查看完整版本: [-- زاكات ۋە ئۇنىڭ ئەھكاملىرى --]

كەڭ ساي مۇنازىرە مۇنبىرى -> پەندى نەسھەت -> زاكات ۋە ئۇنىڭ ئەھكاملىرى [打印本页] 登录 -> 注册 -> 回复主题 -> 发表主题

nazli0998 2011-08-12 19:48
          زاكات ۋە  ئۇنىڭ ئەھكاملىرى
494.سۇئال  زاكات سۆزىنىڭ مەنىسى  نىمە؟
جاۋاپ   زاكات _ لۇغەت ئىتىبارى بىلەن پاكلاش ۋە ئۆستۇرۇش دىگەن مەنىلەرنى ئىپادىلەيدۇ .زاكاتنىڭ
ئىسلام ئىستىلاھىدىكىمەنىسى:مەخسۇس شەرتلەرگە ئاساسەن ،مۇئەييەن مىقداردىكى مالنى ھەقلىق بولغان شەخىسلەرگە  تاپشۇرۇش دىمەكتۇر .
زاكات بىرىدىغان كىشىلەر ۋە ئۇنىڭ ئۆلچىمى
قانداق كىشىلەرگە زاكات پەرز بولىدۇ؟
زاكات تۆۋەندىكى شەرتلەرگە توشقان كىشىلەرگەپەرز بولىدۇ:
(1)مۇسۇلمان بولىشى .
(2)بالاغەتكە يەتكەن بولىشى.
(3)ئەقل_ھوشى جايىدا بولىشى .
(4) پۇلى- مىلى زاكات بىرىش مىقدارىغا يەتكەن بولىشى .
(5)پۇلى-مالغا ئىگە بولغىنىغا بىر يىل توشۇشى.
(6)قەرىزدار بولماسلىقى(ئەگەرئۆزىنىڭ زاكات كەلگۈدەك پۇلى-مىلى بار تۇرۇپ ،تىجارەت قىلىش مەقسىتىدە قەرىز ئالغان بولسا،ئۆزىنىڭ ئىگىدارچىلقى بولغان پۇلدىن زاكات بىرىدۇ .)
پۇل -مالنىڭ زاكات مىقدارىغا يىتىش ئۆلچىمى نىمە؟
پۇل-مالنىڭ زاكاتقا  يىتىشى ئۆلچىمى 85 گىرامما ئالتۇن ياكى ئۇنىڭ خەلىق پۇلىدىكى قىممىتىدۇر ،يەنى بىراۋ ئۆزىنىڭ ۋە ئائىلىسىنىڭ ئىھتىياجىدىن تاشقىرى ئەڭ ئاز دىگەندە 85 گىرامما ئالتۇن كەلگىدەك پۇل-مالغا ئىگە بولغان بولسا،ئۇ كىشىنىڭ  زاكات ئايرىشى پەرزدۇر.
زاكات كىلىدىغان ماللار
زاكاتقا كىلىدىغان ماللار قايسىلار؟
(1) نەق پۇل
(2) تىجارەت ماللىرى
(3)ئاشلىق ۋە كۆكتاتلار
(4) چارۋا ماللار
(5) يەر ئاستى بايلىقىلىرى  
(6)دىڭىز بايلىقلىرى
(7) شىركەت ھەسىسدارلىقى
نەق پۇلنىڭ زاكىتى
نەق پۇلدىن قانچىلىك زاكات بىرىلىدۇ؟
ئالتۇن، كۈمۈش ،يۈەن،تەڭگە ، سوم،رىيال،دوللارۋە باشقا خەلەق پۇللىرى قاتارلىق نەق پۇلنىڭ زاكات مىقدارى
 2.5%(يۈزدىن ئىككى يىرىم پىرسەنىت)تۇر . يەنى نورمال ئائىلە ئىھتىياجىنىڭ سىرتىدا 21ئىيارلىق ئالتۇندىن  85 گىرامما ئالتۇن ياكى 595گىرامما كۈمۈش ياكى بۇنىڭ قىممىتىدە نەق پۇلى بولغان كىشىنىڭ ئومومى نەق پۇلىدىن
 2.5%نى زاكاتقا بىرىش پەرزدۇر.
تىجارەت ماللىرىدىن قانچىلىك زاكات بىرىدۇ؟
تىجارەت ماللىرىنى نەق پۇلغا سۇندۇرۇپ ، ئومومى مىقدارىدىن 2.5%ى زاكات بىرىدۇ.
چارۋا ماللىرى قايسىلار؟
چارۋا ماللىرىدىن تۆگە ،ئات، كالا، قوي ،ۋە ئۆچكە قاتارلىق گۈشى يىيىلىدىغان ھايۋانلار كۆزدە تۇتىلىدۇ.
چارۋا ماللارغا زاكات كىلىشنىڭ شەرتى نىمە؟
(1)يىلنىڭ ھەممىسىدە ياكى ئۇنىڭ كۆپىرەكىدە يايلاقلارغا قۇيۇپ بىرىپ بىقىلغان بولىشى .
(2) ئىگىسىنىڭ مۈلىكىگە ئۆتكىنىگە تولۇق بىر يىل توشقان  بولۇشى .
(3)زاكاتنىڭ پەرىز بولۇشى ئۈچۈن بەلگىلەنگەن ئۆلچەمگە يەتكەن بۇلىشى .
تۆگىنىڭ زاكات مىقدارى قانچىلىك؟
سانى 5 كە يەتمىگەن تۆگىگە زاكاتقا كىرمەيدۇ . تگىنىڭ سانى 5كە يەتكەندە ،ئۇنڭدىن بىر قوي ،ئونغا يەتكەندە ئىككى قوي،بەشتىن يىگىرمىگىچە ھەربىر بەش تۆگە ئۈچۈن بىردىن قوي زاكات بىرىدۇ . تۆگىنىڭ سانى 25تىن ئاشقاندىن كىيىن  ئەھۋال باشقىچە بولىدۇ.
كالىنىڭ زاكات مىقدارى قانچىلىك؟
كالىنىڭ سانا 30 غا يەتمىگىچىلىك زاكاتقا كىرمەيدۇ . كالا سانى 30 غا  يەتسە ، ئۇنىڭدىن 2 ياشلىق كالىدىن بىر كالا زاكات  بىرىدۇ .
قوينىڭ زاكات مىقدارى قانچىلىك؟
سانى 40 قا يەتمىگەن قويلارغا زاكات كەلمەيدۇ . قويلار سانى 40 قا يەتسە بىر قوي زاكات بىرىدۇ .40تىن120 گىچىلىك ئەھۋال شۇنداق بولىدۇ.
ئۆيدە بىقىلغان ياكى بوداپ سىتىش ئۈچۈن تۇتۇلغان چارۋا مالنىڭ زاكىتى قانچىلىك؟
مۇنداق چارۋا مالنىڭ زاكىتى نەق پۇل ھىساۋىدا بىرىلىدۇ .يەنى ماللارنى نەق پۇلغا سۇندۇرۇپ ، ئۇنىڭدىن
2.5%ى زاكاتقا بىرىلىدۇ.
ئاشلىق زىرائەتلەرنىڭ زاكىتى قانچىلىك؟
ئاشلىق ۋە زىرائەتلەر (مىۋە- كۆكتاتلار )يامغۇر سۈيى بىلەنلا سۇغۇرۇلغان بولسا ئۇنىڭدىن 10% ى ئەگەر ئادەم كۈچى بىلەن سۇغۇرۇلغان بولسا ئۇنىڭدىن 5% ى ئەگەر يامغۇر سۈيى ھەم ئادەم كۈچى بىلەن سۇغۇرۇلغان بولسا ئۇنىڭدىن 7.5% زاكات  بىرىلىدۇ .
شىركەت ھەسىدارلىقىدىن قانچىلىك زاكات بىرىلىدۇ ؟
ھەرقانداق شىركەتكە ھەسسىدار بۇلۇپ ئۇنىڭغا پاي سالغان كىشىنىڭ يىل ئاخىرىدىكى نەق پۇل ھىساۋى بويىچە
2.5%ى زاكات بىرىش پەرز دۇر.
زاكات كەلمەيدىغان نەرسىلەر قايسىلار؟
(1) ئولتۇرۋاتقان ئۆيلەر .
(2) ئىشلىتىۋاتقان ئۆي ئەشيالىرى.
(3) كىيىلگەن كىيىم كىچەكلەر
4)ئائىلىنىڭ يىيىش ئۈچۈن توپلىغان ئوزۇقلىرى .
(5)ئىشلىىۋاتقان ماشىنا .
(6) كىشىنىڭ ئۆز كەسپى ئۈچۈن كىرەكلىك سايمانلار ،ئەشيالار .
(7) زىننەت ئۈچۈن ۋە ئاياللارنىڭ ئىھتىياجى ئۈچۈن تۇتۇلغان ھەرقانداق نەرسىلەر گە  زاكات كەلمەيدۇ .
ئەمما نەق پۇل ئورنىدا ساقلانغان ئالتۇن كۈمۈشكە، قاشتىشىغا شۇنداقلا پۇلغا يارايدىغان ئىھتىياجى سىرتىدىكى
ھەرقانداق قىممەتلىك نەرسىلەرگەزاكات كىلىدۇ.
زاكات كىملەگە بىرىلىدۇ؟
(1)پىقىرلارغا
(2)مىسكىنلەرگە ( ھىچ نەرسىسى يوق كىشىلەرگە)
(3)قەرىزدارلارغا
(4)ئاللاھنىڭ يولىدىكى مۇجاھىدلارغا ۋە ئىلىم تەھسىل قىلىۋاتقانلارغا ،
(5)يولدا قالغان پۇلسىز مۇساپىرلارغا
(6)زاكات توپلاشقا مەسئۇل بولغان زاكات خادىملىرىغا .
(7)قۇللارنىڭ ئازادلىقى ئۈچۈن
(8) كۆڭۈللىرىنى ئىسلامغا مايىل قىلىش كۆزدە تۇتۇلغانلارغا بىرىلىدۇ.
زاكات كىملەرگە بىرىلمەيدۇ؟
(1)بايلارغا
(2) كۇففارلارغا
(3)زاكات بەرگۈچىنىڭ ئاتا-ئانىلىرىغا ، بوۋا مومىلىرىغا
(4) زاكات بەرگۈچىنىڭ باللىرىغا، نەۋرىلىرگە، چەۋرىلىرگە
(5) زاكات بەرگۈچىنىڭ جورىسىغا بىرىلمەيدۇ ،يەنى ئەرنىڭ ئايالىغا، ئايالىنىڭ ئىرىگە زاكات بىرىشى دۇرۇس
ئەمەس ، بەرگەندىمۇ ئادا تاپمايدۇ.

