查看完整版本: [-- بىزدىكى(يامان بولىدۇ)لار توغرىسىدا --]

كەڭ ساي مۇنازىرە مۇنبىرى -> يۇمۇر لەتىپىلە -> بىزدىكى(يامان بولىدۇ)لار توغرىسىدا [打印本页] 登录 -> 注册 -> 回复主题 -> 发表主题

كوكتالالىق 2011-06-19 10:47
      مەن ماتىريال كۆرىۋىتىپ،گۈلباھار سىدىقنىڭ بىزدىكى(يامان بولىدۇ)لار توغېىسىدا يازغان ماقالىسىنى كۆرۈپ قالدىم.  ماقالىنىڭ ئاساسى ھەل قىلماقچى بولغان ئىدىيەسى،بىزدىكى قەدىمدىن تارتىپ مىراس بولۇپ كىلىۋاتقان(يامان بولىدۇ)دىگەن ئۇقۇمنى ئىلمى ئاساستا ھەل قىلماقچى بولغان.    ماقالە ناھايتى ئوبدان يىزىلغان بولۇپ،مۇنازىرگە قويۇشقا بولۇدۇ دەپ قارايمەن. 
      مەن بۇ يەردە بىرنەچچە تۈرلۈك (يامان بولىدۇ)لارنى ئوتۇرغا قويۇپ باقاي،مۇنبەرداشلارنىڭ بىرلىكتە مۇنازىرلىشىپ بېقىشىنى سورايمەن. «كەشتە تىرناق ئالسا يامان بولىدۇ،كۈندۈزدە ئاغىن».مانا بۇ بىزلەرنىڭ كىچىگىمىزدىن تارتىپ ئاتا-ئانىمىز قۇلۇغۇمىزغا قۇيۇپ سېڭدۈرۋەتكەن يامان بولىدىغلنلارنىڭ بىرىنچىسى.  
     دادام ئاپامغا كۈلۈمسىرەپ تۇرۇپ؛ئوقۇمىغان ئايال دىگەن شۇنداق بولىدۇ-دە، كەشتە تىرناق ئالسا نېمىشقا يامان بولىدىغانلىغىنى بىلەمسەن؟پەيغەمبىرىمىز  ياشىغان مەزگىللەردە توك بولمىغاشقا،كەشتە تىرناق ئالسا قولىنى كىسىۋالىدۇ دەپ،كەشتە تىرناق ئالسا يامان بولىدۇ دىگەن.ھازىر توك بولغاشقا كېچە بىلەن كۈندۈز ئوخشاش.تىرناقنى قانداق ۋاقىتتا ئالسا بولىۋىرىدۇ،تازلىققا رايە قىلىش،ئىسلام دىنىدىكى پەرىزلەردۇر دەيدىغان.  
     دەۋىرنىڭ ئالمېشىشى،جەمىيەتنىڭ تەرەقى قېلىشى بىلەن نۇرغۇن سەۋەپلەر ئەمىليەتلەرگە ئورۇن بوشۇتۇپ بەرمەكتە،   مەن بىر دوستۇمنىڭ ئاپىسىنىڭ ئۆلىمىگە قاتنىشىپ قالدىم،قارشىۋاتقانلارنىڭ بىرسى،قۇرئان ئوقۇۋاتقانلارغا تاماق ئېتەيلى دېدى،بولمايدۇ،ئۆلۈم چىققان ئۆيدە ئۈچ كۈنگىچە تاماق ئەتسە« يامان بولىدۇ»دېدى.مانا بۇ يامان بولىدۇلارنىڭ يەنە بىرسى.  
