شۇنداق بىر دوسلۇرۇڭ باردۇر
نۇرمۇھەممەت ئۆمەر (تۈمەن)
دۇنيادا شۇنداق بىر دوسلۇرۇڭ باردۇر
ئالدىڭدا لاپ ئېتىپ جاننى بىرەردۇر
باشقا كۈن چۈشكەندە ساڭا بىر نۆۋەت
باھانە نەيرىڭى ئاڭا تەيياردۇر
دۇنيادا شۇنداقمۇ دوسلۇرۇڭ باردۇر
سەندە پۇل تۈگىگىچە ياخشى ھەمرادۇر
ھاجەتتىن چىقالماي قالساڭ بىر نۆۋەت
سىنىڭدەك دوستىدىن شۇئان تانادۇر
دۇنيادا شۇنداقمۇ دوسلۇرۇڭ باردۇر
نامەرتلەر بابىدا شاھى سۇلتاندۇر
ئىزىلسەڭ ئىزىلسەڭ يەنە يۈكۈنسەڭ
كۆڭلىدە شادىمان چاۋاك چالادۇر
دۇنيادا شۇنداقمۇ دوسلىرىڭ باردۇر
سەن ئۈچۈن ھەر زامان جىنى پىدادۇر
دوسىت بىلگىن دانانى گاداي بولسىمۇ
مەرىت ئۆزى لەۋزى ھەق ھاجەت راۋادۇر
مەنبە:ئۆزۈم
