查看完整版本: [-- ئوغرىلاردىن ئاگاھ بولۇڭلار! --]

كەڭ ساي مۇنازىرە مۇنبىرى -> كۆڭۈلدىكى سۆز -> ئوغرىلاردىن ئاگاھ بولۇڭلار! [打印本页] 登录 -> 注册 -> 回复主题 -> 发表主题

oylinish 2011-03-26 22:47
ئوغرىلاردىن ئاگاھ بولۇڭلار!  




       ئوغرىلىق قىلغۇچى ئەر ۋە ئوغرىلىق قىلغۇچى ئايالنىڭ قىلمىشنى جازالاپ اﷲ تەرىپدىن ئىبرەت قىلىش يۈزىسدىن قوللىرىنى كېسىڭلار.
                                                                                                                   _ قۇرئاندىن

ۋاقىت ئالدىراڭغۇ ساقلاپ تۇرمايدۇ،
يىللار ۋاقىتنىڭ ئەڭ چوڭ يورغىسى.
ئاققان سۇلار ،ئاتقان تاڭلار قايتىلانمايدۇ،
يورغا يىللار ئۆمۈرنىڭ يامان ئوغرىسى.
                       _ لۇتپۇللا مۇتەللىپ

        ئەڭ يامان ئوغرى مەنىۋىيەت ئوغرىسىدۇر، ئەڭ چوڭ ئوغرىلىنىش ئىتىقادنىڭ ئوغرىلىنىشىدۇر.
                                                                                                     _ قەلب خاتىرەمدىن
 

       <<ئوغرى>> دىگەن سۆز ئۇيغۇرلارغا نىسبەتەن مەنىسى ئېنىق بولغان ئاددىيغىنە بىر ئاتالغۇ. دۇنيادىكى باشقا ھەر قانداق قەۋمدە گەرچە ئاتىلىشى ئوخشىمىسىمۇ، ئەمما مەنىسى ئوخشاش بولغان <<ئوغرى>> ئۇقۇمى مەۋجۇتتۇر. ھەرقانداق ئىتىقادتىكى خەلق ئوغرىلىق قىلمىشىنى يامان كۆرىدۇ. ھەرقانداق تۈزۈمدىكى جەمىيەتتە ئوغرىلار تىگىشلىك جازالىنىدۇ. ئوغرىلىق قىلمىشى ھىچبىر قەۋم ئارىسىدا ھىچقاچان قانۇنلۇق بولۇپ باققان ئەمەس.
        گەرچە، <<ئوغرى>> دىگەن سۆزنى ۋە ئوغرىلىق قىلمىشىنى پۈتۈن دۇنيادىكى مۇتلەق كۆپ قىسىم ئىنسانلار چۈشەنسىمۇ، ئەمما، <<ئوغرى>> سۆزىنىڭ ۋە ئوغرىلىقنىڭ مەنە دائىرىسىنى ئىنسانلارنىڭ كۆپ قىسمى بىلىشتىن غاپىل قالماقتا. كۆپ قىسىم ئىنسانلارنىڭ نەزەرىدە پەقەت ماددىي نەرسىلەرنى ئوغرىلاپ، ئۆزىنىڭ قىلىۋېلىشقا ئادەتلەنگەن كىشلەرلا ئوغرى دەپ ئەيىبلەنمەكتە. شۇنداقلا، پەقەت ماددىي نەرسىلەرنىڭ باشقىلار تەرىپىدىن يۇشۇرۇن ئىگەللىۋېلىنىشىلا ئوغرىلىق دەپ قارالماقتا.
        يۇقىرىدىكىدەك ناتوغرا قاراش قەۋمنىڭ پىكىر قاتلىمىنى ئىگەللىۋالغان بىر دەۋردە <<ئوغرى>> ئۇقۇمى بۇرۇنقى پىكىرگە يات بولغان ئالاھىدە بىر خىل ئىپادە بىلەن ئۆزىنىڭ يېڭىچە بىر خىل مەنىسىنى تاپتى. بۇ مەنىنى تۇلۇقسىز ئوتتۇرا مەكتەپتە ئوقۇۋاتقان چېغىمدا بىلىپ يەتتىم. بۇ دەل ئۇيغۇرلارنىڭ پەخىرلىك ئوغلانى لۇتپۇللا مۇتەللىپ<< يىللارغا جاۋاب>> ناملىق شىئىرىدا ئوتتۇرىغا قويغان <<ئۆمۈر ئوغرىسى>> بولغان <<ۋاقىت>> ئۇقۇمى ئىدى. لۇتپۇللا مۇتەللىپ يۇقارقى شېئىرىدا، ۋاقىتنىڭ ئىنتايىن << يامان ئوغرى>> ئىكەنلىكىنى ئوتتۇرىغا قويدى. گەرچە دەرسلىك كىتابتا <<بۇ شىئىردا ئوتتۇرىغا قويۇلغان <يىللار> سۆزى سىمۋوللۇق مەنىگە ئىگە، بۇ شۇ دەۋردىكى زالىم ھۆكۈمرانلارنى كۆرسىتىدۇ>> دىيىلگەن بولسىمۇ، ئەمما بۇنى ئۆز مەنىسىدە چۈشىنىشمۇ تامامەن مۇمكىن. ئاپتور بۇ ئارقىلىق ۋاقىتنى زايە قىلىۋېتىشنىڭ ئۆز ئۆمرىنى ئۆزى ئوغرىلىغانلىق بولىدىغانلىقىنى، ئۆمرىنى قەۋمىنىڭ كەلگۈسى ۋە ئۆزىنىڭ كىيىنلىكى ئۈچۈن ئىشلىتىش ئارقىلىق ئۆز ئۆمرىنى ئۆزى ئوغىرلاشتىن ساقلىنىش كېرەكلىكىنى قەيت قىلغان، دېيىشكە بولىدۇ.
       يۇقىرىدىكى پىكىرلەر بۇ ماقالىدە تەھلىل قىلماقچى بولغان ئاساسىي ئىدىيە ئەمەس. بەلكى، يۇقارقى پىكىرلەر <<ئوغرى>> ئاتالغۇسىنى ماددىي جەھەتتىن باشقا جەھەتلەردىمۇ قوللىنىشقا بولىدىغانلىقىنى كۆرسىتىپ بېرىش ئۈچۈن ئوتتۇرىغا قويۇلدى. ئەسلىي مەقسەتكە كەلسەك، بۇ مۇھاكىمىنىڭ مەركىزىي ئىدىيىسى <<مەنىۋىيەت ئوغرىلىقى>> بىلەن <<ماددىي بۇيۇم(ياكى پۇل) ئوغرىلىقى>> نىڭ مۇناسىۋىتى ۋە كىشلەر مېڭىسىدىكى ئىنكاسىنى ۋە كىشلەرنىڭ ھەرىكىتىدىكى ئىپادىسىنى تەھلىل قىلىشتىن ئىبارەت.

