ئىران دۆلەت تېلۋىزور -رادىئو شىركىتىنى (IRIB)نىڭ رەھبىرى ئىززاتۇللا زاخرامىي ھۆكىمەتنىڭ سابىق سوۋېت ئىتتىپاقى دۆلەتلىرىگە قارىتا روس تىلىدا قاناللارنى ئېچىش مەقسىتىنىڭ بارلىغىنى بىلدۈردى.
بۇ ھەقتە ئىران Press TV خەۋەر قانىلىنىڭ تور بىتى خەۋەر تارقاتقان. بۇ خەۋەر تارقىلىشتىن بۇرۇن ئىران دۆلەت تېلۋىزور -رادىئو شىركىتىنى ئوكرائىنىيەدا ئىراندا ئىشلەنگەن بەدىئىي فىلىملەر ،قىسىملىق كىنو ۋە كارتون فىلىملەرنى ئورۇس تىلىدا قويۇشنى باشلىغان .(IRIB)نىڭ رەھبىرى ئىززاتۇللا زاخرامىينىڭ ئېيتىشىچە بۇ فىلىملەرنى ئوكرائىنىيەلىكلەر ناھايىتى ياقتۇرغان ئىكەن.
يىڭى تارقىتىلماقچى بولغان قاناللار ئىران پايتەختى تىھراندىن ياۋروپا سۈنئى ھەمرالىرى ئارقىلىق سابىق سۆۋېت ئىتتىپاقى دۆلەتلىرىگە تارقىتىلىدىكەن.
ئىران دۆلەت تېلۋىزور -رادىئو شىركىتى بۇندىن ئاۋال 24 سائەت ئېنگىلىسچە ئاڭلىتىش بىلەن ئەرەپ تىلىدا خەۋەر تارقىتىشنى باشلىغان ئىدى.
بىراق فىۋرال ئايلىرىنىڭ بىشىدا ئىشقا كىرىشمەچى بولغان ئىران،تاجىكىستان،ئافغانىستان ھەمكارلىغىدىكى پارىس تىلى قاناللىرى نامەلۇم سەۋەپلەر بىلەن تا ھازىرغىچە باشلانغىنى يوق.
