ئۇزۇن گەپنى قىسقارتىپ،نەق مەقسەتنىلا سۆزلەي:
<<شىنجاڭ مائارىپى>>ژورنىلى <<ئوقۇتۇشتىكى مەسلىھەتچى،ئۆگىنىشتىكى يېتەكچى>>بولۇش سۈپىتى بىلەن ئوقۇتۇش تەتقىقاتى جەھەتتە ئوقۇتقۇچىلارنىڭ ئۆز ئارا بىلىم ۋە تەجرىبە ئالماشتۇرۇشىدىكى ياخشى ياردەمچى بولۇپ كېلىۋاتىدۇ. ئەمما تا ھازىرغا قەدەر بىر قىسىم كەمچىلىكلەردىن خالى بولالمىدى.(ژورنال مۇقاۋىسىدا<ئاپتونۇم رايونىمىزدىكى مۇنەۋۋەر ژورنال>دەپ ماركىسى باركەن)
<شىنجاڭ مەدەنىيىتى>،<تەڭرىتاغ> ژورنىلىنى ئىزدەپ،سوراپ،ئارتۇق پۇل تۆلەپ بولسىمۇ ئېلىپ ئوقۇيمىز.سەۋەب،بۇ ژورناللار مۇقاۋا لايىھىلىنىشىنىڭ ئۆزگىچىلىكى،جەلپكارلىق،مەزمۇنلىرىنىڭ سەرخىللىقى بىلەن ئىناۋەت تىكلىگەن.<شىنجاڭ مائارىپى>ژورنىلى ئىزچىل تۈردە بىر خىللىقنىلا ساقلاپ،يېڭىلىق يارىتىشقا ئەھمىيەت بەرمىدى.ژورنال ئىچىدىكى مەزمۇنلار بولسۇن ياكى مۇقاۋىسىنىڭ لايىھىلىنىشى بولسۇن يەنىلا شۇ بىر خىل قېلىپتا بولۇپ،كىشىگە قىلچىلىك يېڭىلىق بەرمىگەچكە،جەلپكارلىقى تۆۋەنلەپ كەتتى.مېنىڭچە ئەگەر بۇ ژورنالغا ئوقۇتقۇچىلارنىڭ مۇشتىرى بولۇشى ئىختىيارى بولغان بولسا،بەلكىم ژورنال تەھرىراتىنى قاتتىق چۆچۈش ئىچىدە ئويلىنىشقا مەجبۇر قىلىدىغان مەسىلە كۆرۈلگەن بولاتتى.
بەزىلەر چاخچاق قىلىشىپ: <<شىنجاڭ مائارىپى>>ژورنىلى جەنۇپنى ھۆددىگە ئالغان،دېيىشىدۇ.دېمىسىمۇ ھەر قېتىملىق سانىدا جەنۇپنىڭ مەكتەپ،مائارىپ،ئوقۇتقۇچىلىرى ھەققىدىكى مەزمۇنلار خېلىلا كۆپ سالماقنى ئىگەللەيدىكەن.
2002-يىللىق 6-ساندىن مىسال:
مۇھەممەتتۇردى سىدىق قاراقاش ناھىيە سايباغ يېزىلىق ئوتتۇرا مەكتەپ
ئايگۈل تۇرسۇن كورلا شەھەرلىك مائارىپ تەتقىقات مەركىزى
ياسىنجان مۇھەممىدى قەشقەر يېڭىشەھەر ناھىيە يامانيار يېزىلىق ئوتتۇرا مەكتەپ
سائادەت ئەخمەت قۇمۇل شەھەر ئىچى باشلانغۇچ مەكتەپ
زۇلپىيە كامال شىنجاڭ پولات-تۆمۈر شىركىتى 1-باشلانغۇچ مەكتەپ
رىزۋانەم نامەت كەلپىن ناھىيىلىك 1-باشلانغۇچ مەكتەپ
ئابلىكىم مۇتەللىپ قاراماي شەھەرلىك 14-ئوتتۇرا مەكتەپ
ئوبۇل قادىر ئۈچتۇرپان ناھىيە ئاقيار ئوتتۇرا مەكتەپ
ئەكبەر ئابلىمىت شىنجاڭ بالىلار پىداگوگىكا مەكتىپى
مۇنىرە مۇھەممەت تارباغاتاي ۋىلايەتلىك2-ئوتتۇرا مەكتەپ
ماخمۇت مۇھەممەت توقسۇن ناھىيىلىك شاھ ئوتتۇرا مەكتەپ
ھەبىبۇل قادىر پىچان ناھىيە چىقتىم بازارلىق ياققا باشلانغۇچ مەكتەپ
رازىگۈل ئەمەت كەلپىن ناھىيىلىك 1-ئوتتۇرا مەكتەپ
رىزۋانگۈل مۇھەممەت تۇرپان شەھەر يار يېزا گوبى مەكتەپ
دىيارىمىزدىكى بارلىق رايونلارغا تەڭ ئەھمىيەت بېرىلسە،ئۆزئارا چۈشىنىش،تەجرىبە ئالماشتۇرۇشنى ئىلگىرى سۈرۈشكە پايدىسى تېگىپ قالار ئىدى.
<ژورنالغا پۇل بەرمىسەڭ،ئەسىرىڭنى باسمايدۇ> دېگەن گەپلەر راستمىدۇ؟ 2009-يىلى يازدا بىر تونۇشۇمنىڭ <ئوقۇغۇچىلار نېمىگە مۇھتاج> دېگەن ماقالىسىنى ئۇنىڭ ھاۋالىسى بىلەن بۇ ژورنالغا بەرگەن ئىدىم،ھازىرغىچە دېرىكى يوق ئىكەن.
ھۆرمەت بىلەن: گېنېرال
