ئەنگلىيەدە زۇكام ۋىرۇسىنىڭ بارلىق تۈرلىرىدىن ھىمايە قىلىدىغان بىر ۋاكسىنا ئىجاد قىلىندى. مەزكۇر ۋاكسىنىنى ھەر يىلى ئەمەس، پەقەت بىر قېتىملا سالدۇرۇش كۇپايە قىلىدىكەن.
ئوكسفورد ئۇنىۋېرسىتېتىدە زۇكامغا قارشى مۇجادىلىدە بۆسۈش خاراكتېرلىك ئىلگىرىلەش ھاسىل قىلىندى.
ئىنسانلارنى ۋىرۇسنىڭ بارلىق تۈرلىرىدىن قوغداش ئىقتىدارىغا ئىگە بىر ۋاكسىنا ئىجاد قىلىندى. بۇ «ئالەمشۇمۇل زۇكام ۋاكسىنىسى»، ۋىرۇس تۈرلىرىگە كۆرە ھەر يىلى يېڭىلىنىدىغان ۋە ھەر يىلى سېلىنىشىنى تەقەززا قىلىدىغان زۇكام ۋاكسىنىلىرىنىڭ ئورنىنى باسىدىكەن.
كىلاسسىك زۇكام ۋاكسىنىلىرى، پەقەت مۇئەييەن زۇكام ۋىرۇسلىرىنىڭ ئاجىزلىتىلغان شەكىللىرىدىن تەشكىل تاپىدۇ. شۇنىڭ ئۈچۈن بۇ ۋاكسىنىلار پەقەت مۇئەييەن ۋىرۇسلارغا قارشى تەسىرگە ئىگە بولۇپ، دۇنيا سەھىيە تەشكىلاتى تەرىپىدىن ھەر يىلى يېڭىلىنىشنى شەرت قىلىدۇ.
تەتقىقات گۇرۇپپىسىنىڭ باشلىقى دوكتۇر ساراھ گىلبېرتنىڭ باياناتىغا ئاساسلانغاندا، مۇجىزە خاراكتېرلىك ۋاكسىنا ناھايىتى پەرقلىق بىر مەنتىققە تايىنىدىكەن... چۈنكى ۋاكسىنا ئىممۇنېت سىستېمىسىنىڭ ئاساسلىق قىسمىدىكى «ت ھۈجەيلىرى»نىڭ سانىنى ئاشۇرىدۇ، نەتىجىدە بارلىق زۇكام ۋىرۇسلىرىغا قارشى ئورتاق قوغداش كاپالەتكە ئىگە قىلىنىدۇ.
دوكتۇر ساراھ گىلبېرت، ۋاكسىنىنى N3N2تىپىدىكى زۇكام ۋىرۇسى بىلەن يۇقۇملانغان 22 كىشى ئۈستىدە سىناق قىلغانلىقىنى ۋە ئۆنۈملۈك نەتىجىگە ئېرىشكەنلىكلىرىنى ئۇقتۇردى.
ۋاكسىنىنىڭ ئاخىرقى شەكلىگە كەلتۈرۈلۈشى ئۈچۈن «مىڭلارچە كىشى» ئۈستىدە سىناق قىلىنىدىغانلىقى ۋە بازارغا سېلىنىشىنىڭ 5 يىل ۋاقىت ئالىدىغانلىقى بىلدۈرۈلدى.

زۇكام دورىسى ياساپ ساتىدىغان زاۋۇتلارنىڭ ئىشى چاتاق بولامدۇ نىمە .............لېكىن مەن تازا ئىشىنىپ كەتمەيمەن جۇمۇ بۇ گەپلەرگە..

مەن بۇرۇنمۇ بىر گىزىتتە ئوقۇغان ئدىم،بۇتنىغا بىرلا قىتىم پۈركۈپ قويدىغان دورا كەشىپ قىلىندى، مەڭگۈ زۇكام بولمايسىز دەپ؛ قىنى شۇ دورا...يوق..

ئا دەم پات پات زۇكام بولوپ تۇرغىنى ياخشى           زۇكام بولمايدىغان  دورا   بار  ئامما  سالدۇرۇشقا بولمايدۇ بەدەننىڭ  چىدامچانلىغى ئاجىزلاپ كېتىدۇ