ئەزھەر سۇرىيە ئارمىيە ساقچىلىرىنىڭ مەسچىتنى دەپسەندە قىلغانلىقىنى ئەيىبلىدى
نۇر ئىسلام تورى خەۋىرى: سۇرىيەدە نارازىلىق نامايىش ھەرىكەتلىرى داۋاملاشقىلى 5 ئاي بولۇپ، نەچچە مىڭ ئادەم بىئەجەل ئۆلۈپ كەتتى، نەچچە ئون مىڭ ئادەم چەتئەللەرگە سۈرگۈن بولۇپ كەتتى، ئۇلۇغ رامزان ئايلىرىدىمۇ ۋەزىيەت يەنىلا بۇرۇنقىدەكلا تەرەققىي قىلدى، ھەتتا ئۇلۇغ قەدەرى كېچىسىمۇ،ئارمىيە ۋە ساقچىلار قىلچە ئەيمەنمەي مەسچىتكە بېسىپ كىرىپ ئىماملارنى ۋە ناماز ئوقۇۋاتقان ئاممىنى ئۇرغان ۋە قولغا ئالغان؛ ئاپئاشكارا ھالدا مۇقەددەس مەسچىتكە بىھۆرمەتلىك قىلدى ۋە دەپسەندە قىلىدى ھەمدە قىلچە تەپتارتماي كىشىلەرگە زىيانكەشلىك قىلدى. بۇ زوراۋانلىققا دىنسىزلىق ۋە دىننىي نۇقتىدىن قارىغاندا چىدىغىلى بولمايدۇ، ئىنسانىيەتكە ۋە دىنغا قارشى زوراۋانلىق قىلمىشى. شۇڭا، ئەزھەر ئۇنۋېرسىتىتىنىڭ ئاقساقىلى سۇرىيە ئارمىيىسى ۋە ساقچىلىرىنىڭ بۇ ئۇلۇغ كېچىدىكى رەزىل قىلمىشىنى ئاشكارا ئەيىبلىگەن.
يېقىندا، ئەزھەر ئاقساقىلى ئەخمەد تايىب سۇرىيەنىڭ قىسمەن مەسچىتلىرىنىڭ ئىماملىرى ۋە ناماز ئوقۇغۇچىلىرىنى سۇرىيە ئارمىيىسى ۋە ساقچىلىرىنىڭ ئۇرغانلىقى ۋە قولغا ئالغانلىقىنى قاتتىق غەزەپلەنگەنلىكى ۋە ئازاپلانغانلىقىنى بىلدۈرگەن.
پۈتكۈل دۇنيا مۇسۇلمانلىرى ئۇلۇغ قەدەرى كېچىسىنى قۇتلۇقلاۋاتقاندا، سۇرىيە ھۆكۈمىتى ئارمىيىسى كۆپ مىقداردا ساقچى قىسىملارنى ئىشقا سېلىپ، سۇرىيەدىكى قىسمەن مەسچىتلەرنى قورشىۋالغان ۋە قامال قىلىۋالغان، بۇ مەسچىتلەرنىڭ ئىماملىرى ۋە جامائىتىنى ئۇرغان ۋە قولغا ئالغان. ئاقساقال ئەخمەد تايىب بۇ ۋەقەگە باھا بېرىپ:«ھۆكۈمەت ئارمىيە ساقچىلىرىنىڭ زوراۋانلىقلىرى مۇقەددەس مەسچىت ۋە ھاياتلىقنى دەپسەندە قىلىش؛ ئۇلۇغ قەدەرى كېچىسىگە بولغان بىھۆرمەتلىك» دېگەن.
ئەخمەد تايىب زوراۋانلارنىڭ ھامان ئاللاھنىڭ جازاسىغا ئۇچرايدىغانلىقىنى بىلدۈرگەن. بۇنىڭدىن ئىلگىرى، ئەزھەر سۇرىيە ھۆكۈمىتىگە ئاشكارا بايانات ئېلان قىلىپ، سۇرىيە ھۆكۈمىتىنىڭ بارلىق زوراۋانلىقلارنى دەرھال توختىتىپ، كۆپلىگەن گۇناھسىزلارنىڭ بىئەجەل ئۆلۈپ كېتىشىنىڭ ئالدىنى ئېلىشقا، سۇرىيە ئاممىسىنىڭ ھوقۇق-مەنپەئەتى ۋە ئەركىنلىكىگە ھۆرمەت قىلىپ، ئاممىنىڭ قانۇنلۇق تەلىپىنى قوبۇل قىلىشقا دەۋەت قىلغان ئىدى.
مەنبە-ئوكيان تورى
[ بۇ يازمىنىsamanyoli 2011-09-04 23:11قايتا تەھرىرلى ]
كەڭ ساي مۇنازىرە مۇنبىرى » پەندى نەسھەت » ئەزھەر سۇرىيە ھەرب تەرەپنىڭ مەسچىتنى دەپسەندە قىلغانلىقىنى ئەيىبلىدى 