        بۇنىڭدىن 10-15 يىل ئىلگىرى، يۇرتىمىزدا ئوغرىلىق ئەھۋاللىرى ئىنتايىن ئاز كۆرۈلەتتى. سىرتقا چىقماقچى بولساق، ئىشىككە قۇلۇپ سالمايتتۇق. پەقەت، ئىت - مۈشۈكلەرنىڭ ئۆيگە كىرىۋالماسلىقى ئۈچۈن ئىشىكنى يىپ بىلەن چىگىپ قوياتتۇق. ئۆينىڭ ئالدى دەرۋازىسىنى ئىچىدىن ئىلىپ قويۇپ، ئارقا ئىشىكنى تاقىمايلا چىقىپ كېتەتتۇق. بىر قىسىم ماتىرياللاردىن كۆرۈشۈمچە، بۇنىڭدىن نەچچە يۈز يىل ئىلگىرى، كىشلەر نەچچە كۈنلۈك، ھەتتا نەچچە ئايلىق سەپەرگە چىقسىمۇ ئىشىككە قۇلۇپ سالماي چىقىپ كېتىدىغان ئىشلار مەۋجۇت ئىكەنمىش. ئەمما ھازىر بىرەر سائەتلىك ئىشى چىقىپ قېلىپ سىرتقا چىقماقچى بولغان كىشى ھەربىر ئېغىز ئۆيگە ئايرىم قۇلۇپ سالغاندىن تاشقىرى، ئالدى دەرۋازا، كەينى ئىشىك قاتارلىقلارغىمۇ چوڭ قۇلۇپلارنى ئېسىپ قويۇشىدۇ. بۇ ھازىرقى يېزىلارنىڭ ئەھۋالى. شەھەرلەرنىڭ ئەھۋالىنى ئويلاشقىنىمىزدا، بىنادىن پەسكە چۈشۈپ ئەخلەت تۆكۈپ چىققۇچە ئىشىكنى تاقىماي قويۇپ قويىدىغان ئادەمنىمۇ تاپقىلى بولمىسا كېرەك.
         ئۇنىڭدىن باشقا، ئەگەر سىز شەھەر كوچىلىرىدا يانچۇقىڭىزغا كۆپرەك پۇل سېلىپ، پىيادە كېتىۋاتقان بولسىڭىز قانداق كەيپىياتتا ماڭىسىز؟ شۇنداق جەزىملەشتۈرىمەنكى، قولىڭىزنى پۇل بار يانچۇقىڭىزدىن ئايرىمايسىز ياكى ھىچ بولمىغاندا، بىرە- بىرە قولىڭىز بىلەن يانچۇقىڭىزنى سىلاپ قويىسىز. ئەگەر ئاپتۇبۇستا بوپ قالسىڭىز، قىستاقچىلىقتا بىرەر ئادەمنىڭ جەينىكى سىزگە تېگىپ كەتكەن بولسىمۇ، ھېلىقى كىشىگە بىر خىل گۇمانىي نەزەر بىلەن قارىغاندىن كىيىن، دەرھال يانچۇقىڭىزدىكى پۇلنى خىيالغا كەلتۈرىسىز ۋە بىر خىل ئىھتىياتچان كەيپىياتقا ئۆتىسىز.
         يۇقارقىلار كىشلەردىكى ئوغرىدىن خۇدۇكسىرەش كەيپىياتى بولۇپ، ئەتراپلىق تەھلىل قىلغىنىمىزدا، بۇ خىل خۇدۇكسىرەش ئومۇمەن ماددىي تەرەققىياتنىڭ تېزلىشىشى ۋە يېڭى مەدەنىيەتلەرنىڭ پەيدا بولۇشىغا ئەگىشىپ بارغانسىرى كۈچىيىپ كېتىۋاتقانلىقى مەلۇم.
         بىر قىسىم قەۋملەردىكى ئىتىقادسىزلىق ۋە ئىتىقادلىق قەۋملەردىكى ئىتىقادنىڭ ئاجىزلىشىشىنى يۇقىرىدىكىدەك كەيپىياتنى كەلتۈرۈپ چىقارغان ئاساسىي سەۋەب دېسەك قىلچە خاتالاشقان بولمايمىز. چۈنكى، ئىتىقادسىز قەۋمدە گۇناھ تۇيغۇسى بولمايدۇ. گۇناھ تۇيغۇسى بولمىغانىكەن، ( قانۇننىڭ جازاسىدىن ئەنسىرىمەيدىغانلا بولسا) ماددىي مەنپەئەتى ئۈچۈن پايدىلىق بولغان ھەر قانداق ئىشنى قىلىشتىن يانمايدۇ. ئىتىقادى سۇسلاشقان قەۋمدە، بىر- بىرىدىن ئەيمىنىش قالمايدۇ. چۈنكى، ھەرقانداق ئىنسان ئىختىيارلىققا قويۇپ بېرىلگەن ھەر قانداق ئىشتا ئۆز ئىتىقادىدىن كېلىپ چىققان ئەقىدە بويىچە ياشايدۇ.
         ئۇنداقتا، بىز ئۇيغۇرلاردەك 1000 يىل ئىلگىرىلا توغرا ئىتىقادنى تىكلەپ، ئاشۇ توغرا ئىتىقاد ئاستىدا ياشاپ، شانلىق مەدەنىيەتلەرنى ياراتقان بۇ قەۋمدە نىمە ئۈچۈن ئىتىقاد سۇسلىشىدۇ؟ كىشلەر نىمە ئۈچۈن ئۆز ئەقىدىسىدىن يىراقلىشىدۇ؟ بۇ دەل توغرا ئەقىدىمىزنىڭ ۋە شۇ ئەقىدىدىن كېلىپ چىققان پارلاق مەدەنىيىتىمىزنىڭ يات مەدەنىيەتلەر ۋە ئەقىدىلەر تەرىپىدىن ئوغىرلانغانلىقى سەۋەبىدىندۇر.