مەنبە: دىن ۋە ھايات (1600سۇئالغا جاۋاپ)  دىگەن كىتاپتىن ئىلىندى .

nazli0998 2011-08-12 23:57
مەرھۇم  ھەمزە  قىرىندىشىمىز  بۇ  كىتاپنى بىزلەرگە تەۋسىيە قىلغان  ئىدى .بىلوگىدىمۇ بار ئىدى
ھازىر بىلوگى تاقىلىپ قاپتۇ. لىكىن  بۇ تور بىكتىدە بار ئىكەن ،قالغان تەپسىلاتىلىرىنى مۇشۇ يەردىن
چۈشۈرۈپ كۆرگەيسىلەر.
http://ishare.iask.sina.com.cn/f/14589947.html

sad~da 2011-08-13 00:55
567. ئەبۇ سەئىد رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «200 دەرﻫەمنىڭ تۆۋىنىگە زاكات كەلمەيدۇ. 5 تۆگىدىن تۆۋەنگە زاكات كەلمەيدۇ ۋە (خورما، دانلىق زىرائەتلەرگە) بەش ۋەسەق نىڭ تۆۋىنىگە زاكات كەلمەيدۇ»
— ئىمام بۇخارى، ئىمام مۇسلىم توپلىغان.


568. ئەبۇ ﻫۇرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «مۇسۇلمانلارنىڭ مىنىدىغان ئېتىغا ۋە چاكارلىرىغا زاكات كەلمەيدۇ». — ئىمام بۇخارى، ئىمام مۇسلىم توپلىغان.

1.زاكاتنى بېرىش ۋە بەرمەسلىك توغرىسىدا

569. ئەبۇ ﻫۇرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام زاكات بېرىشكە بۇيرۇدى. پەيغەمبەر ئەلەيـﻫىسسالامغا: ئىبنى جەمىل، خالد ئبنى ۋەلد، ئابباس ئىبنى ئابدۇلمۇتەللىب زاكات بەرمىدى، دېيىلدى. پەيغەمبەر ئەلەيﻬىسسالام مۇنداق دېدى: «ئىبنى جەمىلنىڭ بەرمەسلىكىدىكى سەۋەب ئۇ كەمبەغەل ئادەم ئىدى. ئىبنى جەمىلنى ئاللاﻫ ۋە ئاللاﻫنىڭ رەسۇلى باي قىلدى، ئەمدى ئاللاﻫ بەرگەندىن بىرىشى كېرەك. خالدقا كەلسەك ئۇنىڭدىن زاكات ئالىمەن دېسەڭلار زۇلۇم قىلغان بولۇسىلەر. خالىد ئۆزىنىڭ دوبۇلغا-ساۋۇتلىرىنى، قورال-ياراغلىرىنى ئاللاﻫ يولىدا ئاتىۋەتكەن. ئەمما، ئابباس ئىبنى ئابدۇلمۇتەللىب پەيغەمبەر ئەلەيـﻫىسسالامنىڭ تاغىسىدۇر، ئۇ سەدىقە بېرىشى، ﻫەسسىلەپ بىرىشى كېرەك». — ئىمام بۇخارى، ئىمام مۇسلىم توپلىغان.

2.مۇسۇلمانلارغا خورما ۋە ئارپىدىن كېلىدىغان فىتىر سەدىقىسى توغرىسىدا

570. ئىبنى ئۆمەر رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇسۇلمانلاردىن ئەر بولسۇن، ئايال بولسۇن، ﻫۆر بولسۇن، قۇل بولسۇن ﻫەرقاندىقىغا خورمىدىن بىر سا، ئارپىدىن بىرسا ، فىتىر سەدىقىسى بېرىشنى پەرز قىلدى. — ئىمام بۇخارى، ئىمام مۇسلىم توپلىغان.


571. ئابدۇللاﻫ ئىبنى ئۆمەر رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام خورمىدىن بىر سا، ئارپىدىن بىر سا سەدىقە فىتىر بېرىشكە بۇيرىدى. ئابدۇللاﻫ مۇنداق دېدى: خالايىقلار خورما بىلەن ئارپىنىڭ ئورنىدا بۇغدايدىن ئىككى مۇد بەردى.
ئىمام بۇخارى، ئىمام مۇسلىم توپلىغان.


572. ئەبۇ سەئىد رەزىيەللاﻫۇ ئەنﻬۇ مۇنداق دەيدۇ: بىز فىتىر زاكىتىنى تائامدىن بىر سا، ئارپىدىن بىرسا، خورمىدىن بىر سا، قۇرۇتتىن بىر سا، قۇرۇق ئۈزۈمدىن بىر سا بېرەتتۇق.
— ئىمام بۇخارى، ئىمام مۇسلىم توپلىغان.


573. ئەبۇ سەئىد رەزىيەللاﻫۇ ئەنﻬۇ مۇنداق دەيدۇ: بىز پەيغەمبەر ئەلەيـﻫىسسالامنىڭ زامانىسىدا، بىر سا بۇغداي، بىر ساخورما، بىر سا ئارپا، بىرسا قۇرۇق ئۈزۈم سەدىقە فىتىر بېرەتتۇق. مۇئاۋىيە رەزىيەللاﻫۇ ئەنﻬۇ زامانىسىدا شامنىڭ بۇغدايلىرى كەلدى. مۇئاۋىيە شامنىڭ بۇغدايلىرىدىن بىر مۇدنى يەرلىك بۇغداينىڭ ئىككى مۇدىغا باراۋەر قىلدى. — ئىمام بۇخارى، ئىمام مۇسلىم توپلىغان.


