ئوت كۆچۈرۈشنىڭ ھۆكمى


                                              بىسمىللەھىرراھمانىرراھيم







بارلىق ھەمدۇ-سانا جانابى ئاللاھقا بولسۇن، پەيغەمبىرىمىزگە، ئائىلە-تاۋابىئاتىغا ۋە ئۇنىڭغا تاكى قىيامەتكە قەدەر ياخشى ئەگەشكەنلەرگە دۇرۇت-سالاملار بولسۇن.





يۇڭ تىلەپ، تەمەچ تېرىپ ئوت كۆچۈرۈش سىز سوئالىڭىزدا بايان قىلغىنىڭىزدەك دىيارىمىزدىكى كونا بىر ئادەت ياكى بىر خۇراپات. بۇ ئادەتنىڭ -مېنىڭ بىلىشىمچە-ئىسلام دىنى بىلەن ھېچقانداق مۇناسىۋىتى يوق. بەلكى بۇ ئىلگىرىكى بەزى دىن-ئېتىقادلاردىن قالغان قالدۇق بولۇشى چوڭ ئېھتىمال  .



ھۆكمىگە كەلسەك: بۇ ئىشلارنى قىلىش ھارام بولۇپ، ئېتىقادى جەھەتتىن باشقىچە ئېتىقاد قىلغان ئەھۋالدا شېرىك ئېتىقادقا چېتىلىپ تەۋھىد ئەقىدىسىگە تاقىشىدىغان، ئىسلامدىن غەيرى بىر دىنغا، يات ئېتىقادقا باغلانغان بىر ئىش بولىدۇ. شۇڭا بۇنداق خۇراپاتلىقلاردىن ساقلىنىش زۆرۈر  .



ئەمەلىيەتتە بالىنىڭ كۆپ يىغلىشى مەلۇم كېسەللىكتىن ياكى بىر يېرى ئاغرىغانلىقتىن بولۇشى مۇمكىن. شۇڭا بالىنى دوختۇرغا كۆرسىتىش بىلەن بىللە پاناھلاندۇرغۇچى ئايەت-دۇئالارنى ئوقۇپ ھۈرۈپ قويسا، بىر نەرسىگە ئوقۇپ دەمىدە قىلىپ بەرسە بولىدۇ. بۇ ئايەت-دۇئالار دەمىدە قىلىش توغرىسىدىكى پەتىۋادا بايان قىلىندى  .



كۆز تېگىش دىنىمىزدا ئاللاھنىڭ ئورۇنلاشتۇرۇشى بىلەن تەسىر كۆرسىتىدىغان بىر ھەقىقەت دەپ قارىلىدۇ  .



ئەبۇ ھۇرەيرە رەزىيەللاھۇ ئەنھۇ رىۋايەت قىلىدۇكى، پەيغەمبەر ساللەللاھۇ ئەلەيھى ۋەسەللەم: «كۆز تېگىش ھەقىقەتتۇر» دېگەن ۋە بەدەنگە گۈل چەكتۈرۈشتىن توسقان.(سەھىھەين: بۇخارى 5740-ھەدىس. مۇسلىم 2187-ھەدىس)



يەنە بىر ھەدىستە: ئىبنى ئابباس رەزىيەللاھۇ ئەنھۇما رىۋايەت قىلىدۇكى، پەيغەمبەر ساللەللاھۇ ئەلەيھى ۋەسەللەم: «كۆز تېگىش ھەقىقەتتۇر، ناۋادا قەدەرنىڭ ئالدىغا ئۆتۈپ كېتىدىغان بىرەر نەرسە بولسا ئىدى، ئەلۋەتتە كۆز ئۆتۈپ كەتكەن بولاتتى. غۇسلى قىلىپ بېرىش تەلەپ قىلىنساڭلار، غۇسلى قىلىپ بېرىڭلار» دېگەن.(سەھىھۇ مۇسلىم 2188-ھەدىس)



بۇ ھەدىسكە ئاساسەن كۆزى تەگكەن كۆزى يامان كىشى بىلىنسە، ئۇنىڭدىن غۇسلى قىلىپ بېرىش تەلەپ قىلىنىدۇ. غۇسلى قىلىنغان بۇ سۇ كۆز تەگكەن كىشىگە قۇيۇلىدۇ  .



دېمەك شەرىئىتىمىز كۆز تېگىشتىن ساقلىنىش ئۈچۈن ئەتىگەن-ئاخشامدا دۇئا ۋە زىكىرلەرنى ئوقۇپ تۇرۇشنى شۇنداقلا كۆز تەگكەن ئەھۋالدا ئۇنىڭ ئەزىيىتىدىن ساقلىنىش ئۈچۈن قانداق قىلىش كېرەكلىكىنى كۆرسىتىپ قويغان  .


ۋەللاھۇ ئەئلەم.





پەتىۋادا: دوكتور ئابدۇل ئەزىز رەھمەتۇللاھ.

مەنبە؛ساجىيە ئىسلام بىلىملىرى تورى

ئەمەلىيەتتە بالىنىڭ كۆپ يىغلىشى مەلۇم كېسەللىكتىن ياكى بىر يېرى ئاغرىغانلىقتىن بولۇشى مۇمكىن. شۇڭا بالىنى دوختۇرغا كۆرسىتىش بىلەن بىللە پاناھلاندۇرغۇچى ئايەت-دۇئالارنى ئوقۇپ ھۈرۈپ قويسا، بىر نەرسىگە ئوقۇپ دەمىدە قىلىپ بەرسە بولىدۇ. بۇ ئايەت-دۇئالار دەمىدە قىلىش توغرىسىدىكى پەتىۋادا بايان قىلىندى  --- دىمەك  ئايەتنى قوشىدىكەن مىزدە.  ئىسىرىق سىلىش ،ئوت كۆچۈرۈش بۇ بىر بىدئەد كەندە ،،، قىرىندىشىم سىز دىننى بىلىملەرنى كۆپ چۈشىندىغاندەك قىلسىز ،،،ئەمسە دىننى ئىلىملەرگە بولغان چۈشەنچىڭىزنى ئاڭلاپ باقسام بوپ تىكەن .

سۇئالنى ئىنىق سوراڭ . نىمىدىگەن مۈجىمەل سۇئال بۇ ...  

ئەسسالامۇ  ئەلەيكۇم  ،،،   ناھايتى    ياخشى   تىما  يوللاپسىز  .  رەھمەت  سىزگە  .....

ئىشلىتىش

بۇ مەزمۇن 2قەۋەتتىكى تاھىربەگ نىڭ 2011-09-24 18:47 يوللىغان يازمىسىغا نەقىل  1-قەۋەت (جەڭچى) نىڭ يازمىسىغا :
سۇئالنى ئىنىق سوراڭ . نىمىدىگەن مۈجىمەل سۇئال بۇ ...  

دىمەكچى بولغىنىم ئاتا بوۋلىرمىز نىڭ شۇنداق چاۋا تىرىپ كىلىپ ئىسرىق سالغىننى كۆرگەن ئىدۇق .ئۇلاردىن سورساق  بۇ ئىش  بالايىقازانىڭ ئالدىنى ئىلىشتىكى خۇداغا ئىلتىجا قىلىش ،ئىبادەتكە ئوخشاپ كىتىدۇ دىگەن ئىدى. كىيىن يەنە ھەيران بوپ سورساق  ئىلمى نۇجۇن دىگەندەك گەپنى قىلغان ئىدى.