    بىز مۇسۇلمان قىرىنداشلارنىڭ ئەزەلدىن كېلىۋاتقان ئەن-ئەنەۋى قايدىمىز، ئۆز-ئارا ياردەم قىلىشتۇر ، مىيىت چىققان ئۆي ياكى توي-تۆكۈن بولغان ئۆيلەردە،ئۆي ئىگىسىگە ھاردۇق يەتكەن بولىدۇ.كىرىپ-چىقىدىغان ئادىم كۆپ بولغانلىقتىن بىر ئىش قىلىش قۇلايسىز بولىدۇ.شۇڭا خولۇم-خوشنىلار تاماق قىلىپ،تاۋاق سۇنىيدۇ.بۇ-خىل پالىيەت نەچچە كۈن داۋام قىلىدۇ.شۇنىڭ بىلەن تەببيى ھالدا توي-تۆكۈن،ئۆلۈم-يىتىم بولغان ئۆيلەردە نەچچە كۈنلەپ تاماق ئېتىلمەيدۇ.تەدىرجى  بۇ پالىيەت قايدىغا  ئايلىنىدۇ.مانا شۇنىڭ بىلەن مېيىت چىققان ئۆيدە تاماق ئەتسە يامان بولىدۇ دىگەن ئۇقۇم شەكىللىنىدۇ.
     دىمەك، ھەرقانداق بىر نىمىنىڭ شەكىللىنىشىدە بىر ئىش سەۋەپ بلىدۇ. يۇقۇرقىدەك«يامان بولىدۇ»نى ھازىرغىچە قوللىنىپ كىلىۋاتىمىز.بەزىلەر بالىلىرىغا تەربىيە-نەسىيەت بېرىشنىڭ ئورنىغا،ئۇنداق قىلساڭ يامان بولىدۇ.بۇنداق قىلساڭ يامان بولىدۇ،ئادەم ئۇرساڭ يامان بولىدۇ دەپ،ئادەم ئۇرسا نىمە ئۈچۈن يامان بولىدىغانلىغىنى چۈشەندۈرمەي،قاتمال ھالەتتە«يامان بولىدۇ» بىلەن تەربىيەلەپ چوڭ قىلماقتا.شۇنىڭ بىلەن بۇ ئادەت دەۋرىمۇ-دەۋرە داۋاملىشىپ كەلمەكتە،  
     مىللىتىمىزنىڭ سۆز ئىبارىلىرىدە،نۇرغۇن«يامان بولۇدۇ»لار سالماقنى ئىگەنلەيدۇ، >ناننىڭ ئۇگىكى يەرگە چۈشۈپ كەتسە يامان بولىدۇ،سۇغا تۈكۈرسەڭ يامان بولىدۇ،چوڭلارغا سالام بەرمىسەڭ يامان بولىدۇ،كىچىكلەرنى ئىززەتلىمىسەڭ يامان بولىدۇ،ئسراپچىلىق قىلساڭ يامان بولىدۇ. دىمەك بۇلار ھىكىمەتلىك« يامان بولۇش»لاردۇر.بۇ ھىكىمەتلىك« يامان بولۇش»لار ئۆز دەۋرىدە قانۇن-تۈزۈملەردەك ئۆز رولىنى نامايەن قىلىپ كەلگەن،ھازىرمۇ سالمىغى بار. مىنىڭچە ھازىردىن تارتىپ ئەۋلاتلىرىمىزغا «يامان بولىدۇ»لارنىڭ مەنىسىنى بىرگە چۈشەندۈرۈپ ماڭغان بولساق، ئۇلارنىڭ نەزەر دايىرسى ئېچىلىپ ماڭغان بولاتتى.نىمىنىڭ ھەقىقى يامان بولىدىغانلىغىنى چۈشۈنۈپ يەتكەن بولاتتى. مەن مۇشۇ ماقالىنى يېزىۋىتىپ بىر كىچىك بالىدىن سوراپ باقتىم.ھەي بالام،چوڭلارنى ھۆرمەت قىلمىسا،نىمە ئۈچۈن يامان بولىدۇ؟جاۋابى ناھايىتى ئاددى ئىدى،«شۇ يامان بولىدۇ» 