        <<قازانغا يۇلۇقساڭ قارىسى يۇقار، يامانغا يۇلۇقساڭ يارىسى>> دىگەن ماقالدا بىر ئادەمنىڭ يېنىدىكى بىر ئادەمدىكى خۇلقىنى بىلمەستىن قۇبۇل قىلىۋالىدىغانلىقى كۆرسىتىپ بېرىلگەن بولسىمۇ، بۇنى بىر قەۋمدىكى بىر توپ كىشلەرنىڭ باشقا بىر قەۋمدىكى مەدەنىيەت ياكى ئىللەتلەرنى قۇبۇل قىلىۋېلىشىغا تەقلىد قىلىشقىمۇ بولىدۇ. ئەمەلىيەتتە يۇقارقى تەقلىد قىلىش(يۇقتۇرۋېلىش)، ئۇنى قۇبۇل قىلغۇچى ئادەمنىڭ ئۆز رازىلىقى ۋە پايدا- زىيىنىنى سېلىشتۇرۇشى ئارقىلىق بىكىتىلگەن بولماستىن، بەلكى، تۇيماستىن قۇبۇل قىلىشتۇر. بۇ خىل قۇبۇل قىلىشتا چوقۇمكى، يېڭى بىر خىل قىممەت قاراش ۋە مەدەنىيەت شۇ كىشىدە ئەسلىدە بار بولغان قىممەت قاراش ۋە مەدەنىيەتنىڭ ئورنىنى ئالىدۇ. بۇ دەل ئۆز قىممەت قارىشى ۋە مەدەنىيىتىنىڭ ياتلار تەرىپىدىن ئوغرىلىنىپ كېتىشىدۇر.
        15 يىل ئىلگىرى مەھەللىمىزنىڭ يوللىرى ئىنتايىن ئەگرى - بۈگرى، ئۆيلەرنىڭ ھەممىسى خام كېسەكتىن سېلىنغان ئۆيلەر ئىدى (يوللار ئەگرى-بۈگرى بولغان بىلەن كۈڭۈللەر تۈز ئىدى.) يول بويىدىكى ئۆيلەرنىڭ تېمىغا تەشۋىقات جۈملىلىرى يېزىپ قويۇلاتتى. ھېلىمۇ ئېسىمدە، مەھەللىدىكى بىر كىشىنىڭ تېمىدا << بۇرژۇئازىيىگە قارشى تۇرايلى!>> دىگەن بىر جۈملە خەت بار ئىدى. قىزىقارلىق يېرى، بۇ جۈملىنىڭ مەنىسىنى شۇ چاغدا مەھەللىدىكى كۆپ قىسىم كىشلەر چۈشەنمەيتتى(مەنغۇ قەتئىي چۈشەنمەيتتىم.) مانا ئەمدىلىكتە دېھقان- چارۋىچىلار رايونىدا يېڭى يېزا قۇرۇش دولقۇنى كۆتۈرۈلۈپ، بۇرۇنقى يوللار بۇزۇلۇپ، تۈپتۈز ئاسفالىت يوللار ياسالدى(ئەمما قەلبىدە ئەگرىلىك بارلار كۆپىيىپ كەتتى). بۇرۇنقى كونا ئۆيلەر پۈتۈنلەي چېقىلىپ پىششىق خشتىن <<يەر تەۋرەشكە چىداملىق ئۆي>>لەر سېلىندى. 15 يىلنىڭ ئالدىدىكى كوچىدىكى تاملارغا تەشۋىقات يازىدىغان ئىشلار ھازىرمۇ مەۋجۇت. ئەمما تامدىكى خەتلەر تامامەن باشقىچە بولۇپ، <<ئەيدىز كېسىلى قاندىن، ئانىدىن بالىغا ۋە جىنسىي مۇناسىۋەت ئارقىلىق يۇقىدۇ>>، <<ئەيدىز كېسىلىدىن ساقلىنىش ئۈچۈن، ھامىلدارلىقتىن ساقلىنىش قاپچۇقى نى توغرا ئىشلىتىڭ >> دىگەندەك تەشۋىقاتلار يېزىلدى. بۇرۇنقى بۇرژۇئازىيىگە قارشى تۇرۇش تەشۋىقاتلىرى يوقاپ كېتىپلا قالماستن، بەلكى، ھازىرقى تەشۋىق قىلىنىۋاتقان ئاشۇ سۆزلەر ۋە ئىشلار دەل ئاشۇ بۇرۇن قارشى تۇرغان بۇرژۇئازىيىنىڭ نەتىجىسىدىن ئىبارەت بولدى. چۈنكى، ھازىر بۇرۇن قارشى تۇرۇلغان بۇرژۇئا پىكىر-چۈشەنچىلىرى كۆپ قىسىم تەشۋىقات ۋاستىلىرىنى قاپلىدى. بۇ تەشۋىقات ۋاستىلىرى ئەمەلىيەتتە، بىزنىڭ مەنىۋىيىتىمىزنى ئوغرىلىۋاتقان ئوغرىلارنىڭ بىر خىلىدۇر. ئەمما بۇ ئوغرىغا دىققەت قىلغانلار قانچىلىك؟؟؟
      قايسى بىر ئېلاندا <<ئىنىرگىيە كېلىۋاتىمەن دىمەيدۇ>> دىگەندەك، بۇ خىلدىكى مەنىۋىيەت ئوغرىلىرىمۇ <كېلىۋاتىمەن> دىمەيدىكەن. شۇ سەۋەپتىن، نۇرغۇن كىشلەر مەنىۋىيىتىنى يۇشۇرۇن كەلگەن ئوغرىغا بېرىپ قويىۋاتىدۇ(ئوغرىغۇ ھەر ۋاقىت يۇشۇرۇن كېلىدۇ). ماددىي بايلاردىن بولۇش ئۈچۈن، مەنىۋىي كەمبەغەللىككە گىرىپتار بولىۋاتىدۇ.
      بۇ يەردە ئېيتىلىۋاتقان ئوغرىلار ئاساسلىقى غەربنىڭ ماددىي مەنپەئەتچىلىك ئاساس قىلىنغان بۇزۇق پىكىرلىرى، ئىنسان تەبىئىتىگە خىلاپ ھالدا ئوتتۇرىغا قويۇلغان ساختا ئەركىنلىك شوئارلىرى، خۇسۇسىي مۈلۈكچىلىكنى ئاساسىي يادرو قىلغان شەخسىيەتچىلىك تۈزۈلمىلىرى.... قاتارلىقلار بولۇپ، غەربتىكى كاپىتالىستىك ھاكىمىيەتلەر ئۆز مەبدەئىنى پۈتۈن دۇنياغا يېيىش ئارقىلىق، ئۆز مەدەنىيىتىنى ساقلاپ قېلىش ئارزۇسىدا، بۇ بۇزۇق مەدەنىيەتلىرى ئارقىلىق بىزنىڭ (ۋە باشقا مۇسۇلمان قەۋملەرنىڭ) نەچچە مىڭ يىللىق پارلاق مەدەنىيىتىمىزگە سىڭىپ كىرىپ، خەلقىمىزنىڭ ئىچىدە پىتنە ۋە بۇزۇقچىلىقنىڭ يېيىلىشىنى كەلتۈرۈپ چىقارماقتا.