3.زاكاتنى بەرمىگەن كىشىنىڭ گۇناﻫى توغرىسىدا

574. ئەبۇ ﻫۇرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «ئات ئۈچ خىل ئىش ئۈچۈن بېقىلىدۇ. بىرىنچى، باققۇچىغا ئەجىر بېرىلىدىغان ئات. ئىككىنچىسى، باققۇچىغا پەردە بولىدىغان ئات. ئۈچىنچى، باققۇچىغا گۇناﻫ بولىدىغان ئات. باقسا ئىگىسىگە ئەجىر بولىدىغان ئات ئىگىسى ئاتنى ئاللاﻫ يولىدا يايلاققا ئۇزاق ئارغامچا بىلەن باغلاپ قويسا، ئۇ ئات شۇ ئارغامچا بىلەن يايلىسا ئۇ ئادەم ئۈچۈن ساۋاب بولىدۇ. ئەگەر ئارغامچىنى ئۈزۈۋېتىپ بىر ياكى ئىككى دۆڭگە ئۆتسە، ئۇ ئاتنىڭ تەرەت ۋە ئىزلىرى ئۇ ئادەم ئۈچۈن ساۋاب بولىدۇ. ئەگەر ئۇ ئادەم ئاتنى سوغىرىشنى ئىرادە قىلماي، ئۇ ئات ئۆزى ئۆستەڭنىڭ بويىغا بېرىپ سۇ ئىچىسە، بۇمۇ شۇ ئادەمگە ساۋاب بولىدۇ. يەنە بىرسى، بىر ئادەم پەخر، رىيا ۋە مۇسۇلمانلارغا ئاداۋەت قىلىپ باققان ئات. ئۇ ئادەمگە گۇناﻫ بولىدۇ. رەسۇلۇللاﻫتىن ئېشەك ﻫەققىدە سورالغاندا چاغدا، مۇنداق دېدى: «ماڭا قىسقا، مەزمۇنى مول، ﻫەممىنى ئۆز ئىچىگە ئالغان مۇنۇ ئايەت نازىل بولدى: ﴿كىمكى زەررىچىلىك ياخشىلىق قىلىدىكەن، ئۇنىڭ مۇكاپاتىنى كۆرىدۇ، كىمكى زەررىچىلىك يامانلىق قىلىدىكەن، ئۇنىڭ جازاسىنى كۆرىدۇ﴾.
— ئىمام بۇخارى، ئىمام مۇسلىم توپلىغان.

4.زاكاتنى بەرمىگەن كىشىنىڭ ئازابىنىڭ ئېغىرلىقى توغرىسىدا

575. ئەبۇ زەر رەزىيەللاﻫۇ ئەنﻬۇ مۇنداق دەيدۇ: مەن پەيغەمبەر ئەلەيـﻫىسسالامنىڭ قېشىغا باردىم. پەيغەمبەر ئەلەيﻬىسسالام كەئبنىڭ سايسىدامۇنداق دەۋاتقانكەن: «كەئبنىڭ رەببى بىلەن قەسەم، ئۇلار زىيان تارتقۇچىلاردۇ. كەئبنىڭ رەببى بىلەن قەسەم، ئۇلار زىيان تارتقۇچىلاردۇر»، دېدى. مەن پەيغەمبەر ئەلەيـﻫىسسالامدىن سورىدىم: مېنىڭ ﻫالىم قانداق؟ مېنىڭ ﻫالىم ﻫەققىدە بىر نەرسە كۆرۈلدىمۇ؟ مېنىڭ ﻫالىم قانداق؟ مەن پەيغەمبەر ئەلەيـﻫىسسالامنىڭ يېنىدا ئولتۇردىم. پەيغەمبەر ئەلەيﻬىسسالام ﻫېلىقى سۆزىنى تەكرارلاۋاتاتتى. مەن جىم تۇرالمىدىم. شۇنىڭ بىلەن يا رەسۇللا! ئاتا-ئانام ساڭا پىدا بولسۇن، زىيان تارتقۇچىلار كىم؟ دېدىم. پەيغەمبەر ئەلەيﻬىسسالام: «ئۇلار باي كىشىلەردۇر، لېكىن ئازدۇر-كۆپتۇر سەدىقە قىلغان كىشىلەر ئۇنىڭ سىرتىدا»، دېدى. — ئىمام بۇخارى، ئىمام مۇسلىم توپلىغان.


576. ئەبۇ زەر رەزىيەللاﻫۇ ئەنﻬۇ مۇنداق دەيدۇ: مەن پەيغەمبەر ئەلەيـﻫىسسالامنىڭ يېنىغا كەلدىم. پەيغەمبەر ئەلەيﻬىسسالام مۇنداق دېدى: «ئاللاﻫ بىلەن قەسەمكى، ئەگەر بىر كىشىنىڭ تۆگىسى، يا كالىسى، يا قويى بولۇپ، ﻫەققىنى ئادا قىلمىسا، قىيامەت كۈنى چوڭ، سېمىز ﻫالەتتە، تۇۋاقلىرى بىلەن ئۇ ئادەمنى دەسسەيدۇ، مۈڭگۈزى بىلەن ئۈسىدۇ. ئەگەر ئالدىدىكىلىرى ئۆتۈپ بولسا ، كەينىدىكىلىرى كېلىدۇ. كىشىلەر ئارىسىدا ﻫۆكۈم چىقىرىلىپ بولغۇچىلىك شۇنداق ئازابلىنىدۇ». — ئىمام بۇخارى، ئىمام مۇسلىم توپلىغان.

5.سەدىقىگە قىزىقتۇرۇش توغرىسىدا

577. ئەبۇ زەر رەزىيەللاﻫۇ ئەنﻬۇ مۇنداق دەيدۇ: مەدىنىنىڭ سايلىقىدا پەيغەمبەر ئەلەيﻬىسسالام بىلەن كېچىسى بىللە ماڭدىم. ئۇﻫۇد تېغىغا كەلدۇق. پەيغەمبەر ئەلەيﻬىسسالام مۇنداق دېدى: «ئۇﻫۇد تېغىنىڭ ئالتۇنغا ئايلىنىپ، قەرز قايتۇرۇش ئۈچۈن ئېلىپ قالغان ئۈچ دىناردىن باشقا دىنارلارنى ، ئاللاﻫنىڭ بەندىلىرىگە سەدىقە قىلىپ تارقىتىۋەتمەستىن، قېشىمدا بىر كېچە تۇتۇپ قېلىشنى خالىمايمەن». ئاندىن كېيىن: «ئەي ئەبۇ زەر»، دېدى. مەن: خىزمەتلىرىگە تەييارمەن يا رەسۇلۇللاﻫ، دېدىم. پەيغەمبەر ئەلەيﻬىسسالام: «باي كىشىلەرنىڭ ساۋابى ئازدۇر، لېكىن ئازدۇر-كۆپتۇر سەدىقە قىلغان بايلار بۇنىڭ سىرتىدا»، دېدى. ئاندىن كېيىن ماڭا: «ئورنىڭىدا مەن كەلگىچە جىم تۇر»، دەپ مەندىن يېراقلاشتى. مەن بىر ئاۋاز ئاڭلىدىم. مەن پەيغەمبەر ئەلەيـﻫىسسالامنىڭمۇ مۇشۇ ئاۋازغا دۇچ كەلگەن بولۇشىدىن ئەنسىرەپ بارماقچى بولدۇم. پەيغەمبەر ئەلەيـﻫىسسالامنىڭ: «مىدىرلىما»، دېگەن گىپىنى يادىمغا كەلتۈرۈپ جايىمدا جىم تۇردۇم. پەيغەمبەر ئەلەيﻬىسسالام قايتىپ كەلگەندە، مەن: يا رەسۇلۇللاﻫ، مەن بىر ئاۋاز ئاڭلىغانىدىم، سېلىنىڭ شۇ ئاۋازغا دۇچ كەلگەن بولۇشلىرىدىن ئەنسىرىدىم. ئاندىن گەپلىرىنى ئىسىمگە ئېلىپ ئورنىمدىن مىدىرلىمىدىم. پەيغەمبەر ئەلەيﻬىسسالام: «ئۇ جىبرىئىل، قېشىمغا كېلىپ مېنىڭ ئۈممىتىمدىن ئاللاﻫغا ﻫېچقانداق شېرىك كەلتۈرمەي ئۆلۈپ كەتكەن كىشى جەننەتكە كىرىدۇ، دەپ خەۋەر بەردى»، دېدى. مەن: يا رەسۇلۇللاﻫ، ئەگەر زىنا قىلغان بولسىمۇ، ئوغرىلىق قىلغان بولسىمۇ جەننەتكە كىرەمدۇ؟ دەپ سورىدىم. پەيغەمبەر ئەلەيﻬىسسالام: «ﻫەئە، زىنا قىلغان بولسىمۇ، ئوغرىلىق قىلغان بولسىمۇ، جەننەتكە كىرىدۇ»، دېدى.
— ئىمام بۇخارى، ئىمام مۇسلىم توپلىغان.


