بىر كۈنى ،شوپۇر ماشىنا ھەيدەپ كېتىۋېتىپ بۇلاڭچىغا ئۇچراپ قاپتۇ .
___ يەر بېغىرلاش ھەركىتىدىن يۈزنى ئىشلە ،__ دەپتۇ بۇلاڭچى .
___ مەن بۇنداق بۇلاڭچىلىقنى كۆرۈپ باقماپتىكەنمەن ،__دەپتۇ شوپۇر ۋە ئىلاجىسىزلىقتىن بۇ ھەركەتنى ئىشلەپتۇ . ئەمدىلا ئىشلەپ بولۇشىغا ،بۇلاڭچى يەنە ۋاقىراپتۇ :
___ يەنە بەش يۈزنى ئىشلە!
شوپۇر ئىلاجىسىز بەش يۈز قېتىم يەر بېغىرلاپتۇ ، ئۇنىڭ پۇت قوللىرىدا جان قالماي ،باشلىرى قىيىپ كېتىپتۇ . بۇ چاغدا ،بۇلاڭچى ئورمانلىققا قاراپ توۋلاپتۇ :
___ سىڭلىم ، ئەمدى بۇنىڭ ماشىنىسىغا ئولتۇرۇپ شەھەرگە كىرسەڭ بولىدۇ .
****************************
بىر ئەر كۈندە قولىدىن گېزىتنى چۈشۈرمەي يۈرىدىكەن ،بىر كۈنى ئايالى غودۇڭشۇپتۇ .
___مەنمۇ گېزىت بولۇپ قالغان بولسام بوپتىكەن
___مەنمۇ شۇنداق بولسىكەن دەيمەن ،دەپتۇ يولدىشى ،ئۇ چاغدا كۈندە ئالماشتۇرۇپ تۇراتتىم .
******************************
سەمەت بىر دوستىغا داتلاپ مۇنداق دەپتۇ :
__ مېنىڭ ئىككىلا قېتىملىق نىكاھىم مەغلۇپ بولدى .
___قانداقسىگە ؟
__بىرىنچى خوتۇنۇم كېتىپ قالدى ،__دەپتۇ سەمەت .
___ئىككىنچىسىچۇ؟
___ ئۇ كەتمەي يېتىۋالدى ،__دەپتۇ سەمەت يىغلامسىراپ .
***************************
بىر بالا مەكتەپتە كەپسىزلىك قىلىپ ،ساۋاقداشلىرى بىلەن سوقۇشقانلىقى ئۈچۈن مەكتەپتىن ھەيدىلىپتۇ .
ئەتىسى بىر چىرايلىق قىز ساۋاقدىشى ئۆيىگە كېلىپ :
___سىز كەتسىڭىز مەن قانداق قىلىمەن دەپ يىغلاپ كېتىپتۇ .
بۇنى كۆرگەن بالىنىڭ ئاپىسى :
___ئىككىڭلارنىڭ زادى نېمە مۇناسىۋىتىڭلار بار ؟__دەپ خاپا بولسا .
___ھېچقانداق مۇناسىۋىتىمىز يوق .__دەپتۇ بالا پەرۋاسىزلا .
___ئاچا خاتا چۈشۈنۈپ قالماڭ ،ئۇ كېتىپ قالسا مەن سىنىپنىڭ ئاخىرىدىن سانىغاندا بىرىنچىسى بولۇپ قالىمەن ،__دەپ تېخىمۇ يىغلاپ كېتىپتۇ قىز .