       ئىنتايىن خەتەرلىك بولىۋاتقان مەسىلە شۇكى، خەلقىمىز بۇ خىل ئالاھىدە ئوغرىنىڭ ماھىيىتى ۋە مەقسىتىنى چۈشىنىپ يېتەلمىگەنلىكتىن، ئۇنىڭدىن مۇداپىئەلىنىش كەيپىياتىمۇ تازا شەكىللىنىپ بولالمايۋاتىدۇ. شۇ سەۋەبتىن، مىللەت ئىچىدە ئۆزلۈكنى ئۇنتۇش، مەدەنىيەتتىن يىراقلىشىش، ئىتىقادىي سۇسلىشىش، ماددىي مەنپەئەتنى ئاساس قىلىش ئەھۋاللىرى بىر قەدەر تەرەققىي قىلىپ كېتىۋاتىدۇ.

     _ ئوغرى، ئوغرى!!! ئوغرىنى تۇتۇڭلار!!!

      يولدا كېتىۋاتقاندا تۇيۇقسىز يۇقۇرىدىكىدەك توۋلىغان ئاۋازنى ئاڭلىسىڭىز قانداق قىلىسىز؟ ئىشىنىمەنكى، دەرھال ئۆز يېنىڭىزغا قارايسىز. خۇددى سىزنىڭ بىر نەرسىڭىزنى ئوغرى ئېلىپ قاچماقچىدەك بىر خىل سىزىم دەرھال شەكىللىنىدۇ. ئوغرىغا لەنەت ئوقۇيسىز. ئەمما، مەنىۋىيىتىڭىز چىركىنلىشىپ كېتىۋاتقاندا، ئىتىقادىڭىز سۇسلاپ كېتىۋاتقاندا ياكى يېنىڭىزدىكى بىرسىنىڭ مىللىي مەدەنىيەتكە يات بىر قىلمىشنى قىلىۋاتقانلىقىنى كۆرگىنىڭىزدە مۇشۇنداق ئىھتىيات قىلىش ۋە غەزەپلىنىش ھىسياتى شەكىللىنەمدۇ يوق؟؟؟  

         سىز ئۆزىڭىزنىڭ ماددىي بايلىقلىرىڭىزنى ئوغرى ئېلىۋالماسلىقى ئۈچۈن، شۇنچىلىك قىلىپ كېتىسىزكى، ئۆيىڭىزگە بىخەتەر ئىشىك ئورنىتىسىز. ئۆيىڭىز 5-6- قەۋەتلەردە تۇرۇقلۇق، دېرىزىگە سىرتىدىن تۈمۈر رىشاتكا ئورنىتىسىز. پۇلىڭىزنى ئوغرى ئېلىۋالماسلىقى ئۈچۈن، بانكىغا قويۇپ قويىسىز( لازىم بولغاندا پۇل ئېلىش ماشىنىسى ئالدىدا ئۆچرەتتە تۇرۇپ، شۇ كۈندىكى ئىھتىياجقا چۇشلۇقلا پۇلنى ئالىسىز). چۈنكى يۇقارقىدەك ئىشلارنى قىلىشىڭىزنىڭ ھەممىسى ھازىرقىدەك قانۇنسىز قىلمىشلار ئەۋج ئالغان، خاتىرجەمسىزلىكە تولغان، بىر- بىرىگە ئىشەنچ قىلغىلى بولمايدىغان، بۇزۇقلۇققا تولغان جەمىئيەتتە ئۆز ماددىي بايلىقلىرىڭىزنىڭ باشقىلارنىڭ دەخلىسىگە ئۇچرىشىدىن ساقلىنىش ۋە ئۆز ھوقۇقىڭىزنى كاپالەتلەندۈرۈش ئۈچۈندۇر. ئەمما سىز مەنىۋىي بايلىقىڭىزغا باشقىلارنىڭ دەخلى قىلالماسلىقى ئۈچۈن قانچىلىك تىرىشىپ باقتىڭىز؟ مەنىۋىيەت ئوغرىلىرىدىن قانچىلىك مۇداپىئەلەندىڭىز؟ بۇنىڭ ئۈچۈن قانچىلىك ئاماللارنى ئىشلىتىپ باقتىڭىز؟؟؟


