ناھايىتى ئىسىل تىما بوپتۇ بۇ ،
راسىت دەيسىز ،ھازىر توۋا دەيدىغان ئىشلار ناھايىتى كۆپ ،

تاتار ئوغلى يازمىڭىز ئېسىل چىقىپتۇ ، دىمىسىمۇ ئادەمنى توۋا دىگۈزىدىغان ئىشلارنىڭ كۆپلۈكىگە مەنمۇ توۋا دەيمەن

پولاتتىن بولسىمۇ قەسىرلەر تېمى،  
ھامان يېقىلار تۇرماس مەڭگۈگە.  
ئىنساننىڭ ئۆمرىمۇ ئوخشاشلا چەكلىك،  
ئەجىرسىز كەتمەيلى يەرنىڭ تەكتىگە.  
  



ئىنسان دېگەن ئاجايىپ ئىكەن،  
گاھىدا ياخشى گاھىدا يامان.  
شەيتانغا ئەگەشمەي ئۆتەرمىز قاچان؟  
كەپتەرمۇ ساماندىن ئايرىپ يەيدۇ دان.  
  



  
گاھىدا ماختايمىز باشلىقنى كۆرسەك،  
نەپ ئۈچۈن يالايمىز ئىت بولۇپ تەخسە.  
بولسىمۇ گەر ئازراق تاپايلى ساۋاب،  
ئۆلگەندە ئېرىشكەن بولمىسۇن خەسسە.  
  
  
  
بۇ دۇنيا مۇشۇنداق تەڭسىز دۇنياكەن،  
ئاجىزلار خار بولسا قاراپ تۇراركەن.  
ياق! بىزلەر ھەرگىزمۇ ئاجىزدىن ئەمەس!  
غەيرەتلىك ئازاپنى يېڭىپ كېتەركەن.
    
تاتار ئوغلى يازمىلىرى

  
  
  
  



  

شۇ چاغدا بولىدۇ مىللىتىڭ ئامان

  
مىللىتىم دېگەندە ۋىجدانىڭ بىلەن،  
ئاجىزنى يۆلىسەڭ قۇربىتىڭ بىلەن.  
مايسىنى يۇلمىساڭ يىلتىزى بىلەن،  
شۇ چاغدا بولىدۇ مىللىتىڭ ئامان.
    


  
ئەۋلادىڭ قالمىسا كەتمىنى بىلەن،  
ئىلىم يوق قۇرساقتا سەللىسى بىلەن.  
زامانغا ماسلاشسا قەلىمى بىلەن،  
شۇ چاغدا بولىدۇ مىللىتىڭ ئامان.
  

  
كۆكلىسە بىرەيلەن تارتمىساڭ پەسكە،  
قوللىساڭ ئەكسىچە قېتىلىپ سەپكە.
يۇرت ئارا ئىناق بوپ تاشلىساڭ شەپكە،  
شۇ چاغدا بولىدۇ مىللىتىڭ ئامان.
    


  
بىرىمىز يېقىلساق يۆلەپ تۇرغۇزساڭ،  
ھارامدىن يىراقلاپ ھالال ياشىساڭ.  
تۆت تەڭگە پۇل تېپىپ شىلتىڭ ئاتمىساڭ،  
شۇ چاغدا بولىدۇ مىللىتىڭ ئامان.
    


  
ئەۋلادقا زەھەرنى تۇتىم قىلمىساڭ،  
قىزلارنى ئاناڭدەك مەڭگۈ ئاسرىساڭ،  
ئۆزەڭمۇ باش بولۇپ شۇئار توۋلىساڭ،  
شۇ چاغدا بولىدۇ مىللىتىڭ ئامان.

  تاتار ئوغلى يازمىلىرى

سامان يوللىغان تېمىڭىز تېخىمۇ مۇكەممەل بولدى

شۇنداق بىر كۈنلەر كىلىدۇكى..........................................

سامان ئەمەس ، سامانيولى