اللە تەئالا بىر – بىرىگە نامەھرەم بولىدىغان ئەر – ئاياللارنى بىر- بىرىگە تىكىلپ قاراشتىنمۇ قەتئىي مەنئى قىلىدۇ. مۇناسىۋەتلىك ئايەتلەر تۆۋەندىكىچە:
«مۇئمىن ئەرلەرگە ئېيتقىن: نامەھرەملەرگە تىكىلىپ قارىمىسۇن، ئىپپەتلىرىنى ساقلىسۇن. بۇ، ئۇلار ئۈچۈن ئەڭ پاكتۇر. ئاللاھ ئۇلارنىڭ قىلمىشلىرىدىن خەۋەرداردۇر.
مۇئمىن ئاياللارغىمۇ ئېيتقىن: نامەھرەملەرگە تىكىلىپ قارىمىسۇن. ئىپپەتلىرىنى ساقلىسۇن. زىننەتلىرىنى ئاشكارىلىمىسۇن – ئۇ زىننەتلەرنىڭ ئوچۇق بولغان قىسمى مۇستەسنا-. ياغلىقلىرى بىلەن جەيب (بويۇن ۋە كۆكرەك) لىرىنى ياپسۇن. زىننەتلىرىنى ئەرلىرىدىن، ئاتىلىرىدىن، قېيناتىلىرىدىن، ئۆز ئوغۇللىرىدىن، ئۆگەي ئوغۇللىرىدىن، قېرىنداشلىرىدىن، قېرىنداشلىرىنىڭ ئوغۇللىرىدىن، ھەمشىرىلىرىنىڭ ئوغۇللىرىدىن، ئاياللىرىدىن، قول ئاستىدىك قۇل-چۆرىلەردىن، جىنسىي ئارزۇسى بولمىغان ئەرلەردىن ۋە ئاياللارنىڭ ئۇياتلىق يەرلىرىنى تېخى پەرق ئەتمىگەن بالىلاردىن باشقا ھېچكىمنىڭ يېنىدا ئاچمىسۇن. يوشۇرغان زىننەتلىرىنى بىلىنسۇن دەپ پۇتلىرىنى ئۇرمىسۇن. ئى مۇئمىنلار! ھەممىڭلار ئاللاھقا تەۋبە قىلىڭلار، مۇرادىڭلارغا يېتەلەيسىلەر»- نۇر سۈرىسى 30 – ۋە 31 – ئايەتلىرى.
پەيغەمبەر ئەلەيھىسسالام مۇنداق دېگەن:
«قول بىلەن نامەھرەمنىڭ بىر يېرىنى تۇتۇش، پۇت بىلەن نامەھرەم تەرەپكە مېڭىش، كۆز بىلەن نامەھرەمگە قاراش… قاتارلىقلارنىڭ ھەممىسى زىنادۇر»- بۇ ھەدىسنى بۇخارى، مۇسلىم ۋە ئەبۇ داۋۇد رىۋايەت قىلغان.
پەيغەمبەر ئەلەيھىسسالام مۇنداق دېگەن: «ئاللاھغا ۋە ئاخىرەت كۈنىگە ئىمان ئېيتقان كىشى، يېنىدا مەھرىمى بولمىغان بىر نامەھرەم ئايال بىلەن بىر جايدا يالغۇز قالمىسۇن. ئەگەر شۇنداق بولۇپ قالسا، شەيتان ئۇ ئىككىسىنىڭ ئۈچىنچىسى بولىدۇ»– بۇ ھەدىس بۇخارى، مۇسلىم ۋە تىرمىزىقاتارلىق ھەدىس كىتاپلىرىدا زىكرى قىلىنىدۇ.
ئەسسالامۇ ئەلەيكۇم قېرىنداشلار ، مەخسەتكە كەلسەك ، ھازىر ئارىمىزدا ساقلىنۋاتقان قىز-ئوغۇللار ئوتتۇرسىدىكى شەرىئەتكە خىلاپ قىلمىشلار توغرىسىدا مۇنۇ شىئرنى ھوزرۇڭلارغا سۇنماقچىمەن . ئاچچىق بولسىمۇ بۇ ئەمىليەتتە ھەقىقەت !
يوقالسۇن نۇمۇسسىز مۇھەببەت
يوقالسۇن نۇمۇسسىز مۇھەببەت دوستلۇق ،
يوقالسۇن نۇمۇسسىزلىق ئىپپەتسىزلىكمۇ ھەم .
يوقالسۇن ئارىمىزدىن ھاياسىزلىق ،
يوقالسۇن ئادىمىي شەيتانىيلىق .
يوقالسۇن نۇمۇسسىز مۇھەببەت دوستلۇق ،
يوقالسۇن ئىسلامغا زىت شۇ مۇھەببەت .
يوقاتماي سەن ئۇنى يوقارسەن بىر كۈن ،
تەۋبە قىل ئاللاھ غا تىلەپ مەغفىرەت .
يوقالسۇن نۇمۇسسىز مۇھەببەت دوستلۇق ،
يوقالسۇن شەرىئەتكە قارشى قىلمىشىڭ .
يوقالسۇن غەرىپچە ئاشۇ ئەركىنلىك ،
يوقالسۇن نىكاھسىز ئويناپ يۈرشىڭ .
يوقالسۇن نۇمۇسسىز مۇھەببەت دوستلۇق ،
يوقالسۇن بىزدىكى غەرىپچە ئىللەت .
بىز سەۋەب ئەۋلادلار بولمىسۇن ھالاك ،
تىرىشقىن چەكمەسكە مەڭگۈ نادامەت .
يوقالسۇن نۇمۇسسىز مۇھەببەت دوستلۇق ،
تۈزەتسەك كىچىكمەس مۇشۇ دەقىقەت .
قىلساق بىز تەۋبىنى مەغفىرەت تىلەپ ،
راھمان ئۇ كەچۈرىدۇ قىلىپ رەھمەت .
يوقالسۇن نۇمۇسسىز مۇھەببەت دوستلۇق ،
چۈنكى ئۇ بولىدۇ زىناغا سەۋەپ .
بىلسەڭ سەن قاچاتتىڭ ئوتتىن قاچقاندەك ،
زىناھنىڭ جازاسى بولاركەن دەششەت .
يوقالسۇن نۇمۇسسىز مۇھەببەت دوستلۇق ،
قەلىبنى قاپلىمىسۇن ئاشۇ غەپلەت .
تىلەيلى ئاللاھ تىن پاناھ ھەر نەپەس ،
بولمايلى شەيتاننىڭ قۇلى تا ئەبەت .
يوقالسۇن نۇمۇسسىز مۇھەببەت دوستلۇق ،
قەلبىمىز يۈزلەنسۇن ئاللاھ قا پەقەت .
قۇرئاندىن سۈننەتتىن چىقمايلى ئەبەت ،
شۇندا بىز بولارمىز مۇكەممەل ئۈممەت .
__ ئەرابى