       مىنىڭمۇ كىچىك ۋاختىمدا شۇنداق تۇيغۇ بولىدىغان،ھوي تونۇنى تەپسەڭ يامان بولىدۇ دىسە،نىمىشكە يامان بولىدىغاندۇ؟تونۇنىڭ ئىچىدە جىن بار ئوخشايدۇ دەپ تونۇنىڭ يىنىغا يالغۇز بارالمايدىغان ئىدىم.دىمەك چۈشەنچە بولمىسا ئىنكاسمۇ بولميدىغان ئشكەن.  تەربىيەنى كىچىك ۋاقىتتىن باشىغان ياخشى.چۈشەنچە بالدۇر بولسا،ئنكاسمۇ تېز بولىدۇ، ھازىر نۇرغۇن ئاتا-ئانىلار باللىرىنى تەييارلىق سىنىپلاردىن باشلاپلا كورسىلاردا ئوقۇتىۋاتىدۇ،مىنىڭچە كىيىن سالغان ماددى مەبلەقتىن بۇرۇن سالغان مەنىۋى مەبلەقنىڭ ئۈنىمى ياخشى دەپ قارايمەن.  
     مەن ئۆزەمگە قاراڭغۇ بولغان«يامان بولۇش»لارنىڭ ھەقىقى مەنىسىنى چۈشۈنۇپ بىقىش ئۈچۈن دىننى ئىشلار ئورۇنىدا  مالىملىق قىلىدىغان بىر تونۇشىمدىن سوراپ باختىم.  ئۆلۈن-يىتىم،نەزىر-چىراقلاردا سۇيقاشنى تاق چوكىدا ئىشمىسە «يامان بولىدۇ»ھەتتا ئۆلۈممۇ جۈپ بولۇپ قالىدۇ،دىگەننىڭ ئاساسى بارمۇ؟   يوق،چوكىنىڭ تاق-جۈپلىگى بىلەن ئۆلۈمنىڭ ھىشقانداق مۇناسىۋىتى يوق،ئۆلۈم-نەزىر چىراقلاردا ئادەم كۆپ بولغانلىقتىن چوكا يىتىشمەيدۇ،بۇمۇ بىر سەۋەپ. چوڭلار ئارىسىدا،ئۆلۇم پەتىسىدىن يىنىپ بىرسىنىڭ ئۆيىگى كىرسە يامان بولىدۇ، دەيدىغان گەپ بار،بۇنۇڭمۇ ئاساسى بارمۇ؟  بۇ خىل ئىللەت بىزلەردە خېلى ئېغىر،بۇنۇڭمۇ ھىشقانداق ئىلمى ئاساسى يوق.بۇنداق ئىشلار ئۈچۈن رەنجىش بەك نادانلىق.   
    مەن قايتىپ كىلىۋىتىپ ئويلاپ قلدىم،بىزدە نۇرغۇن  ئىلمى ئەھمىيەتكە ئىگە «يامان بولىدۇ»لىرىمىز بار بولۇپ،بۇ بىزنى توغرا يولغا باشلاپ،ئۆرۈپ-ئادەتلىرىمىزنى باشقا مىللەتلەرگە تېخىمۇ گۈزەل ھەم ئەخلاق نامايەن قىلىپ بېرەلەيدۇ.بىز ئەنە شۇ ئېسىل دۇردانلىرىمىزگە ۋارىسلىق قىلىپ،بىزدىكى«يامان بولىدۇ»لارنى توغرا قوبۇل قىلالايمىز دەپ قارايمەن.

