80نەچچە ياشقا كىرگەن ئانامنىڭ باشقا قىزىقىشى يوق،كۈنلىرىنى تېلېۋىزور كۆرۈش بىلەن ئۆتكۈزىدۇ.ئۇزۇندىن بۇيان،شۇ ياشقا كىرىپ قالغان ئانامنىڭ  تېلېۋىزور كۆرگەندە ھەمىشە ئۇياق-بۇياقلارغا قاراپ ئولتۇرغىنىغا قاراپ،دەسلەپتە ئۇنى قېرىلىقتىن زېھنىنى يىغالماس بولۇپ قالغان ئوخشايدۇ،دەپ ئويلاپتىمەن،كېيىن كۈزىتىشىمچە،ئانام ئەسلى تېلېۋىزوردىكى ئېلاندىن زېرىككەن ئىكەن.ھەر قېتىم ئېلان چىققاندا ئانام ئۆزىنى قاچۇرسا،كىشىگە جىم تۇرالماسلىق كېسىلى بولۇپ قالغاندەك تۇيغۇ بېرىپ قاپتۇ ئەمەسمۇ،ئانامغا ئۇۋال بوپتۇ.
ھەق گەپنى قىلساق،ھازىر تېلېۋىزورمۇ ھەقلىق بولۇپ كەتتى.بىز تېلېۋىزور كۆرۈش ئۈچۈن ئاللىقاچان تېلېۋىزىيە ئىستانسىسىغا <كۈمۈش> تۆلەپ بولغان.تېلېۋىزىيە ئىستانسىسى ئېلان قويۇپ  بەرسە،قائىدە بويىچە بىزگە ھەق تۆلىشى كېرەك ياكى ئېلاننى ھەقسىز قويۇشى كېرەك.
بىزدىنمۇ ھەق ئالسا،سودىگەردىنمۇ ھەق ئالسا بۇ ھەقىقەتەن بىمەنىلىكتە.شۇڭا بارلىق ئاخبارات ساھەسى بويىچە تېلېۋىزىيە ئىستانسىسىلا باي.تېلېۋىزىيە ئىستانسىسىنىڭ چوڭ ھويلىسىدا پىكاپلار بەك تولا،بۇمۇ ئېلاندىن كىرگەن تاپاۋەتنىڭ پايدىسى.
بۈگۈنكى جەمئىيىتىمىزنىڭ ئەڭ كۆرۈنەرلىك بەلگىسى يەر-زېمىننى قاپلىغان ئېلاندۇر.ئۇنىڭ ھازىر دەسلەپ باشلانغان چاغدىكى ئۆلچەم چەكلىمىسى قالماي،ئەسەبىيلىكىدىن شۇ دەرىجىگە باردىكى،ھەتتا چوڭ-كىچىك ئېلانلار سانسىز مۇشتلارنى كۆزىمىزگە تەڭلەپ تۇرسىمۇ،كىشىلەر قاراپ تۇرماي ئىلاجى يوق،دەرتنى ئىچىگە يۇتىدىغان گەپ.بىزدەك ئالىيجاناپ،ئاقكۆڭۈل كىشىلەرگە نىسبەتەن  ئېيتقاندا بۇ ئېلانلار ھەقىقەتەن بىر لۈكچەك،نائەھلىدۇر.
ھازىرقى ياش بىر ئەۋلاتلار بىر ئىشنى مەڭگۈ ھېس قىلىپ يېتەلمەيدۇ.ئۇ بولسىمۇ مەھسۇلاتلار كەمچىل ۋاقىتتىكى تەمىنلەشتۇر.ئەينى يىللىرى،ھەممە مەھسۇلات دېگۈدەك بېلەتلىك تەمىنلىنەتتى.شۇنداق بولغاچقا تەقسىملەش ھوقۇقىنى چاڭگىلىغا كىرگۈزىۋالغان بىر قىسىم كىشىلەر،تۈرلۈك ئاماللارنى ئىشلىتىپ ناچار مەھسۇلاتلارنى ياخشى،سۈپەتلىك مەھسۇلاتلارغا باغلاپ،قوشۇپ سېتىپ،خەلقنىڭ تۇرمۇش ئېھتىياجىنى قامدايتتى.ئۇ مەزگىللەردە مەھسۇلاتلار كەمچىل بولغاچقا كىشىلەرنىڭ تاللاش ئىمكانىيىتى يوقتى.مەھسۇلات ئىشلەپچىقارغۇچىلارنى ئېلىپ ئېيتساق،ھەممە مەھسۇلاتىنى جەمئىيەتكە چىقىرىپ،باغلاپ،قوشۇپ ساتقاچقا زاۋۇتنىڭ مال ئىسكىلاتى يوق ئىدى.خەلقنىڭ ئېھتىياجىمۇ قانىدۇ،ھەر ئىككى تەرەپ خوش دېگەن گەپ.بۈگۈنكىسىگە ئوخشىمايدىغان يېرى،شۇ چاغلاردا بېلەتكە گۆش ئالماقچى بولسىڭىز بۇ گۆشكە ھەمىشە پاتاڭ قوشۇپ بېرىلسىمۇ،پىرىكازچىكنىڭ تەلەتىگە قاراپلا تالىشىشقا رايىڭىز قالمايتتى.
