تەنھا تۇيغۇلار .
1
كۆز ئالدىڭدا تۇرىمەن قاراپ ،
ئوتتەك يېنىپ رىشتىمنى باغلاپ .
ۋاقىت ئۆتكۈ چەكلىك بۇ ھايات ،
ئىچ ئاغرىتىپ قويمۇدۇڭ قاراپ .
كۈتتۈم ، كۈتۈش گۈلگىن ھىد - پىراق ،
كۆكرىكىمدەكۆيەر ئىشتىياق .
ئۇنۇتايلى ھەسرەت ،ئەلەمنى ،
شىرىن ھىسلار چاچسۇن خوشپۇراق .
2
(( سۆيۈلۈشنى )) -ئويلاپسەن بۈگۈن ،
ئۇنتۇلۇپ غەم يېشلدى تۈگۈن .
كۆڭۇلدە ئوت لەزىز ھىس-تۇيغۇ ،
ۋىسال كۈتۈپ يانغاننى بىلگىن .
ئاناڭ زورلاپ ياتقا تاڭمىسۇن ،
باشقا قايغۇ ،ئازاب سالمىسۇن .
سېنى چوقۇم ئېلىپ قاچىمەن ،
دىلدا ئارمان نىدا قالمىسۇن .
3
ئېپقاچقۇدەك يۈرەك بار مەندە ،
تەڭ قاچقۇدەك جۇرئەت يوق سەندە .
مۇھەببەتلىك شىرىن تۇيغۇلار ،
گۈزەل خىسلەت سۆيگۈ -ئەقىدە .
ئۇپرىمايمەن ئاھ پىغان چېكىپ ،
تېنىچسىز ئويلار كۆڭۇلنى چېگىپ.
سۆيگۇ ئۇچۇن ساقلىدىم سېنى ،
يېنىپ تۇرار يۈرەك ئوت چېچىپ .
4
بۈگۈن سېنىڭ تويۇڭ بولىدۇ ،
ناز كەرەشمە ئويۇن بولىدۇ .
مۇھەببەتنىڭ ئازابى ئەندىش ،
ماڭا كۈلپەت ،ئەلەم بولىدۇ.
ئەيىب ئەمەس ئۇن سېلىپ يىغلاش ،
يۈرەك كۆيۈپ بوتلاقتەك بوزلاش .
دىلغا ھەسرەت پېتىپ تۇرغاندا ،
ئەندى يوقتۇر باشقىچە تاللاش .
-- رىسقى .
شەھرى قاراماي .