         مەنىۋىي ئوغرىلىق ماددىي ئوغرىلىقتىنمۇ ئېغىر بولىدۇ. ئەگەر بىر ئوغرى سىزنىڭ پۇلىڭىزنى ياكى باشقا مال-مۈلكىڭىزنى ئوغرىلىۋالغان بولسا، سىزگە ماددىي زىيان بولغان بولسىمۇ، ئەمما  مەنىۋىي جەھەتتىن سىزگە ئازراق بولسىمۇ پايدىسى بولىدۇ.  چۈنكى بۇ چاغدا سىز ئوغرىغا چىش- تىرنىقىڭىزغىچە ئۆچ بولىسىز، ئوغرىنى تىللايسىز. ئاشۇ تىللاۋاتقان چېغىڭىزدا ئوغرىلارنىڭ نەقەدەر يامان ئادەملەر ئىكەنلىكىنى ۋە ئوغرىلىق قىلمىشىنىڭ ئىنتايىن نىجىس قىلمىش ئىكەنلىكىنى ئويلايسىز. بۇنىڭ بىلەن سىزدە مەڭگۈ ئوغرى بولۇپ قالماسلىقتىن ئىبارەت ئىدىيە مۇستەھكەملىنىدۇ. ئەمما مەنىۋىي ئوغرىلىق بۇنداق ئاددىي ئەمەس. ئەگەر سىزنىڭ مەنىۋىيىتىڭىز ئوغرىلار تەرىپىدىن بۇلغانغان بولسا، بۇ چاغدا سىز ئۆزىڭىزگە سىڭدۈرىۋالغان بۇ خىل ئىدىيىنىڭ ۋە بۇنداق ھايۋانلارچە ياشاش ئۇسۇلىنىڭ نەقەدەر بۇزۇقلىقىنى ئويلاپمۇ قويمايسىز. چۈنكى بۇ ئاللىقاچان سىزنىڭ تۇرمۇش ئۇسۇلىڭىز ۋە ياشاش نىشانىڭىزغا ئايلىنىپ كەتكەن بولىدۇ.  
        بەلكىم سىز ئىتىقادىڭىزنى ئاللىقاچان ئوغرىغا بېرىپ بولدىڭىز. چاتاق يېرى، ئۆزىڭىزمۇ بىر <<مەدەنىيەت ئوغرىسى>>غا ئايلىنىپ بولغان بولىشىڭىز مۇمكىن.  چۈنكى بۇ چاغدا سىزنىڭ قەلبىڭىزدىكى  ئۆزلۈك ئېڭى، توغرا ئىتىقاد، مۇستەھكەم ئەقىدە...لەر ئاللىقاچان سۇسلىشىپ ياكى سۈپۈرۈلۈپ، ئۇنىڭ ئورنىغا بۇزۇق ئىتىقاد، چەلكەش چۈشەنچىلەر توشۇپ كەتكەن بولىدۇ. بۇ چاغدا سىزنىڭ پەرزەنتىڭىز بولسا، پەرزەنتىڭىزگە قايسى ئىتىقادنى سىڭدۈرىسىز؟ ئەلۋەتتە بالىڭىزنى ئۆزىڭىزدە بار بولغان ئىتىقاد ۋە دۇنيا قاراش بويىچە تەربىيىلەپ چىقىسىز.  ئۇنىڭدىن سىرت، خۇددى ئەينى چاغدا سىز باشقىلاردىن يات مەدەنىيەتنى قۇبۇل قىلىپ، ئۆز مەدەنىيىتىڭىزنى ئوغرىلىتىپ قويغانغا ئوخشاش، ئەتراپىڭىزدىكى كىشلەرمۇ  سىزدىن  تەسىر ئالىدۇ -دە ئۆز ئىتىقادىنى ئۇنتۇشقا باشلايدۇ.  مانا بۇ چاغدا سىز باشقىلارنىڭ مەنىۋىيىتىنى ئوغرىلايدىغان ئوغرىغا ئايلىنىپ بولغان بولىسىز.
       يۇقارقىلارنى يىغىنچاقلىغاندا، ھازىر مۇتلەق كۆپ قىسىم كىشلەر ئۆز مال- مۈلكىنىڭ ئوغرىلىنىپ كەتمەسلىكى ئۈچۈن قانداق قىلىش كېرەكلىكىنى بىلىدۇ، شۇنداقلا، ئۆز مال-مۈلكىنى خىلمۇ- خىل ئۇسۇللار بىلەن قوغدايدۇ. ئەمما، ئەڭ چوڭ مۇسىبەت بولغان <<مەنىۋىيەتنىڭ ئوغرىلىنىشى>>غا دىققەت قىلىدىغانلار ئىنتايىن ئاز سالماقنى ئىگىلەيدۇ. ھەتتا بەزىلەر خىيالىغا كەلتۈرۈپمۇ باقمىغان بولۇشى مۇمكىن.
        جەمئىيەتتە يۈز بېرىۋاتقان بارلىق پاراكەندىچىلىكلەر، قانۇنغا خىلاپ قىلمىشلار، ئەخلاقسىزلىقلار، مۇقىمسىزلىق، ئىتتىپاقسىزلىق ئامىللىرىنىڭ ھەممىسى كىشلەرنىڭ ئىتىقادىغا زىچ مۇناسىۋەتلىك بولۇپ ھېسابلىنىدۇ. ئۆز ئىتىقادىمىزنى ساقلاپ قالالماسلىقىمىز __ مىللىتىمىزنىڭ پارلاق مەدەنىيىتىنى ساقلاپ قالالماسلىقىمىز ۋە جەمىيەتتىكى ئەخلاقسىزلىق قىلمىشلىرىنى كونتىرول قىلالماسلىقىمىزنىڭ ئاساسلىق سەۋەبىدۇر. ( بىر ئادەمنىڭ ئوغرى بولۇپ قېلىشىمۇ دەل مەنىۋىيىتىنىڭ ئوغرىلانغانلىقى سەۋەبىدىندۇر).
       غەربنىڭ ۋە يىراق شەرقنىڭ مەدەنىيىتىمىزگە قىلغان تاجاۋۇزىغا باش ئەگمەستىن، يۇشۇرۇن سۇيقەستلىرىنىڭ ئالدام خالتىسىغا چۈشۈپ كەتمەستىن ئۆزىمىزدە بار بولغان توغرا  ئىتىقادنى قوغداش، زىممىمىزدىكى پەرۋەردىگار يۈكلىگەن مەسئۇلىيەتنى تونۇش ، بۇرچنى تولۇق  ئادا قىلىش ... قاتارلىق ئىشلار مىللىتىمىزنىڭ پارلاق مەدەنىيىتىنى، ئېسىل ئەخلاق ۋە ئۆرپ -ئادەتلىرىمىزنى، ئۆزلۈكىمىزنى، كىملىكىمىزنى .... ساقلاپ قېلىشىمىزنىڭ مۇھىم ئاساسىدۇر.
      يەنە شۇنى ئەسكەرتىمەنكى، ئۆز مەنىۋىيىتىڭىزنى ئوغرىغا بېرىپ قويۇش بىلەن بىرگە، ئائىلىڭىزدىكىلەرنىڭ، ئەتراپىڭىزدىكىلەرنىڭ، قەۋمىڭىزنىڭ ئېسىل مەنىۋىي مىراسلىرىنى ئوغىرلايدىغان ئوغرىغا ئايلىنىپ قېلىشتىن ئېھتىيات قىلىڭ!
------------------------------
      ئوغرى ، ئوغرى! ئوغرىنى تۇتۇڭلار!  
-----------------------------
     ئوغرى كەلدى!   تېلىۋوزۇردىن، توردىن، گېزىت ژۇرناللاردىن، غەربتىن، يىراق شەرقتىن ... خىلمۇ - خىل ئوغرىلار كەلدى.  ئەگەر ئۆزىڭىزنىڭ ھەقىقىي بايلىقىنى قوغداپ قالاي دىسىڭىز بۇ ئوغرىلارنىڭ مىكرىدىن ھەزەر ئەيلەڭ، قاپقىنىغا چۈشۈپ قېلىشتىن ئىھتىيات قىلىڭ!
-----------------------------
     ئى ئىنسانلار! ئوغرىلاردىن ئاگاھ بولۇڭلار!!!


2011- يىل 3- ئاينىڭ 26- كۈنى

مەنبە: قەلىمىم

cayyara 2011-03-27 00:38
ياخشى تېما بۇلۇپتۇ ،ھەممە ئادەمنىڭ ئېڭىدا <<قىلغان ئېشلىرىمنىڭ ھەممنى ئاللا كۆرۈپ تۇرىدۇ ،ياخشىلىقىم ئۈچۈن ياخشىلىققا، يامانلىقىم ئۈچۈن ئازاپقا ئېرىشىمەن >>دىگەن كۆز قاراش بولسا جەمىيەتتە ئوغۇرلارمۇ بولمايتى ،
دۇنيا نىممەتلىرىنىڭ ھالاللىرىغا ھېساپ ھاراملىرىغا ئازاپ بار بۇلىدىغانلىقنى ،ھەتتا تىنىقلىرىمىز ئۈستىدىمۇ جاۋاپقا تارتىلىدىغانلىقىمىزنى بىلگەن بولساق ۋاقىتنى قەدىرلەشنىمۇ بىلەتتۇق ،ئاللاھ بەرگەن نىممەتلەردىن ئوزۇقلىنىپ ئاللاھ بەرگەن ھاۋادىن نەپەسلىنىپ يەنە ئاللاھ بەرگەن ،،،،،،،،ھەممىنى بەرگەن شۇ رەببىمىزگە بۇنچىلىك تۇزكورلۇق قىلمايتۇق <<ئاللاھتىن قورقىمەن ،ئاللاھنى ياخشى كۆرىمەن >>دىيەلىسەك ھەم چوقۇم ئەمەل قىلالىساق < ئۇ >،،< بۇ  > ئوغۇرلارغا ،ۋاقىت ئوغۇرسىغا پۇرسەت بەرمەيتۇق ،
قەلىمىڭىزگە قۇۋۋەت تىلەيمەن ئاللاھ سىزنى ھەم بارلىق مۇسۇلمان قېرىداشلانى دۇنيا ئاخىرەتتە بەخىتلىك قىلسۇن

