ئەسسالامۇ ئەلەيكۇم، توغرا ،قۇرئان كەرىمنىڭ ئېنىق ھۆكمى شۇكى «ھەر بىر ئىنسانغا پەقەت ئۇنىڭ ئۆزىنىڭ قىلغىنى مەنسۇپتۇر» ھەدىستە« قانداق بىر ئادەم ئىسلامدابىر ياخشى ئىشنى يولغا قويغان بولسا (باشلامچىلىق بىلەن قىلسا ئاندىن باشقىلار ئەگەشسە )باشلامچىلىق قىلغۇچىغا شۇ ياخشى ئىشنى ئەگىشىپ قىلغانلارنىڭ ساۋابى بولىدۇ. ئەگىشىپ قىلغانلارنىڭ ساۋابىمۇ كىمەيتىۋىتىلمەيدۇ...»دىيىلگەن. يەنە«بىرئادەم ئۆلسە ئۇنىڭ ئەمىلى ئۈزۈلىدۇ. پەقەت ئۇنىڭغا دۇئا قىلىپ تۇرىدىغان ياخشى بالا،ئۈزۈلمەس سەدىقە، پايدىلىق ئىلىمدىن ئىبارەت ئۈچ ئەمەل ئۈزۈلمەيدۇ» دىيىلگىنى بويىچە ھەر بىر ئادەم پەقەت ئۆزى قىلغان ياكى سەۋەپچى بولغان ياخشىلىقنىڭ ساۋابىنى تاپىدۇ. ھەرگىزمۇ يات بىر ئادەملەرنىڭ مېيىتقا ئاتىغان ئەمەللىرىنىڭ ئەھمىيىتى بولمايدۇ.(ئەمما ھەرقانچە يات ۋە ئالاقىسى بولمىغان ئادەم بولسىمۇ مۇسۇلمانلا بولسا ئۇنىڭ ھەققىدە دۇئاقىلسا ، اللە ئۇدۇئانى ئىجابەت قىلسا ئاندىن ئۇكىشىگە پايدىسى يىتىدۇ. بۇ پۈتكۈل ئۆلىمالار بىرلىككە كەلگەن مەسىلە)..... يۇقۇرىدىكى ئايەت بۇنىڭ دەلىلى. ھەدىستە سورالغان مەسىلە دەل مېيىتنىڭ پەرزەنتىلىرى ھەققىدىكى جاۋاپتۇر. بۇ ھەدىسنىڭ تىكىستىدە ئېنىق كۆرۈنۈپ تۇرىدۇ. . شۇڭا ياخشى پەرزەنت قانداقلا بىر ياخشى ئەمەلنى قىلسا ئۇنىڭ ئاتا-ئانىسىغا بىركىشىلىك ساۋاپ يىتىپ تۇرىدۇ.(ئۇكىشى ئاتا-ئانىسىغا ئاتىمىسىمۇ بەرىبىر)چۈنكى مېيىت ئۆزىنىڭ پەرزەنتىنىڭ دۇنياغا كىلىشىگە ھەم شۇنداق ياخشى ئادەم بولۇشىغا سەۋەپچى بولغاندۇر. ئەمما سىزنىڭ ياخشى ئىش قىلىشىڭىزغا سەۋەپچى بولمىغان بىرىگە ساۋابلىرىڭىزنى بىرىۋەتسىڭىزمۇ بۇنىڭ ئەھمىيىتى بولمايدۇ.بەزىلەر تېخى ئۆزلىرى قىلغان ياخشى ئەمەللىرىنى رەسۇلۇللاغا بەخشەندە قىلىش ئارقىلىق رەسۇلۇللانىڭ شاپائىتىگە ئىرىشمەكچى بولىدۇ.ھالبۇكى بۇمۇ رەسۇلۇللا بۇيرىمىغان ،ساھابىلارمۇ قىلمىغان بىدئەت ئىشلاردىندۇر. ئالاقىسى بولمىغان ئادەملەرگە ساۋابىنى ئاتاشمۇ ئوخشاشلا بىدئەت.رەسۇلۇللانىڭ ئۈممىتى قانچىلىك ۋە قانداق ياخشى ئىش قىلسا رەسۇلۇللاغا بىركىشىلىك ساۋاپ يىتىپ تۇرىدۇ. چۇنكى ئۇزات بىزنىڭ ھىدايىتىمىزگە سەۋەپچى بولغان. ساۋاپ ئىشلارمۇ ،گۇنالىق ئىشلارمۇ ئاشۇنداق تورلاشقان. مەيلى بەخشەندە قىلامسىز ياكى قىلمامسىز بەرىبىر.سىز قانداق بىرئىشقا سەۋەپچى بولسىڭىز مەيلى سىز نەدىلا بولماڭ ئۇنىڭدىن بىركىشىلىك نىسىۋە سىزگە يىتىپ تۇرىدۇ. مەيلى تونۇشۇڭ مەيلى تونۇشماڭ بەرىبىر. خۇددى قاچان،قانداق يەردە بىرئادەم ناھەق ئۆلتۈرۈلسە ئادەم ئەلەيھىسسالامنىڭ بالىسىغا بىركىشىلىك گۇناھ يېزىلغاندەك. شۇڭا ھەر بىر ئادەم ئىمكانقەدەر پايدىلىق ئىلىم قالدۇرۇپ كىتىشى ،ياكى پەرزەنتلىرىنى ياخشى تەربىلىشى ۋەياكى جەمىيەتكە،مۇسۇلمانلارغا پايدىلىق ئىش ھەركەتلەرنى قىلىش ئارقىلىق ئۆزى ئۈچۈن ئۈزۈلمەس سەدىقە قالدۇرۇپ كىتىشى، بۇنى قىلالمىسا مۇسۇلمانلارنىڭ ئۆزى ئۆلگەندىن كىيىن دۇئا قىلىپ قويۇشى ئۈچۈن ئۇلاردا ياخشى تەسىر،ياخشى نام قالدۇرۇشقا تىرىشىشى لازىم. بۇنچىلىك ئىشمۇ قىلالمىسا اللەنىڭ رەھمەت ۋەمەغپىرىتىنى ئۈمىت قىلىشتىن باشقا ئامال يوق. اللە ھەممىمىزگە ھىدايەت ئاتا قىلسۇن. قۇرئان ۋە ھەدىسنى توغرا چۈشىنىشنى ،شەرىئەتتە يوق ئىشلار بىلەن ئاۋارە بولماي ئاساسى بار ئىشلارنى قىلىشنى نىسىپ قىلسۇن.
[ sayram0998تەرىپىدىن2010-10-01 19:42قايتا تەھرىرلەن ]
