ھۆكۆمەت شىنجاڭنىڭ قاتتىق پوستىلىق مېۋە بازىرىنى ئېچىشقا ياردەم بەرسە ......
ئۆز خەۋىرىمىز ؛
بادام ۋە پىستە '' دۇنيادىكى تۆت قاتتىق پوستىلىق مېۋە '' قاتارىغا كىرگۈزۈلگەن بولوپ ،ئىنتايىن يۇقۇرى خەلىقئارا بازار قىممىتىگە ئېگە . شىنجاڭ مەملىكەت بويىچە بادام ، پىستە چىقىدىغان بىردىن -بىر رايۇن بولسىمۇ ،ئەمما دۆلەت ئىچى بازارلىرىدا سېتىلىۋاتقان بادام ۋە پىستىلەرنىڭ كۆپىنچىسى ئامېرىكىدىن كىرگۈزۈلگەن .
''3-مىزان '' ئىلمىي جەمىيىتى شىنجاڭ ئۇيغۇر ئاپتونوم رايونلۇق كومىتېتىنىڭ تەكشۈرۈش نەتىجىسىگە قارىغاندا ،خەلىقئارا بازاردا ھەر بىر توننا بادامنىڭ باھاسى 34مىڭ يۈۋەندىن 50مىڭ يۈۋەنگىچە ، ھەر توننا پىستىنى باھاسى 61مىڭ يۈۋەندىن 80مىڭ يۈەۋنگىچە ئىكەن . دۆلىتىمىز يىلىغا 10توننا بادام ،29مىڭ توننا پىستە ئىمپورىت قىلىدىكەن ، ئىمپورىت مىقدارى دۇنيا سودا مقدارىنىڭ 12% نى ئىگەللەيدىكەن . دۆلىتىمىز بۇ ئىككى خىل مېۋىنى ئەڭ كۆپ ئىمپورت قىلىدىغان دۆلەت بولوپ ،سودا سوممىسى 2 مىليارد 313 مىليۇن يۈۋەنگە يېتىدىكەن .
''3-مىزان'' ئىلمىي جەمىيىتى شىنجاڭ ئۇيغۇر ئاپتونوم رايونلوق كومىتېتى مۇنۇلارنى بىلدۈردى ؛ '' ئاپتونوم رايونىمىز قاتتىق پوستىلىق مېۋىچلىك تەرەققىياتىنى تېزلىتىپ ، شىنجاڭنىڭ قاتتىق پستىلىق مېۋىلىرىنى سىرىتقا يۈزلەندۈرۈپ ، بۇ ساھەدىكى بازارنى ئېگەللەش كېرەك ''.
ھازىرقى ئەھۋال ؛
بادام ئاساسلىق قەشقەر ۋىلايىتىدىكى يەتتە ناھيە ،شەھەرگە تارقالغان بولوپ ، بادامزارلىق كۈلىمى 600مىڭ مو (بۇنىڭ ئىچىدە مېۋىگە كىرگىنى 200مىڭ مو ،مېۋىگە كىرمىگىنى 400مىڭ مو ) بولوپ ،يىلىغا 5000توننىدىن 7000توننىغىچە بادام چىقىدۇ ، پىستە ئاساسلىقى ،قەشقەر ۋىلايىتىنىڭ كوناشەھەر ،يەكە قاتارلىق ناھيەلىرىدىن چىقىدۇ . پىستەزارلىق كۈلىمى 300 موغا (بۇنىڭ ئىچىدە مېۋىگە كىرگىنى 50 مو )يىتىدۇ .
تەكلىپ ؛
''3-مىزان'' ئىلمىي جەمىيىتى شىنجاڭ ئۇيغۇر ئاپتونوم رايونلوق كومىتېتى مۇنداق تەكلىپ بەردى ؛
'' بادامنىڭ بايلىق ئۈستۈنلىكى ئىقتىسادى ئۈستۈنلۈككە ئايلاندۇرۇلسا ؛ ئىشلەپچقرىش ۋە سېتىشتىكى باشلامچى كارخانىلار تەشكىلاتى قۇرۇلسا ؛ ھۆكۆمەت بادام ،پىستە ئىشلەپچىقىرىدىغان دېھقانلار ،ئورمانچىلىق مەيدانى ،پىششىقلاش كارخانىسى ،سېتىش شىركىتى قاتارلىقلار بىر گەۋدىلەشكەن باشلامچى كارخانىلارنى تەشكىللەپ ، پايدىنى مۇۋاپىق تەقسىملەپ ، ئىشلەپچىقىرىش زەنجىرىنى ئۇزارىتسا .
داڭلىق ماركىلىق مەھسۇلاتلارنى بارلىققا كەلتۈرۈش ، داڭلىق ماركىلىق مەھسۇلاتلارنىڭ ئىقتىسادى ئۈستۈنلىكىنى جارى قىلدۇرۇش ئىشقا ئاشۇرۇلسا ، داڭلىق ماركىلىق يېشىل مەھسۇلاتلارنى رويىخەتكە ئالدۇرۇپ ، سورتلۇق مەھسۇلاتلار ئۈستۈنلىكىنى بارلىققا كەلتۈرۈپ ، بازار رىقابەت كۈچى كۈچەيتىلسە .
ئۇنىڭدىن باشقا ،پىستە ئىشلەپچىقىرىش سالمىقىنى ئاشۇرۇپ ،پىستە ئۆستۈرۈشتە يېڭىلىق يارىتىلسا ، يەنى 12- بەش يىللىق يىرىك پىلان مەزگىلىدە پىستەزارلىق كۈلىمىنى 200 مىڭ موغا يەتكۈزۈپ ،ئىلمىي يىتەكىلىك قىلىپ ،پىستە يېتىشتۈرۈش ئۇسۇلىدا يېڭىلىق يارىتىلسا .
ئۈرۈمچى كەچلىك گېزىتى .
قېنى سىزمۇ تەكلىپ -پىكىرلىرىڭىز بولسا سۆزلەپ بېقىڭ ...
