ئۈچ باغۋەن ئۆزلىرىنىڭ ئالمىسىنىڭ ئاجايىپ ئوخشىغانلىقى ھەققىدە پو ئىتىشىپتۇ:

بىرىنچى باغۋەن:

-مەن بېغىمدىن يوغان بىر تال ئالمىنى ئاران تەستە ئۈزۈۋىلىپ ئورۇندۇقنىڭ ئۈستىگە قويىۋىدىم،ئورۇندۇقنىڭ پۇتى سۇنۇپ كەتتى!

ئىككىنچى باغۋەن:

-مەن بېغىمدىن يوغان بىر ئالمىنى ئاران تەستە ئۈزىۋىلىپ شىرەنىڭ ئۈستىگە قويىۋىدىم،شىرە مىجىلىپ كەتتى!

ئۈچۈنچى باغۋەن:

-بولدى قىلىڭلار بۇرادەرلەر،مەن بېغىمدىن يوغان بىر تال ئالمىنى ئاران تەستە ئۈزۈۋىلىپ ھارۋىنىڭ ئۈستىگە قويىۋىدىم..............

-ھارۋا مىجىلىپ كەتتىمۇ؟

-ياق!ئالمىنىڭ ئىچىدىن بىر تال قۇرۇت چىقىپ،ئاتنى يەۋەتتى!

بىر ئەر قاتناش بىكىتىدە توختىماستىن كۈلىۋىرىپتۇ.ئۇنىڭ يىنىدا تۇرغان كىشى ئەجەبلىنىپ سوراپتۇ:

-نىمىشقا ساراڭدەك كۈلىۋىرىسىز؟

-مەن بايا بىلەت ساتقۇچىنى كولدۇرلىتىپ وينىدىم.

-قانداق كولدۇرلىتىپ ئوينىدىڭىز؟

-بېلىتىنى ئېلىپ،ماشىنىسىغا چىقمىدىم.

خىزمەتچى قوبۇل قىلىشنىڭ يۈز تۇرانە سىنىقىدا سىناقچى سىنالغۇچىدىن سوراپتۇ:

-سىزنىڭ رەھبەرلىك قىلىش ۋە تەشكىللەش قابىلىيىتىڭىز قانداقراق؟

-ناھايىتى ياخشى،مەن ئىلگىرى ئىشلىگەن شىركەتتىكى ئىشچىلارنىڭ ئىش تاشلاش ھەركىتىنىڭ ھەممىسىنى مەن تەشكىللەپ،ئۆزۈم رەھبەرلىك قىلغان.

ئىككى بىمارنىڭ روھىي كېسىلى تەڭلا ساقىيىپ،دوختۇرخانىدىن  چىقىپ كېتىشكە تەرەددۇدلىنىپتۇ،ئۇلارنى داۋالاشقا مەسئۇل بولغان دوختۇر ئىككەيلەنگە تاپىلاپ،مۇنداق دەپتۇ:

-ئەگەر ئىككىڭلاردىن قايسىڭلارنىڭ كېسىلى قايتا قوزغۇلۇپ قالسا،شۇنى دەرھال دوختۇرخانىمىزغا ئېلىپ كېلىڭلار.

بىر كۈنى دوختۇرنىڭ تېلىفۇنى جىرىڭلاپ كېتىپتۇ:

-چاتاق بولدى،مەن بىلەن بىللە ساقىيىپ ،دوختۇرخاناڭلاردىن چىققان ھېلىقى بىمار تۈنۈگۈندىن باشلاپ ئۆيىمىزنىڭ ھاجەتخانىسىدا يېتىۋىلىپ ،"مەن سىنىڭ تەرەت قاچاڭ"دەپ تۇرىۋىلىۋاتىدۇ.

-ئۇنداق بولسا ئۇنى دەرھال دوختۇرخانىمىزغا ئەكىلىڭ!

-لىكىن مىنىڭ تەرەت قاچام يوق بولۇپ قالمامدۇ؟

روھىي كېسەللىكلەر دوختۇرخانىسىدىكى بىر موماي ھەر كۈنى ئۇچىسىغا قارا كىيىم كىيىپ،قارا كۈنلۈكتىن بىرنى تۇتۇپ،دوختۇرخانىنىڭ دەرۋازىسى ئالدىدا ئۇزاقتىن -ئۇزاققا ئولتۇرۇپ كېتىدىكەن.

ئۇنى داۋالاشقا مەسئۇل دوختۇر كۆڭلىدە ئۇنى داۋالاش ئۈچۈن،ئىشنى ئۇنىڭ كۆڭلىدىكىنى چۈشۈنىشتىن باشلىشىم كېرەك،دەپ ئويلاپتۇ-دە،ئاشۇ مومايدەك قارا كىيىنىپ،قولىغا قارا كۈنلۈكتىن بىرنى تۇتۇو ولتۇرۇپتۇ.

شۇ تەرىقىدە خېلى ئۇزاق ۋاقىت ئۆتكەندىن كېيىن،موماي ئاخىر دوختۇردىن سوراپتۇ:

-ھە.....سىزمۇ موگوما؟