كۆكتىن تامدۇق ،يەردىن ئۈندۇق (مەڭگۈ تاش ئابىدىللىرىدىن)
ئانا يۇرت
يۇرت دوپپىسى يۇرت ئۆگزىسى،
يۇرت گىردىسى يۇرت ئۈگرىسى،
جەننەت مىۋىسى شاخ مانتىسى،
ئاتۇشتا بار تاغنىڭ تەڭگىسى.
ئاستانىغا خاس يۇرت ئىزدىسەڭ،
بار ئۇنىڭدا خاننىڭ ئوردىسى.
باش كوتەردى ئاتۇش ئادىمى،
تەختى ھوندا نورۇز مەرىمى،
بوغۇزدا بار ئوغۇز قەدىمى،
شاھ غېرىپنىڭ شاھتەك سەنىمى،
ئانا يۇرت ئاتۇش ئازىختىن،
تىپىلىدۇ مەھمۇد قەلىمى.
بالاساغۇن ساغۇن ئەمەسمۇ؟
يۇرتنىڭ ئىسمى ئالتۇن ئەمەسمۇ؟
بوغۇز شامىلى سالقىن ئەمەسمۇ؟
قېتىۋاسا لاچىن ئەمەسمۇ؟
ياغدى كۆكتىن قەدىم ياغمىلار،
خاس ئاجىپمۇ تىكىن ئەمەسمۇ.
قارا كۈچ بار قارا تۇپراقتا،
قارا سۇدا توققۇز بۇلاقتا،
مەيلى بايساك،مەيلى سۇنتاغدا،
ئىكساقتا مەيلى ۋاقۋاقتا،
يۇرت سورايدۇ بۇغرا قاراخان،
ئارغىماختا كاتتايايلاختا.
ئوڭئىرىق ، سولئىرىق،
ساي دىگەنلىكى ئەمەس ئارىلىق،
تىجەندىن كىلەر بىر ئاتەش تىنىق،
ئھرچا ئارتۇچتىن سالغان ئىسىرىق،
ياخشىلىقنى دەرياغا سالدى،
بىلىق بىلمىسە بىلىدۇ خەلق.
ئارغۇ دىگەن تاغنىڭ ئارىسى،
جايى پەچچىمدۇر ئانا ئانىسى،
ئۈچ پەدە ئىشتاچىنىڭ پەدىسى،
يۇرت بىشى ئىش-ھۆنەرنىڭ تاجىسى،
يىپەك يولى تۇتاشقان جاينىڭ،
بولدى تۆرت يۇرت لەڭگەرخاناسى.
ئوق يىلتىزدۇر تۆتكوچا مەشھەت،
ئىمانىدا بىر بۇيۇك مەقسەت،
باغرىغا سىغار پۇتكۈل جامائەت،
تارتىش كۈچى ساماۋۋى قۇدرەت،
ئۇستىخىنى چۈشەر ئادەمنىڭ،
تۇنجى بولغاچ بازار-پايتەخت.
يۇرت ئەھلىنىڭ كولىدا مەشئەل،
مۇسابايلار ئىلىپ بەرسە تەل،
داموللامنىڭ يۇلتۇزى ھەمەل،
ھكھرتڭش سېپىدە تەۋپق ئەڭ ئەۋەل،
ساناقسىز ئەجدات ماڭدى تۇغ تارتىپ،
ئەۋلات ئۈچۈن تۆلىدى بەدەل.
ئۇستۇنئارتۇچ ئي ئالتىن ئارتۇچ،
ئەل قاتارى جۈپ قاناتلىق ئۇچ،
ساڭا ئايان بىلىم كۈچ،ئىناقلىق ھەم كۈچ،
غەيۋەت تاغلىرى كەپقالسىمۇ دۈچ،
بىرتال مۇناقى قىرىققا يىتەر،
شەرىق كۆكىدە مەڭگۈ زەپەر قۇچ.