تاھىربەگ 2011-03-27 13:44
ئىسىل  تېما ، نادىرلانماپتىيا ؟؟؟  

oylinish 2011-03-27 15:19
ئىشلىتىش
بۇ مەزمۇن 1قەۋەتتىكى قوزام نىڭ 2011-03-27 00:38 يوللىغان يازمىسىغا نەقىل :
ياخشى تېما بۇلۇپتۇ ،ھەممە ئادەمنىڭ ئېڭىدا <<قىلغان ئېشلىرىمنىڭ ھەممنى ئاللا كۆرۈپ تۇرىدۇ ،ياخشىلىقىم ئۈچۈن ياخشىلىققا، يامانلىقىم ئۈچۈن ئازاپقا ئېرىشىمەن >>دىگەن كۆز قاراش بولسا جەمىيەتتە ئوغۇرلارمۇ بولمايتى ،
دۇنيا نىممەتلىرىنىڭ ھالاللىرىغا ھېساپ ھاراملىرىغا ئازاپ بار بۇلىدىغانلىقنى ،ھەتتا تىنىقلىرىمىز ئۈستىدىمۇ جاۋاپقا تارتىلىدىغانلىقىمىزنى بىلگەن بولساق ۋاقىتنى قەدىرلەشنىمۇ بىلەتتۇق ،ئاللاھ بەرگەن نىممەتلەردىن ئوزۇقلىنىپ ئاللاھ بەرگەن ھاۋادىن نەپەسلىنىپ يەنە ئاللاھ بەرگەن ،،،،،،،،ھەممىنى بەرگەن شۇ رەببىمىزگە بۇنچىلىك تۇزكورلۇق قىلمايتۇق <<ئاللاھتىن قورقىمەن ،ئاللاھنى ياخشى كۆرىمەن >>دىيەلىسەك ھەم چوقۇم ئەمەل قىلالىساق < ئۇ >،،< بۇ  > ئوغۇرلارغا ،ۋاقىت ئوغۇرسىغا پۇرسەت بەرمەيتۇق ،
قەلىمىڭىزگە قۇۋۋەت تىلەيمەن ئاللاھ سىزنى ھەم بارلىق مۇسۇلمان قېرىداشلانى دۇنيا ئاخىرەتتە بەخىتلىك قىلسۇن

سىز ماقالىنى تۇلۇق ئوقۇماپسىز ھە!
مەن بۇ ماقالىدا  ۋاقىت مەسىلىسىنى ئوتتۇرىغا قويمىغان. تىمىنىڭ تۆۋەندىكى يەرلىرىنى كۆرۈپمۇ باقماپسىز:
يۇقىرىدىكى پىكىرلەر بۇ ماقالىدە تەھلىل قىلماقچى بولغان ئاساسىي ئىدىيە ئەمەس. بەلكى، يۇقارقى پىكىرلەر <<ئوغرى>> ئاتالغۇسىنى ماددىي جەھەتتىن باشقا جەھەتلەردىمۇ قوللىنىشقا بولىدىغانلىقىنى كۆرسىتىپ بېرىش ئۈچۈن ئوتتۇرىغا قويۇلدى. ئەسلىي مەقسەتكە كەلسەك، بۇ مۇھاكىمىنىڭ مەركىزىي ئىدىيىسى <<مەنىۋىيەت ئوغرىلىقى>> بىلەن <<ماددىي بۇيۇم(ياكى پۇل) ئوغرىلىقى>> نىڭ مۇناسىۋىتى ۋە كىشلەر مېڭىسىدىكى ئىنكاسىنى ۋە كىشلەرنىڭ ھەرىكىتىدىكى ئىپادىسىنى تەھلىل قىلىشتىن ئىبارەت. 
ئەڭ يامان ئوغرى مەنىۋىيەت ئوغرىسىدۇر، ئەڭ چوڭ ئوغرىلىنىش ئىتىقادنىڭ ئوغرىلىنىشىدۇر.

arzuyum 2011-03-27 15:22
ئەسسالامۇ -ئەلەيكۇم قېرىندىشىم ، ئەھمىيەتلىك تېمىلىرىڭىزگە ئاللاھ ئەجىر ئاتاقىلسۇن !

samanyoli 2011-03-27 15:25
ياخشى تىما ،،،،،،،،ئىسمىڭىزغا ھەقىقەتەن ماس كەپتۇ جۇمۇ،،،،،ئىسىل تەپەككۇرلار ئىكەن ،،،،

cayyara 2011-03-27 22:42
ئىشلىتىش
بۇ مەزمۇن 3قەۋەتتىكى mutepekkur نىڭ 2011-03-27 15:19 يوللىغان يازمىسىغا نەقىل :

سىز ماقالىنى تۇلۇق ئوقۇماپسىز ھە!
مەن بۇ ماقالىدا  ۋاقىت مەسىلىسىنى ئوتتۇرىغا قويمىغان. تىمىنىڭ تۆۋەندىكى يەرلىرىنى كۆرۈپمۇ باقماپسىز:
يۇقىرىدىكى پىكىرلەر بۇ ماقالىدە تەھلىل قىلماقچى بولغان ئاساسىي ئىدىيە ئەمەس. بەلكى، يۇقارقى پىكىرلەر <<ئوغرى>> ئاتالغۇسىنى ماددىي جەھەتتىن باشقا جەھەتلەردىمۇ قوللىنىشقا بولىدىغانلىقىنى كۆرسىتىپ بېرىش ئۈچۈن ئوتتۇرىغا قويۇلدى. ئەسلىي مەقسەتكە كەلسەك، بۇ مۇھاكىمىنىڭ مەركىزىي ئىدىيىسى <<مەنىۋىيەت ئوغرىلىقى>> بىلەن <<ماددىي بۇيۇم(ياكى پۇل) ئوغرىلىقى>> نىڭ مۇناسىۋىتى ۋە كىشلەر مېڭىسىدىكى ئىنكاسىنى ۋە كىشلەرنىڭ ھەرىكىتىدىكى ئىپادىسىنى تەھلىل قىلىشتىن ئىبارەت. 
ئەڭ يامان ئوغرى مەنىۋىيەت ئوغرىسىدۇر، ئەڭ چوڭ ئوغرىلىنىش ئىتىقادنىڭ ئوغرىلىنىشىدۇر.

سىز مېنىڭ ئىنكاسىمنى چۈشەنمەپسىز ،، مەن بۇ ئىنكاسنىمۇ  مەنىۋى ھەم ماددى ئوغۇرلارنى كۆزدە تۇتۇپ بەردىم. شۇ مەنىۋى ئوغۇرلارغا پۇرسەت بەرمىسەك ئىتىقادنىڭ ئوغرىلىنىشى بۇلمايتى .ئىتىقادنىڭ ئوغرىلىنىشى بولمىسا ماددى ئوغۇرلىرىمۇ جەمىيتىمىزدە ھەم بولمايتى. خىيالىڭىزدا مېنى پەقەت ماددى بويۇم ئوغۇرلىرىنى كۆزدە تۇتۇپ پىكىر قىلدى دەپ چۈشنىپسىزدە ،مەن ئۇنداق تېمىنى پۈتۈن ئوقۇماي چۈشەنمەي تۇرۇپ گەپ قىلمايمەن

taranqi217 2011-03-28 02:35
ۋاي نىمىدىگەن ئۇزۇن.........................
تايىر قىرىندىشىمىز دىگەندەك نادىرلىۋەتسۇنا.........
ئۇستىدىن ئىچىپلا پاچىلاپ بۆلۇپ ئوقۇپ تۇگىتەي....!

oylinish 2011-10-04 13:19
ئىشلىتىش
بۇ مەزمۇن 7قەۋەتتىكى taranqi217 نىڭ 2011-03-28 02:35 يوللىغان يازمىسىغا نەقىل   :
ۋاي نىمىدىگەن ئۇزۇن.........................
تايىر قىرىندىشىمىز دىگەندەك نادىرلىۋەتسۇنا.........
ئۇستىدىن ئىچىپلا پاچىلاپ بۆلۇپ ئوقۇپ تۇگىتەي....!

