كەلدى
(غەزەل)
ئاشىق بولسا ئەزەلدىن كىم،بېشىغا كۆپ ئەلەم كەلدى،
ئازابىنى شېئىر قىلدى،قولىغا زەر قەلەم كەلدى.
نىشان ئەيلەپ ۋىسالىنى،ۋاپا قىلغاچ نىگارىغا،
غېرىبقا جانى تەسەددۇق،ئەنە ئۇماق سەنەم كەلدى.
ھايا بىرلە جاھان كەزسە،ئۆمۈر باغى ھوسۇل تۆككەي،
ھاياسىز ،بىئەدەپلەرنىڭ ئېتىزلىرى بىنەم كەلدى.
سۆزى تاتلىق بولسا يارەب،بىھاجەتتۇر ئېشىغا تەم،
ئېشى تاتلىق جۇۋانلارنىڭ سۆزى بەكمۇ بىتەم كەلدى.
مۇھەببەت خارلىنىپ قالدى،لېكىن ياشلار بىپەرۋادۇر،
بىرىنى بىرلىرى ئالدار،مانا نۇرغۇن قەسەم كەلدى.
نۇزۇك ھەم چىنتۆمۈر باتۇر خىتاپ ئەيلەيدۇ ياشلارغا،
<<ئۆلۈمدىن باشقىسى ئويۇن>>،قېرىنداشلار بىغەم كەلدى.
مۇھەممەدنىڭ كۆزى چۈشتى:نېنى ئىككى سەپەرداشقا،
<<بىرىنى داپ قىلىپ چالدى>>ئۇنىڭغا كۆپ ھەشەم كەلدى.
مەنبە:تاش
