مەن ئادەتتە مۇنبەرگە بۇنداق شېئىرلىرىمنى يوللىمايتىم .بۈگۈن بۇ بىر پارچە شېئىرىمنى يوللىغىم كېلىپ قالدى.
بىرقىزغا
(غەزەل)
ئەجەپ مىسكىن بولۇپ قاپسەن،ھالىڭ نېچۈك سوراي قىزچاق،
گېپىڭ بولسا قىلىپ كەتكىن ،ساڭا سىنچاي قۇياي قىزچاق.
ئەتىرگۈلدەك گۈزەل ئىدىڭ،سولاشتىڭ ،زەپىران بولدۇڭ،
بىرى ساڭا ئازاب سالسا،يۈرەك بىلەن ئۇراي قىزچاق.
زەينەپ توۋلاپ يۈرۈر دائىم:<<قەيەردە سەن جېنىم كاككۇك>>،
ئازاب تارتىپ يۈرىۋەرمەي،سۆيگۈڭنى ئات تۇتاي قىزچاق.
كۆزۈڭدىن ئاقسا تامچە ياش،يۈرەكتىن سىرغىدى قانلار،
ئېچىل گۈلدەك،بولۇپ شەيدا بۇلبۇل كەبى قوناي قىزچاق.
ئۇزاق بولدى ساڭا كۆيدۈم،لېكىن تىلىم دېيەلمىگەن،
شېئىر يازدىم ساڭا ئاتاپ،كۆڭلۈڭنى مەن ئۇتاي قىزچاق.
ئۆگەنگىن پاك مۇھەببەتنى<<سەنەمجان>>دىن،<<شېرىنجان>>دىن،
يىتىپ سېنىڭ ۋىسالىڭغا،خۇشال-خۇرام ياشاي قىزچاق.
قوبۇل قىلغىن مۇھەممەدنىڭ كىچىككىنە سوۋغىتى بار،
ئەتىرگۈلنىڭ جۈپى قىلىپ يۈرىكىمنى سۇناي قىزچاق.
مەنبە:تاش
