سىز چوشقا گۆشى يەمسىز؟ مېنىڭچە ھەرگىز يىمەيسىز.
ئەگەر يېقىن ئارىلىقتا ھالال يىمەكلىك بار جاي بولماي، پەقەت چوشقا گۆشى ئىشلىتىدىغان ئاشخانىلا بولسا،ئەمما 40-50 كىلومىتىر يىراقلىقتىكى جايدا ھالال تاماق بار بولسا، سىز ئاشۇ يەرگە بېرىپ ھالال تاماقنى يەمسىز ياكى ئۇ يەرگە بېرىشتىن ئىرىنىپ، ياكى ۋاقىتنى باھانە قىلىپ يېقىن ئەتراپىڭىزدىكى چوشقا ئارىلاش تاماقلارنى يەمسىز؟
مېنىڭچە سىز يېرىم كۈن يول ماڭسىڭىز ماڭىسىزكىن ياكى ھىچنەرسە يىمىسىڭىز يىمەيسىزكىن ھەرگىزمۇ چوشقا گۆشى ۋە باشقا چوشقا مەھسۇلاتلىرىنى يىمەيسىز. چۈنكى سىز بىر ئىتىقادلىق، چوشقىدىن يىرگىنىدىغان مۇسۇلمان!!!
سىزدە مانا مۇشۇنداق ئىتىقادنىڭ بولغانلىقىدىن ۋە ئاللاھنىڭ سىزگە نىجىس نەرسىلەرنى تۇنۇتۇپ قويغانلىقىدىن ئالەمچە خوشاللىققا چۆمسىڭىز ئەرزىيدۇ.
سىزنىڭ ھالال-ھارامنى ئايرىيدىغان ھەم ئايرىيالايدىغان بىر مۇسۇلمان ئەۋلادى بولۇپ يارىتىلغانلىقىڭىزغا مۇبارەك بولسۇن!!!
ئەمدى ئاشۇ پاك بىلەن نىجىسنى ئايرىيالايدىغان نۇرلۇق كۆزلىررىڭىز بىلەن تۆۋەندىكىلەرگە نەزەر سېلىڭ!
يۇقارقى رەسىملەرنى نىمە ئۈچۈن يوللىغاندۇ، دەپ ئويلاۋاتامسىز؟ ئۇنداقتا دىققىتىڭىز داۋاملىق تېمىدا بولسۇن:
يۇقارقى چوتكىنى كۆردىڭىزمۇ؟ ئۇنىڭ چۈشەندۈرۈلىشىدە ئېنىق قىلىپ ماتىريالى چوشقا قىلى دەپ يېزىلغان.
بۇنداق چوتكىلار يەنە بار:
بۇنىڭ چۈشەندۈرۈلىشىدىمۇ ئېنىق قىلىپ چوشقا قىلى دەپ يېزىلغان، ئەمما چوتكىنىڭ ئۆزىدە يېزىقلىق ئەمەس. ئاستىدىكى چوتكىمۇ شۇنداق:
[upload=1]
ئەمدى مەن ئۆزۈم بىۋاستە تەكشۈرگەن، چوتكا ئۈستىدە يېزىلغان ماركىسى ماركىسى ئېنىق بولغان تۆۋەندىكى چوتكىنى تونۇشتۇراي، بۇ چوتكا كۆپ قىسىم ئاشخانا ۋە ناۋايخانىلاردا ئىشلىتىلىۋاتىدۇ:
بۇلار ھەممىسى چوتكىغا مۇناسىۋەتلىك ئىشەنچىلىك خەۋەرلەر بولۇپ، يۇقىرىدا كۆرگەن چوتكىلارنى بىز كۈندىلىك تۇرمۇشىمىزدا ئىشلىتىۋاتىمىز. ناھايىتى ئايدىڭ بولدىكى، بۇ چوتكىلارنىڭ ھەممىسى چوشقىنىڭ تۈكىدىن ياسالغان. بۇنى مەن دەۋالغان گەپ ئەمەس، ئاشۇ چوتكىنى ئىشلەپچىقارغان زاۋۇت ئېنىق يېزىپ قويۇپتۇ.
بۇ چوتكىلارنىڭ تورمۇشىمىزدىكى ئىشلىتىش دائىرىسى ئىنتايىن كېڭەيگەن بولۇپ، ئاساسلىقى تۆۋەندىكىچە:
1. ناۋايلار ناننىڭ يۈزىنى مايلاشقا دەل ئاشۇ خىل چوتكىنى ئىشلىتىۋاتقانلىقى ئېنىقلاندى. مەن بۇنى تەكشۈرۈپ باقتىم.
