ئالدانغان سۆيگۈ

ئۆتتى جاندىن ئېغىر ئازابى ،
پاك يۈرىكى بولدى لەختە قان .
رايى قايىتتى ھەتتا ھاياتتن ،
ئەقىدىسى بولغاندا پايخان .

ئۆتتى جاندىن ئېغىر ئازابى ،
بېشىنى زەپ سىلكىدى قاتتىق.
دىگۈسى ھەم كەلدى "ئەلۋىدا ،
سۆيگۈ نىچۈن ماڭىلا قاتتىق" .

ئۆتتى جاندىن ئېغىر ئازابى ،
غەم قايغۇغا ماتەمنى ئۇلاپ .
نىچۈن؟ يەنە تەلپۈنەر قەلىب ،
ئاشۇ ئۆلگەن سۆيگۈنى چىللاپ .

ئۆتتى جاندىن سالغان ئازابى ،
شۇ ئالدامچى شىرىن سۆيگۈنىڭ .
لىكىن چىداپ ياشىماق كېرەك ،
پۇشايمىنى يامان ئۆمىرنىڭ .


مەنبە:ئىجادىيەت