578. ئەبۇ زەر رەزىيەللاﻫۇ ئەنﻬۇ مۇنداق دەيدۇ: بىر كېچىسى سىرتقا چىقتىم، پەيغەمبەر ئەلەيﻬىسسالام قېشىدا بىرمۇ ئادەم يوق ئۆزى يالغۇز ماڭغانىكەن. پەيغەمبەر ئەلەيـﻫىسالام ئۆزى بىلەن بىر كىشىنىڭ بىرگە مېڭىشىنى خالىمغان ئوخشايدۇ، دەپ گۇمان قىلدىم. مەن ئاينىڭ شولىسىدا ماڭدىم، پەيغەمبەر ئەلەيﻬىسسالام مېنى كۆرۈپ قېلىپ:«كىم سەن؟» دېدى. مەن: مەن ئەبۇ زەر، جېنىم ساڭا پىدا بولسۇن، دېدىم. پەيغەمبەر ئەلەيﻬىسسالام: «كەلگىن ئەي ئەبۇ زەر»، دېدى. مەن پەيغەمبەر ئەلەيﻬىسسالام بىلەن بىر سائەت بىللە ماڭدىم. پەيغەمبەر ئەلەيﻬىسسالام: «باي كىشىلەرنىڭ قىيامەت كۈنى ساۋابى ئاز بولىدۇ. پەقەت ئاللاﻫ كۆپ مال بەرگەن، ئۇ مالنى ئوڭ تەرىپىدىنمۇ، سول تەرىپىدىنمۇ، ئالدىدىنمۇ، كەينىدىنمۇ سەدىقە قىلغان، ئۇ كۆپ مال ئارقىلىق نۇرغۇن ياخشى ئىشلارنى قىلغان كىشى بۇنىڭ سىرتىدا»، دېدى. پەيغەمبەر ئەلەيﻬىسسالام بىلەن بىردەم ماڭدىم، ئۇ ماڭا: «مۇشۇ يەردە ئولتۇرغىن»، دەپ، مېنى ئەتراپى تاشلىق تۈز بىر يەردە ئولتۇرغۇزۇپ قويۇپ: «مەن قايتىپ كەلگىچە مىدىرلىماي ئولتۇرغىن»، دېدى. پەيغەمبەر ئەلەيﻬىسسالام يۈرۈپ كەتتى. سايلىقتا قارىسىنى كۆرمىدىم. خېلى ئۇزاقغىچە قايتىپ كەلمىدى. ئاندىن پەيغەمبەر ئەلەيـﻫىسسالامنىڭ مەن تەرەپكە كىلىۋېتىپ: «زىنا قىلغان بولسىمۇ...، ئوغرىلىق قىلغان بولسىمۇ...»، دەۋاتقانلىقىنى ئاڭلىدىم. پەيغەمبەر ئەلەيﻬىسسالام قايتىپ كەلگەندە مەن ئۆزۈمنى تۇتۇۋالالماي: ئى ئاللاﻫنىڭ پەيغەمبىرى، ئاللاﻫ مېنى ساڭا پىدا قىلسۇن، سايلىقتا كىمگە گەپ قىلىۋاتىسەن، ئۇ يەردە بىرەر ئادەمنىڭ ساڭا جاۋاب بەرگەنلىگىنى ئاڭلىمىدىمغۇ؟ دېدىم. پەيغەمبەر ئەلەيﻬىسسالام مۇنداق دېدى: «ئۇ جىبرىئىل ئەلەيـﻫىسسالامدۇر، ئۇ سايلىقتا ماڭا ئۇچرۇشۇپ، ماڭا: ئۈممىتىڭگە سىلەردىن كىمكى ئاللاﻫقا ﻫېچ نەرسىنى شېرىك كەلتۈرمەي ئۆلسە، جەننەتكە كىرىدۇ، دەپ خۇش خەۋەر بەرگىن دېدى. مەن: ئى جىبرىئىل، ئوغرىلىق قىلغان بولسىمۇ، زىنا قىلغان بولسىمۇ جەننەتكە كىرەمدۇ؟ دېسەم، ئۇ: ﻫەئە، ئوغرىلىق قىلغان بولسىمۇ ، زىنا قىلغان بولسىمۇ جەننەتكە كىرىدۇ، ئەگەر ﻫاراق ئىچسىمۇ جەننەتكە كىرىۋىرىدۇ دېدى». — ئىمام بۇخارى، ئىمام مۇسلىم توپلىغان.

6.مالنى توپلىغۇچىلار ۋە ئۇلارغا قاتتىق بولۇش توغرىسىدا

579. ئەﻫنەپ ئىبنى قەيس رەزىيەللاﻫۇ ئەنﻬۇ مۇنداق دەيدۇ: قۇرەيشلىك بىر توپ جامائەت بىلەن ئولتۇراتتىم. چېچى، كىيىمى، تۇرقى رەتسىز بىر كىشى ئۇلارنىڭ يېنىغا كېلىپ سالام بەردى. ئاندىن مۇنداق دېدى: مالنىڭ زاكىتىنى ئادا قىلماي، توپلىغۇچىلار ئۈچۈن دوزاخ ئوتىدا قىزىتىلىغان تاش بىلەن بېشارەت بەرگىن: تاش ئۇ كىشىنىڭ كۆكسىدىن كىرىپ تارغىقىدىن چىقىدۇ. دولىسىنىڭ ئۇستىخا-نلىرىدىن كىرىپ، كۆكسىدىن چىقىدۇ. ئۇ ئادەم تىترەپ كېتىدۇ، دېدى-دە، تۈۋرۈكنىڭ قېشىغا بېرىپ ئولتۇردى. مەن ئۇنىڭغا ئەگىشىپ يېقىن ئولتۇردۇم. مەن ئۇنىڭ كىم ئىكەنلىكىنى بىلمەيتتىم. مەن ئۇنىڭغا: جامائەت سېنىڭ گېپىڭنى ئانچە ياقتۇرمىدى، دېدىم. ئۇ كىشى: ئۇلار بىر ئىشنى ئويلىيالمايدۇ، بۇنى ماڭا سەمىمىي دوستۇم دەپ بەرگەن دېدى. مەن: سېنىڭ سەمىمىي دوستۇڭ كىم؟ دېدىم. ئۇ كىشى: پەيغەمبەر ئەلەيـﻫىسسالامدۇر. پەيغەمبەر ئەلەيﻬىسسالام: «ئى ئەبۇ زەر، ئۇﻫۇد تېغىنى كۆردۈڭمۇ؟» دېدى. مەن كۈنگە قارىدىم. خېلى يورۇق ئىكەن. مەن پەيغەمبەر ئەلەيﻬىسسالام مېنى بىر ئىشقا ئەۋەتىدۇ، دەپ ئويلاپ: ﻫەئە، دېدىم. پەيغەمبەر ئەلەيﻬىسسالام: «مېنىڭ ئۇﻫۇدتەك ئالتۇنۇم بولسىمۇ، ئۈچ دىنارنى ئېلىپ قېلىپ، قالغان ﻫەممىسىنى سەدىقە قىلىۋېتەتىم»، دېگەنىدى. ئەبۇ زەر: چوقۇمكى ئۇلار ئويلىمايدۇ، دۇنيا توپلايدۇ. ئاللاﻫ بىلەن قەسەمكى، ئۆلۈپ كەتكۈچە ئۇلاردىن دۇنيامۇ سورىمايمەن، پەتىۋامۇ سورىمايمەن، دېدى. — ئىمام بۇخارى، ئىمام مۇسلىم توپلىغان.

7.نەپىقە بېرىشكە قىزىقتۇرۇش، نەپىقە بەرگۈچىگە بېرىلىدىغان مۇكاپات توغرىسىدا

580. ئەبۇ ﻫۇرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «شانۇ-شەۋكەتلىك ئاللاﻫ: سەن بەرسەڭ، ساڭا مەن بېرىمەن، دېدى. ئاللاﻫنىڭ خەزىنىسى چەكسىزدۇر، بەرگەنگە تۈگىمەيدۇ. ئاللاﻫ كېچە-كۈندۈز ئىنئام قىلىپ تۇرىدۇ. ئويلاپ باقمامسىلەر؟ ئاللاﻫ ئاسمان-زېمىننى ياراتقاندىن تارتىپ ئىنئام قىلىپ كېلىۋاتىدۇ. ئاللاﻫنىڭ قولىدىكى نەرسە كېمىيىپ قالمىدى. ئاللاﻫنىڭ ئەرشى سۇنىڭ ئۈستىدە، تارازا ئاللاﻫنىڭ قولىدا، گاﻫى ئېگىز قىلىدۇ، گاﻫى تۆۋەن قىلىدۇ». — ئىمام بۇخارى، ئىمام مۇسلىم توپلىغان.

