22- قەھىرتان ئۈرۈمچىنىڭ سوغوقى بۇ ئاينىڭ باشلىرىدىكىدىن سەل يېنىپ قالغان بولسىمۇ ،ئۇنىڭ نەشتەردەك زەھىرى يەنىلا سۈڭەككە سانجىلىپ ئۆتەتتى . ھاۋانىڭ سوغۇق بولىشىغا قارىماي ، ئارا. ئېلىش كۈنى بولغاچقىمىكىن ئادەتتىكى كۈنلەردىكىدىنمۇ بەكىرەك قاينام -تاشقىنلىققا چۆمگەن بۇلاقبېشى - دۆڭكۆۋرۈك رايونىدىكى <<ئاياس>> رېستۇرانى مېھمانلار بىلەن لىق تولغانىدى . سائەت 1.00لەر بولغاندا ، رىياسەتچى توي ساھىبخانا نۇرمۇھەممەت بىلەن بېلىقىز (ئىئانە يىغىلغۇچى بىلەن تۇققاندارچىلىق مۇناسىۋىتى بولمىسىمۇ شارائىت يارىتىپ بەرگەن ) نى قۇتلۇقلاپ ، ئۇلارنىڭ كەلگۈسى تۇرمۇشىغا گۈزەل تىلەكلەرنى تىلەپبولغاندىن كېيىن ، بۇ تويدا يەنە بىر ئالاھىدە پائالىيەت ئېلىپ بېرىلدىغانلىقىنى ، رەھىمجان ئىسىملىك 23 ياشلىق بىر بالىنىڭ ئېغىر قىيىنچىلىققا ئۇچىرغانلىقىنى ، ياردەم قولىنى سۇنۇشنى خالايدىغان مېھمانلارنىڭ <<ئاز-كۆپ>> دىمەي ياردەم قولىنى سۇنۇشىنى ، بۇ ئەھۋالدىن ئەتىراپتىكى بىلىش-تونوشلارنىمۇ خەۋەردار قىلىپ قويۇشنى ئېيتتى . رەھىمجاننىڭ يۇقۇرقى ئەمەلى قىيىنچىلىقى تىلغا ئېلىنغاندا ، مەرىكە زالى جىمجىتلىققا چۆمدى .....
رىياسەتچىنىڭ سۆزى تۈگىشى بىلەن شىنجاڭ <<ياسىن >> تاشيول ئاسىراش قۇرۇلۇشى چەكلىك شىركىتىنىڭ باش دېرىكتورى ياسىنجان كىرەم 20 مىڭ يۈۋەن ، شىنجاڭ <<تەبەسسۇم >> خەلىقئارا سودا چەكلىك شىركىتىنىڭ باش دېرىكتورى توختاخون 10 مىڭ يۈۋەن ، شىنجاڭ <<ياسىن >> تاشيول ئاسىراش قۇرۇلۇش چەكلىك شىركىتىدىكى خىزمەتچىلەرنىڭ ۋەكىلى 3000 يۈۋەن ، <<بوران>> ئائىلە مۇلازىمەت شىركىتىنىڭ دېرىكتورى 500يۈۋەن ئىئانە قىلىپ ، بۇ پائالىيەتنى بىردىنلا يۇقۇرى دولقۇنغا كۆتۈرۋەتتى . ئارقىدىنلا قالغانلار ۋە تويغا كېلىپ بۇ ئىشتىن خەۋەر تاپقانلار تەۋرەپ ، بەس-بەستە <<50، 100، 200 ، 300 ،500 ، يۈۋەن>> دىن ئىئانە قىلدى . رەھىمجاننىڭ تاغىسى ۋە ئاكىسى بىردەك قىسقىغىنە 10 مىنۇتتا ئىئانە قىلىنغان 46 مىڭ 410 يۈۋەنگە قارىسا ، بىردە ياخشى نىيەتلىك پائالىيەت ئەھلىگە قاراپ ، كۆزلىرىگە ئىسسىق ياش ئېلىشتى . بۇ تەسىرلىك كۆرۈنۈش پۈتۈن جىسىمغا بىر خىل ئىللىق ھارارەتنى تارقاتتى .
مانا بۇلار قىيىنچىلىقتا نېمە قىلارنى بىلەلمەي گاڭگىراپ يۈرگەن بىراۋغا ياردەم بېرىش ئۈچۈن ئۆز نەپسىدىن ۋاز كەچكەنلەر ؛ بىر نەچچە ۋاقىتلىق تامىقىنى ئاددى يېيىشنى ، بىر نەچچە قېتىملىق ئورۇنسىز ئولتۇرۇشتىن ۋاز كېچىشنى ، بايلىقىنى كۆز-كۆز قىلماي ، ئاددى -ساددى ياشاشنى خوپ كۆرگەنلەرنىڭ ھەمدە ئەجدادلارنىڭ مىراس سۆزى <<ياخشىلىق ئۇنتۇلماس >> دېگەن ھېكمىتىگە كاللىسىدىن تولوق ئورۇن بەرگەنلەر ،ئىنسانى خىسلەتكە ئېگە ئالىيجاناپ كىشىلەرنىڭ بىر قىسىمى ئىدى .