          مەنبە؛بىزدىكى«يامان بولۇدۇ»لاردىن پايدىلاندىم

840825 2011-06-19 12:19
سۈپۈرەندىنى كۈل بىلەن بىللە ئالسا يامان بولىدۇ،سەي ئاقلاپ بۇلۇپ،يۇندا چېلىكىگە تۆكسە يامان بولىدۇ،چاچنى قۇرۇق تارىسا يامان بولىدۇ(قۇرۇق سۆز،قۇرۇق تۆھمەتكە قالىدۇ)،يالاڭباش ئۇخلىسا يامان بولىدۇ(ئۆيگەپەرىشتە كىرمەيدۇ)،كەچ ۋاقتى ئۆي سۈپۈرسە يامان بولىدۇ(ئۆيدىن بەرىكەت قاچىدۇ)،،دېگەندەك،،،قېنى،پەتىۋاچىلىرىمىز،،ياردەم قىلىدىغان،پەتىۋا بېرىدىغان چاغ كەلدى،،،،،،،

xapkat0999 2011-06-19 13:23
ھەر -بىر يامان بۇلدۇ دىگەن سۆزگە بىر  ھىكىمەت  يۇشۇرۇنغان ، ئاساسىز  ئەمەس، پەتۋانى ئۆزىڭىز  تىپىۋىلىڭ  

samanyoli 2011-06-19 15:28
بىچارە ئۇيغۇرۇم،،،،،،،،،،،،،،،،،،،،،
مۇشۇ دەۋىردىمۇ مۇشۇ مەسىلىلەرنى ئاڭقىرالماي يۇرگەنلەرنىڭ تولىلىقىنى ،،،،،،،،،،سۇبھانەللاھ.......

خالقىز 2011-06-19 15:28
مەن كىچىك ۋاختىمدا ئاپام ئاشۇنداق يامان بولىدۇ دىسە.گەپ قىماي ماقۇل بولغۇنۇم ئېسىمدە.بىراق ھازىر قىزىمغا ئاشۇنداق «يامان بولىدۇ »دەپ قويسام بالاغا قالىمە_----'ئاپا قانداق يامان بولىدۇ ؟نىمە يامان بولىدۇ؟نىمىگە يامان بولىدۇ...يامان بوسا قانداق بولىدۇ ؟چۈشەندۇرمەي ئامالىم يوق.زادى بۇ «يامان بولىدۇ»لارنىڭ ئىنتايىن چوڭقۇر ئاساسى بار.

بىلىك 2011-06-19 16:15
< يامان بولىدۇ > بىز ئۇيغۇرلارنىڭ پۈتمەس تۈگىمەس ھېكىمىتى، ئەجدادلار ئەقىل-پاراستىنىڭ جەۋھىرى، تۈمەن مىڭ يىللىق تۇرمۇشنىڭ تەجىرىسى، ھايات-ماماتلىق كۈرەشلىرىنىڭ يەكۈنى. ئەجدادلىرىمىز ئىنسانىي ئەخلاق-پەزىلەتلىرىنى، ئىلغار كۆزقاراشلىرىنى، مۇھىت، ئۆرىپ-ئادەت، قەدىر-قىممەت قوغداش ئېڭىنى، جۈمىلىدىن مىللى ئاڭلىرىنى ئاشۇ بىر ئېغىز < يامان بولىدۇ > غا مۇجەسسەملەپ ئەۋلادمۇ-ئەۋلاد ئاڭسىز رەۋىشتە بىزگىچە يەتكۈزۈپ كەلگەن. < يامان بولىدۇ > لارنىڭ ئىلىمي ئاساسى ئىنتايىن كۈچلۈك.  تارىخى، ئىجتىمائى سەۋەپلەر تۈپەيلى ئىلم-ئىرپان ئىشلىرىمىز كەينىدە قالغان بولغاچقا ئاتا-بوۋىلىرىمىز   بۇرۇنقىلار ئۆگەتكەن تەلىم-تەربىيلەرنى كېينكىلەرگە ئىلىمى شەرھىيلەپ بېرەلمەيدىغان ھالغا چۈشۈپ قالغان، لېكىن شۇ تەلىم-تەربىيە،  نەسىھەتلەرنىڭ ئورۇنسىز ئەمەسلىكىنى بىلگەچكە، ئۇنى كاللىسىغا سڭدۈرۈپ، سادىقلىق ۋە ئاڭسىزلىق بىلەن داۋاملاشتۈرۈپ كەلگەن. ئاتا-بوۋىلىرىمىز   < يامان بولىدۇ > دىغان ئىشلارنىڭ پەقەت يامان بولىدىغانلىقىنىلا بىلىدۇ، قالغىنىنى بىلمەيدۇ، بۈگۈنكى كۈندە بولسا ئاقىللىرىمىز < يامان بولىدۇ > دىگەن سۆزنى تەتىقىق قىلىپ توم-توم ماقالىلەرنى يېزىپ، بىر-بىردىن شەرھىيلەشكە باشلىدى.  < يامان بولىدۇ > نى ھازىر بالىلارغا چۈشەندۈرىمەن، دېسىڭىز بىر سائەت سەۋرچانلىق بىلەن كاسىلداشقا مەجبۇر بولىسىز، ئاتا-بوۋىلىرىمىز بۇرۇن < يامان بولىدۇ > دا دەپ بولغان گەپلەرنى ھۆكۈمەت ھازىر < ئىكولوگىيىلىك مۇھىتنى قوغداش>، < قورامىغا يەتمىگەنلەرنىڭ ھوقۇق-مەنپەئەتنى قوغداش قانۇنى>،< ئەخلاق قۇرلۇشى>......دىگەن ناملاردا دەۋاتىدۇ. دېمەك ئاتا-بوۋىلىرىمىز  دانا بولغاچقا  < يامان بولىدۇ >  دىگەن بىر ئېغىز ئىخچام سۆز بىلەن نەچچە مىڭ يىللىق ئۈنۈملەرنى قازانغان. ھېكىمەتكە پەتىۋا تاپقاننى نەدە كۆرگەن، بېشىڭىزنى تاشقا ئۇرسىڭىزمۇ بۇنىڭدىن پەتىۋا چىقىرالمايسىز، چالا موللامنىڭ ئۆزى يېزىۋالغان ھەپتىيىكى ئەمەس ئۇ پەتىۋا چىقىرىدىغان.

