ئۇت يۇرەك شائىر ،ئىنقىلابىي قۇربان ل مۇتەللىپ ھەققىدە يىزىلغان كىتابنى ئۇقۇۋىتىپ ل مۇتەللىپ يازغان بىر نەچچە ناخشا تىكىستلىرنىڭ ھازىرغىچە خەلىق ئىچىدە ئىيتىلىپ كىلۋاتقان بىر نەچچە ناخشا تىكىستلىرىنى تورداشلارغا سۇندۇم..
                                      سازىڭنى جانىم
سازىڭنى جانىم،قولۇڭغا ئال-ئال
مۇڭلۇق ،يېقىملىق پەدىگە چال-چال
كېچە ۋە كۈندۇز سەندە خىيالىم،
باقمىدىڭ لېكىن بۇ سەندە نە ھال
كۈلكەڭ گۆھەر چاچىدۇ پال -پال
كەتمەس ئېسىمدىن يۈزىڭدىكى خال
تەبەسسۇم بېقىپ بىر كۈلسەڭ ئەگەر
ئۇنچە چىشلىرىڭ قىلىدۇ پال-پال
كەتمىگىن جىنىم مەن بىلەن قال-قال
كېتىشىڭ ئاڭلاپ تىترىدىم غال-غال
قىينىما مېنى ،ئال خەنجىرىڭنى
ئۆز قولۇڭ بىلەن يۈرەككە سال-سال
مەنمۇ ياش تۇرۇپ بۇلدۇم مانا چال ،
ئېگىلىپ قامىتىم مانا بۇلدى دال
كۆكسۇمنى ئەگەر ياقسام كۆكسۈڭگە
جىنىمغا ماغدۇر كىرىدۇ دەرھال.
1945-يىل ،ئاقسۇ

                            مەيلىمۇ
ئىشقىڭ ئوتىدا سەرگەردان يۈرۈپ
گۈلدەك چىرايىم سۇلسا مەيلىمۇ ؟
مەجنۇندەك بۇلوپ يۇرسەم ئاھ ئۇرۇپ
ئەللەر ھاقارەت قىلسا مەيلىمۇ؟
.................................

كۇندە كۆرەلمەي ئايدەك يۇزۇڭنى،
كۆڭلۈمگە ئەلەم تۇلسا مەيلىمۇ؟
ياكى ئاڭلىماي شېرىن سۆزۇڭنى،
،ماڭا قايغۇ غەم بۇلسا مەيلىمۇ؟
.........................................
  ۋەسلىڭنى ئىزدەپ بارسام مەن ئەگەر،
يۇلدا رەقىبلەر كۆرسە مەيلىمۇ؟
يارىم قايدا دەپ سورىسام ئەگەر ،
ئەل مەندىن شۇئان كۈلسە مەيلىمۇ؟
.............................................
دائىم تەلمۈرۈپ ئايدەك يۇزىڭگە ،
كۆڭلۈمنى ئالغان شەھلا كۆزۇڭگە،
بۇلوپ مۇنتەزىر سېنىڭ سۆزۇڭگە
ئىشقىڭدا شۇئان ئۇلسەم مەيلىمۇ؟
1945-يىل،ئاقسۇ.
                    زۇھرە جانىم
زۆھرە جانىم ،ۋەسلىڭ ئىزدەپ،
رەقىب قولىغا چۇشتۇم ئەمدى،
كېچە -كۈندۇز دىدار ئىزدەپ
ئۇتتەك يېنىپ ئۆچتۇم ئەمدى.
..........................................
ئۆمۇرۈم ئۆتتى تىماي يىغلاپ ،
كۆزۈم قانلىق يۇرەك زەرداپ
مانا ئاقىۋەت بۇلدۇم خاراپ.
ئۆزگە تەنگە چۈشتۈم ئەمدى
..........................................
زېمىنىنى باسسۇن ئاھىم مېنىڭ،
پەلەكتىن ئاشسۇن زارىم مېنىڭ .
پەرىشاندۇر ھالىم مېنىڭ ،
ياردىن جۇدا بولدۇم ئەمدى.
.......................................
مۇتەللىپ دەرلەر نامىم قالدى
ئارمان بىلەن زارىم قالدى.
ئەجەل مېنى قۆينىغا ئالدى،
ئارمان بىلەن ئۆلدۈم ئەمدى
1945-يىل ئاقسۇ
  مەنبە:      تۇرسۇن ئەرشىدىننىڭ ل .مۇتەللىپ دىگەن كىتاۋىدىن ئىلىندى

ئوت يۈرەك يازغۇچىمىز. مىللى قەھرىمانىمىز ،،،،،     

لۇتپۇللا مۇتەللىپ، ئابدۇخالىق ئۇيغۇر ە، مەمتىلى ئەپەندىلەرگە بەك ھۆرمىتىم بار مىنىڭ، ئاللا ئىگەم ياتقان يىرىنى جەننەتتە قىلغىن، ئامىن!

ئىشلىتىش

بۇ مەزمۇن 2قەۋەتتىكى amanxa نىڭ 2011-10-06 23:31 يوللىغان يازمىسىغا نەقىل :
لۇتپۇللا مۇتەللىپ، ئابدۇخالىق ئۇيغۇر ە، مەمتىلى ئەپەندىلەرگە بەك ھۆرمىتىم بار مىنىڭ، ئاللا ئىگەم ياتقان يىرىنى جەننەتتە قىلغىن، ئامىن!

بۇلارنى ھەممىمىز ھۆرمەتلەيمىز.<<ئۇيغۇرە>>دېگەننى <<ئۇيغۇر>>غا  ئۆزگەرتىپ قويسىڭىز.  ئەرەب تىلىدىن قوبۇل قىلغان بۇ <<ە>> ئەرلەرنىڭ سۈپىتى كەينىگە قوشۇلسا ئاياللارنىڭ سۈپىتىگە ئايلاندۇرۇۋېتىدۇ. مەسىلەن:شائىر+ە=شائىرە.    مۇئەللىم+ە=مۇئەللىمە. ...دېگەندەك.

مەنمۇ بەك مەستانە بۇ ئادەمنىڭ شېئرلىرىغا، ئاللاھ ياتقان يېرىنى جەننەتتە قىلىسۇن.

شائېر پەقەت 23 يىل ئۆمۈر كۆرۈپتىكەن .لېكىن نامى ئالەمگە مەشھۇر.

بىز بولساق ...  ...  ...  ...