تارانچى،  ئۇزۇن بولدى  يوقاپ  كەتتۇققۇ؟
ئۇنداق قىلماي كەپ تۇرىلى

تاش 2011-10-04 14:39
ئىككىمىز <<ساقچى>>لىقنى تەڭ قىلايلى بولامدۇ؟؟؟؟؟؟؟؟<<ئويلىنىش>> ئەپەندى

 دىگەن                 دېگەن
جەمىيەتتە               جەمئىيەتتە
تىگىشلىك                 تېگىشلىك
 ھىچبىر                    ھېچبىر
ھىچقاچان                 ھېچقاچان
شىئىرىدا                   شېئىرىدا
يۇقارقى                    يۇقىرىقى
دىيىلگەن                  دېيىلگەن
 كىيىنلىكى                  كېيىنلىكى
ئوغىرلاشتىن                 ئوغرىلاشتىن
ماتىرياللاردىن             ماتىرىياللاردىن
ئوغىرلانغانلىقى            ئوغرىلانغانلىقى
<<قازانغا يۇلۇقساڭ قارىسى يۇقار، يامانغا يۇلۇقساڭ يارىسى>> دىگەن ماقالدا بىر ئادەمنىڭ يېنىدىكى بىر ئادەمدىكى خۇلقىنى بىلمەستىن قۇبۇل قىلىۋالىدىغانلىقى كۆرسىتىپ بېرىلگەن بولسىمۇ،
بۇ جۈملە باغلاشمىغان.

خشتىن                      خىشتىن
ئىنىرگىيە                    ئېنىرگىيە
دىمەيدۇ                     دېمەيدۇ
دىگەندەك                   دېگەندەك
<< ....ئۆز مەبدەئىنى پۈتۈن دۇنياغا يېيىش...... >>بۇ خېتىڭىزنى ئوقۇيالمىدىم.
سىزىم                       سېزىم
ئىھتىيات قىلىش               ئېھتىيات قىلىش
 ھىسياتى                      ھېسىياتى
ئوغىرلايدىغان              ئوغرىلايدىغان
گېزىت ژۇرناللاردىن،       گېزىت- ژۇرناللاردىن،

تەقسىر،مېنىڭ يازمام ئۈچۈن چەككەن جاپاسىڭىزغا جاۋاب قايتۇردۇم. قۇبۇل قىلغايسىز.

بىخ 2011-10-04 16:00
ھا ھا ھا ھا............ تاش ئەپەندىمنى نەشرىياتقا ئالسا يېزىقىمىز قۇغدىلىپ قالىدىكەنتۇق

samanyoli 2011-10-04 16:50
ھا،،،ھا،ھ،ا،،ھا،،ھا،،،،،،،،،،،،،،،،،،،،ئالتە ئاي بۇرۇنقى ئىنكاسقا قارىتا گەپ قىلسا ئەجەپ قىزىق تۇيۇلىدىكىنا،، [attachment=12769]

oylinish 2011-10-04 20:20
سامانيولى ،،،،،،،،،،،،،،،،،،،   
بۇ ئەسەرنى باياتىن ئىزباسارنىڭ تور بېكىتىدە قايتا ئوقۇپ، خېلى ياخشى يېزىلغان ئەسەركەن دەپ ئويلىدىم، شۇنىڭ بىلەن باش بەتكە چىقىرىپ قويدۇم....
تورداشلار بۇ قىلغىنىم توغرا بولۇپتۇمۇ؟
تاش، سىز بىلەن ئىملا توغرىسىدا مۇنازىرىلەشمەيمەن. ئۆزۈمنىڭ ئۇيغۇر تىلى ئىملاسىنى 99% بىلىدىغانلىقىمغا ئىشىنىمەن، بەزىدە ئالدىراش يازغاندا ئىھتىياتسىزلىقتىن خاتا بېسىلىپ كېتىدىغان ئەھۋاللار ئۇچرايدۇ. ئۇنىڭ كارايىتى چاغلىق.
ئاۋۇ سىز چۈشەنمىگەن جۈملىگە كەلسەك، مەبدەئ  دېگەن سۆزنى چۈشەنمىگەن ئوخشايسىز، ئۇنىڭ  مەدەنىيەت ياكى ھازارەت دېگەندەكراق مەنىسى بار، ئەمما مەدەنىيەت دېگەن سۆزگە ئوپئوخشاش ئەمەس.  بۇنى ئېنىق چۈشەنمەكچى بولسىڭىز جەمئىيەتشۇناسلاردىن ياكى تىلشۇناسلاردىن سوراڭ.
دۇنيادا ئۈچ چوڭ مەبدەئ بار، كاپىتالىزم سوتسىيالىزم ۋە ئىسلامىزم.

تاش 2011-10-05 10:54
ئىشلىتىش
بۇ مەزمۇن 12قەۋەتتىكى oylinish نىڭ 2011-10-04 20:20 يوللىغان يازمىسىغا نەقىل :
سامانيولى ،،،،،،،،،،،،،،،،،،،   
بۇ ئەسەرنى باياتىن ئىزباسارنىڭ تور بېكىتىدە قايتا ئوقۇپ، خېلى ياخشى يېزىلغان ئەسەركەن دەپ ئويلىدىم، شۇنىڭ بىلەن باش بەتكە چىقىرىپ قويدۇم....
تورداشلار بۇ قىلغىنىم توغرا بولۇپتۇمۇ؟
تاش، سىز بىلەن ئىملا توغرىسىدا مۇنازىرىلەشمەيمەن. ئۆزۈمنىڭ ئۇيغۇر تىلى ئىملاسىنى 99% بىلىدىغانلىقىمغا ئىشىنىمەن، بەزىدە ئالدىراش يازغاندا ئىھتىياتسىزلىقتىن خاتا بېسىلىپ كېتىدىغان ئەھۋاللار ئۇچرايدۇ. ئۇنىڭ كارايىتى چاغلىق.
ئاۋۇ سىز چۈشەنمىگەن جۈملىگە كەلسەك، مەبدەئ  دېگەن سۆزنى چۈشەنمىگەن ئوخشايسىز، ئۇنىڭ  مەدەنىيەت ياكى ھازارەت دېگەندەكراق مەنىسى بار، ئەمما مەدەنىيەت دېگەن سۆزگە ئوپئوخشاش ئەمەس.  بۇنى ئېنىق چۈشەنمەكچى بولسىڭىز جەمئىيەتشۇناسلاردىن ياكى تىلشۇناسلاردىن سوراڭ.
.......