دېدار 2011-06-19 18:39
بوسوغۇدا ئولتۇرسا يامان بولدۇ ،<باشقىلار ماڭالمىغاچقا> .ئۆرە تۇرۇپ ئېشتان كەيسە يامان بولۇدۇ،<يىقىلىپ چۇشىدۇ >.
ئۇن خالتىسنېڭ ئاغزى ئوچۇق قالسا يامان بولدۇ ،<چاڭ -توزان چۇشېدۇ> پايپاق ئېشتان كەيسە يامان بولدۇ ،<جېگدىلىك يوللاردا ماڭغاندا يېرتىلىپ كىتىدۇ >

abduwali123 2011-06-19 21:02

ئۆرتەنىم 2011-06-19 23:43
、ئەخمەق خەختە  بىز

newruz 2011-06-20 11:41
ياخشى بولىدۇ ...سىزگە ۋە ھەممىمىزگە پايدىسى بولىدۇ.
يامان بولىدۇ.....زىيان ۋە ئازاپ بولىدۇ دىگەنلىكقۇ شۇ....

سۆرۈندە.(ئەخلەت) بىلەن كۈلنى بىرلەشتۇرسە ئوت كېتىدۇ شۇ. سەۋەبىنى ئېزىپ ئېزىپ چۈشەندىرگەندىن يامان بولىدۇ. دەيمىز شۇ.
ھاراق ئىشسەڭ يامان بولىدۇ....نىمە ئۈچۈن دىگەندە نەزىريەسىنى سۆزلەيمىز....شۇنداق ئەمەسمۇ بالىلار!
كەچتە تىرناق ئالسا تىرناق چاچراپ چۈشكەن يەرنى بىلمەك تەس. يەنە ئۇخلىغاندا بەدەنگە چاچىدۇ.