8.سەدىقىنى ئالدى بىلەن ئۆزىگە، ئاندىن ئائىلە-تاۋابىئاتلىرىغا، ئاندىن ئۇرۇق-تۇغقانلىرىغا بېرىش توغرىسىدا

581. جابىر رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيـﻫىسسالامغا بىر ساﻫابىنىڭ قۇلىغا مەن ئۆلگەندىن كېيىن سەن ئازاد، دېگەنلىكى خەۋەر قىلىندى. بۇ ساﻫابىنىڭ بۇ قۇلىدىن باشقا ﻫېچقانداق مال-مۈلكى يوق ئىدى. پەيغەمبەر ئەلەيﻬىسسالام ئۇ قۇلنى سەككىز يۈز دىرﻫەمگە سېتىپ، پۇلىنى ئۇ ساﻫابىگە ئەۋەتىپ بەردى.
— ئىمام بۇخارى، ئىمام مۇسلىم توپلىغان.

9.گەرچە مۇشرىك بولسىمۇ يېقىنلىرىغا، ئاياللىرىغا، ئاتا-ئانىلارغا سەدىقە، نەپىقە بېرىشنىڭ پەزىلىتى توغرىسىدا

582. ئەنەس رەزىيەللاﻫۇ ئەنﻬۇ مۇنداق دەيدۇ: ئەبۇ تەلﻬەنىڭ ئەنسارلار ئىچىدە مەدىنىدە خورمىلىق بېغى كۆپ ئىدى، ئەبۇ تەلﻬەنىڭ ئەڭ ياخشى كۆرىدىغان بېغى مەسجىدنىڭ ئۇدۇلىدىكى «بەيرۇﻫا» دېگەن باغ ئىدى، پەيغەمبەر ئەلەيﻬىسسالام باغقا كىرەتتى، سۈزۈك سۇلاردىن ئىچەتتى. ئەنەس مۇنداق دەيدۇ: ﴿ئۆزۈڭلار ياخشى كۆرگەن نەرسىلەرنى سەدىقە قىلمىغۇچە، ياخشىلىققا ئېرىشەلمەيسىلەر...﴾ ، دېگەن ئايەت نازىل بولغاندا، ئەبۇتەلﻬە ئورنىدىن تۇرۇپ: ئى رەسۇلۇللاﻫ، مېنىڭ مېلىمنىڭ ئەڭ ياخشىسى بەيرۇﻫادۇر، ئۇنى ئاللاﻫ ئۈچۈن سەدىقە قىلدىم. ئۇنىڭ ساۋابىنى ئاللاﻫنىڭ ﻫۇزۇرىدىن ئۈمىد قىلىمەن. ئۇنى ئاللاﻫ كۆرسەتكەن ئۇرۇنغا قويسىلا، دېدى. پەيغەمبەر ئەلەيﻬىسسالام: «پاﻫ! بۇ باغ قۇت ئاتتى، بۇ باغ قۇت ئاتتى (پايدا يەتكۈزگۈچى مال)، دېمەكچى بولغىنىڭنى بىلدىم، مەن ئۇنى يېقىن تۇغقانلىرىڭغا سەدىقە قىلىشىڭىنى توغرا كۆرىمەن»، دېدى. ئەبۇ تەلﻬە: يا رەسۇلۇللاﻫ، شۇنداق قىلاي، دەپ، ئۇ باغنى يېقىن تۇغقانلىرىغا ۋە تاغىسىنىڭ بالىلىرىغا بۆلۈپ بەردى. — ئىمام بۇخارى، ئىمام مۇسلىم توپلىغان.


583. پەيغەمبەر ئەلەيـﻫىسسالامنىڭ ئايالى مەيمۇنە رەزىيەللاﻫۇ ئەنﻬا بىر كېنىزىكىنى ئازاد قىلغاندا، پەيغەمبەر ئەلەيﻬىسسالام مەيمۇنەگە: «ئەگەر ﻫاممىلىرىڭىزغا بەرگەن بولسىڭىز ئەجىرىڭىز چوڭ بولاتتى»، دېدى. — ئىمام بۇخارى، ئىمام مۇسلىم توپلىغان.


584. ئابدۇللاﻫنىڭ ئايالى زەينەب رەزىيەللاﻫۇ ئەنﻬا مۇنداق دەيدۇ: مەن مەسجىدتە پەيغەمبەر ئەلەيـﻫىسسالامنى كۆردۈم، پەيغەمبەر ئەلەيﻬىسسالام: « زىبۇ-زىننىتىڭلاردىن بولسىمۇ، سەدىقە قىلىڭلار»، دېدى. مەن يېتىملارغا نەپىقە بېرەتتىم. ئابدۇللاﻫقا: پەيغەمبەر ئەلەيـﻫىسسالامدىن سىزگە ۋە قول ئاستىمدىكى يېتىملارغا نەپىقە بەرسەم، سەدىقە ئادا بولامدۇ؟ دەپ سوراڭ، دېسەم، ئابدۇللاﻫ: سىز ئۆزىڭىز سوراڭ، دېدى. مەن پەيغەمبەر ئەلەيـﻫىسسالامنىڭ يېنىغا ماڭدىم. ئىشىك ئالدىدا ئەنسارلاردىن بولغان بىر ئايالغا ئۇچراشتىم. ئۇ ئايالنىڭ ﻫاجىتى ئوخشاش ئىكەن. يېنىمىزغا بىلال كەلدى. بىز: پەيغەمبەر ئەلەيـﻫىسسالامدىن سوراپ باقسىڭىز، مەن ئېرىمگە، قول ئاستىمدىكى يېتىملارغا نەپىقە بەرسەم سەدىقە ئادا بولامدۇ؟ دەپ بولۇپ، بىزنى بىلدۈرۈپ قويمىسىلا دېدۇق. بىلال كىرىپ سورىغاندا، پەيغەمبەر ئەلەيﻬىسسالام: «كىم ئۇ ئىككىيلەن؟» دېدى، بىلال: زەينەب، دېدى. پەيغەمبە ئەلەيﻬىسسالام: «قايسى زەينەب؟» دېدى. بىلال: ئابدۇللاﻫنىڭ ئايالى، دېدى. پەيغەمبەر ئەلەيﻬىسسالام: «ﻫەئە، سەدىقە ئادا بولىدۇ، ئۇنىڭ ئۈچۈن ئىككى ئەجىر بولىدۇ، تۇغقاندارچىلىقنى ياخشىلىغانلىقنىڭ ۋە سەدىقىنىڭ ئەجىرى»، دېدى.
— ئىمام بۇخارى، ئىمام مۇسلىم توپلىغان.


585. ئۇممۇ سەلىمە رەزىيەللاﻫۇ ئەنﻬا مۇنداق دەيدۇ: يا رەسۇلۇللاﻫ، ئەبۇ سەلىمەنىڭ بالىلىرىغا نەپىقە بەرسەم، مەن ئۈچۈن ئەجىر بولامدۇ؟ ئۇلارنى بىچارە ﻫالەتتە قويۇپ قويغىم يوق، دەپ سورىدىم، پەيغەمبەر ئەلەيﻬىسسالام: «شۇنداق، ئۇلارغا قىلغان نەپىقە ئۈچۈن سىزگە ئەجىر بېرىلىدۇ»، دېدى. — ئىمام بۇخارى، ئىمام مۇسلىم توپلىغان.


586. ئەبۇ مەسئۇد ئەنسار رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «ئەگەر بىر مۇسۇلمان ئائىلىسىگە نەپىقە قىلىشتا ئاللاﻫنىڭ رىزالىقىنى كۆزلىگەن بولسا، نەپىقە ئۇ كىشىگە سەدىقە قاتارىدا بولىدۇ».
— ئىمام بۇخارى، ئىمام مۇسلىم توپلىغان.


