ئابدۇللاھ ئىبنى ئەمىر رەزيەللەھۇ ئەنھۇ مۇنداق دەيدۇ ؛ پەيغەمبەر ئەلەيھىسالام مۇنداق دىگەن ؛«مېلنى قوغداش ئۈچۈن ئۆلگەن كىشى شېھىد »

         ـــــــــــــــــــ    ئىمام بۇخارى ، ئىمام مۇسلىم توپلىغان .

ئەنەس ئىبنى مالىك رەزيەللەھۇ ئەنھۇ مۇنداق دەيدۇ ؛پەيغەمبەر ئەلەيھىسالام مۇنداق دىگەن؛«بۇ دۇنيادا يىپەك رەخىتتە كىيىم كەيگۈچىلەر ئاخىرەتنىڭ يىپەك كىيىملىرىدىن مەھرۇم قالىدۇ »

ــــــــــــــــــــــ   ئىمام بۇخارى  ، ئىمام مۇسلىم توپلىغان .

ئىبنى ئۆمەر رەزيەللەھۇ ئەنھۇ مۇنداق دەيدۇ ؛ «ئاللاھ  ھاكاۋۇرلۇق قىلىپ ئىشتاننى يەرگە سۆرىتىپ كىيىۋالغۇچىلارغا <رەھمەت نەزىرى بىلەن > قارىمايدۇ
        
         ـــــــــــــــــــــــــ  ئىمام بۇخارىي ، ئىمام مۇسلىم توپلىغان .

ئەبۇ ھۈرەيرە رەزيەللەھۇ ئەنھۇ مۇنداق دەيدۇ ؛  پەيغەمبەر ئەلەيھىسالام ئالتۇن ئۈزۈك سېلىشنى چەكلىگەن .

                  ــــــــــــ   ئىمام  بۇخارى ، ئىمام مۇسلىم توپلىغان .

ئائىشە رەزيەللاھۇ ئەنھا مۇنداق دەيدۇ ؛پەيغەمبەر ئەلەيھىسالام ؛«قۇرئاننى ماھىرلىق بىلەن ئۇقۇيالايدىغان كىشى  ھۆرمەتلىك پەرىشتىلەر بىلەن بىرگە بولىدۇ ،قۇرئاننى كۆڭۈل قويسىمۇ تەستە ئۇقۇيدىغان كىشگە ئىككى ھەسسە ئەجىر بىرىلىدۇ »

ــــــــــــــــــــ  ئىمام بۇخارى ، ئىمام مۇسلىم توپلىغان .

ئەبۇ ھۈرەيرە رەزىيەللەھۇ ئەنھۇ مۇنداق دەيدۇ ؛پەيغەمبەر ئەلەيھىسالام مۇنداق دىگەن ؛«ئۇلاغلىق پىيادىگە  ،پىيادە ماڭغۇچى ئولتۇرغۇچىغا ،ئاز سانلىق كۆپ سانلىققا سالام قىلسۇن ».

       ئىمام بۇخارى ، ئىمام مۇسلىم توپلىغان

« كىمكى زەررىچىلىك ياخشى ئىش قىلىدىكەن ، ئۇنىڭ مۇكاپاتىنى كۆرىدۇ . كىمكى زەررىچىلىك يامان ئىش قىلىدىكەن ئۇنىڭ جازاسىنى تارتىدۇ . »
99-سۈرە «زەلزەلە»-7-8-ئايەتلەر