بۇ كىچە،
ئۆلۈپ قالسام يالغۇز بۇ يەردە،
كىممۇ بىلەر يۇلتۇزسىز كۆكتە.
سوغۇق تىنىم تىترىمەس بەلكى،
چىگىلمىسە بىر يىپ ئىڭەككە.
مەيلى ئىدى قەبرىسىز قالسام،
چىقسا روھىم كەلمى- شادەتتە.
بۇ كىچە،
يىغلاپ باقسام پەرۋاسىز جاھان،
ياشلىرىممۇ يىراققا قاچقان.
مۇساپىرلىق قايناملىرىدا،
مەن بىر ياپراق نىشانسىز ئاققان.
ئۆلۈم ئەسلەپ ئۇيقىغا ماڭسام،
چۇشلىرىمگە كىرەرمۇ رەيخان،؟
(ئۇ مۇھەممەد نۇرى بىر سۇلتان)
تەرلەپ ياستۇق ئۇرار بېشىمغا،
ئاڭلا كەلدى ئەرەپچە ئەزان.
يەنە ياتساڭ ئۆلۇم ھەم كىلەر،
كەتمەس بوينىڭ لىۋىدىن شەيتان.
بۇ كىچە،
تىلىمنى ھەم ئۇقمىغان ئىنسان.
پەقەت چۈشۈم يالغۇز ئۇيغۇرچە.
"تۇپراقبەگ"