587. ئەبۇ بەكرى رەزىيەللاﻫۇ ئەنﻬۇنىڭ قىزى ئەسما رەزىيەللاﻫۇ ئەنﻬا مۇنداق دەيدۇ: پەيغەمبەر ئەلەيﻬىسسالام دەۋرىدە ئانام مۇشرىك ﻫالىتىدە يېنىمغا كەلدى، پەيغەمبەر ئەلەيـﻫىسسالامدىن: ئانام ماڭا كۆيۈنىدۇ، ئۇنىڭغا سىلە - رەﻫىم قىلسام بولامدۇ؟ دەپ سورىسام، پەيغەمبەر ئەلەيﻬىسسالام: «ﻫەئە، ئاناڭغا ياخشىلىق قىل»، دېدى.
— ئىمام بۇخارى، ئىمام مۇسلىم توپلىغان.


10.مېيىتكە قىلغان سەدىقىنىڭ ساۋابىنى يەتكۈزۈش توغرىسىدا

588. ئائىشە رەزىيەللاﻫۇ ئەنﻬا مۇنداق دەيدۇ: بىر كىشى پەيغەمبەر ئەلەيـﻫىسسالامغا: مېنىڭ ئانام تۇيۇقسىز ئۆلۈپ كەتتى، مېنىڭچە، ئانام ئەگەر سۆزلىگەن بولسا سەدىقە قىل، دەيتتى. ئانامغا ۋاكالىتەن سەدىقە قىلسام ئانامغا ساۋابى بولامدۇ؟ دېدىم، پەيغەمبەر ئەلەيﻬىسسالام: «شۇنداق، ساۋابى بولىدۇ»، دېدى. — ئىمام بۇخارى، ئىمام مۇسلىم توپلىغان.

11.ﻫەر تۈرلۈك ياخشى ئىشلارنىڭمۇ سەدىقە ﻫېسابلىنىدىغانلىقى توغرىسىدا

589. ئەبۇ مۇسا رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «ﻫەربىر مۇسۇلمانغا سەدىقە ۋاجىب»، دېدى. ساﻫابىلەر: ئەگەر تاپالمىسچۇ؟ دېدى. پەيغەمبەر ئەلەيﻬىسسالام: «ئىككى قولى بىلەن ئىش قىلسۇن، ئاندىن ئۆزى ئىشلىتىپ قالغىنىنى سەدىقە قىلسۇن»، دېدى. ساﻫابىلەر: ئەگەر قادىر بولمىسا ياكى قىلالالمىسىچۇ؟ دېدى. پەيغەمبەر ئەلەيﻬىسسالام: «بىچارە ﻫاجەتمەنلەرگە ياردەم قىلسۇن»، دېدى، ساﻫابىلەر: ئەگەر ئۇنىمۇ قىلالمىسىچۇ؟ دېدى، پەيغەمبەر ئەلەيﻬىسسالام: «ياخشلىققا بۇيرىسۇن»، دېدى. ساﻫابىلەر: ئەگەر ئۇنىمۇ قىلالمىسىچۇ؟ دېدى، پەيغەمبەر ئەلەيﻬىسسالام: «يامانلىقتىن توختىسۇن، جەزمەن يامانلىقتىن توختاش شۇ كىشى ئۈچۈن سەدىقىدۇر»، دېدى. — ئىمام بۇخارى، ئىمام مۇسلىم توپلىغان.


590. ئەبۇ ﻫۇرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «ﻫەر كۈنى كىشىنىڭ ﻫەربىر كىچىك ئۈگىلىرىگە سەدىقە ۋاجىب. ئىككى كىشىنىڭ ئارىسىنى تۈزەپ قويسا، ئۇمۇ سەدىقىدۇر. بىر كىشىنىڭ ئۇلاغ مىنىشىگە ياكى ئۇلاغلىق كىشىگە نەرسە-كېرەكلىرىنى ئېلىشىغا ياردەم بېرىشمۇ سەدىقىدۇر، ياخشى سۆزمۇ سەدىقە، نامازغا باسقان ﻫەر بىر قەدەممۇ سەدىقە، يولىدىكى ئەزىيەتنى (تاش، تىكەن ياكى شۇنىڭغا ئوخشاش نەرسىلەر) ئېلىۋېتىشمۇ سەدىقىدۇر». — ئىمام بۇخارى، ئىمام مۇسلىم توپلىغان.

12.سەدىقە بېرىش ۋە بەرمەسلىك توغرىسىدا

591. ئەبۇ ﻫۇرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «ﻫەر كۈنى تاڭ ئاتسىلا ئاسماندىن ئىككى پەرىشتە چۈشۈپ، ئىككىسىنىڭ بىرى: ئەي ئاللاﻫ! سېنىڭ يولۇڭدا بەرگەن ئادەمگە بەرىكەتلىك مال بەرگىن، دەيدۇ. يەنە بىرى: ئەي ئاللاﻫ! بېخىلدىن بەرىكەتنى كۆتۈرۈۋەتكىن، دەيدۇ».
— ئىمام بۇخارى، ئىمام مۇسلىم توپلىغان.

13.سەدىقىنى ئالىدىغان كىشى چىقمايدىغان زامان كېلىشتىن ئىلگىرى سەدىقە بېرىشكە رىغبەتلەندۈرۈش توغرىسىدا

592. ﻫارىسە ئىبنى ۋەﻫب رەزىيەللاﻫۇ ئەنﻬۇ مۇنداق دەيدۇ: مەن پەيغەمبەر ئەلەيـﻫىسسالامنىڭ مۇنداق دېگەنلىكىنى ئاڭلىغانىدىم: «سىلەر سەدىقە بىرىڭلار، سىلەرگە بىر زامان كېلىدۇكى، سەدىقە بەرگۈچى سەدىقە ئالغۇچىنى تاپالمايدۇ، سەدىقە ئالىدىغان كىشى: تۈنۈگۈن ئەكەلگەن بولساڭ ئالاتتىم، ئەمما بۈگۈن باي بولدۇم، مېنىڭ سەدىقىگە ئېﻬتىياجىم يوق، دەيدۇ». — ئىمام بۇخارى، ئىمام مۇسلىم توپلىغان.


593. ئەبۇ ﻫۇرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «قىيامەت يېقىنلاشقاندا سىلەرنىڭ قولۇڭلاردىكى بايلىق كۆپىيىپ، شۇ دەرىجىگە يېتىدۇكى، سەدىقىسىنى ئالغىلى ئادەم تاپالمىغانلىق سەۋەبىدىن مال ئىگىسىنى غەم باسىدۇ، ﻫەتتا ئۇ بىراۋغا سوۋغا بەرسە، ئۇ ئادەم: مەن بۇنىڭغا موﻫتاج ئەمەس، دەيدۇ». — ئىمام بۇخارى، ئىمام مۇسلىم توپلىغان.


594. ئەبۇ ﻫۇرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «قىيامەت قايىم بولۇشنىڭ ئالدىدا سىلەردە پۇل-مال كۆپىيىپ كېتىدۇ، ئېشىپ-تېشىپ تۇرىدۇ. ﻫەتتاكى، مال ئىگىسى سەدىقىسىنى قوبۇل قىلىدىغان ئادەم ئىزدەيدۇ ۋە سەدىقىسىنى تەڭلەيدۇ. سەدىقە تەڭلەنگۈچى مېنىڭ ئېﻬتىياجىم يوق، دەيدۇ». — ئىمام بۇخارى، ئىمام مۇسلىم توپلىغان.

14.ﻫالال كەسىپ بىلەن تاپقان مالدىن سەدىقە قىلىش توغرىسىدا

595. ئەبۇ ﻫۇرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «كىمكى ﻫالال كەسىپ بىلەن تاپقان مېلىدىن خورما چاغلىق نەرسە بولسىمۇ سەدىقە قىلسا، (ئاللاﻫ پەقەت ﻫالالنىلا قوبۇل قىلىدۇ.) ئاللاﻫ ئۇنى ئوڭ قولى بىلەن قوبۇل قىلىدۇ. ئاندىن شۇ خورما چاغلىق نەرسىنى خۇددى سىلەرنىڭ بىرىڭلار شۇ خورما چاغلىق نەرسىنى ئۆزىنىڭ تايچىقىنى ئوبدان بېقىپ ئۆستۈرگەندەك ئۆستۈرۈپ، ئۇنىڭ ساۋابىنى تاغدەك زورايتىپ بېرىدۇ».
— ئىمام بۇخارى، ئىمام مۇسلىم توپلىغان.

