[ياشلىرىمىز ئۈچۈن شەيتاننىڭ ئوڭ قول ۋەزىرى بولغان دېسكو كۇلۇبى،مەيخانا تولا .
ياشلىققا تويمىغان چوڭلىرىمىز ئۈچۈن بۇلۇڭ-پۇچقاقلاردا بەزمىخانا، ئايرىمخانىلىق رېستۇران، قاۋاقخانا تولا.
ئوقۇغۇچىلارنى ئازدۇرۇش ئۈچۈن مەكتەپ ئەتراپىدا قۇرۇلغان مېھمانخانا، تورخانا، ئايرىمخانىلىق مەيخانا تولا.
ماگىزىنلاردا ھاراق بىلەن تاماكا تولا. باغچىلاردا كەلگۈسى ئەۋلادلىرىمىزنى بۇزىدىغان جۈپ-جۈپ ھاياسىزلار تولا.
كىشىلىرىمىز روھىدا ھەسەتخورلۇق تولا. باشقىلارنى ئازدۇرۇش ئۈچۈن سۇيقەستچىلىك روھى تولا.
بىر-بىرىمىزگە ئورا كولاش ئۈچۈن ئويلايدىغان ئويىمىز تولا.
داڭق چىقارغان بىرسىنىڭ كەينىدىن گەپ تېپىش ئۈچۈن تېپىپ چىققان گېپىمىز تولا.
بىر ئىشنى ۋۇجۇدقا چىقارماي تۇرۇپ يەنە بىر ئىشنى قىلىشنى ئويلايدىغان ئوي تولا.
تەبىئىي گۈزەللىكتىن يىراقلىشىۋاتقانلار تولا، بۇنىڭ بىلەن تەڭ ئەخلاقتىن يىراقلىشىۋاتقانلار تولا.
ئاياللىرىمىزدا ئوينايدىغان چاي تولا. ئەرلىرىمىزگە ئوينايدىغان جاي تولا.
دوستلار يىغىلىشىغا ۋاقت تولا، چوڭلارنى يوقلاشقا باھانە تولا.
ھەر بىر كۈننى<<بايرام>> قىلىش تولا، بىلىم ئېگىلەشتىن قىچىشقا سەۋەب تولا.
ئۆزىمىزنى بىزەشكە، ئۆيىمىزنى تۈزەشكە ئاشۇ تاتلىق پۇل تولا، نامراتلارغا ياردەم قىلىشتا شۇئار بىلەن قۇرۇق يانچۇق تولا.
بىر-بىرىمىزنى ئالدايدىغان ئىشىمىز تولا، شۇ سەۋەبلىك ئارىمىزدا ئىشەنمەسلىك تولا.
قىزلارنى بۇزىدىغان ئىمانسىزلار تولا، شۇ ئىمانسىزلارغا بۇزۇلغان ھاياسىزلار تولا.
مەنبە : ئىلى تورى
[/
كەڭ ساي مۇنازىرە مۇنبىرى » شېئىر روبايىلار » ھازىر ئەتىراپىمىزغا قاراپ باقىدىغان بولساق نىمە ئەڭ تولا؟ 
