بۇ مەزمۇنرامىزان نىڭ 2011-10-26 08:28 يوللىغان يازمىسى
بۇ ھەدىسنى ئىمام ئەھمەد تەبرانىينىڭ ئابدۇللاھ ئىبنى ئەبۇئەۋفا ياكى ئۇ ئىككىسىدىن قىسقارتىپ ئالغان لەۋزىدىن رىۋايەت قىلغان بولۇپ، رىۋايەتتە ئابدۇللاھ ئىبنى ئەبۇ ئەۋبا مۇنداق دەيدۇ: «بىز پەيغەمبەر ئەلەيھىسسالامنىڭ ھوزورىدا ئولتۇراتتۇق، بىر ئادەم كىرىپ:
ـــ بىر ياش سەكراتقا چۈشۈپ قالغان ئىدى، بىز ئۇنى لا ئىلاھە ئىللەللاھ! دىگىن دىسەك، ئۇ بۇ سۆزنى دىيەلمەيۋاتىدۇ، ـــ دىدى، پەيغەمبەر ئەلەيھىسسالام:
ـــ ئۇ ناماز ئوقۇمامتى ؟ ـــ دەپ سورىدى.
ـــ ئوقۇيتتى،ـــ دىدى ئۇ ئادەم.
پەيغەمبەر ئەلەيھىسسالام ئورنىدىن تۇردى، بىزمۇ ئۇنىڭ بىلەن بىرگە تۇردۇق. پەيغەمبەر ئەلەيھىسسالام ئۇ بالىنىڭ يېنىغا كىردى ۋە ئۇنىڭغا:
ـــ لا ئىلاھە ئىللەللاھ دىگىن، ـــ دىدى.
ـــ دىيەلمەيمەن، ــــ دىدى كېسەل.
ـــ نىمە ئۈچۈن دەپ سورىدى پەيغەمبەر ئەلەيھىسسالام
ـــ چۈنكى بۇ بالا ئانىسىنى قاخشاتتى، ـــ دەپ جاۋاپ بېرىشتى باشقىلار. پەيغەمبەر ئەلەيھىسسالام:
ـــ ئۇنىڭ ئانىسى ھاياتمۇ؟ ـــ دەپ سورىدى.
ـــ ئۇ ھايات، ـــ دەپ جاۋاپ بېرىلگەندە، ئۇ بالىنىڭ ئانىسىنى چاقىرىپ كەلتۈرۈپ:
ـــ مەن ناھايىتى چوڭ بىر ئوت ياقسام، ئاندىن ساڭا ئوغلۇڭنى كەچۈرسەڭ، بىز ئۇنى ئوتقا تاشلىمايمىز، كەچۈرمىسەڭ تاشلايمىز، دىسەك ئوغلۇڭنى كەچۈرەمسەن ؟ ـــ دەپ سورىدى.
ـــ ئى ئاللاھنىڭ پەيغەمبىرى! ئۇنداقتا مەن ئۇنى كەچۈرەي،ـــ دىدى ئايال. پەيغەمبەر ئەلەيھىسسالام:
ـــ ئۇنداقتا ئاللاھنى گۇۋاھ قىلغىن ۋە مېنى رازى بولغانلىقىڭغا گۇۋاھ قىلغىن، ـــ دىدى.
ـــ ئى ئاللاھ! مەن سېنى گۇۋاھ قىلىمەن! ۋە پەيغەمبەر ئەلەيھىسسالامنى ئوغلۇمدىن رازى بولغانلىقىمغا گۇۋاھ قىلىمەن. پەيغەمبەر ئەلەيھىسسالام:
ـــ ئى يىگىت! سەن ئەمدى لا ئىلاھە ئىللەللاھ ۋەھدەھۇ، لا شەرىكە لەھۇ ۋە ئەشھەد ئەننە مۇھەممەدەن ئابدۇھۇ ۋە رەسۇلۇھۇ دىگىن، ـــ دېۋىدى، ئۇ يىگىت بۇ سۆزلەنى دىيەلىدى. پەيغەمبەر ئەلەيھىسسالام، ـــ ئۇنى دوزاقتىن قۇتقۇزغان ئاللاھقا ھەمدۇ سانالار بولسۇن! ـــ دىدى.»....... 
