查看完整版本: [-- رىزۋانگۈل ئالدىنقى سەپتە. --]

كەڭ ساي مۇنازىرە مۇنبىرى -> كومپيۇتېردىن سۇئال - جاۋابلار -> رىزۋانگۈل ئالدىنقى سەپتە. [打印本页] 登录 -> 注册 -> 回复主题 -> 发表主题

yusup 2011-03-02 15:04
ئەمدىلا 17ياشقا كىرگەن رىزىۋانگۈل 1944-يىلى11-ئاينىڭ 9-كۈنى  ئۆز ئىختىيارى بىلەن پارتىزانلار سېپىگە قاتناشقان. ئۇ شەپقەت ھەمشىرىلىك ۋەزىپىسىنى ئۆتەپ، ياردارلارنىڭ يارىسىنى تېڭىش، ياردارلارنى دوختۇرخانىغا ئاپىرىش، بولۇپمۇ دۈشمەننىڭ مۆلدۈردەك يېغىۋاتقان ئوقلىرىغا قارىماي ياردارلارنى قۇتۇلدۇرۇپ، ئۆلۈم گىرداۋىدىن ياندۇرۇپ كېلىش قاتارلىق ئېغىر ۋەزىپىلەرنى ئاجايىپ قەھىرمانلىق بىلەن ئورۇندىغان،ئاغرىقلارنىڭ ئازابىغا ئۆزىنىڭ مۇلايىم گەپ-سۆزلىرى بىلەن ئارام بېرىپ كېلىۋاتقان ياش غۇنچە ئىدى.
1945-يىلى1-ئاينىڭ13-كۈنى تاڭ سەھەر، ھاۋا ئادەتتىن تاشقىرى سوغۇق ئىدى. پارتىزانلار ھەرەمباغدىكى قامىلىپ قالغان دۈشمەنلەرگە يەنە بىر قېتىم شىددەتلىك ھوجۇم باشلىدى.دۈشمەن ئۆزلىرىنىڭ  مۇستەھكەم ئىستىكاملىرىغا تايىنىپ ، پىلىموت ۋە مىلتىق بىلەن پارتىزانلارغا دەھشەتلىك ئوق ياغدۇردى. چۈنكى ئۇلار ئاخىرقى قېتىم جان تالىشىۋاتاتتى.  بۇ چاغدا ھەرەمباغنىڭ شىمالىي تەرپىدىكى شاھاجىنىڭ بېغى تەرەپتە بىزنىڭ دۈشمەنگە قارشى قاقشاتقۇچ زەربە بىرىۋاتقان پارتىزانلاردىن خەبىيبۇللا خەلى ئوغلى<تاتار> ، ئاناتولى ئولىنكوپ <رۇس>، ئاكا-ئۇكا نازىم، تەۋەككۇل<توغرا كۆۋرۈكلۈك>، ئابدۇرېھىم <ئايدۇڭلۇق> قاتارلىق بالىلارغا ئوق تىگىپ يىقىلدى. بۇ ھايات- ماماتلىق پەيىتتە رىزىۋانگۈل دۈشمەننىڭ مۆلدۈردەك يېغىۋاتقان ئوقلىرىغا پەرۋا قىلماي
شاھاجى بېغىنىڭ پاكار تېمىدىن ئارتىلىپ چۈشۈپ ياردارلارنى قۇتۇلدۇرۇش ئۈچۈن بارلىق كۈچى بىلەن يۈگۈرۈپ باردى-دە، ياردارنىڭ بىرىنى ئېلىپ كەينىگە يېنىشىغا تۇيۇقسىزلا دۈشمەن تەرەپتىن ئېتىلغان بىر ئوق ئۇنىڭغا تەگكەندى. ئۇ كەينىگە قايرىلىپ قارىماقچى بولدىيۇ، قارىيالمىدى. ئوق تەگكەن يېرىدىن قان ناھايىتى كۆپ ئېقىۋاتقان بولسىمۇ ، ئۇ چىشىنى چىشلەپ ئۆز-ئۆزىگە غەيرەت بىرىپ،
مىڭبىر مۇشەققەتتە ياردارنى سۆرەپ ئۆمىلىگىنىچە پاناھلىق جايغا كەلدىيۇ ئۆزى شۇ يەردىلا يىقىلىپ قالدى. ئۇ ناھايىتى ھالسىزلىنىپ
كەتكەچكە يۈرىكى سوقۇشتىن توختىغان ئىدى. ئۇ باتۇرلارچە قۇربان بولدى. ئۇنىڭ كوماندىرغا قاراپ ئوچۇق تۇرغان چولپاندەك كۆزلىرى ئۇنىڭ ئېيتالماي كەتكەن ئارزۇ-ئارمانلىرىنى تىلسىز ئىپادىلەپ تۇراتتى. ئۇنىڭ ئۆلۈمى شەرەپلىك ئۆلۈم ئىدى.
رىزۋانگۈلنىڭ قەھرىمانلىق ئىشلىرى دەرھال باشقا پارتىزان ئەترەتلىرىگە تارقىلىپ خەلىق ئارىسىدا ئاجايىپ چوڭ تەسىر قوزغىدى.
كېيىنكى ۋاقىتلاردا رىزىۋانگۈلنىڭ ئىش-ئىزلىرى ئۇيغۇر خەلىق قوشاقچىلىرى تەرىپىدىن ناخشا قىلىپ ئېيتىلىپ پارتىزانلار ۋە مىللى
ئارمىيە جەڭچىلىرى ھەمدە خەلىق ئارىسىدا كەڭ تارقىلىپ ، كوماندىر- جەڭچىلەرگە ئىنتايىن زور ئىلھام بەرگەن ئىدى.  بۇ  ئۇرۇشلارنى
ئەسلىسەم كۆز ئالدىمدا ۋاقىتسىز توزۇپ كەتكەن  غۇنچە رىزىۋانگۈلنىڭ ئوچۇق قالغان چولپاندەك قاپ-قارا كۆزلىرىنى قايتا كۆرگەندەك بولىمەن-دە، يۈرۈگىمگە بىرى پىچاق سانچىغاندەك ئازاپلىنىمەن ۋە ئاشۇنداق باتۇر ئۇيغۇر قىزلىرىدىن مەڭگۈ پەخىرلىنىمەن .
كېيىن رىزىۋانگۇل ھەققىدە سابىق سوۋېت ئىتتىپاقى قازاقىستاندىكى قۇددۇس غوجاميارۇپ دىگەن ئاتاقلىق ئۇيغۇر كومپوزىتۇرى بىر 
سىمفونىيە ئىشلەپ، پۈتۈن سوۋېت ئىتتپاقى بويىچە شۆھرەت قازانغان ۋە ئاشۇ سىمفونىيە ئۈچۈن ستالىن مۇكاپاتىغا  ئىرىشكەن.

