ھىجىران چوقانلىرى(2)

سەن ماڭا «خوش» دېگەن ئاشۇ دەقىقە ،
ياشلىرىم كۆزۈمدىن ئاقتى تاراملاپ .
گۈركىردى قەلبىمدە دەھشەتلىك بوران ،
بۇ سۆزنى ئېيتمىغىن ئەمدى قايتىلاپ .  
 
سەن ماڭا «خوش» دېگەن ئاشۇ دەقىقە ،
تىلغىدى يۈرەكنى ئاچچىق شىۋىرغان .
ئىسمىڭنى زىكرى قىپ يۈرگەن چېغىمدا،
قايتىدىن قىينىدى يۈرەكنى ھىجران .  
 
سەن ماڭا «خوش» دېگەن ئاشۇ دەقىقە ،
ياش تۆكتى،مۇڭ بىلەن بېشىمغا ئاسمان.
ئىچىمنى غاجلاپ ئون مىڭ تۈمەن قۇرىت،
مەڭزىمنى تىلغىدى ئاچچىق شىۋىرغان .  
 
سەن ماڭا «خوش» دېگەن ئاشۇ دەقىقە ،
بوپ قالدىم بىر ئاچچىق زەھەر يۇتقاندەك .
تۇيۇلدى كاللام،ھەم ئىچىم قوپقۇرۇق ،
ئايرىلىش بېلىندى ئۆلىۋاتقاندەك .  
 
سەن ماڭا «خوش» دېگەن ئاشۇ دەقىقە ،
بىر ئېگىز دەرەخكە ئېسىلدى تىنىم .
ئەگەر سەن سەزمىسەڭ مېنىڭ قايغۇمنى ،
ھەسرەتلىك ھالىمنى سەزمەيدۇ ھېچكىم .  
 
سەن ماڭا «خوش» دېگەن ئاشۇ دەقىقە ،
ھەسىرتىم ئوت بۇلۇپ ياغدى ئاسماندىن .
يولىڭغا زارىقىپ ئۆتەرمۇ كۈنۈم ،
كېچەلمەي سەن ئۈچۈن قۇرغان ئارماندىن .   
 
سەن ماڭا «خوش» دېگەن ئاشۇ دەقىقە ،
مەۋجۇدات بەك مۇڭلۇق سېزىلدى ماڭا .
تېنىمدىن ئايرىلىپ قالغاندەك روھىم ،
ماڭدىم مەن بىر قارا زۇلمەت قوينىغا .   
  
سەن ماڭا «خوش» دېگەن ئاشۇ دەقىقە ،
قەلبىمدە شىددەتلىك ئاقتى كەڭ دەريا .
ھېچكىم يوق تارتارغا قولۇمدىن يۇلۇپ ،
داۋالغۇپ يۆرۈيمەن دولقۇنلار ئارا .   
 
سەن ماڭا «خوش» دېگەن ئاشۇ دەقىقە ،
تويۇلدى كەڭ ئالەم پايانسىز قۇملۇق .
تەنھالىق چىرمىغان قەلبىملا ھەمرا ،
يوقالدى مەندىكى شىرىن كۈي، شوخلۇق .   
 
سەن ماڭا «خوش» دېگەن ئاشۇ دەقىقە ،
ھېسلىرىم توڭلىدى قاتتىق مۇز بۇلۇپ .
كەتتىڭ سەن «خوش»دېدىڭ پۇللاڭلىتىپ قول ،
مەن قالدىم بەك ئېغىر ئاچچىق مۇڭ يۇتۇپ .

  
   
 خاتىمە   
 
سەن ماڭا «خوش» دېدىڭ كەتتىڭ يېنىمدىن،
يۈرەكتە مىڭ زەھەر ، كەتتى ئېچىشىپ .
چىمىرلاپ ، يالقۇنجاپ تۇرماقتا يەنە ،
بىر ئۆمۈد يۇلتۇزدەك غۇۋا نۇر چېچىپ .

مەنبە:ئىجادى ئەسەر

 

[ juxkun-28تەرىپىدىن2010-07-03 21:17قايتا تەھرىرلەند ]