كوكتالالىق 2011-06-20 12:07
توغرا ئوخشىتىش بولۇپتۇ.پىكىر بايان قىلغىنىڭلارغا رەخمەت ئۇستازلار.

iparhan 2011-06-20 17:12
يامان بولىدۇلارنىڭ ھەممىسىنىڭ ئاساسى باردە-!

amanxa 2011-06-20 19:35
ئاساسسىز ھىچ ئش بولمايدۇ.

asanat 2011-06-20 23:53
ھازىرىقى بىزنىڭ پەرزەنىت تەربىلەشىتە سىغىندۇق شۇ يامان بولدۇنى.قىز بالا يالاڭ باشتاق يۇرسە يامان بولىدۇ.قىز بالا كىچسى سىرتتا يۇرسە يامان بولىدۇ.قىز بالا ئۇنلۇك ئاۋازدا گەپ قىلسا يامان بۇلىدۇ،...........

قارغاي 2011-06-21 03:20
6-قەۋەتتكى دېدار ناملق دوستىمىزنىڭ ىنكاسىنى كۆچۈرۈپ ىشلىتىمەن.

دېدار 2011-06-22 15:22
ئىشلىتىش
بۇ مەزمۇن 11قەۋەتتىكى iparhan نىڭ 2011-06-20 17:12 يوللىغان يازمىسىغا نەقىل :
يامان بولىدۇلارنىڭ ھەممىسىنىڭ ئاساسى باردە-!

ئاساىس بار .لىكىن يۇزەكىلا دىسە ھچكىم قورقمايدۇ  ،يامان بولۇدۇ دىسە قولى تىتىرمەيدىغان ئادەم بولمېسا كىرەك.

دېدار 2011-06-22 15:24
ئىشلىتىش
بۇ مەزمۇن 14قەۋەتتىكى قارغاي نىڭ 2011-06-21 03:20 يوللىغان يازمىسىغا نەقىل :
6-قەۋەتتكى دېدار ناملق دوستىمىزنىڭ ىنكاسىنى كۆچۈرۈپ ىشلىتىمەن.

رەخمەت . ئېملايىڭىزغا دىققەت قىلىڭ.

دېدار 2011-06-22 15:29
ئىشلىتىش
بۇ مەزمۇن 8قەۋەتتىكى ئۆرتەنىم نىڭ 2011-06-19 23:43 يوللىغان يازمىسىغا نەقىل :
、ئەخمەق خەختە  بىز

بۇ نىمە دىگنىڭىز . قىنى يامان بولدۇ دىگەن گەپنى ئاڭلىماي بىر ئىش قىلىپ بىقىڭا  زىيان تارتىدىغىنى يەنىلا سىز .

天山的野花 2011-06-22 15:48
ماڭا ئاپام دىگەن [يامان بۇلدۇ]لارنىڭ كۆپ قىسمىنىڭ سەۋەبىنى مەن ھەددىستىن كۆردۇم،

ئەلى 2011-06-23 22:54
گۈلباھار سىدىق <<زامان ئاخىرىنىڭ ئاياللىرى>> دىگەن كىتابنىڭ ئاپتورى  شۇمۇ ؟

ئاتا-بوۋىلىرمىز گەرچە سەۋەبىنى بىلمىسىمۇ،ئىشقىلىپ ھېچ بولمىسا تەربىيىنى ئۇنتۇپ قالمىغان ئىكەن.بىزچۇ ؟ ئۆزىمىزغۇ بىلىشكە قىزىقمايمىز بالىلىرىمىزنىمۇ تەربىيلەشنى ئۇنتۇپ  قېلىۋاتىمىز.

كوكتالالىق 2011-06-24 13:58
ئىنكاس قايتۇرغىنىڭلارغا رەخمەت.

كوكتالالىق 2011-06-26 09:01
پىكىر قالدۇرغىنىڭلارغا رەخمەت ئۇستازلار.

mihman-biz 2011-06-26 21:01
<ئۆلۈم چىققان ئۆيدە ئۈچ كۈنگىچە تاماق ئەتسە يامان بولىدۇ>.دىگىنى شۇ3 كۈن ئىچىدە ئائىلە تاۋاباتى ئۆلگۈچىنىڭ باشقىلار ئۈستىدىكى ھەققىنى بىرىۋىتىشى كىرەك،يامان بولىدۇ دىگىنى سىز باشقىلارنىڭ ھەققىنى يەپ قالىسىز دىگەن گەپ.