ئەمدى نەزىرىمىزنى رەھىمجاننىڭ ئەھۋالىغا ئاغدۇرايلى ؛ رەھىمجان پەيزاۋات ناھيىسىنىڭ غولتوغراق يېزىسىدىكى بىر دېھقان ئائىلىسىدىن بولوپ ، ئۇ بۇلتۇر شىنجاڭ ئونۋرسىتىتىنىڭ فىزىكا كەسپىنى پۈتتۈرۈپ ، ئۈرۈمچىدىكى شىنجاڭ <<ياسىن >> تاشيول ئاسىراش قۇرۇلۇش چەكلىك شىركىتىدە ئىشلەپ كېلىۋاتقانىدى . بۇلتۇر 12- ئايدا ئۇ بىردىنلا زۇكامدەك بولوپ قىززىپ ، زۇكامغا قارىتا داۋالانغان بولسىمۇ ياخشىلانمىغان ، قان تەكشۈرۈشتە ئاق قان دانچىسىنىڭ بەكلا ئۆرلەپ كەتكەنلىكى مەلوم بولغان ، كىيىن شىنجاڭ تىببي ئونۋېرىسىتىتنىڭ قارمىقىدىكى 1- دوختۇرخانا ئۇنىڭغا <<ئاق قان كېسىلى بولوپ قاپتۇ >> دەپ دىياگىنۇز قويغان . دوختۇرخانا ئۇنىڭغا يىلىك ئالماشتۇرۇپ (ئاچىسى يىلىكىنى بەرمەكچى ) داۋالاشقا 500مىڭ يۈۋەنچە پۇل كېتىدىغانلىقىنى ،ھازىرچە 300مىڭ يۈۋەن تاپشۇرۇپ تۇرسا بولىدىغانلىقىنى ئېيتقان . بۇ ئىشتىن كېيىن بۇ ئەھۋالنى ئىنتىرنىت تورىغا چىقىرىپ ، جەمىيىتىمىزدىكى ياخشى نىيەتلىك كىشىلەرنىڭ ياردەم بېرىشىنى مۇراجىئەت قىلغان بولوپ ،ھازىرغىچە رەھىمجاننىڭ ئائىلىسى ۋە ئۇرۇق -تۇققان ، قولوم-قوشنىلىرى غەملىگەن پۇل ۋە جەمىيەتتىكى ساخاۋەتلىك كىشىلەر ئېئانە قىلغان پۇل 200مىڭ يۈۋەندىن ئاشقان . رەھىمجان ھازىر شىنجاڭ تىببىي ئونۋېرسىتىتى قارمىقىدىكى 1- دوختۇرخانا مەكتەپ بىناسى كىسەلخانىسنىڭ 7- قەۋىتى قان كىسەللىكلىرى 1- بۆلۆمى 72- كارۋاتتا يېتىۋاتىدۇ .
دېھقان ئائىلىسىنىڭ بىر پەرزەنتىنى ئالىي مەكتەپنى پۈتتۈرگىچە ئوقۇتۇشقا قانچىلىك پۇل كېتىدىغانلىقى ، بۇ خىل كىسەللكىنى داۋالىتىشقا قانچىلىق ئىقتىساد چىقىرالايدىغانلىقى نورمال ئادەملەرگە ناھايىتى ئايدىڭ . جەمىىيتىمىزدىكى خالىس نىيەتلىك كىشىلەرنىڭ <<تاما-تاما كۆل تولار >> دىگەن ماقالىگە ئىشىنىپ ، ئالىي مەكتەپنى ئەمدىلا پۈتتۈرۈپ جەمىيەتكە قەدەم قويغان بۇ قېرىندىشىمىزغا ئازىراق بولسىمۇ يادەم قولىمىزنى سۇنۇشىنى ئۈمىت قىلىمىز . ئاكىسى راخمانجان بىلەن ئالاقىلىشىش تېلىفۇن نۇمۇرى 13899190723
بانكا ھېساۋات نۇمۇرى ؛ ئامانەت قەرىز كوپىراتىپى (ئاكىسى راخمانجان ئېلى نامىدا )6210088650030941
يېزا ئېگىلىك بانكا ؛ (ئاكىسى راخمانجان ئېلى نامىدا ) 62284480890569882412
رەھىمجاننىڭ قۇرۇلۇش بانكا (بىمار ئېلى نامىدا ) 6227004540309084105
....
ئۈرۈمچى كەچلىك گېزىتى .
