ھەر قانداق گۇناھقا تەۋبە قىلىش زۆرۈر. ئەگەر گۇناھ اللە تائاللا بىلەن بەندە ئارىسىدىكى ئىش بولۇپ،
بەندىنىڭ ھەققى بىلەن چېتىشلىقى بولمىسا، ئۇنىڭغا ئۈچ شەرت لازىم بولىدۇ:
1. گۇناھتىن يېنىش.
2. گۇناھىغا پۇشايمان قىلىش.
3. شۇ گۇناھنى قايتا قىلماسلىققا بەل باغلاش.
ئەگەر بۇ ئۈچ شەرتنىڭ بىرى ھازىرلانمىسا، ئۇنىڭ تەۋبىسى دۇرۇس بولمايدۇ.
اللە تائالا مۇنداق دەيدۇ:< ئى مۆئمىنلەر! جەننەتكە ئېرىشىشىڭلار ئۈچۈن ھەممىڭلار اللە تائالاغا
تەۋبە قىلىڭلار.> __ سۈرە نۇر 31-ئايەتنىڭ بىر قىسمى
اللە تائالا مۇنداق دەيدۇ:< سىلەر پەرۋەردىگارىڭلاردىن مەغفىرەت تەلەپ قىلىڭلار،ئاندىن
ئۇنىڭغا تەۋبە قىلىڭلار.> __ سۈرە ھۇد 3- ئايەتنىڭ بىر قىسمى
اللە تائالا مۇنداق دەيدۇ:<ئى مۆئمىنلەر! اللە تائاللا سەمىمىي تەۋبە قىلىڭلار، ئۈمىدكى پەرۋەردىگارىڭلار
سىلەرنىڭ گۇناھىڭلارنى يوققا چىقىرىدۇ.> __ سۈرە تەھرىم 8- ئايەتنىڭ بىر قىسمى
پەيغەمبەر ئەلەيھىسالام خىزمەتچىسى ئەبۇ ھەمزە ئەنەس ئىبن ئەنسارىي رەزىيەللاھۇ ئەنھۇ رىۋايەت
قىلىپ مۇنداق دېگەن: < اللە تائاللا بەندىسىنىڭ قىلغان تەۋبىسىدىن ،سىلەرنىڭ بىرىڭلار
دالادا تۆگىسىنى يوقۇتۇپ قويۇپ تېپىۋالغان ۋاقتىدىكى خوشاللىقىدىنمۇ ئارتۇق خوشال بولىدۇ.>
__ بۇخارى ۋە مۇسلىم رىۋايەت قىلغان
ئەبۇ موسا رەزىيەللاھۇ ئەنھۇ رىۋايەت قىلىپ مۇنداق دېگەن:< اللە تائاللا كۈندۈزدە گۇناھ
قىلغۇچىنىڭ گۇناھلىرىغا تەۋبە قىلىۋېلىشى ئۈچۈن كېچىدە قولىنى كەڭ ئېچىپ بېرىدۇ ۋە كېچىدە گۇناھ
قىلغۇچىنىڭ گۇناھلىرىغا تەۋبە قىلىۋېلىشى ئۈچۈن كۈندۈزدە قولىنى كەڭ ئېچىپ بېرىدۇ، تاكى
قىيامەت كۈنىگىچە.> __ مۇسلىم رىۋايەت قىلغان
مەنبە : ياخشىلار باغچىسىدىن مۇھەممەد سالىھ مۇنەججىم