15.يېرىم خورما چاغلىق نەرسە ياكى بىر ئېغىز ياخشى گەپنىڭ دوزاخ ئوتىغا دالدا بولىدىغانلىقى توغرىسىدا

596. ئەدى ئىبنى ﻫاتىم رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «سىلەر يېرىم خورما چاغلىق نەرسە بولسىمۇ سەدىقە قىلىپ، دوزاخ ئوتىدىن ساقلىنىڭلار».
— ئىمام بۇخارى، ئىمام مۇسلىم توپلىغان.


597. ئەدى ئىبنى ﻫاتىم رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «قىيامەت كۈنى ئاللاﻫ سىلەرنىڭ ﻫەر بىرىڭلار بىلەن بىۋاسىتە سۆزلىشىدۇ، ئاندىن كېيىن سىلەر ئالدى تەرەپكە قاراپ بىرەر نەرسىنى كۆرمەيسىلەر، تېخىمۇ يىراققا قارايسىلەر، ئوت سىلەرگە ﻫۇجۇم قىلىپ كېلىدۇ، شۇڭلاشقا ئاراڭلاردىن ئىمكانىيىتى يار بەرگەن ئادەم يېرىم خورما چاغلىق نەرسە بولسىمۇ، سەدىقە قىلىپ، دوزاخ ئوتىدىن ساقلانسۇن».
يەنە پەيغەمبەر ئەلەيﻬىسسالام مۇنداق دەيدۇ: «سىلەر دوزاخ ئوتىدىن ساقلىنىڭلا». پەيغەمبەر ئەلەيﻬىسسالام بۇ سۆزنى دەپ بولۇپ، غەمكىن ﻫالدا، بىز تەرەپكە بۇرۇلۇپ، يەنە مۇنداق دېدى: «سىلەر دوزاخ ئوتىدىن ساقلىنىڭلار»، پەيغەمبەر ئەلەيﻬىسسالام ئىككىنچى قېتىم بۇ سۆزنى تەكرارلاپ يەنە غەمكىن ﻫالدا بىزگە قارىدى. ئۈچىنچى قېتىممۇ شۇنداق قىلدى، ﻫەتتا بىز پەيغەمبەر ئەلەيـﻫىسسالامنى دوزاخ ئوتىغا قاراۋاتىدۇ، دەپ ئويلىدۇق. پەيغەمبەر ئەلەيﻬىسسالام مۇنداق دېدى: «سىلەر يېرىم خورما چاغلىق نەرسە بولسىمۇ، سەدىقە قىلىپ، دوزاخ ئۇتىدىن ساقلىنىڭلار، بۇنىمۇ تاپالمىغان ئادەم بىر ئېغىز بولسىمۇ ياخشى گەپ قىلسۇن». — ئىمام بۇخارى، ئىمام مۇسلىم توپلىغان.

16.﴿ئۇلار مۆمىنلەرنىڭ ئىچىدىن مەردلىك بىلەن )كۆپ( سەدىقە قىلغۇچىلارنى ئەيىبلەيدۇ﴾، دېگەن ئايەت توغرىسىدا

598. ئەبۇ مەسئۇد رەزىيەللاﻫۇ ئەنﻬۇ مۇنداق دەيدۇ: بىز سەدىقە قىلىشقا بۇيرۇق تاپشۇرۇۋالغاندا، مال توشۇش ئارقىلىق پۇل تېپىپ ئۇنىڭ بىر قىسمىنى سەدىقە قىلدۇق. بىر قېتىم ئەبۇ ئەقىيل يېرىم سەر خورما، يەنە بىر ئادەم ئۇنىڭدىن كۆپرەك سەدىقە قىلدى، بەزى مۇناپىقلار بۇنى كۆرگەندىن كېيىن، يېرىم خورما سەدىقە قىلغان ئادەمنىڭ سەدىقىسىگە ئاللاﻫ موﻫتاج ئەمەس، كېيىنكى ئادەم بولسا، باشقىلار كۆرسۇن، دەپ سەدىقە قىلدى، دېيىشتى. شۇنىڭ بىلەن تۆۋەندىكى ئايەت نازىل بولدى: ﴿ئۇلار (يەنى مۇناپىقلار) مۆمىنلەر ئىچىدىكى مەردىلىك بىلەن (كۆپ) سەدىقە قىلغۇچىلارنى، تاقىتىنىڭ يېتىشىچە (يەنى كەمبەغەل بولغانلىقتىن ئاز) سەدىقە قىلغۇچىلارنى ئەيىبلەيدۇ﴾ (9- سۈرە 79- ئايەت) . — ئىمام بۇخارى، ئىمام مۇسلىم توپلىغان.

17.بوتىلاقلاش ئالدىدا تۇرغان تۆگىنىڭ پەزىلىتى توغرىسىدا

599. ئەبۇ ﻫۇيرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «بوتىلاقلاش ئالدىدا تۇرغان تۆگە ۋە قوزىلاش ئالدىدا تۇرغان ساغلىق نېمىدېگەن ياخشى سوۋغا-ﻫە! ئۇلاردىن ئەتىگەن ۋە كەچتە بىر چەينەك سۈت ساغقىلى بولىدۇ».
— ئىمام بۇخارى، ئىمام مۇسلىم توپلىغان.

18.سەدىقە قىلغۇچى بىلەن بېخىلنىڭ مىسالى توغرىسىدا

600. ئەبۇ ﻫۇرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام سەدىقە قىلغۇچى بىلەن بېخىل ئادەم توغرىسىدا توختىلىپ مۇنداق دېگەن: «بۇ ئىككى خىل ئادەم تۆمۈر كىيىم كىيگەن، قوللىرى بىلەن كۆكرىكى ۋە ئوقۇر سۆڭىكىنى چىڭ قاپسىۋالغان ئىككى كىشىنىڭ مىسالىغا ئوخشايدۇ، سەدىقە قىلغۇچى ﻫەر قېتىمدا سەدىقە قىلغاندا ئۇنىڭ تۆمۈر كىيىمى كېڭىيىپ، بارماقلىرى ئېچىلىدۇ، ﻫەتتا بارماق ئىزلىرى يوقايدۇ، بېخىل ئادەم ﻫەر قېتىم سەدىقە قىلىشنى ئويلىغاندا، تۆمۈر كىيىملەر يىغىلىپ، كىيىمنىڭ ﻫەربىر ﻫالقىسى تېخىمۇ چىڭىيدۇ.
ئەبۇ ﻫۇرەيرە رەزىيەللاﻫۇ ئەنﻬۇ يەنە مۇنداق دەيدۇ: پەيغەمبەر ئەلەيﻬىسسالام بۇ گەپنى دېگەندە، قولى بىلەن يانچۇقىنى تۇتۇپ كۆرسەتكەن، ئەگەر سىلەر پەيغەمبەر ئەلەيـﻫىسسالامنىڭ يانچۇقىنى ئاچماقچى بولغان، ئەمما يانچۇق ئېچىلمىغان ﻫالەتنى كۆرسەڭلار، ئۇ ﻫالدا چوقۇم ئەجەبلىنىپ قالاتتىڭلار. — ئىمام بۇخارى، ئىمام مۇسلىم توپلىغان.

19.سەدىقە ئوبيېكتىغا بېرىلمىگەن سەدىقىگىمۇ ئوخشاشلا ئەجىر بىرىلىدىغانلىقى توغرىسىدا

