رەسىم:
رەسىم:
رەسىم:
قىزچاق،ئەتلەس كۆڭلىكىڭىز بارمۇ؟
ئۇيغۇرلارنىڭ كىيم - كېچەك مەدەنيىتى ئۇزاق تارىخقا ئىگە. ئۇيغۇر خانىم - قىزلىرى ئۇچىسىدىكى رەڭدار ئەتلەس كۆڭلىكى، ئۇششاق ئۆرۇلگەن سۇمبۇل چاچلىرى، بېشىغا كىيگەن يارىشىملىق چېمەن دوپمىسى بىلەن تېخىمۇ گۇزەل ھەم لاتاپەتلىك كۆرۇنىدۇ.
ئۇيغۇر ئەتلىسى ئۇزاق تارىخقا ئىگە بولۇپ،<< يىپەك يولى>> ئارقىلىق ھەرقايسى دۆلەتلەرگە تارقالغان. شۇڭا، << ئۇيغۇر >> دېسلا، چەت ئەللىكلەرنىڭ كۆز ئالدىغا بادام دوپپا كىيگەن، سۇمبۇل چاچلىق، ئەتلەس كۆڭلەكلىرى شامالدا لەپىلدەۋاتقان گۇزەل ئۇيغۇر قىزلىرى كېلىدۇ.
ئاڭلىشمچە نەچچە يىلنىڭ ئالدىدا بىر چەت ئەللىك مۇخبىر شىنجاڭغا كەلگەندە شۇنداق دېگەنىكەن؛ << مەن بۇرۇن شىنجاڭ قىزلىر دېسە، ئەتلەس كۆڭلەك كىيدىغان، چاچلىرنى ئۇششاق ئۆرۋىلىپ، بېشىغا دوپپا كىيپ يۇرۇيدىغان قىزلارنى كۆز ئالدىمغا كەلتۇرۇپتىكەنمەن. بىراق بۇ قېتىم غۇلجىغا كېلىپ ئەتلەس كۆڭلەك كىيگەن بىرمۇ قىزنى كۆرمىدىم. تېغى بىر توينى ئۆز كۆزۇپ بىلەن كۆرۇشكە مۇيەسسەر بولدۇم. مەن تېخى ئۇيغۇرلارنى ئۆمىرىدە بىر قېتىم كېلىدىغان ئەڭ خوشاللىق كۇنىدە بولسىمۇ ئۆز مىللىي مەدەنيىتى بولغان ئەتلەستىن تىكىلگەن توي كۆڭلىكىنى كىيەمدىكىن دەپتىكەنمەن، بىراق سىلەرمۇ بىزگە ئوخشاشلا تور كۆڭلەك كىيدىكەنسىلەر، مەن بەك ھەيران قالدىم.>> دېگەن.
دوستۇمنىڭ ئاغىزىدىن ئاڭلىغان بۇ گەپ مېنى راستىنلا ئويلاندۇرۇپ قويدى. دېمىسمۇ جەمئيەتنىڭ ئۇچقاندەك تەرەققىي قىلىشىغا ئەگىشىپ ھەم كىيىم - كېچەك مەدەنيىتىمىزدىكى بىر قىسىم << ئىسلاھات>>لار مىللىي مەدەنيىتىمىزنىڭ يالدامىسى بولغان ئەتلەسنىمۇ قوغداپ قالالمايۋاتىدۇ.
يېقىندا مەن بىر ساۋاقداشلار يىغىلشغا قاتناشقان ئىدىم. بىر دوستىمىز ئۆزىنىڭ ئۇزۇندىن بىرى ساقلاپ كەلگەن ئەتلەس كۆڭلىكىنى، چىمەن دوپپىسنى كىيىپ، تېقىمدا كېلىدىغان چىرايلىق چېچىنى ئۇششاق ئۆرۇپ بىز تەرەپكە قاراپ كەلدى. ھەممىمىز ئۇنىڭ ئۇچىسىدىكى بۇ << مۆجىزە>> دىن بەكمۇ خۇرسەن بولدۇق ھەم بەس - بەستە ئەتلەس توغۇرسىدا، مىللىي ئەنئەنىمىز توغۇرسىدا مۇنازىرلەشتۇق.
بىراق ئۇ، چۇشتىن كىيىن بېشىنى ساڭگىلتىپ يېتىپ كەپتۇ. بىز ئۇنىڭدىن نېمە ئىش بولغانلىقىنى سورىساق، ئۇ؛ << بىر قىز مىنىڭ يىنىمغا كىلىپ سىز ئارتىسمۇ؟ دەپ سوراۋاتىدۇ. ئويلاپ باقە، ئەتلەس كۆڭلەك بىلەن چىمەن دوپپىنى ئارتىسلارلا كىيەمدۇ، باشقىلار كىيسە شۇنچە غەيرىي كۆررنەمدۇ؟>> دېدى.
مەن شۇنداق ئويلاپ قالدىم. ئەگەر جەمئىيەت مۇشۇ تەرىقىدە كېتىۋەرسە، كىيىم - كېچەك مەدەنيىتىمىز ئىزچىل << ئىسلاھ >> قىلىنىۋەرسە كېيىنكى ئەۋلادلار ئارىسىدا، ئەتلەس بىر << غايىپ بولغان مەدەنىي مىراس >> بولۇپ قالارمۇ؟
ئاشۇ غەيرىي كىيۋالغان، ئۆز مىللىي مەدەنيىتىنى چۇشەنمەي چەتئەلنىڭ مەدەنيىتىگە قارغۇلارچە چوقۇنىدىغان ئاشۇ ئۇيغۇر قىزلىرىدىن شۇنداق بىر سوئال سورىغۇم كېلىۋاتىدۇ ؛ << قزچاق، ئەتلەس كۆڭلىكىڭز بارمۇ ؟ >> ئەگەر بولمىسا سىزمۇ كىيىپ قويۇڭ.
چۇنكى، ئاشۇ ئەتلەس كۆڭلەكلەر، چىمەن دوپپىلارمۇ سىزنى گۇزەل، سۇباتلىق ھەم مودا كۆرسىتەلەيدۇ، ھەممىمىزگە يارشىدۇ.
مەنبە؛ مىسران يازمىلىرىدىن
