ئەسسىلامۇئەلەيكۈم:
بۆشۈك گىپى چىقسا تەبىئىيلا كاللامغا ئاپام مىنى شۇنداقلا ئۈچ ئىنىمنى بېقىپ چوڭ قىلغان بۆشۈك يادىمغا كىلىدۇ.......بىز چوڭ بولغاندىن كىيىن ئۇ بۆشۈك ئامبار ئۆينىڭ بىر بۇلىڭىدا توپا بېسىپ تۇرغان مەزگىللەردە ئۈرۈمچىدىن يېڭىدىن يەڭگىپ ئورنىدىن تۇرغىلى بىرقانچە كۈن بولغان نەۋرە ئاچامنىڭ ئاتۇشقا كىلىپ بىر مەزگىل تۇرىدىغانلىق خەۋىرىنى ئاڭلاپ ھىلىقى بۆشۈكنى توپا بېسىپ تۇرغان جايدىن ئېلىپ چىقتىم-دە ئۆيدە دادام بۇرۇن ئىشلىتىپ ئېشىپ قالغان سىرلارنى ئۇنى بۇنىڭغا ئارلاشتۇرۇپ يۈرۈپ مەن ئەڭ ياقتۇرىغان شاپتۇل چىچىكى رەڭنى ھاسىل قىلىپ ئولتۇرۋىلىپ شۇنداق تەپسىلى سىرلاپ چىققان ئىدىم. تېخى بۆشۈككە كىتىدىغان قول تارتقۇ دەمدۇق ئىشقىلىپ بىر يۈرۈش سايمانلىرى ئۆزۈم چوڭ ئاپامنىڭ يول كۆرسىتىشى بىلەن كىيىم تىكىش ماشىنىسدا تىكىپ ئۇ بۆشۈكنى شۇنداق ئۆزگىچە تۈسكە كىرگۈزۋەتكەن ئىدىم. دادام-ئاپاملار كۆرۈپ شۇنداق خۇش بولۇپ كەتكەن ئىدى. نەۋرە ئاچاممۇ ئۇماق ئوغلىنى شۇ بۆشۈكتە بىر مەزگىل ياتقۇزغان ئىدى. شۇندىن كىيىن ئۆيگە كىچىك بالىسى بارلار كىلىپ قالسا خاتىرجەم ھالدا شۇ تەييار بۆشۈكنى ئىشلىتىدىغانمۇ بولدى ئەمما ھازىر بالىنى بۆشۈكتە باقىدىغان ئىشلار تۈگەپ قىلىۋاتقاچقىمۇ ئۇ <بىچارە> بۆشۈك يەنە غىرىپسىنىپ قېلىۋاتىدۇ. ئاللاھ نىسىپ قىلسا كىيىنچە ئۆزۈمنىڭ ئەۋلادلىرىنى بېقىپ چوڭ قىلىشقا ئىشلەتمىسەم ھىساپ ئەمەس. دىمىسىمۇ بۆشۈك بالىسى خان بالىسى دىگەندەك بۆشۈكتە بېقىلغان بالا پاكىز بولىدۇ ھەم ئانىنىڭمۇ قولى سەل ئارام تاپامدىكى دەيمەن؟! ئىشقىلىپ مەن يەنىلا مۇشۇ بۆشۈك ئىشلەتكەننى ياقتۇرىمەن.