تەقسىر،ئۇنداقتا  سىزنى  ئۇستاز  تۇتاي.ماڭا سائەتلىك ئۇستاز بولۇپ <<ئۇيغۇرتىلى ساۋادىم>>نى چىقىرىپ قويغان بولسىڭىز.
دۇنيادىكى نۇرغۇن ئىشلار دەل ئېھتىياتسىزلىقتىن كېلىپ چىقىدۇ.<< ئۇنىڭ كارايىتى چاغلىق>>مۇشۇ  گېپىڭىز كۇپايە .مەن ئاغزىدا <<تاغنى تالقان قىلىدىغان>>لار بىلەن مۇنازىرىلەشمەيمەن. ئادەمنىڭ  مەسئۇلىيەتچانلىق تۇيغۇسى قانچىلىك بولسا،ئۇنىڭ قىلىۋاتقان ئىشلارغا تۇتقان پوزىتسىيىسىمۇ شۇنچىلىك بولىدۇ.
ئۇستاز،مېنىڭ <<ساۋادىم>>نى چىقىرىپ قويۇشنى ئۇنۇتماڭ!!قىممەتلىك ۋاقتىڭىزنى چىقارغىنىڭىزغا ھەق ئالسىڭىزمۇ مەيلى.

<<ئىھتىياتسىزلىقتىن>> دېگەن سۆز  سىز  بىلمەيدىغان 1% دائىرىسىدە بولسا كېرەك.

oylinish 2011-10-05 11:10
مەسئۇلىيەتچانلىق دېگەن نېمە؟
ئەجابا، ئىملانى يۈز پىرسەنت توغرا قىلىش ئۈچۈن نۇرغۇن ۋاقتىنى سەرپ قىلىشنى مەسئۇلىيەتچانلىق، دەمدۇق؟
ئەگەر مەسئۇلىيەتچانلىق، دېگەن شۇنداق بولىدىغان بولسا، مەن مەسئۇلىيەتچان بولمايمەن.

ئىملا توغرىسىدا ماڭا سۆزلەشتىن ئاۋۋال،  مۇشائىرىدىكى سىزگە قارىتىپ يازغان ئەڭ ئاخىرقى ئىنكاسىمنى كۆرۈپ چىقىڭ!
مەن سىزدەك قىلالمايدىغان ئىشنى قىلالايمەن، دەپ جار سالمايمەن.  مەن ھەقىقەتەن بىر نەرسە يازسام ئىملاسىنى 100% توغرا قىلالمايمەن، شۇڭا ئۇنىڭ كارايىتى چاغلىق، دەيمەن. چۈنكى، ئىنسان ئۆزى قىلالمايدىغان ئىشتىن سوئال- سوراق قىلىنمايدۇ.  
ئەمما، سىز ئۆزىڭىز قىلالمىغان ۋە قىلالمايۋاتقان ئىشتا ھەدەپ جار سېلىۋاتىسىز.  سىزنىڭ  ئىملايىڭىز مېنىڭكىگە يەتمەيدۇ. شۇڭا، سىز سۈكۈت ئىچىدە ئۆز ئىملايىڭىزنى ئوڭشاڭ!
سىزنىڭ ساۋادىڭىزنى چىقىرىپ قويىدىغان ۋاقتىم يوق.  مەندە باشقىلارنى 100% مۇكەممەل قىلىش مەجبۇرىيىتى يوق.  شۇڭا، سىزمۇ ئۆزىڭىزگە يۈكلىۋالغان بۇ مەجبۇرىيەتنى قويۇپ تۇرۇپ، تېخىمۇ  زۆرۈر مەجبۇرىيەتلەرنى ئۆتەڭ ۋە بۇنىڭدىنمۇ چوڭ مەسئۇلىيىتىڭىزنى ئادا قىلىڭ!

گېپىم تۈگىدى، ئاللاھقا ئامانەت!

تاش 2011-10-05 14:34
كەمچىلىكىنى ئېتىراپ قىلالمايدىغان،ئىملاسى99%توغرىلار بىلەن مۇنازىرىلىشىشكە ئاجىزلىق قىلىمەن. <<تېخىمۇ زور مەجبۇرىيەت>>لەرنى ئېغىزدا ئۆتىگەن بىلەن ھەل بولمايدۇ.گېپىڭىز تۈگىگەن بولسا،مېنىڭمۇ تۈگىدى.خۇداغا ئامانەت.

muslima32 2011-10-30 01:16
مەنغۇ ئوغۇرغا بەك ئۆچ چۈنكى مەن بەك نۇرغۇن نەرسىلىرىمنى يۇتۇرۇپ قويدۇم ئاللاھ خالىسا مەشىر گاھتا كۆرشىمىزغۇ ئۇللار بىلەن مەن ماددىي جەھەتتىكى ئوغۇرلارنى دىمەكچى ،ئۆيۇمدىن 3قېتىم ئالتۇن بۇيۇملىرىمنى ئەپ چىقىپ كەتتى . بازاللاردىمۇ نەچچە ئون قېتىم يانچۇقۇمدىن پۇللۇرۇمنى ئالغۇزۇپ قويغان ئىدىم . بولۇپمۇ ئۇرۇمچىدە ئوقۇۋاتقاندا بىر نەچچە قېتىم پۇلۇمنى يۇتۇرۇپ قويغاندا ئوغۇرغا بەك ئاچچىقىم كىلىپ ئۇللاردىن بەك نەپرەتلىنىپ كەتكەن ئىدىم. ئاللاھ خالىسا مەنىۋى جەھەتتىن ئۇنچەبەك ئوغۇرغا يولۇقۇپ باقمىدىم.

ئەلغىمى 2011-12-17 16:11
رەھمەت دوستۇم

ئەلغىمى 2011-12-17 16:12
              

بىگان 2011-12-20 14:02
ئەزا يېزىش چەكلەندى ، بۇ مەزمۇن تاقالدى

rayhan 2011-12-20 14:53
tax apanim uzak saklaptu ha ...............

1... 2012-02-05 03:58
تاش  دىگەن ئاداش بولدىكەن جۇمۇ  ...،

رىشتە 2012-03-23 11:41
ياخشى تىما ،،،،،،،،ئىسمىڭىزغا ھەقىقەتەن ماس كەپتۇ جۇمۇ،،،،،ئىسىل تەپەككۇرلار ئىكەن ،،،،

نەسىيەت 2012-05-06 22:38
قۇلىڭىزغا دەت كەلمىسۇن   

umidwar 2012-08-20 15:39
    <<قازانغا يۇلۇقساڭ قارىسى يۇقار، يامانغا يۇلۇقساڭ يارىسى>> دىگەن ماقال  بار،شۇنىڭ ئۈچۈن بىزدائىم كۆپرەك ياخشى ئادەملەرگە ”يولوقۇپ “تۇرۇشىمىز كىرەك


查看完整版本: [-- ئوغرىلاردىن ئاگاھ بولۇڭلار! --] [-- top --]


Powered by PHPWind v7.3.2 Code © 2003-08 PHPWind
Time 0.057631 second(s),query:3 Gzip enabled

You can contact us