مەھسۇلاتلار كەمچىل چاغلاردا ئېلانمۇ يوق ئىدى،چۈنكى ئېلاننىڭ زۆرۈرىيىتى يوقتە! ھازىرقى ئېلان قىزغىنلىقى يەنىلا مەھسۇلاتنىڭ كۆپلىكىنىڭ نەتىجىسى.بۈگۈنكى بەختلىك تۇرمۇشىڭىزنى ئويلاپ بېقىڭە،پەقەت پۇلىڭىز بولسىلا ئەتراپىڭىزدىكى مەھسۇلاتلارنىڭ كۆپلىكىدىن ئۆزىڭىزنى قاچۇرۇپمۇ قاچۇرۇپ بولالمايسىز.شۇنداق قىلىپ،مەھسۇلاتلارنىڭ كۆپلىكى كىشىلەرگە ئاۋارىچىلىق كەلتۈردى.مەيلى قايسىلا بۇلۇڭ-پۇچقاق بولسۇن تاۋار ئېلانىغا توشۇپ كەتتى.ۋاقىتنىڭ ئۇزىرىشىغا ئەگىشىپ،ئۆز  ۋاقتىدىكى مەھسۇلات كەمچىل زامانلارنى ئۇنتۇپ كەتتۇق.پاراكەندىچىلىك بىزار قىلدى.ئانام ھەر قېتىم تېلېۋىزورنى ئاچسا كوتۇلداپ قويىدۇ:
- ھەممىسى ئېلان،كۆرگۈدەك ھېچنىمە يوق.
ھەممىدىن بىمەنىلىكى كىنوخانىدا بىر مەيدان كىنو كۆرمەكچى بولساقمۇ ئېلاننىڭ ھۇجۇمىدىن خالى ئەمەسمىز.ئاۋال نەچچە ئون مىنۇتلۇق ئېلاننى كۆرۈشىمىز كېرەك.بۇ كىشىگە << مەدەنىيەت زور ئىنقىلاۋى>> مەزگىلىدىكى كىنوخانا كۆرۈنۈشىنى ئەسلىتىدۇ.ئۇ چاغلاردا كىنو قويۇشتىن بۇرۇن چوقۇم بىر خەۋەر فىلىمىنى قويۇپ،<< مەدەنىيەت زور ئىنقىلاۋى>> مەزگىلىدىكى چوڭ ياخشى ۋەزىيەتنى تەشۋىق قىلاتتى.ھالبۇكى بۈگۈن ئۇ تەشۋىقات فىلىمىنىڭ ئورنىنى ئېلان ئىگىلىدى.فىلىم ئىشلىگۈچىلەرمۇ سودىگەر-زاۋۇتلارنىڭ پۇلىنى ئالدى،بۇ تاماشىبىنلارغا نىسبەتەن چوڭ ئادالەتسىزلىكتۇر.فىلىم ئىشلىگۈچى تەرەپ بىلەن قويغۇچى تەرەپ تاماشىبىننىمۇ ، سودىگەرنىمۇ ھەق تكلەشكە مەجبۇر قىلماقتا.شۇڭا كىشىلەرگە لۈكچەكلىك قىلمىشىدەك تەسىر بەرمەكتە.كىشىلەر تېلېۋىزوردىكى ئېلانلاردىن بىزار بولۇپ كەتتى.
ئەمەلىيەتتە ئېلانمۇ قانۇننىڭ چەكلىمىسىگە ئۇچرايدۇ،ھازىر ئېلانلار خەلقنىڭ تۇرمۇشى ۋە سالامەتلىكىگە زور زىيان ئېلىپ كەلدى.بىراق كىشىلەر يەنىلا قول قوشتۇرۇپ تۇرماقتا،قانۇنلۇق ھوقۇقىنى قوغداش بايرىقىنى كۆتۈرۈپ چىقمىدى.مەسىلە بىز تايىنىدىغان قانۇن-تۈزۈمنىڭ يوقلۇقىدا.بۇ ئېلانلارنى تېزرەك <<قەپەز>> گە سولىمىساق،ياشانغان ئاتا-ئانىمىزنىڭ  كېسىلى تېخىمۇ ئېغىرلاپ كېتىدۇ... 

