بىر كۈنى ئەتىگەندە ، كۆچمە خەۋەرلىشىش شىركىتىنىڭ دېرىكتورى سىرتقا چىقىپ تۇيۇقىسىز تەرىتى قىستاپ كېتىپ ، ئاران دىگەندە ھاجەتخانا ئىزدەپ تېپىپتۇ .
« نىمە قىلماقچى ؟ » سوراپتۇ ھاجەتخانىغا قارايدىغان ئايال .
« مەن كۆچمە خەۋەرلىشىش شىركىتىنىڭ دېرىكتورى ، تەرىتىم بەك قىستاپ كەتتى » .
« سىز ھازىر ھەممە ئىشقا ھەق ئالىدىغاننى بىلمەمسىز ؟ » دەپ سوراپتۇ ھاجەتخانىغا قارايدىغان ئايال .
« بولىدۇ ، قانچە پۇل ؟»
« كىرگەندە 5 مو ، چىققاندا 3 مو .» دەپ ئۇنىڭغا قاراپ تۇرۇپتۇ .
« نىمە چىققانغىمۇ ھەق ئالامدۇ ؟ » دەپ كۆزلىرىنى چەكچەيتىپ قاراپتۇ دېرىكتور .
« نىمىگە قارايسىز ، بىزنىڭ بۇ يەردە قوش يۆنىلىشلىك ھەق ھېسابلايمىز . ئەگەر سىز ھاجەتخانىنىڭ يۈرۈشلەشكەن مۇلازىمىتى ( تاۋسەن ) بېجىرسىڭىز ، تاق يۆنىلىشلىك ھەق ھېسابلاشقا بولىدۇ » .
« بولىدۇ ، مەن پۇل تۆلەي » دەپ ئون يۈەن چىقىرىپ ئايالغا بېرىپتۇ .
« چوڭ تەرەت قىلامسىز ياكى كىچىك تەرەتمۇ ؟ » سوراپتۇ ئايال پۇلنى تۇتۇپ تۇرۇپ .
« چوڭ تەرەت . تېزرەك بولۇڭ »
« ھىم ، سىز يۈرۈشلۈك مۇلازىمەت بېجىرەمسىز ؟ ئەگەر سىز بىر قېتىمدا چوڭ تەرەتنىڭ 50 قېتىملىقىنى بېجىرسىڭىز ، سىزگە يەنە 30 قېتىملىقىنى سوۋغا قىلىمىز . » دەپتۇ ئايال .
« بولدى سۆزلىمەڭ ، مەن ھازىر كىرىپ ، چىققاندا ھېسابلىشاي . »
دېرىكتور كىرىپ ئەڭ ئاخىرقى بىر ئورۇنغا ئولتۇرۇپ خېلى ئۇزاق ئولتۇرۇپ قايتىپ چىقىپتۇ .
« ئەپەندىم ، سىز 5 – نومۇرلۇق ئورۇننى تاللىدىڭىز ، نومۇر تاللاش ھەققىگە 5 مو تۇتۇلىدۇ . سىز ئىچىدە تۇرۇپ ، مۇزىكا ئاڭلىمايدىغانلىقىڭىزنى ئېيتمىدىڭىز . شۇنىڭ ئۈچۈن ھەر قېتىملىقى 6 مو تۇتۇلىدۇ . ئۇنىڭدىن باشقا ئىچىدە 15 مىنۇت 1 سكۇنت تۇردىڭىز ، ئالدىنقى بىر مىنۇتى 5 مو بويىچە ھېسابلىنىدۇ . كېيىنكى ھەر بىر مىنۇتى ئۈچۈن 4 مو ھېسابلىنىدۇ . قالغىنى بىر مىنۇتقا توشمىسا بىر مىنۇت بويىچە ھېسابلىنىدۇ . ئۇنىڭدىن باشقا سىز چىقارغان گەندىلەر بىزنىڭ يەر ئاستى كەڭ بەلباغ لىنىيىسىنى ئىگەللىدى ، شۇڭلاشقا سىز ئايلىق كۆتۈرە ئالغان ھېسابتا 50 يۈەن تۆلەيسىز . ئەڭ ئاخىرىدا سىز كىچىك تۆشۈكلەر ئارقىلىق ھاجەتخانىغا كىرگەن باشقا ئادەملەرنى كۆردىڭىز ، كەلگەن ئادەملەرنىڭ كۆرۈش ھەققى 1 يۈەن . » دەپتۇ .
دېرىكتور ئاللىقاچان ھاڭۋېقىپ تۇرۇپلا قاپتۇ .
« شۇڭلاشقا دېرىكتور ئەپەندىم ، بىزنىڭ بۇ يەردە كارتا ئىشلەتمەيمىز ، جەمئىي تۆلەيدىغان پۇلىڭىز 59.4 يۈەن ، ئەگەر ۋاقىتنى ئۆتكۈزۈپ تاپشۇرمىسىڭىز ، كۈنىگە مىڭدە ئۈچ پىرسەنتلىك كېچىكتۈرگەنلىك پۇلى ئېلىنىدۇ . بىز قايتا ئۇقتۇرۇش قىلمايمىز . ھەممىسى يىغىلىپ 1000 يۈەنگە يەتكەندە قانۇنى ۋاستىلەر ئارقىلىق پۇلنى تۆلىتىۋالىمىز . » دەپتۇ ئايال .
ئايال سۆزىنى تۈگىتىپ بولمايلا ، باش دېرىكتور « پولتۇڭ » قىلغان ئاۋاز بىلەن تەڭ تەرەت كۆلچىكىگە يىقىلىپ چۈشۈپ ھوشىدىن كېتىپتۇ .
باش دېرىكتور گاراڭ ھالەتتە : بۇ يەردە دۆلەتنىڭ قانۇنى يوقمۇ ؟ دەپتۇ .
ئايال : بۇ مېنىڭ يېرىم ، ئۆزۈم ئىگىدارلىق قىلىمەن دەپتۇ .


 

كالۋالار

ئالامەت ئېسىل تىمىكەن بۇ !!!

مۇبارەك بولسۇن ! مەن نەق مۇشۇنداق ئەسەرلەرنى ئوقۇشقا بەك ئامىراق !!!

تىما ئېگىسگە رەخمەت .كۆرۈپ ئىنكاس يازماي چىقىپ كەتكەنلەرگە ھەشقاللا !!!!!!!

ھىلىمۇ ياخشى ئەڭ ئاخىرىقى چۇشەندۇرۇش ھۇقۇقى ھاجەتخانىمىزغا تەۋە دىمەپتۇ !؟  ھا!...ھا!ھا!  بەك ھا!ھا!

  

نىمانچە كۈلكىلىك  كورمەيلا يوللاپ ساپتىمە 4-قەۋەتتىكىنى