۇق بىز سەئۇدى ، دۇبەي ، قاتارلارنىڭ پۇقرالىرىدەك . ھېلىمۇ يەنە ئىشلەۋاتىمىز ئازغىنە پۇل ئۈچۈن . مىنىڭچە بۇ پەتىۋانى بىزگە تەدبىقلىسا دۇرۇس ئەمەس .

nida0998	2011-09-30 01:07
مۇشۇ پەتىۋاغا چۇشىدىغانلارمۇ ئاز ئەمەس .............

kamal0998

2011-09-30 03:27

ئەسسالامۇ ئەلەيكۇم قېرىنداشلار ھەممىڭلارغا ئامانلىق تىلەيمەن.
قېرىندىشىمىز ھەمزى ئىنىمىزنىڭ ۋاپاتغا ئۇزۇن بولماي تۇرۇپلا خالىغى كىلۋاتىدۇ.
پەتىۋا چىقىرىشقا بىرقىسىم ئىنسانلارنىڭ سالاھىيىتى توشمايدۇ .قىسقىسى چامىمىز يىتىدىغان گەپنى قىلايلى.بەزەنلەرنىڭ نىمىنىڭ ھارام نىمىنىڭ ھالال ئىكەنلىگى توغرىسىدا چۈشەنچىسى كەمچىلدەك تۇردۇ.ئويلۇنۇپراق گەپ قىلايلى.مەن نىمەئىش قىلۋاتىمەن،نېمە يەۋاتىمەن.دېگەننى ئويلاپ باقايلى.گۇمان ئىماننى قاچۇردۇ بىكارغا گۇناھكار بولمايلى قېرىنداشلا.

بىناۋا	2011-09-30 07:13
بۇ دۇنيانىڭ ئۆزى بىر <<يالغان دۇنيا >>تۇرسا!

ئەلى

2011-09-30 09:47

ئەسسالامۇ ئەلەيكۇم
بىزنىڭ ئارىمىزدا شۇنداق كىشىلەر كۆپىيىپ كېتىپ بارىدۇكى،ئىسلامىي ھۆكۈملەرنى ئۆزىنىڭ خاھىشىغا ماسلاشتۇرۇشنى ئويلايدىغان ۋە شۇنىڭغا ئامال ئىزدەيدىغان.بىرەر پەتىۋانى ئىزدەشتىن بۇرۇن كاللىمىزدا شۇ ئېنىق بولۇشى كېرەككى،ماڭا كېرىكى ھەقىقىي ئىسلام ھۆكمىمۇ ياكى مېنىڭ خاھىشىمغا ماس كېلىدىغان ھۆكۈممۇ؟
مەسىلەن ئالايلۇق،بىر كىشى ئۆزىنىڭ بىر ئىشى ئۈچۈن پەتىۋا سورىماقچى،ئۇ ئىشنى قىلسا گۇناھ بولىدۇ،قىلمىسا ئىقتىسادى زىيان بولىدۇ ياكى بولۇشى مۇمكىن.مۇشۇنداق ئەھۋالدا ئۇ كىشى ئۆزىدىكى ئازغىنە ئىماننىڭ تۈرتكىسدە پەتىۋا سورايدۇ،بىراق قەلبىدىكى ئىمان شەيتان ۋەسۋەسىسىدىن ئاجىز ئورۇندا تۇرۇپ قالغاچقا،ئۇ ئىشنى قىلما دەپ پەتىۋا بېرىلسىمۇ،يەنە داۋاملىق باشقىلاردىن پەتىۋا سورايدۇ،تاكى بىرەر بولىدۇ دەپ پەتىۋا چىققۇچە.شۇنىڭ ئۆز كۆڭلىنى خوش ئېتىپ يەنە شۇ ئىشنى قىلىۋېرىدۇ.باھانىنى بولسا شارائىتقا ئارتىپ قويىۋېرىدۇ.بولۇپمۇ تور دۇنياسىدا مۇشۇنداق ئىش بەك تولا~~~

!adiyat	2011-09-30 11:37
تەقۋاغا پەتىۋا كەتمەيدۇ. <ئۆلىمالار پەتىۋا بەرسىمۇ كۆڭلۈڭ تاتقان ئىشنى قىل> مۇشۇنداق بىر ھەددىس بارغۇ دەيمەن ھە!؟

nida0998	2011-09-30 11:55
تەقۋاغا پەتىۋا كەتمەيدۇ. <ئۆلىمالار پەتىۋا بەرسىمۇ كۆڭلۈڭ تاتقان ئىشنى قىل> مۇشۇنداق بىر ھەددىس بارغۇ دەيمەن ھە!؟ ياخشى ئىنكاس.............

كۆكئاي	2011-09-30 15:27
بىلمىسەڭ ئالىملاردىن سورا ، دەپ ئايەت بار.

!adiyat

2011-09-30 16:32

شەيتان   <ئادەمنىڭ  يوللىرىدا  ئولتۇرۋالىمەن>  دەپتىكەن.
ئىشقىلىپ  بىزمۇ  خۇدا  خالىسا  گىرى  ئەمەس...

