ئولتۇراتتى ئۈچ تۆتەيلەن يول بويى ،
ئۆتتى بىر قىز يېرىم ئوچۇق مەيدىسى .
غورۇرى بار ئىتىقادلىق كىشىنىڭ ،
كۆرسە ھەرگىز كەلمىگىدەك ھەۋىسى .
كۆزلىرىگە سەت كۆرۈندى باللارنىڭ ،
مات قىلىشقا مەسلىھەتنى پۈتۈشتى .
قاتار تۇرۇپ نەچچە مىتىر ئارلىقتا ،
ئۆز ئورنىنى گەپ - سۆزىنى بىلىشتى .
خوتەنلىك بالىنىڭ ئالدىغا كەلگەندە :
‹‹ پىچىپ باقسام كۈزدە پىشقان قوغۇندەك ،
تەمى ئوبدان ئىچى - تېشى ئەتچىلىك .
ئوچۇق قاپتۇ چىۋىن قونغان گەزنىڭىز ،
ھاي ئېيتىڭا بۇ ئەمەسمۇ سەتچىلىك ›› ؟
ئاتۇشلۇق بالىنىڭ ئالدىغا كەلگەندە :
‹‹ شۇ گەزنىگە قونغان قارا چىۋىنلەر ،
بىلەلمىدىم ئۆزلىرىگە زىننەتمۇ ؟
يېرىم غېرىچ تۆپىسىگە كەملىگەن ،
ھىچ بىلمىدىم نەرقى ئۇنىڭ قىممەتمۇ ›› ؟
قەشقەرلىك بالىنىڭ ئالدىغا كەلگەندە :
‹‹ ماڭقايلىسلا سوراپ باقاي ئېۋەنى ،
ئېچىپ قويۇپ نىمە مەقسەت دىسىلە ؟
ئۈگىنىلا ئانچە مۇنچە يېپىشنى ،
قوتاندىلا بىدە سامان يىسىلە ›› ...
كۇچالىق بالىنىڭ ئالدىغا كەلگەندە :
‹‹ نىمانچىلا ئوچۇق قالدى مەرەز يە ،
شۇشاڭ بىلەن ئىگىز يەرنى قىرايمۇ ؟
سوراپ باقاي زۇۋانىڭىز قانچە مو ،
بوز يەر ئېچىپ ئەمدى جۇسەي تېرايمۇ ›› ؟
تۇرپانلىق بالىنىڭ ئالدىغا كەلگەندە : :
‹‹ بىلمىدىم ۋاي چىققان نىمە كوچىغا ؟
بۇ ئەمەستۇ ھايۋاناتلار باغچىسى .
كىىتپ بارغان ماۋۇ نايناق كىملەرنىڭ ،
بېقىپ يۈرگەن مېكىيانى ، ئاغچىسى ›› ؟
ئۈرۈمچىلىك بالىنىڭ ئالدىغا كەلگەندە :
‹‹ ھەي بۇ نىمىش بىلەلمىدۇق بالىلار ،
مودىمىدۇ ما توپاققا بۇ ئىش يا ؟
ساراڭ دەيمىز بۇنداقلارنى ئەزەلدىن ،
سەت يېرىنى دام - دام قىلغان نەدە با ›› ؟
مانا شۇنداق نۆۋەت بىلەن دىيىشتى ،
قويۇش ئۈچۈن قىزنى ئازراق نۇمۇسقا .
شۇ ئارقىلىق بىر ئادەمگە بولسىمۇ ،
ئەدەپ - ئەخلاق يار بولۇشقا تۇرمۇشقا .
خىجىل بولۇپ كىتىپ قالدى ئۇ قىزچاق ،
ئۈمۈتسىزلىك تولۇپ ئويناق كۆزىگە .
ئۈنۈم بىرىپ قالسا ئەگەر بۇ ئۇسۇل ،
تەلەپ قويۇپ ئۆتسە مەڭگۈ ئۆزىگە .
2009 – يىل 11 – ئاي
~~~~~~~~~~~~~~~~~~~~~~~~~~~~~~~~~
ئەينى ۋاقىتتا ئابدۇسلام قاھارنىڭ تىمىلىرىنى بەك ياقتۇراتتىم ، شۇڭا بۇنى شۇنىڭغا ئاساسلىنىپ يېزىپ ساقلاپ قويغان ، ھازىر قايتا يوللاپ قويدۇم .
مەنبە : شۇ ناملىق ئەسەرنى كۆرگەندىن كىيىن ئويلىغانلىرىم
