ئەسسالامۇ ئەلەيكۇم! شېئىر قائىدىلىرىنى بىلىپ كەتمەيمەن، چاچما شېئىر دېيىشكە بولۇپ قالار. بۇ جەھەتتىكى قۇسۇرغا قارىماي، ئوقۇپ باقساڭلار، بەلكىم تەپەككۇر ئىشىكلىرىدىن بىرەرى ئېچىلىپ قالسا ئەجەپ ئەمەس:
"ھاياتنىڭ ئالتە تەرىپى"
(1)
ئۆتمۈش،
مازىرىدۇر ئاتا-بوۋامنىڭ،
رەسۇلاللاھ، ساھابىلەرنىڭ،
سۆيگەنلىرىم، كۆيگەنلىرىمنىڭ.
ئىستىقبال قاراڭغۇ غەپلىتىمدە،
قەبرىستانى دوست-يارەنلەرنىڭ،
ئۇرۇق-تۇققان، ئەۋلاتلارنىڭ،
سۆيگەنلىرىم، كۆيگەنلىرىمنىڭ...
ئىككى مازار ئوتتۇرىسىدا،
يېرىم ئۆلۈك ھازىرقى كۈنۈم.
يەرشارى گوياكى يوغان بىر تاۋۇت،
توشۇۋاتىدۇ ئۆتمۈش ۋە كەلگۈسىنىڭ
ئىچىدىكى سانسىزلىغان ئۆلۈكلەرنى،
ئىزتىراپلىق جىسمىمنى،
يېرىم ئۆلۈك ھازىرىمنى...
ئۆمرۈم-بىر دەرەخ.
ئۇچىدا كۆردۈم مىۋىسىنى-
ماڭا باققان جىنازامنى،
قارىدىم يىلتىزلىرىغا-
چىرىپ كەتكەن سۆڭەكلىرىمگە...
ئارقامدا قالدى ئاساسسىز دۇنيا،
كۆمۈلدى يوقلۇقنىڭ ئازگاللىرىغا.
چىقىرىپ ئىچىدىن ئاشىقلىرىنى،
سىلكىشتۈرۈپ «چىقمايتتىم» دەپ يىغلىغىنىنى،
ئېتىشتۇرۇپ پىراق بىلەن ۋىجدانلىرىنى،
ئارقامدا قالدى ئالدامچى دۇنيا...
ئالدىمدا يوشۇرۇن قەبىر ئىشىكى،
يىراق ئەمەس يېقىن بىر يەردە،
بەلكىم،
سىكۇنتنىڭ ئىلىك قەدىمىدە،
دەل يولۇمنىڭ ئۈستىدە!
شۇنداق،
كېتىۋاتىدۇ كارۋان-كارۋانلار،
نېمە مەقسەت-ئارمانلار ئۈچۈن،
شىرىن خىيال، ۋىساللار ئۈچۈن!
بىراق،
ھەممىسىنىڭ يولى ئۈستىدە،
تۇرار يوشۇرۇن قەبر ئىشىكى...
نېمە ئۈچۈن،
نەدىن،
نەگە،
كېلىۋاتىدۇ، كېتىۋاتىدۇ ئىنسانىيەت؟
ئويلانمامدۇ ئەخمەق ئىنسانلار!؟
ئەبەدىيلىككە ئاشىق قەلبىدىن،
سورىمامدۇ بەدبەخت ئىنسانلار!؟
(2)
«جاۋاپ نەدە؟»
قىينالما ئەقلىم، قىينالما قەلبىم!
بۇ بىر ساماۋى سۇئال-
تىلسىمىدۇر كائىناتنىڭ.
ئۇنداقتا،
جاۋابىنى ساماۋىدىن ئال،
مۇجىزۇل بايان - قۇرئاندىن ئال،
رەھمەتەنلىلئالەمىن مۇھەممەد تىن ئال.
(سەللەللاھۇ ئەلەيھى ۋەسەللەم)
ئالدىم:
نۇرلاندى ھاياتىمنىڭ ئالتە تەرىپى،
تارالدى قەلبىمنىڭ زۇلمەت-ۋەھشىتى!
ئەلھەمدۇلىللاھى ئەلە كۇللى ھال!
كائىنات گوياكى چوڭ بىر ساراي،
ئاسمانلار ئۆگزىسى تۈۋرۈكسىز،
يۇلتۇزلار چىراقلىرى ئاسقۇچسىز،
زىمىندۇر داستىخىنى پايانسىز،
بولامدۇ بۇ سەنئەتلەر "سانىي"سىز؟!
مۇمكىنمۇ قۇۋۋەتلەر "قاۋىي"سىز؟!
خالىقۇ كۇللىشەي "بارىي"سىز؟!
شۇنداق،
سەنئىتىدۇر كائىنات خالىقنىڭ،
رەھمىتىدۇر كائىنات رازىقنىڭ،
ئەينىكىدۇر ئۇنىڭ ئەسماسىنىڭ.
ئىنسانكى، ئۇ ئەينەكنىڭ ئەڭ جامىسىدۇر،
مەخلۇقاتنىڭ ھۆھتەرەمى، ئەزىزىدۇر.
ئۇ ئاللاھنى ئىسمى بىلەن تونۇغۇچىدۇر،
رەھمىتىنى تەقدىر قىلغان شۈكۈرچىسىدۇر،
ئىھسانىنى، كەرەمىنى، ھەيۋىتىنى،
جامالىنى، كامالىنى، قۇدرىتىنى...
ھەمدۇ-سانا، ئالقىش بىلەن،
قۇللۇق بىلەن ئىلان قىلغان،
خىلقاتى كائىناتنىڭ نەتىجىسىدۇر.
ئىنسان
بىچارە، زاۋاللىق مەھبۇس ئەمەستۇر،
يوقلۇققا مەھكۇم مەزلۇم ئەمەستۇر!
(ھاياتنىڭ ئالتە تەرىپى زۇلمەت ئەمەستۇر)
ئۆلۈم-
يوقلۇق ئەمەس!
بوشىنىشتۇر ۋەزىپىدىن،
كۆچۈشتۇر بوغقۇچى دۇنيادىن،
قەبىركى، كۈتۈش زالى جەننەتنىڭ،
باشلانغۇچى ئۇزۇن سەپەرنىڭ،
جەننەتكە، ھوزۇرى ئىلاھىگە (ئىنشائاللاھ!)
بەلكى، بىر مىسلى جەننەت باغچىسىنىڭ،
ئەھلى ئىمان سۇرۇر بىلەن يايرىغان،
«سۆيگەنلىرىم ھاياتكەن» دەپ سايرىغان،
تاتلىق سۆھبەت قۇرۇپ بىللە قاينىغان...
***
[ بۇ يازمىنىosmanli 2012-09-20 05:03قايتا تەھرىرلىدى ]
