كەتسەم ئويغىنىپ (ساتىرا)

         خىزمەت دەپ تاڭ سەھەر ئويقۇغا قانماي،
        ئىشلىرىم ئۇنۇتسام ئارقامغا يانماي .
        ئىشلەيمەن ئالدىراش ناشتا قىلالماي ،
       بۇ چۇشۇم بولسىچۇ، كەتسەم ئويغىنپ .
      
       شەنبە ۋە يەكشەنبە ئارام كۈنىمىز،-
       كەلگەندە خوشلۇقتىن كۆككە يېتىمىز .
       بىر بۇيرۇق بىلەنلا ئىشلەپ كېتىمىز ،
       بۇ چۈشۇم بولسىچۇ، كەتسەم ئويغىنىپ .
      
       ئاتا-ئانا قېرنداش يولغا قارايدۇ ،
       ھەپتىدە بولسىمۇ بىر كۆرسەم دەيدۇ .
       ۋە لىكىن خىزمىتىم ئارام بەرمەيدۇ ،
       بۇ چۈشۇم بولسىچۇ، كەتسەم ئويغىنىپ .

       ھەر كۈنى ئەتىگەن ئاچقاندا يىغىن ،
       ئاڭلايمەن ئولتۇرۇپ باشلىققا يېقىن .
       كۈنۈم تەس بولمىسام ئۇنىڭغا بېقىن ،
       بۇ چۈشۇم بولسىچۇ، كەتسەم ئويغىنىپ .

       باشلىققا تىك قاراش ئەدەپسىزلىككەن،
       چارچاشتىن كېچىكىش سەۋەپسىزلىككەن.
       خاتانى قىلماسلىق جۈرئەتسىزلىككەن،
       بۇ چۈشۇم بولسىچۇ ،كەتسەم ئويغىنىپ . 

 

  *****************************************

 
       پات-پاتلا رەھبەرگە خوشەمەت قىلىپ ،
       رەنجىگەن بولسا گەر كۆڭلىنى ئېلىپ .
       كۆڭۈل غەش بولسىمۇ مەجبۇر ھىجىيىپ،
       ئۈنۈم يوق ھەر قانچە ئىشلىسەم ھېرىپ.
       بۇ چۈشۇم بولسىچۇ ،كەتسەم ئويغىنىپ .

       چارچىسام بىر باشلق «ھورۇن سەن»دەيدۇ ،
       دەرتلىرىم تۆكەلمەي كۆڭۈل غەم يەيدۇ .
       دوستلىرىم بېرەر كۈن ئارام ئال دەيدۇ ،
       رەھبىرىم «ئورنىڭغا ئادەم بار» دەيدۇ .
       بۇ چۈشۇم بولسىچۇ، كەتسەم ئويغىنىپ . 

             خاتىمە
    
        باشلىققا تىك قاراش ئەدەپسىزلىككەن،
       چارچاشتىن كېچىكىش سەۋەپسىزلىككەن.
       خاتانى قىلماسلىق جۈرئەتسىزلىككەن،
       بۇ چۈشۇم بولسىچۇ، كەتسەم ئويغىنىپ .

           2009.يىل29.ئاپىرىل

        مەنبە: ئىجادىيەت