قېرىندىشىم مۇسۇلمانمۇ سىز؟        

قېرىندىشىم مۇسۇلمانمۇ سىز؟        
مۇسۇلماندەك ياشاڭ سىز ئەبەت.  
سوۋغا قىلسۇن ئاللاھ دىللارغا،  
ئىسلام ئۈچۈن يۈكسەك مۇھەببەت.  


ئاللاھ بەردى بىزگە ھاياتلىق،  
بەردى يەنە شۇنچە كۆپ نىئمەت.  
ئالەمدىكى بارچە شەيئىنى،  
ئىنسان ئۈچۈن قىلدۇرۇپ خىزمەت.  

ھاياتلىقنى بىرىپ بىزلەرگە،  
بەرمىسە گەر ئەقىل-پاراسەت.  
ھايۋان كەبى خارۇ -زارلىقتا،  
يۈرمەسمىدۇق تىنەپ -تەمتىرەپ.  

ئەمەسمۇ بۇزىمىن بىز ئۈچۈن!  
قۇياش،ئاي ۋە يۇلتۇز بىزئۈچۈن!  
ئارام ئال دەپ ياراتقان كىچە،  
ھەمدە نۇرلۇق كۈندۈز بىز ئۈچۈن!  

كاپالىتى قىلىپ ھاياتنىڭ،  
ياراتقان شۇھاۋا بىز ئۈچۈن.  
تەبىئەتنى زىننەتلەپ تۇرغان،  
گۈل-گىياھلار داۋا بىز ئۈچۈن.  

ئاللاھنىڭكى نىمەتلىرىنى،  
بىرەلمەيمىزبىر-بىرلەپ ساناپ.  
ئاللاھ بەرگەن شۇ ئەقىل بىلەن،  
باقايلى بىز تازا بىر ئويلاپ.  

بىزگە بىرىپ شۇنچە كۆپ نىئمەت،  
تەلەپ قىلدى بىزلەردىن نىمە؟.  
دىدى پەقەت<<ياشا ئىنساندەك،  
ھاياتىڭنى خاراپ ئەيلىمە>>  

ھەققە يۈزلەن،ھەقىقەت ئىزلە،  
رەزىللىكتىن بول مەڭگۈ يىراق.  
بىلىم چىندا بولسىمۇ ئۆگەن،  
دىل قەسىرىڭگە ياندۇرۇپ چىراق.  

ۋاپادار بول ئاتا-ئاناڭغا،  
ھۆرمەتلىگىن ئاۋام ،چوڭلارنى.  
سەبىيلەرگە كۆيۈن، قىل ئىززەت،  
ئازغانلارغا كۆرسەت يوللارنى.  

سەمىميلىك ،ئىنساپ ،دىيانەت،  
ۋۇجۇدۇڭغا يار بولسۇن ھەر ۋاخ.  
ۋىجدانىڭغا قىلما خىيانەت،  
يوقالمىسۇن ھايا ۋە ئەخلاق>>.  

ئادىمىيلىك مىزانى ئۈچۈن،  
ئەمەسمۇ بۇ ئەقەللىي ساۋات.  
شۇنچىلىك ئاڭ -ساپا بولمىسا،  
بەك مەنىسىز ئۆتمەمدۇ ھايات؟  


قېرىندىشىم مۇسۇلمانغۇ بىز؟  
مۇسۇلماندەك ياشايلى ئەبەت.  
سوۋغا قىلسۇن ئاللاھ دىللارغا،  
ئىسلام ئۈچۈن يۈكسەك مۇھەببەت.  

مەنبە:ئىجادىيتم  

            

مۇھەببەت -سۆيگۇ دەپ تەۋرەتتىڭ قەلەم،    
تەرىپىڭ بوپ كەلدى جانان،ئۇز بەدەن.  
ئاللاھنى قانچىلىك كەلدىڭ تەرىپلەپ    
ئۈزۇڭدىن بىر ھىساپ ئىلىپ باققىن سەن.  
  

ئەسسالامۇ ئەلەيكۇم ،،، ئاپىرىن ، ئاپىرىن ،،،  مەن شىئىرنىڭ تۇراق قاپىي دىگەنلىرىنى ئانچە بىلىپ كەتمەيمەن ،،، ئەمما مۇشۇ كوپلىتنى قانچىلىك تەھلىل قىلسا ئاز ،، سىنى كىم ياراتتى دىسە ئاللاھ دەيمىز ،، ئۇنداقتا ئاللاھنىڭ بىزنى نىمە ئۇچۇن ياراتقانلىقىغا قاراپ باقايلى ،، پەقەت ئوزىگە ئىبادەت قىلىشقا ياراتتى ،، ئەمما بىز شۇ سەۋەبكە چۇشلۇق ياشىيالىدۇقمۇ ؟؟
ھاياتىمىزدا بىرەر كۇن ، باشقىنى قويۇپ پەقەت شۇ كەلمىش سەۋەبىمىزگە مۇۋاپىق ياشاشقا ئورۇنۇپ كوردۇقمۇ؟  بىرەر كىچە ئۇيقىدىن بىدار  بولدۇقمۇ ؟ توغرا ئۇيقۇدىن بىدار بوپ تاڭ ئاتقۇزۋەتكەن چاغلارمۇ بولغاندۇ ، ئەمما دۇنيا تېپىش يولىدا ، دىندىن چىققان ئاتالىش «مۇھەببەت» بىلەن پەردىلەنگەن بۇزۇقچىلىق يولىدا بىدار بولغانلىرىمىز كوپتۇر بەلكى ،،، توغرا ھەر بىر كىشى شۇ ھەقتە ئوزىگە بىر سۇئال قىلىپ كورسۇن ،،،،  مۇشۇ رامىزان شەرىفنىڭ ئاخىرقى كۇنلەرىنى بولسىمۇ كەلمىش سەۋەبىمىزگە مۇۋاپىق ھالدا تائەت ئىبادەتكە ، ئاللاھنى ئەسلەشكە ، نىئمەتلىرى ھەققىدە تەپەككۇر قىلىشقا قارىتايلى ، مۇشۇ نەچچە كۇن بولسىمۇ ئاللاھنىڭ بىز ئىنسانلارنى يارىتىش مۇددىئاسىغا لايىق ياشاشقا تىرىشىپ كورەيلى
ئاللاھ رەھمەت قىلسۇن بۇرادىرىم ،، ياخشى تىمىلىرىڭىز ئۇزۇلمىسۇن ،

