كۈنلەر ئايدۇر،ئايلاردۇر بىر يىل،
ئۈنسىز سۆيدۈم يىللاردىن بېرى.
يۈرمە ھەرگىز مېنىڭدىن رەنجىپ،
قىلالمىدىم خىيالدىن نېرى.
خور كۆرمىگىن سۆيەلمىسەڭمۇ،
نىمە گۇناھ سۆيگۈ دېگەندە.
نەچچە ئۆلۈپ،نەچچە تىرىلدىم،
مەن سېنىڭدىن ئازار يېگەندە.
كېچەلەيمەن ئۆزۈمدىن ھەتتا،
كېچەلمەيمەن سېنىڭدىن دىلبەر.
ئۈمىت بىلەن سۆيۈمەن سېنى،
سەن سۆيگۈڭنى بەرگەنگە قەدەر.
ئۇرغىن خەنجەر كۆزلىرىڭ بىلەن،
سۆيۈپ قالسام سەندىن باشقىنى.
سۆيەلمىسەم سېنى قەدىرلەپ،
يۇتۇپ كەتسۇن دېڭىز تاشقىنى.
كۈلۈپ تۇرغىن كۈندە قوياشتەك،
نۇرغا كۆمۈپ چىچەك پەسلىنى.
ياشىمىسۇن ئەمدى ئۆزتۈرك،
يۇقاتقانچە مەڭگۈ ئەسلىنى.
مەن سۆيگەندەك سۆيەلمەس ھىچكىم،
يۈرمە جانىم بۇندىن بىخەۋەر.
ئۆمرۈم بۇيى ئۈزگۈن ئۆتەرمەن،
سىەن مۇھەببەت بەرمىسەڭ ئەگەر...
[ بۇ يازمىنىozturkler 2011-07-11 08:37قايتا تەھرىرلى ]