مەنبە: ساۋدانوپ زايىرنىڭ <ماناس دەرياسىدىن قايتىش> دىگەن تارىخى رومانى.

شابان 2011-03-02 17:49
بۇ  قەھرىماننىڭ  ياتقان جايىنى  جەننەتتىن قىلسۇن  ئاللاھ  ئىگەم ئامىن

niran 2011-03-02 18:30
بىزدىن رىزۋاگۇلدەك   قىزلادىن ياناچىقامۇ

samanyoli 2011-03-02 19:43
ۋەتىنىمىزنڭ دۈشمەنلىرىگە قارشى جەڭ بولدىغان شۇنداق كۈنلەر كەلسە چوقۇم چىقىدۇ،،،،ئاللاھ خالىسا،،،

abdul 2011-03-02 21:39
ياتقان يېرى جەننەتتە بولغاي ئامىن

salamgulja 2011-03-02 22:19
ئۆتكەن كۈنلەر !!!

taranqi217 2011-03-03 11:45
                                        تولۇق ئوتتۇردا بىر ئەدەبىيات ئوقۇتقوچىمىز باتتى .....دائىم تارىخنى خەلىق يارىتامدۇ ؟ ياكى قەخىرمانلامۇ ؟ دەپ سۇئال قويدىغان ...........مۇشكەمگىچە مۇشۇ سۇئالنىڭ قايسى جاۋابى توغرا ئىكەنلىكىنى بىلەلمەيلا قالدىم .

lohman 2011-03-03 16:19
خەلق بۇرادەر،خەلق بولمىسا قەھرىمان نەدىن كەلسۇن.

muhtarbay 2011-03-03 16:47
ئىشلىتىش
بۇ مەزمۇن 7قەۋەتتىكى lohman نىڭ 2011-03-03 16:19 يوللىغان يازمىسىغا نەقىل :
خەلق بۇرادەر،خەلق بولمىسا قەھرىمان نەدىن كەلسۇن.

قەھرىمان بۇرادەر  بەزى چاغلاردە نەچچە مىليون خەلىقدىن بىر قەھرىمان قىممەتلىك ...سان ئەمەس ساپا دىگەندەكچۇ

taranqi217 2011-03-03 23:32
                 مەن قارىسام ئىككىلى خىل جاراپ توغرىدەكلا........

asanat 2011-03-03 23:35
رىزۋانگۇللەرنىڭ سەۋىر قاچسى تۇشۇغلۇق .
ئەمدى كوپلەپ چىقىدۇ،

kuwruk 2011-03-04 00:55
ئۇرۇش مەيدانىدا جەڭ قىلىپ ئولگەن رىزۋانگۇل قەھىرمان بۇلسا،،
ھازىر ئىلىم پەن كۇكىدە شەرەپ قۇچۇپ ،،ياكى قان تەرىگە تايىنىپ پول تىپىپ خەلقىمزى ئۇچۇن ھەسسە قۇشۋاتقان قىز-ئاياللىرمىز،،،بىزنىڭ قەھىرمان  رىزۋانگۇللىرمىزدۇر،،،!


查看完整版本: [-- رىزۋانگۈل ئالدىنقى سەپتە. --] [-- top --]


Powered by PHPWind v7.3.2 Code © 2003-08 PHPWind
Time 0.056605 second(s),query:3 Gzip enabled

You can contact us