2. ئاشخانىدا لەغمەننىڭ پىلتىسىنى (جىزىسىنى) مايلاشقا دەل مۇشۇ خىل چوتكىنى ئىشلىتىدىكەن. بۇمۇ بەزى ئاشخانىلارنى تەكشۈرۈش ئارقىلىق ئېنىقلاندى.
3. دۇفۇ كاۋىپى ۋە شۇنىڭغا ئوخشاش بىر تۈركۈم كاۋاپ ساتىدىغانلار كاۋاپقا ئاچچىقسۇ ۋە لازا تەگكۈزۈشتە يەنىلا مۇشۇ خىل چوتكىنى ئىشلىتىدىكەن. بۇمۇ كوچىلاردا ئاشكارا بولىۋاتقان ئىش.
4. بۇنى دىمىسەممۇ بىلىسىلەر، شۇنداقتىمۇ دەپ قوياي. ياغاچچى، تۈمۈرچى ۋە ئۆي بىزەكچىلىرى سىرچىلىقتا مۇشۇ خىل چوتكىنى ئىشلىتىدۇ. بۇ چوتكىلارنىڭ ئەسلى ياسىلىش ۋە سېتىلىش نىشانىمۇ دەل شۇ سىرچىلىق ئىدى.
بەزى ناۋايخانىلاردا بۇنىڭغا ئوخشىمايدىغان يۇمىلاق چوتكا ئىشلىتىدۇ، دەۋاتامسىز؟ تۆۋەندىكى ئادرىستا چوشقا تۈكىدىن ياسالغان تۈرلۈك چوتكىلار بار.
http://caigou.makepolo.com/s/sp.html?q=%D6%ED%D7%D7&ae=&pgn=&pnl=%CA%CA%D3%C3%D0%D0%D2%B5%A3%BA%D6%ED%D7%D7&attrid=1748709 ماۋۇ ئادىرىسقا كىرسىڭىز YUTONG ماركىلىق خىلمۇ خىل چوتكىلارنى كۆرەلەيسىز.
http://ahtcsdl.cn.alibaba.com/athena/offerlist/ahtcsdl-sale-true-5182861.html ئەمدى سىزنىڭ كاللىڭىزغا مۇنداق خىيال كېلىۋاتىدۇغۇ دەيمەن:
بۇ چوتكا بىلەن ناننى مايلىغان بىلەن، چوتكا قىلى نانغا چىقىپ قالمىغاندىكىن ھىچنىمە بولماس، نانغا چاپلىشىپ قالغان تەقدىردىمۇ ئوتقا كىرگەندە كۆيۈپ كېتەر؟
بۇ چوتكا بىلەن لەغمەن پىلتىسىنى مايلىغان بىلەن، چوتكا قىلى چىقىپ قالمايدۇ، چىقىپ قالسىمۇ قازاندا قايناپ سۇدا قالىدۇ، تاماققا چىقمايدۇ.
بۇ چوتكا بىلەن دۇفۇ كاۋىپىنى مايلىسىمۇ، چوتكا قىلى دۇفۇغا چىقىپ قالماس؟
سىز يۇقىرىقىدەك خىياللارنى قىلىۋاتامسىز؟ ئەگەر شۇنداق خىيال قىلىۋاتقان بولسىڭىز تۆۋەندىكى سۆزگە قۇلاق سېلىڭ:
لەغمەن جىزىسىنى مايلىغاندا چوتكا قىلى چاپلىشىپ قالماسلىقى مۇمكىن، ئەمما چوتكا قىلىنىڭ مايدا قىلچىلىكمۇ ئېرىمەسلىكى مۇمكىنمۇ؟ چوتكا ھەمىشە ماي قاچىسىدا تۇرىدىغان تۇرسا، بۇ ماي نىمىگە ئايلىنىپ كېتەر؟
ناننى مايلىغاندا چوتكا قىلى چىقىپ قالماسلىقى مۇمكىن، ئەمما يۇقىرقىغا ئوخشاش، چوتكىنىڭ مايدا ئېرىشى مۇمكىنغۇ؟ تېخىمۇ چاتاق يىرى، ناننى تونۇردا چالا پىشۇرۇپ ئاندىن تۇنۇردىن ئېلىپلا ھېلىقى چوتكا بىلەن مايلايدۇ. بۇ ئىسسىق ناننىڭ يۈزىگە سۈركەلگەن چوتكا قىلى نىمە بولۇپ كېتەر؟؟؟
