بوۋاق تۇغۇلۇپ بىر ھەپتە بولغاندا مەقئەت بولى قىزىرىپ، بەزىدە شەلۋەرەپ قالىدۇ، مانا بۇ «قىزىل كاسسا» ياكى «تەرەت لاتىسى ياللۇغى» دەپ ئاتىلىدۇ. مۇنداق بولۇشنى بالا چوڭ تەرەت قىلغاندىن كېيىن، پاكىز تازىلىماي مەقئەت ئەتراپىدا قېپقالغان تەرەت قالدۇقى كەلتۈرۈپ چىقىرىدۇ. ئادەتتە پاكىز تەرەت لاتىسىنى يەڭگۈشلەش، بالا چوڭ تەرەت قىلغاندىن كېيىن پاختا بىلەن ياكى ئىلىمان سۇغا چىلانغان يۇمشاق لاتا بىلەن مەقئەت ئەتراپىنى سۈرتۈپ تازىلاش، ئاندىن ئاز مىقداردا پاكىز ئۆسۈملۈك مېيىنى سۈركەش ئارقىلىق ساقايتقىلى بولىدۇ. ئەگەر ئەھۋال ئېغىر بولسا، تاننىك كىسلاتا مەلھىمى سۈرتسە بولىدۇ. (مۇھەررەم ئەكبەر تەييارلىغان)
مەنبە: تەڭرىتاغ ئۇيغۇر تورى
