تەشۋىش
يۈرىكىم سوقماقتا ئەنسىز ،تىنىچسىز ،
قىينىغاچ قەلبىمنى غەيرى بىر ئەلەم .
باسالماي ئۆزۇمنى يازدىم مانا شېئر ،
خىياللار ئىلكىدە تەۋرىتىپ قەلەم .
ئەجداتلار قالدۇرغان پارلاق«ئىز»لارنى ،
دائىملا ئىزدىگۈم كەپلا تۇرىدۇ .
ۋۇجۇدۇم گۈزەل بىر پارلاق ئەتىنى،-
سېغىنىپ دولقۇنلۇق مەۋىج ئۇرىدۇ.
قىينايدۇ جاراڭلىق چوقانلانلار سېلېىپ ،
ئەجداتنىڭ قالدۇرغان ئۇلۇغ ئارزۇسى .
قىينايدۇ ئەۋلاتلار مۇڭلۇق كۆز تىكىپ ،
تەلەپ قىپ مەدەنيەت،بايلىق مىراسى.
نە سەۋەپ دوسلىرىم ھالىمىز بەك بوش ،
بولمىدى بۇنىڭدىن خەلقىمىزمۇ خوش .
چىرمىدى قەلبىمنى مۇدىھىش تەشۋىش ،
ئۆتەرمۇ ئۆمىرىمىز ئىشىرەتتە مەستخۇش .
2009.يىل 22.ئاپىرىل
مەنبە: ئىجادىيەت