دۇفۇ مايلىغاندا ئاچچىقسۇ ۋە لازىغا تەگكۈزىدۇ. بىلىمىز ئاچچىقسۇ بىر خىل كىسلاتادىن ئىبارەت. بۇ چوشقا قىلى كىسلاتاغا يولۇققاندا قانداق بوپ كېتەر؟
يەنە بۇ چوتكىنى يۇقىرقى ئىشلارغا ئىشلەتسە، ھىچقانداق زىيىنى بولمايدۇ، دەپ ئويلىمايدىغانسىز؟
ئەمدى باشتىكى گەپكە قايتىپ كېلەيلى:
سىز دىگەن ھالال- ھارامنى ئايرىپ يەيدىغان بىر مۇسۇلمان. چوشقا گۆشىنى ئۆلۈم يېقىنلاشمىسا يىمەيسىز. ئەمدى بۇ چوشقا تۈكىنى قانداق قىلماقچىسىز؟ بۇنى يىمىسىڭىز ئۆلۈپ قالامسىز؟
توغرا، ئادەم دىگەن ھەمىشە ئۆيىدىلا ياشاپ بولغىلى بولمايدۇ، سىرتقا چىقىدۇ، ئاشخانىلارغا كىرىدۇ، ناۋايخانىلاردىن نان ئالىدۇ. بۇ مەسىلىنى قانداق ھەل قىلىش كېرەك؟
تۆۋەندە يېڭىدىن ئېرىشكەن تۆۋەندىكى مەلۇماتنى ھوزۇرۇڭلارغا سۇناي:
ھازىر بىر قىسىم ئاشخانىلاردا YUTONG) 玉桶) ماركىلىق چوتكا ئىشلىتىدىغان بولۇپ، ئۇنىڭ ئىچىدە قوي يۇڭىدىن ياسالغانلىرىمۇ، چوشقا تۈكىدىن ياسالغانلىرىمۇ بار ئىكەن. قوي يۇڭىدىن ياسالغانلىرىنىڭ تۇتقۇچىدا 羊毛刷 دەپ يېزىقلىقكەن. ئۇنىڭ تۇتقۇچى كەڭرى قىسقا بولىدىكەن: مانا بۇ رەسىمدىكىدەك:
玉桶 ماركىلىق چوتكىنىڭ باشقا تۈردىكىلىرى ئاساسەن چوشقا قىلىدىن ياسالغان. شۇڭا ئاشپەزلەر چوتكا ئىشلەتمەكچى بولساڭلار يۇقارقىدەك ئېنىق قىلىپ 羊毛刷 دەپ يېزىلغان چوتكىنى ئىشلىتىڭلار، ئەگەر ئامال بولسا چوتكا ئىشلەتمەڭلار، قولدا مايلىساڭلارمۇ بولىدۇ. سەل قاراش سەۋەبىدىن تاماقلىرىمىز شۈبھىلىك بولۇپ كەتمىسۇن! ئىستىمالچىلارنىمۇ ئويلاپ قويۇڭلار!
ئەگەر سىز بىر ئىستىمالچى بولسىڭىز، ئەتراپىڭىزدىكى ناۋاي ۋە ئاشپەزلەرگە بۇ ئەھۋالنى ئېيتىڭ، چوتكا مەسىلىسىنى ھەل قىلسۇن. چوشقا تۈكى ئەمەسلىكى 100% ئېنىق چوتكىلار بولسا شۇنداق چوتكىلارنى ئىشلەتسۇن. (ئەڭ ئاستىنقى سۈرەتتە كۆرسىتىلگەن 玉桶 ماركىلىق 羊毛刷 سەل ئىشەنچلىك) ئۆزىڭىزنىڭ ھارامدىن ۋە شۈبھىدىن يىراق تۇرغۇسى بولسا شۇنداق قىلىڭ!!!!
ئەگەر سىز بىر ناۋاي ياكى ئاشپەز بولسىڭىز، دەرھال بۇ ئىشنى ھەل قىلىپ، شۈبھىلىك نەرسىلەرنى ئاشخانىڭىزدىن يىراق قىلىڭ. شۇنداقلا، چوشقا تۈكىدىن ياسالغان چوتكىنى ئىشلەتمەيدىغانلىقىڭىزنى ۋىجدانىڭىز ۋە ئىمانىڭىز بىلەن ئىسپاتلاپ، ئاشخانا ئالدىغا ۋە ئىچىگە ئېلان چاپلاپ قويۇڭ. بۇنداق بولغاندا ئىستىمالچىلار ئاسانلا ئايرىۋالالايدۇ! ئەڭ ياخشىسى بۇ تۈردىكى چوتكىلارنى ئىشلەتمەڭلار! [ بۇ يازمىنىoylinish 2011-09-23 22:09قايتا تەھرىرلىد ]
