تۈركىيە ئاۋازى رادىيوسى خەۋىرى:
      تىنچلىق ۋە ئەركىنلىك ھەرىكىتىنىڭ 37- يىللىقىنى خاتىرىلەش پائالىيەتلىرىگە ئىشتىراك قىلىش ئۈچۈن قىبرىسقا بارغان باش مىنىستىر رەجەپ تاييىپ ئەردوغان بىرلىك ۋە باراۋەرلىك ئۈستىدە ئالاھىدە توختالدى.
      باش مىنىستىر، «سىلەر بىرلىكنى داۋاملاشتۇرىدىغانلا بولساڭلار، قىبرىس توغرىسىدا بەس – مۇنازىرە قوزغاش مۇمكىن بولمايدۇ» دېدى.
      باش مىنىستىر ئەردوغان، شىمالىي قىبرىس تۈرك جۇمھۇرىيىتىدە ناھايىتى قىزغىن قارشى ئېلىندى. ئەرجان ئايرودۇرۇمىدا خەلققە خىتاب قىلغان باش مىنىستىر، «بىز گۆش بىلەن تىرناققا ئوخشايمىز، بۇ زېمىندا ھېچكىمنىڭ ئوپېراتسىيە ئېلىپ بېرىشىغا يول قويمايمىز» دېدى.
    «ھازىر قىبرىس دەيدىغان بىر دۆلەت يوق» دېگەن باش مىنىستىر ئەردوغان، ئارالدا جەنۇبى قىبرىس رۇم دائىرىلىرى ۋە شىمالىي قىبرىس تۈرك جۇمھۇرىيىتىنىڭ بارلىقىنى خاتىرىلىتىپ ئۆتتى ۋە شىمالىي قىبرىسقا ئىمبارگو يۈرگۈزۈش ۋە يالغۇزلاشتۇرۇش سىياسىتىنى يولغا قويۇشقا بولالمايدىغانلىقىنى تەكىتلىدى.
      باش مىنىستىر ئەردوغان شىمالىي قىبرىس تۈرك جۇمھۇرىيىتى جۇمھۇر رەئىسى دەرۋىش ئەرئوغلۇ بىلەن كۆرۈشكەندىن كېيىنمۇ، ئىككى رەھبەر بىرلىك ۋە باراۋەرلىكنى ئالاھىدە تەكىتلىدى.
     ئەرئوغلۇ، «1974- يىلى تۈركىيە مۇداخىلە قىلمىغان بولسا ئىدى، بۈگۈنكى كۈندە پەلەستىن بىلەن ئوخشاش ئەھۋالدا قالغان بولاتتۇق» دېدى.
        باش مىنىستىر ئەردوغانمۇ قىبرىسلىق تۈركلەرگە «كىچىك گۇرۇپپىلارنىڭ ئويۇنلىرىغا ئالدانماي، قەلبىتە بىرلىك ئورنىتىڭلار» دەپ چاقىرىق قىلدى.
       TRT ۋە BRTقاناللىرى ئورتاق تارقاتقان بىر پىروگراممىغا ئىشتىراك قىلغان ئەردوغان، قىبرىستا تۈركىيەنىڭ مەۋجۇتلۇقىنى خالىمايدىغانلارنىڭ جەنۇب بىلەن ھەمكارلىق ئىچىدە ئىكەنلىكىنى تەكىتلىدى.

كۈنتەرتىپتىكى يەنە بىر مەسىلە جەنۇبى قىبىرسنىڭ ياۋروپا نۆۋەتچى رەئىسلىكى ئىدى.

باش مىنىستىر ئەردوغان، « ياۋروپا ئىتتىپاقى جەنۇبى قىبرىسنىڭ ياۋروپا ئىتتىپاقى باشلىقلىقىنى كۈنتەرتىپكە قويىدىغان بولسا، بىز ئۇ ئالتە ئايلىق جەرياننى توڭلىتىپ قويىمىز. چۈنكى بۇ ئىش مۇئەييەنلەشكەنگە قەدەر، بىز ھەرگىزمۇ جەنۇبى قىبرىس رۇم دائىرىلىرىنى ئېتىبارغا ئالمايمىز. بىزنىڭ پوزىتسىيىمىز مانا مۇشۇنداق» دېدى.

قىبرىس مەسىلىسىنى ھەل قىلىش چارىسىنىڭ ئىككى تەڭ ھوقۇقلۇق قۇرغۇچى دۆلەتنىڭ قوبۇل قىلىنىشى بىلەن روياپقا چىقىدىغانلىقىنى ئەسكەرتكەن ئەردوغان، جەنۇبى قىبرىسنىڭ پۈتۈن ئارالغا ھۆكۈمران بولۇشنى ئارزۇ قىلىۋاتقانلىقىنى تەكىتلىدى.

ئەردوغان جەنۇبى قىبرىسنى ئاگاھلاندۇرۇپ، «قىبرىس مەسىلىسىدە پىچاق سۆڭەككە يەتسە، تۈركىيە پوزىتسىيەسىنى ناھايىتى ئېنىق ئوتتۇرىغا قويىدۇ» دېدى.

تۈركىيە بىلەن خوشنا بولسا نىمىدىگەن ياخشى-ھە،،،

بۇ يەرنى ھەجەپ ئاڭلاپ باقماپتىمەن دىسە،،،،،، يەنە بىر تۇرۇك زىمىنى بار دەڭلا..... ئۇچۇر بىلەن تەمىنلەيدىغانلار يوقمۇ

ئىشلىتىش

بۇ مەزمۇن 2قەۋەتتىكى قارگۇلى نىڭ 2011-07-21 10:34 يوللىغان يازمىسىغا نەقىل :
بۇ يەرنى ھەجەپ ئاڭلاپ باقماپتىمەن دىسە،،،،،، يەنە بىر تۇرۇك زىمىنى بار دەڭلا..... ئۇچۇر بىلەن تەمىنلەيدىغانلار يوقمۇ

بۇ بىز دەۋاتقان سىپرۇس شۇ. شىمالدا تۇركلەر، جەنۇپتا گىرىكلەربار.

ئەردوغان، ئابدۇللا گۇل ۋە تۇركىيە تاشقى ئىشلار مىنىستىرى كۆزۇمگە ئاجايىپ ئىسسىق كۆرۇنىدۇ دىسە.

قىپرىس دىگەن ھازىرقى سىپرۇس جۇمھۇريىتى شۇ ،ئارالنىڭ جەنۇبىدا گىرىكلار شىمالدا تۇركلەر ياشايدۇ،شۇڭا شىمالى قىپرىس تۇرك جۇمھۇريىتى دىيىلىدۇ تامام.

شىمالىي قىبرىس تۈرك جۇمھۇرىيىتى----------مۇستەقىل بىر دۇلەت ئەمەس،،تۇركىيە كۇنتۇرۇللىقىدىكى تۇرۇكلەر ئۇلتۇراقلاشقان زىمىن،، سىپرۇس بىزنىڭ زىمىن دەيدۇ،،،،،!!!!!!!!!!!

قىپرىس چىرايلىق ئىسىمكەن ھە!