                               < گېنېرال بىلوگى > دىن ئېلىندى.

دەرھەقىقەت گەپبوپتۇ،،،قىرىندىشىم لىكىن بۇ ئىلانلارنى قەپەزگە سولاشنىڭ ئۈنۈملۈك تەدبىرى بارمۇ ؟

ھازىر جۇڭگۇدىكى كىشلەرنىڭ ئىڭىدا پۇل ئامىلى ،بىرىنچى ئوروندا تۇردۇ ئەمەسمۇ.قانداقلا ۋاستا بولىشىدىن قەتئى نەزەر پۇللا تاپسا بولدى، ئىنساپ دىيانەت،ئىنسانپەرۋەرلىك ئامىلى دىگەنلەرنى ئويلاش ئۇلار ئۈچۈن نۇمۇس.

    تۇغرا ، ھەممە   يەرلەرنى   ئىلان  قاپلاپ  كەتتى  .  بىراق،    بۇ  ئىلانلارنى   يۇقۇتۇشنىڭ   قانداق  ئۈنۈملۇك  چارىسى  بار؟

توغرا بۇكىشلەر ھەممە ئادەمنى ئۆلسۇن دەدىكى تاڭ نەگىلا قارسا دوختۇرخانىنىڭ دورىنىڭ ئىلانى  ، بۇنى قانداق قىلساق تۈگەركىن تاڭ بىلىپ بولمايدۇ  .    

ھىي ھىي ھىيھ ىي ھ،   ئاغرىپ قالسا  چىۋىندىن تارتىپ   پىل ، چوشقا ئىشەككىچە  يىسە بولىدۇ  ساقىيىدۇ دېسە ، ماۋۇ بىزنىڭ ئەخمەق  كىشىللىرىمىز دورىلىق بولسا  ساقىيدىكەن دەپ   كاپاملام يەيدىكەن !!!  توۋا ...    ئەتە ئۆگۈن  چوشقىنىڭ سۈتى بىر نىمىگە پايدا قىلىدىكەن دەپ قالسا ئۇنىمۇ ئۆچرەت ساقلاپ  سېتىۋالدىغان ئوخشايدۇ .....
ھەي بولدى بۈگۈن ئۇلۇغ قۇربان ھېيت بوپ قاپتۇ سەت گەپنى قىلماي  بولدى .....   اللە  گۇناھلىرىىمزنى مەغفىرەت قىلغاي ... ئامىن

مىنىڭچە بۇ ئېلانلارنى تۈگەتكىلى بولمايدۇ

     شىنجاڭ تېلىۋىزىيە ئىستانسىسى تارقاتقان جاھاندىكى ئىشلار ، ئادەم ۋە تەبىئەت ، خەۋەرلەر ، 5- قانالدىكى چەتئەل فىلىملىرى ، ئايرىم پىرۇگراممىلاردىن باشقا مەن قىززىققۇدەك نەرسە يوق . 9- قانالغىغۇ مۇڭغۇلىيىگە قىززىققانچىلىكمۇ قىززىقمايمەن . ( مۇڭغۇلىيىگە قىززىقىشىم ئەڭ ئارقىدا تۇرىدۇ )

تىتىقسقز ئىلانلار نىمە دىگەن كۆپ

تور تېلېۋېزىيىسى ئورناتسا، مۇشۇنداق تېتىقسىز ئېلانلاردىن قۇتۇلۇدىكەن، ئەمما ئۇيغۇرچە ھىچقانداق كىنو تېلېزىيە نومۇرلىرىنىڭ يوقلۇقى كىشىنى ئەپسۇسلاندۇرىكەن، قانداق قىلىش توغرىكىن-تاڭ؟