پاك مۇھەببەت ئىزدەمسىز؟


ئاللاھ دۇنيا يارىتىپ بەرپا قىپتۇ ھاياتلىق،
ھىكمەت بىلەن چېتىپتۇ، ئادەم بىلەن ھەۋۋانى.
پاك مۇھەببەت ئىنسانغا نىممەت قىلپ بىرىلپ،
مۇھەببەتنىڭ بەھرىدىن ئاۋات قىپتۇ دۇنيانى.

شۇندىن بىرى مۇھەببەت بۇلۇپ كەلدى چوڭ تىما،
ھەركىم ھەرخىل ئالدى رول تۇرمۇش ئاتلىق سەھنىدە.
قانچە داستان پۈتۈلدى ،ۋاپا ئەھلى ئىزىدىن،
ئۇلۇغلاندى پاكلىقتا قىلىشقان ساپ ئەقىدە.

بىر ئىلاھى پاك تۇيغۇ بۇلۇپ كەلگەن مۇھەببەت،
ئەخلاق،ھايا،مىزان بوپ قىز-يىگتلەر قەلبىدە.
قايدن ئالغان ئەنداز بۇ ؟ياكى روھنىڭ غەپلتى،
بۇلغانغان ئاڭ،مۇھەببەت كەلدى بىزنىڭ دەۋىرگە.

دەۋرىمىزدە موھەببەت مىزانىدىن چەتنىدى ،  
كۆيدۇق ،پىشتۇق دەپ تۇندە باغچىلاردىن كەتمىدى.  
يىگىت بولغاچ ۋاپاسىز ،قىز ئايرىلپ ئىپپەتتىن،  
پەرياد چەكتى بۇئىبرەت لىكن كۆپكە يەتمىدى.  

مۇھەببەتكە بولمىغاچ، ئىمانىمىز تۇغ-قورغان،
ئۇيغۇرۇمدا شۇڭا كۆپ كۆيدۇم پىشتىم دەپ ئازغان.  
يۇقالدى قىز قىممىتى، چەكتىن ئېشىپ ئەركىنلىك،  
مۇنبەرلەردە شۇڭا كۆپ قىزلار چەككەن دەرت پىغان .  

ئۇچراپ تۇرار قەدەمدە سۆيگۇدەپ جار سالغانلار،  
باغچىلاردا ئەل كۈزى چىرمىشىپلا قالغانلار.  
ۋەدىللىرى بەش كۈنلۈك،ئالتە كۇندە تاشلىشىپ،  
پۇشايمان ھەم پەرياتتىن ھىجران كۈيى چالغانلار.  

باشقۇرمىدى ئاتىلارئەركىنلىك دەپ قىزنى،  
تىلىۋزۇر كۆرسەتتى ياۋۇرپانىڭ ئىزىنى.  
نىكاھسىزلا قىز-يىگىت،تېپىپ بەرگەچ نەۋرىلەر،  
تۈكۈۋالدى قانچىلار ئىززەت،ئابرۇي،يۈزىنى.  

پاك مۇھەببەت دىگەنلەر بۇلۇپ قالدى بىر شۇئار،  
بۇلالمىدى ئىتىقات مۇھەببەتكە غەمگۇزار.  
ھالال نىكاھ ئاستىدا بولسا سۆيگۈ-مۇھەببەت،  
ئائىلەھەم جەمىيەت بۇلاتتىغۇ بەختىيار.  

تاشلاپ ئەمدى ئازغۇنلۇق سەپسەتە ھەم ھەۋەسنى،  
ئىتائەتتە  ئاللاھقائېلپ ھەربىر نەپەسنى.  
قۇل بولماستىن ھەۋەسكە،قۇلى بولۇپ ئاللاھنىڭ،  
پاچاقلايلى روھىلارنى بەنىت قىلغان قەپەسنى  

بۇ قەلىبلەر ئاللاھ تەرپىگە قايتمىغۇچە كىشىلىك مۇھەببەت دۇنياسىدىكى بۇ دىشۋارچىلىق تۇگىمەيدۇ

پاھ پاھ  نىمدىگەن بىرسى بىرسدىن قاملاشقان شىئىرلار بۇ  ئادەمنىڭ مەيۇسلگىنى كەلتۇردىغان       

بۇ شىئىرلارسىزنى مەيۇسلەندۇرۇپ قويغان بولسا تېتىقسىز يۇمۇردىن بىر-ئىككىنى ئۇقۇۋېتىڭ .كەيپىياتىڭىز تۈزۈلۈپ قالار