شەيتان  مەيدەڭنى  تۇتۇپ قاقاقلاپ كۈلمە.
ئالدىڭدا  قىزىرىشتىن  ئارتۇق  كۆرۈمەن  ئۆلۈمنى،
ئامالسىز  قالدۇرمەن دەپ  ئارتۇق  كۆڭۈل  بۆلمە،
ماغدۇر  كەتكۈچە كۆرسۈتۈمەن  كۆرگۈلۈكۈڭنى.

ئىجادىيەت

تاش

2011-09-30 16:46

ئىشلىتىش
بۇ مەزمۇن 17قەۋەتتىكى !adiyat نىڭ 2011-09-30 16:32 يوللىغان يازمىسىغا نەقىل :
شەيتان   <ئادەمنىڭ  يوللىرىدا  ئولتۇرۋالىمەن>  دەپتىكەن.
ئىشقىلىپ  بىزمۇ  خۇدا  خالىسا  گىرى  ئەمەس...

شەيتان  مەيدەڭنى  تۇتۇپ قاقاقلاپ كۈلمە.
ئالدىڭدا  قىزىرىشتىن  ئارتۇق  كۆرۈمەن  ئۆلۈمنى،
.......

بۇ قانداق ئىجادىيەت؟؟؟؟؟؟؟؟؟؟؟؟؟؟؟؟؟ھەي،بۇ لۇتپۇللا مۇتەللىپنىڭ<<يىللارغا جاۋاب>>دېگەن شېئىرىغا قىلىنغان ھاقارەت.بۇندىن كېيىن بۇنداق ئىشنى قىلماڭ!!!!!!!!!!!!!!!!!!بىرچاغلاردا رەھمەتلىك <<ئىز>>دېگەن شېئىرنى مۇشۇنداق ئوزگەرتىش (كومپىيوتىرنىڭ سەۋەبىدىن خاتا يېزىلدى)مۇدا بولۇپ كەتكەن.بۇنداق ئىشنى ئاز قىلايلى.

!adiyat	2011-09-30 17:06
رەھمەتلىك بۇنى كۆرگەن بولسا <ئەجەپ ئوبدان قىپسەن ، مەنمۇ مۇشتا يازغان بوسامچۇ> دەمدۇ؟ سىز قاندا بىلىسىز... يامان كەسكىنغۇ؟ ئادەمگە مەدەنىيەت ئىنقىلابىنى ئەسلىتىپ...

fatih204	2011-09-30 18:59
ئادىيات : ئولىما پەتىۋا بەرسىمۇ كوڭلۇڭ تارتقان ئىشنى قىل ،،، ئۇنىڭدىن پەتىۋا سورىمايلا ياشاۋىرىڭلار ئولىمالارنى ئاۋارە قىلماي ،، بەرىبىر دىنى ھوۇكۇم كوڭۇلگە ياقمىغاننى تاشلايدىغان بىر مىزاجى نەرسە بوپ قالغاندىكىن

muslima32

2011-10-01 02:15

مىنىڭچە ھەر قانداق ئۆزىنى مەن مۇسۇلمان دەپ قارايدىغان ئادەم ئۆزىگە تەئەللۇق بولمىغان نەرسىلەرنىڭ كىلىش مەنبەيى مەيلى قانداق يەردىن كەلسۇن چوقۇم ئۆزىگە تەئە للۇق بولغىنىنى ئېلىش كىرەك يەنىي بۇرۇتتىكى ئاشتا قورساق تويمايدۇ.
قىسقىسى ئۆزىمىزگە يۈز كىلەلىشىمىز كىرەك،

مىھران

2011-10-01 11:47

يالغان ئىسپات چىقارغان دوختۇر يالغانچى بولسا، ئەگەر ياخشى نىيەتنى دەپ چىقارسىچۇ؟ مەن كۆپىنچە شۇنداق ئىشلارغا ئۇچرايمەن، كىسەلنىڭ ئىغىرلىقىنى كۆرۇپمۇ بىر نىمە تەمە قىلغاندەك ئىسپات چىقارمايدىغان دوختۇرلار كۆپ بىزنى ئارىمىزدا!

!adiyat	2011-10-02 11:34
خاتىرجەم بولۇڭ : بۇ گەپ خۇدادىن قورقىدىغان ئادەملەرگە قارىتىلدۇ. خۇدادىن قوققان ئادەم ئۆلىمانىڭ پەتىۋاسىغا چۈشمىسۇ ئاللانىڭ بۇيرىغىدىن چىقمايدۇ.

查看完整版本: [-- يالغاندىن كېسەللىك ئىسپاتى ئېلىش ۋە چىقىرىپ بېرىش --] [-- top --]

Powered by PHPWind v7.3.2 Code © 2003-08 PHPWind
Time 0.091813 second(s),query:3 Gzip enabled

You can contact us