چاڭقىغان ھىسلار
كۆزۈم
تىپتىنىچ ئۇيقىدا كەپىدە يالغۇز،
بىر ئاشىق پەرۋانە ياتىدۇ غەمكىن.
كىچىلەر باغرىغا تۆكۈپ يېشىنى،
ئىزلەيدۇ يۈرىكى كىملەردىن تەسكىن.
جۈپ بۇلاق كۆزىمۇ ئاھۇدا پىنھان،
ھىسلارمۇ مۇڭلىنىپ چىكىدۇ ھەسرەت.
سېغىنىش ئىكلىدە يۈرىكى چوغدۇر،
تەشنادا چاڭقايدۇ قەلبىمۇ بىر رەت.
ياپراقتۇر گويا بىر تىترىگەن تىنى،
شۇنچىلىك ئاجىز ھەم شۇنچىلىك چاڭقاق.
ھىجراندا بوزلايدۇ گۇيا بوز تورغاي،
كۆيدۈرۈپ يۈرەكنى ئاھ ئىسىت پىراق.
<<ئىنساننىڭ ھاياتى ئەمەس بىر تۈگۈن،
كەتسەڭمۇ يىراققا كىلىسەن ھامان،
دەپتىكەن سەۋىرنىڭ تىگى ئالتۇن دەپ،
كۈتۈشلەر ھامىنى بۇلىدۇ چولپان.>>.
ۋە لېكىن شۇ ئۈمۈد نەلەردە قالدى،
ئەپ كەتتى ئۆتمۇشلەر ئەشۇ ۋىجداننى،
كەتتى ھەم نەلەرگە بەخىت ھەم نۇسرەت،
ۋاپا ھەم ساداقەت سۆيگۇ ئىزھارى.
كىلەردىن قالمىغان كىملەر كەتمىگەن،
دىگىنە قەبرىگە كىملەر كىرمىگەن.
ئۈمۈت ھەم ئىشەنچىڭ بولسۇن ھەم يەنە؟
ئەجرىڭدىن يانىدۇ ھامان بىر گۈلخان.
مەنبە ئۆزۈم يەنى مەن كۆزۈم.....