601. ئەبۇ ﻫۇرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «بىر ئادەم مەن چوقۇم سەدىقە قىلىمەن، دەپ قىلماقچى بولغان سەدىقىسىنى ئېلىپ ئۆيىدىن چىقتى، ئۇ سەدىقىنى بىر ئوغرىغا بەردى، بىر كېچە ئۆتكەندىن كېيىن كىشىلەر سەدىقە بەرگەن ئادەم توغرىسىدا بۇ ئادەم سەدىقىنى ئوغرىغا بەردى، دېيىشتى. سەدىقە بەرگەن ئادەم بولسا: ئى ئاللاﻫ، جىمى ﻫەمدۇسانا ساڭا مەنسۇپتۇر. مەن سەدىقىنى خاتا بېرىپتىمەن، مەن يەنە سەدىقە قىلاي، دېدى-دە، ئۆيىدىن سەدىقە ئېلىپ چىقىپ، ئۇنى بىر پاﻫىشە ئايالغا بېرىدۇ. يەنە بىر كېچە ئۆتكەندىن كېيىن كىشىلەر بۇ ئادەم توغرىسىدا پالانى سەدىقىسىنى بىر پاﻫىشىگە بەردى، دېيىشتى. سەدىقە بەرگۈچى ئادەم: ئى ئاللاﻫ، جىمى ﻫەمدۇسانا ساڭا مەنسۇپتۇر، مەن سەدىقىنى بىر پاﻫىشە ئايالغا بېرىپتىمەن، مەن يەنە قايتىدىن سەدىقە قىلاي، دېدى. بۇ ئادەم يەنە سەدىقىنى ئېلىپ چىقىپ، ئۇنى بىر بايغا بەردى، تاڭ ئاتقاندىن كېيىن، كىشىلەر بۇ ئادەم توغرىسىدا پالانى سەدىقىسىنى بىر بايغا بەردى، دېيىشتى. سەدىقە بەرگەن ئادەم بولسا: ئى ئاللاﻫ، جىمىي ﻫەمدۇسانا ساڭىلا مەنسۇپتۇركى، مەن نېمە ئۈچۈن سەدىقەمنى ئوغرى، پاﻫىشە، بايغا بەرگەندىمەن، دېدى. كېيىن بۇ ئادەم چۈشىدە بىر ئادەمنىڭ ئۆزىگە مۇنداق دېگەنلىكىنى كۆردى: سەن تۇنجى قېتىم سەدىقەڭنى ئوغرىغا بەردىڭ، شۇ سەۋەبتىن ئوغرى ئوغرىلىق قىلىشتىن قول ئۈزۈشى مۇمكىن، ئىككىنچى قېتىم سەدىقەڭنى پاﻫىشىگە بەردىڭ، شۇ سەۋەبتىن پاﻫىشە يامان يولدىن يېنىشى مۇمكىن، ئۈچىنچى قېتىم سەدىقەڭنى بايغا بەردىڭ، شۇ سەۋەبتىن باي ئىبرەت ئېلىپ، ئاللاﻫ ئىلتىپات قىلىپ بەرگەن مال-مۈلۈكتىن ياخشىلىق يوللىرىغا سەدىقە قىلىشى مۇمكىن». — ئىمام بۇخارى، ئىمام مۇسلىم توپلىغان.

20.خوجىدار ياكى ئايالىنىڭ خوجايىنىنىڭ ئېنىق رۇخسىتىنى ئېلىپ ياكى داۋاملىشىپ كېلىۋاتقان ئادەتكە ئاساسەن خوجايىنىنىڭ مېلىدىن سەدىقە بەرسە، ئەجىر بېرىلىدىغانلىقى توغرىسىدا

602. ئەبۇ مۇسا رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «سادىق مۇسۇلمان خوجىدار ياخشى نىيەت بىلەن ئىسراپ قىلماستىن، خوجايىن قاراشقا تاپشۇرغان مالدىن خوجايىن كۆرسىتىپ بەرگەن ئادەمگە سەدىقە قىلسا، يېرىم سەدىقە قىلغۇچى ﻫېسابلىنىدۇ». — ئىمام بۇخارى، ئىمام مۇسلىم توپلىغان.


603. ئائىشە رەزىيەللاﻫۇ ئەنﻬا مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «ئايال (شۇ يەرنىڭ) ئادىتى بويىچە ئۆيىدىكى مالدىن سەدىقە بەرسە، ئايالغا سەدىقە بەرگەنلىكنىڭ ساۋابى بولىدۇ، ئېرىگە بولسا، بۇ مالنى ئەجىر قىلىپ تاپقانلىقنىڭ ساۋابى بېرىلىدۇ، (ﻫالالدىن تاپقان بولسا)، خوجىدارغىمۇ شۇ بويىچە مۇئامىلە قىلىنىدۇ. ئۇلار (خوجىدار، ئايالى، ئېرى)نىڭ ساۋابى كېمەيتىلمەيدۇ».
— ئىمام بۇخارى، ئىمام مۇسلىم توپلىغان.


604. ئەبۇ ﻫۇرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «ئېرى ئۆيدە بولغان ئەﻫۋالدا ئايالىنىڭ ئېرىنىڭ رۇخسىتىسىز روزا تۇتۇشى دۇرۇس ئەمەس».
— ئىمام بۇخارى، ئىمام مۇسلىم توپلىغان.


605. ئەبۇ ﻫۇرەيرە رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «ئايال كىشى ئېرىنىڭ رۇخسىتىسىز ئېرىنىڭ پۇل-مېلىدىن سەرپ قىلغان بولسا، ئەر كىشى ئەجىرنىڭ يېرىمىغا ئىگە بولىدۇ». — ئىمام بۇخارى، ئىمام مۇسلىم توپلىغان.

ohho~duqu 2011-08-13 01:00
رەھمەت كۆپ نەرسىلەرنى بىلىۋالدىم

fatih204 2011-08-13 10:33
دىققەت قىلايلى ، ھەزرىتى ئەبۇبەكىر زاكاتتىن باش تارتقانلار بىلەن جەڭ قىلغان ئىدى ،،  ھازىر جەمىيەتتىمۇ شۇنداق باش تارتقانلار ئىنتايىن كوپ

dulbarqin310 2011-08-13 11:00
رەھمەت قېرىندىشىم، مەنمۇ كۆپ نەرسىلەرنى بىلۋالدىم، بۇ كىتاپنىمۇ چۈشۈرۋالدىم.  بەك ياخشى كىتاپكەن.

دىلناز 2011-08-13 11:35
رەھمەت قېرىندىشىم ،ياخشى تېما ئىكەن .

nazli0998 2011-08-13 18:01
[quote]بۇ مەزمۇن 2قەۋەتتىكى sad~da نىڭ 2011-08-13 00:55 يوللىغان يازمىسىغا نەقىل :
567. ئەبۇ سەئىد رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «200 دەرﻫەمنىڭ تۆۋىنىگە زاكات كەلمەيدۇ. 50 تۆگىدىن تۆۋەنگە زاكات كەلمەيدۇ ۋە (خورما، دانلىق زىرائەتلەرگە) بەش ۋەسەق نىڭ تۆۋىنىگە زاكات كەلمەيدۇ»
— ئىمام بۇخارى، ئىمام مۇسلىم توپلىغان





ئەسسالامۇ ئەلەيكۇم

قىرىندىشىم  سىز  خاتا كۆرۋالدىڭىزمۇ يا؟   كىتاپقا خاتا بىسىلىپ قالدىمۇ؟؟؟؟؟؟؟؟؟ تۆگە دىگەن قوي،كالىلاردىن قىممەت
ھايۋان تۇسا    ھەم مەن كۆگەن كىتاپتىمۇ 5 تۆگە  دەپ كۆرگەن ئىدىم .  ئىمام مۇسلىم بىلەن ئىمام بۇخارى رىۋايەت
قىپتىكەن ،  ئۇ سىز  50 تۆگىدىن تۆۋىنىگە زاكات كەلمەيدۇ دەپسىز  30،40 تۆگىنى پۇلغا سۇندۇرۇپ  بىقىڭە  40،30 
تۆگىسى  بار  ئادەم  باي ھىساۋلانمامدۇ؟؟

sad~da 2011-08-13 22:03
ئىشلىتىش
بۇ مەزمۇن 7قەۋەتتىكى nazli0998 نىڭ 2011-08-13 18:01 يوللىغان يازمىسىغا نەقىل :
[quote]بۇ مەزمۇن 2قەۋەتتىكى sad~da نىڭ 2011-08-13 00:55 يوللىغان يازمىسىغا نەقىل :
567. ئەبۇ سەئىد رەزىيەللاﻫۇ ئەنﻬۇ مۇنداق دەيدۇ: پەيغەمبەر ئەلەيﻬىسسالام مۇنداق دېگەن: «200 دەرﻫەمنىڭ تۆۋىنىگە زاكات كەلمەيدۇ. 50 تۆگىدىن تۆۋەنگە زاكات كەلمەيدۇ ۋە (خورما، دانلىق زىرائەتلەرگە) بەش ۋەسەق نىڭ تۆۋىنىگە زاكات كەلمەيدۇ»
— ئىمام بۇخارى، ئىمام مۇسلىم توپلىغان


.......

ۋە ئەلەيكۇم ئەسسالام
راسلا ئىختىياتسىزلىقتىن بىر نول ئارتۇق قېتىلىپ قاپتۇ قېرىندىشىم ئاللاھ ئەجرىڭىزنى بەرسۇن


查看完整版本: [-- زاكات ۋە ئۇنىڭ ئەھكاملىرى --] [-- top --]


Powered by PHPWind v7.3.2 Code © 2003-08 PHPWind
Time 0.059894 second(s),query:3 Gzip enabled

You can contact us