سۆيگۈ سىنى يىغلاتسا ئەگەر
سۆيگۈ سىنى يىغلاتسا ئەگەر،
ئۆزگىلەردىن كۈتمە تەسەللى.
تەغدىرىڭنى تۇتقىن قولۇڭدا،
ھىكمەت بولسۇن بۇ ئەڭ ئەقەللى.
كۆرۈنمىسۇن كۆزۈڭگە ئەسلا،
ئۆتمۈشتىكى شىرىن چۈشلەرمۇ.
دىل خانەڭنى بىزىمىسۇن ھەم،
ۋاپاسىز يار تۇتقان گۈللەرمۇ.
ھەسرەتلەردىن خوشاللىق ئىزدە،
ھەسرەت دىگەن ئەسلى ھېچ نىمە.
ياش ئورنىغا ئالمىشار بەخىت،
جاھان شۇنداق،ئارتۇك غەم يىمە.
جىلۋىلەنسۇن ئۈمىد چىچىكى ،
پۇشايماندىن ئۆرتەنمىسۇن جان.
خاتىمە بەرگىن مىسكىنلىكلەرگە،
تۇمۇرىڭدا ئۆركەشلىسۇن قان.
سۆيگۈ سىنى يىغلاتسا ئەگەر،
ھېچ كىشىگە ئېيتما دەردىڭنى.
دەس تۇرۇپ كەت يېقىلغان يەردىن،
ئىگىلدۇرمە يەنە قەددىڭنى.
مەنبە:"خاتىرەمدىن"
