NASA جۇڭگو مۇخبىرلىرىنىڭ نەق مەيداننى زىيارەت مەملىكەت كەڭ ساي مۇنازىرە مۇنبىرى

شىنخۇا تورىنىڭ 17-ماي خەۋىرى: ئامېرىكىنىڭ «ئىلگىرلەش-Endeavour» ناملىق ئالەم ئايروپىلانى 16-ماي فلورىدا شىتاتىنىڭ كېنىندى ئالەم قاتناش مەركىزىدىن بوشلۇققا كۆتۈرۈلۈپ، 25-قېتىملىق ھەم ئەڭ ئاخىرقى قېتىملىق ئۇچۇش ۋەزىپىسىنى باشلاپ، يەر شارى ئاخباراتلىرىنىڭ كەڭ دىققىتىنى تارتتى.
بۇ ئەلۋەتتە جۇڭگونىڭ پەن-تېخنىكا ساھەسى ۋە ئاخباراتلىرىنىڭ قاتتىق دىققىتىنى تارتقان ئىش بولدى.
ئەمما ئويلىمىغان يەردىن، «ئىلگىرلەش» ناملىق ئالەم ئايروپىلانىنى قويۇش بېرىلىشىنى زىيارەت قىلماقچى بولغان جۇڭگو مۇخبىرلىرى يېڭى چىققان «ۋولف بەلگىلىمىسى» سەۋەبلىك زىيارەت قىلىشى رەت قىلىنغان. بۇ يېڭى بەلگىلىمىگە ئاساسەن، ئامېرىكا ئالەم ئاۋىئاتسىيە ئىدارىسى جۇڭگو مۇخبىرلىرىغا زىيارەت قىلىشقا رۇخسەت قىلىنىغان ئىجازەت كىنىشكىسىنى ئەمەلدىن قالدۇرغان.
بۇ يىل 4-ئاينىڭ 15-كۈنى، ئامېرىكا پىرىزدېنتى ئوباما 2011-يىللىق مالىيە يىلى راسخوت لاھىيىسىگە ئىمزا قويغان، لاھىيىنىڭ 214 ۋە 215-بېتىدە، ئامېرىكا-جۇڭگو ئوتتۇرىسىدا ئامېرىكا ئالەم ئاۋىئاتسىيە ئىدارىسىغا ئالاقىدار ياكى ئاق ساراي پەن-تېخنىكا ئىشخانىسى ماسلاشتۇرغان بىرلەشمە تەتقىقات پائالىيەتلىرى چەكلىنىدۇ، ھەتتا ئامېرىكا ئالەم ئاۋىئاتسىيە ئىدارىسىنىڭ بارلىق ئەسلىھەلىرى «جۇڭگو ھۆكۈمىتىنىڭ زىيارەتچىلىرى»نى قوبۇل قىلىشى چەكلىنىدۇ دەپ بەلگىلەنگەن.
شۇنداق قىلىپ، «ئىلگىرلەش» ناملىق ئالەم كېمىسى بوشلۇققا قويۇپ بېرىلگەندە، جۇڭگو مۇخبىرلىرى باشقا دۆلەت مۇخبىرلىرىغا ئوخشاش، نەق مەيداندىن ئالەم ئايروپىلانىنىڭ بوشلۇققا كۆتۈرۈلگەنلىكىنى كۆرەلمىگەن، ئالەم ئاۋىئاتسىيە ئىدارىسى ئاچقان ئاخبارات ئېلان قىلىش يىغىنىغىمۇ قاتناشتۇرمىغان.