خىلى ۋاقىتلاردىن بىرى مەن ئىزچىل تۈردە دېرىكىنى قىلىۋاتقان بىر كاتۇن فىلىم بار، ئۇ بولسىمۇ ياپونىيىنىڭ پەننى ئومۇملاشتۇرۇش كارتون فىلىمى -«مېم». ئالدىنقى ئەسىرنىڭ 90-يىللىرى بالىلىق مەزگىللىرىنى باشتىن كەچۈرگەنلەرنىڭ ئېسىدە بولسا كېرەك،شىنجاڭ تېلېۋىزىيە ئىستانسىسى تەرجىمە قىلىپ تارقاتقان «مېم» قويۇلغان ۋاقىتلاردا بىز ئاش-تامىقىمزنى تاشلاپ قويۇپ كۆرىدىغان…ئەمەلىيەتتە، بالىلارلا ئەمەس، چوڭلارمۇ قىزىقىپ كۆرۈشكەن ئىدى.
«مېم»نىڭ ھەربىر قىسىمىدا بىز مەلۇم بىر كەشپىيات،مەلۇم بىر ئالىم …قاتارلىقلار ھەققىدە پەننى ساۋادلارغا ئىگە بولغان ئىدۇق،مۇنداقچە ئېيتقاندا ئۇنىڭ ھەربىر قىسمى ئىنتايىن قىزىقارلىق ئۆتۈلگەن بىر سائەتلىك دەرس ئىدى.

«مېم»- ئەسلى 127قىسىم بولۇپ (ئېسىمدە قىلىشىچە ئەينى يىللىرىدىكى ئۇيغۇرچە تەرجىمىسى 30قىسىم ئەتىراپىدىغۇ دەيمەن) 1983-يىلى ئىشلەنگەن . فىلىم ئىككى چوڭ بۆلەككە بۆلۈنگەن. بىرىنچى بۆلىمى تارىختا ئۆتكەن ئالىم،كەشپىياتچى ۋە مەلۇم تېخنىكىلارنىڭ تەرەققىيات مۇساپىسى ھەققىدىكى ھېكايىلەر. ئىككىنچى بۆلىمى پەن -تېخنىكىنىڭ كەلگۈسى ھەققىدىكى فانتازىيىلەردىن تەشكىل تاپقان.
ئەلۋەتتە، بىز ئۇنىڭ بىرىنچى بۆلىمىنمۇ تولۇق كۆرۈش ئىمكانىيىتىگە ئىگە بولالمىدۇق. «مېم»دا ئالىم-كەشپىياتچىلارنىڭ كەچۈرمىشلىرى ئاساسى ئەھۋالى بۇرمىلانمىغان ئاساستا، مېم ۋە كارتون فىلىمدىكى يەنە بىر ئاساسى پېرسوناژ بولغان ئاكا-سىڭىللارۋەقەلىك ئىچىگە ماھىرلىق بىلەن كىرگۈزۈلگەن بولۇپ، ۋەقەلىكنىڭ قىزىقارلىق دەرىجىسى ئاشۇرۇلغان.
بۈگۈنكى كۈندە مائارىپتا«ئۆگىنىشتىن ھۇزۇر ئېلىش» نى بەك تەكىتلەۋاتىمىز،ئۇنداقتا قانداق قىلغاندا ئۆگىنىشتىن ھۇزۇر ئالغىلى بولىدۇ؟
ياپونىيىنىڭ بۇ كارتون فىلىمى دەل بۇنىڭغا بېرىلگەن جاۋاب بولىشى مۇمكىن .ئارىدىن شۇنچە يىل ئۆتۈپ كەتكەن بولسىمۇ،ئەينى يىللاردىكى شۇ بەڭۋاش كاللىمىزدائۇ يەتكۈزگەن كۆپلىگەن پەننى ئۇچۇرلارھىلغىچە ساقلىنىپ قالدى.

قالغىنىنى ئالدىرىماي تولۇقلاپ قوياي،،،،،،بۈگۈن مۇشۇنچىلىك بولسۇن،،،

مەنمۇ بۇ كارتون فىلىمنى بەك ياخشى كورەتتىم.شۇ ۋاقىتلىرىم ئىسىمگە كەپ قالدى.

باشلانغۇچنىڭ 2 يىلىقدا ئوقيتۇم شۇ چاغدا ھەجەپ بۇلۇپ قالدىميا بۇ فىلىنى كۆرۈپ .....

سامان يولى ئاكا رەھمەت! بۇ كارتونغا مەن بەك ئامراق بولوپ قالدىم ! ئەجرىڭىزگە كۆپ رەھمەت !~    ئادرىسى ياكى ئاخىرقى قىسىملىرى بولسا يوللاپ قويسىڭىز بوپتىكەن!

رەھمەت سىزگە، گۈزەل ئەسلىمىلىك چاغلارنى يەنە بىر قېتىم ئەسلەتتىڭىز.
بۇ كارتۇن فېلىمنى ئاتەش ئۈن سىن مەركىزى نەشىر قىلىپ بازارغا سالغان ئىكەن، ئاتايىتەن سېتىۋالغان ئىدىم. بۇ قېتىم قەشقەر رەستلىرىنى ئايلىنىۋىتىپ << شىر پادىشاھ >> نىڭ ۋ س د پىلاستىنكىسىنى ئۇچرىتىپ قالغان ئىدىم، ئۇنىمۇ سېتىۋالغان ئىدىم.
<< ماركونىڭ ئاپىسىنى ئىزدىشى>> ناملىق كارتۇن فېلىم ئېسىڭلاردىمۇ؟ مەن بۇ كارتۇن فېلىمى توردىن چۈشۈرۈپ ساقلىۋالغىلى 4-5 يىل بولدى، بولسا مۇشۇ كارتۇن فېلىمنىڭ ئۇيغۇرچە نەشىرى بازارغا سېلىنسا بولاتتى.
بالىلىق چاغلارنى ئەسلىگىنىمدە، شۇ كارتۇن فېلىمىلەرنى ھوزۇرلىنىپ كۆرۈپ كېتىمەن.

بىز كىچىك چاغلاردا ياغاچ قۇرچاق ئۇيۇنى كۇرەتتۇق،،سىلەر نىمە دىگەن بەختلىك ھە،،،،سامان يۇلى ئۇكام،،!!!!!!!!!!!!!

ئا جايىپ گۈزەل چاغلار ئىدى ئۇ ، كۆزنى يۇمۇپ ئاچقۇچە ئۆتۈپ كىتىدۇ ۋاقىت دىگەن .

مەن «ماركونىڭ ئاپىسىنى ئىزدىشى» دىگەن كارتونغا بەك ئامراق ئىدىم . 
ئامىدىيو، يەنە ھىلىقى قېرى خوتۇن.    ئىشقىلىپ بەك ياخشى بۇ ماركونىڭكى.

مۇشۇ قونچاق بىلەن ماركونىڭ ئاپىسىنى ئىزدىشىنىڭ ئۇيغۇرچە نۇسقىسىنى چۈشۈرۈۋالغان بولسام بەك ياخشى بولغان بولاتتى ، كىيىنچە بالىلارغا قويۇپ بېرەي دىگەنتىم