oytag 2011-07-01 12:28
ئاشۇ « يامان بولىدۇ » لارنىڭ ئىچىگە ھەقىقەتەن چۇڭقۇر ھىكمەتلەر يوشۇرۇنغان، تەتقىقاتچىلارھازىرقى يۇقىرى پەن-تىخنىكا ۋاستىلىرىدىن پايدىلىنىپ تەكشۇرۇش ئىلىپ بېرىش ئارقىلىق، پەقەت ئاز بىر قىسىم «يامان بولىدۇ » نىڭلا «ئاتالمىش » ئىلمىي ئاساسىىنى تېپىپ چىقالىدى. بۇ تەتقىقات نەتىجىلىرى بولسا ئاتا-بوۋېلىرىمىز نەچچە يۈز يىل ھەتتا نەچچە مېڭ يىللار ئىلگىرىلا بىلىپ بولغان، بىز تىخى ئەمدى دىققەت قىلىشقا باشلىغان چۇڭقۇر ھىكمەتلەر ئىچىدىكى بىر قىسملىرىدىنلا ئىبارەت خالاس. شۇڭا ، قېرىنداشلار ، يۈرىكىمىزنى تۇتۇپ تۇرۇپ ئويلىنىپ باكايلى، بۇ بىزنىڭ ئاتا-بوۋېلىرىمىزنىڭ قالاق، مەدەنىيەتسىز ئىكەنلىكىنى ئىپادىلەمدۇ ياكى ......

كوكتالالىق 2011-07-30 23:38
پىكىر بەرگەن يولداشلارغا رەخمەت.

xamxar901 2011-08-08 10:49
ھەر -بىر يامان بۇلدۇ دىگەن سۆزگە بىر  ھىكىمەت  يۇشۇرۇنغان, ئەجدادلار ئەقىل-پاراستىنىڭ جەۋھىرى، تۈمەن مىڭ يىللىق تۇرمۇشنىڭ تەجىرىسى، ھايات-ماماتلىق كۈرەشلىرىنىڭ يەكۈنى

كوكتالالىق 2011-08-08 17:34
مۇشۇ تېمىنى نادىر تېمىلار نامزاتىغا قويسا بولامدىغاندۇر؟

دىلناز 2011-08-08 18:49
 

!adiyat 2011-08-08 19:07
ھەر ۋاقىت خەلىقنى ئويلايدىغان ئۇيغۇرنىڭ ئالىملىرى  مىڭ يىللار  بۇرۇن  قۇرئان ئايەتلىرى ۋە ھەدىسلەرنى تەرجىمە قىلىپ خەلىقنىڭ دىتىغا  يىقىنلاشتۇرۇپ ۋە ئەستە تۇتۇۋىلىشقا ئاسان بوسۇن ئۈچۈن ماقالە  تەمسىللەرگە ئايلاندۇرۇپ  خەلىق ئىچىگە سىڭدۈرۋەتكەن.  بۇ ئۇيغۇر مائارىپىنىڭ  ئۆزگىچىلىكى ۋە ئاممىباپلىقى .  <يامان بولىدۇ>  دىگەن ھەم  دانىشمەنلەرنىڭ
ئىجادىيىتى  ، بۇ گەپكە بىرەر  ئىزاھاتنىڭ ھاجىتى يوق.  ئۇنى  ئۇيغۇرلا  بولسا ئەقىدىگە مۇناسىۋەتلىك ئىكەنلىكىنى  بىلىدۇ ۋە ئەھمىيەت  بىرىدۇ.

deyarem 2011-08-10 18:39
ھەر -بىر يامان بۇلدۇ دىگەن سۆز ئاساسىز  ئەمەس،


查看完整版本: [-- بىزدىكى(يامان بولىدۇ)لار توغرىسىدا --] [-- top --]


Powered by PHPWind v7.3.2 Code © 2003-08 PHPWind
Time 0.073643 second(s),query:3 Gzip enabled

You can contact us