مەشتىكى ھېكمەت
فىزىكىچى، ماتېماتىكچى، خېمىيەچى، گىئولوگ ۋە ئانتروپولوگ (ئىنسانشۇناس)لاردىن تەشكىل تاپقان بىر ھەيئەت، بىر تەتقىقات ئۈچۈن بىر يەردە تەكشۈرۈش ئېلىپ بېرىۋاتقاندا، قاتتىق يامغۇر يېغىپ كېتىپتۇ. ئۇلار دەرھال ئۇ يەرگە يېقىن جايدىكى بىر ئۆيدىن پاناھلىق تىلەپتۇ. ئۆي ئىگىسى بۇلارنى مېھمان قىلىش ئۈچۈن سىرتقا قاراپ يول ئاپتۇ. بۇ ئارىلىقتا، ئۆيدىكىلەرنىڭ دىققىتى مەشكە چۈشۈپتۇ. مەش بىر مېتىر ئېگىزلىكتە قويۇلغان بولۇپ، ئاستىغا تاشلار قويۇلغان. مەشنىڭ نېمە ئۈچۈن بۇنداق قويۇلغانلىقى ئۈستىدە بەس-مۇنازىرە باشلىنىپ كېتىپتۇ.
خېمىيەچى:
-ئۆي ئىگىسى مەشنى ئېگىزرەك قويغىنىغا قارىغاندا ھەرىكەت ئېنېرگىيەسىنى تۆۋەنلىتىش ئارقىلىق، تېخىمۇ ئاسان ئوت تۇتاشتۇرۇشنى مەقسەت قىلغان ئوخشايدۇ، دەپتۇ.
فىزىكىچى:
-ئۆي ئىگىسى مەشنى ئېگىزرەك قويغىنىغا قارىغاندا كونۋىكسىيە (سۇيۇقلۇق ۋە گازلارنىڭ ئېقىشى ۋە يۆتكىلىشى) يولى ئارقىلىق ئۆينىڭ تېخىمۇ ئاسان ئىسسىشىنى مەقسەت قىلغان ئوخشايدۇ.
گېئولوگ:
-بۇ جاي قۇرۇلمىلىق ھەرىكەتچان رايون بولغانلىقتىن، يەر تەۋرىگەندە مەش تاش ئۈستىگە چۈشىدۇ، بۇنداق بولغاندا ئۆيگە ئوت كەتمەيدۇ. ئۆي ئىگىسى مەنچە ئۆيگە ئوت كەتمەسلىكىنى مەقسەت قىلغان.
ماتېماتىكچى:
- ئۆي ئىگىسى مەشنى ئۆينىڭ گېئومىتىرىك مەركىزىگە قويۇپتۇ، بۇنداق بولغاندا ئۆينىڭ ھەممە تەرىپى ئوخشاش سەۋىيەدە ئىسسىيدۇ. مەنچە ئۆي ئىگىسى مۇشۇنى مەقسەت قىلغان بولۇشى مۇمكىن.
ئانتروپولوگ (ئىنسانشۇناس):
-ئۆي ئىگىسى ئىپتىدائىي جەمىيەتلەردە كۆرىدىغان ئوتقا چوقۇنۇشنىڭ ئاددىراق شەكلى بولغان ئوتقا ھۆرمەت قىلىش سەۋەبىدىن مەشنى ئېگىزرەك قويۇپتۇ.
دەل بۇ ۋاقىتا ئۆي ئىگىىسى كىرىپتۇ، ھەيئەت ئۆي ئىگىسىدىن مەشنى نېمە ئۈچۈن ئېگىز قويغانلىقىنى سوراپتۇ. ئۆي ئىگىسى مۇنداق جاۋاپ بېرىپتۇ:
- مەشنىڭ كانىيى يەتمەي قالغان ئىدى.
