ھازىر ياشاۋاتقان جەمىئىيتىمىزدە سەلەف-سالىھلارنىڭ ئەدەب-ئەخلاقىدىن بىر نەرسىنى تاپماق خېلىلا تەس . بۇ ، كوچىلاردا مىڭىپ كىشلەرنىڭ ئۆز-ئارا قىلشقان موئامىلىرىنى كۆرگىنىڭىزدە ، يوقاتقان نەرسىلىرىڭىنى تىخمۇ چۇڭقۇر ھىس قىلىسىز . ئۇلارنىڭ ئەخلاقىنى مۇسۇلمانلار ئەخلاقىغا ماس كىلەمدىغاندۇ؟ دەپ ئويلىنىپ قالىسىز، ۋە ھەيران قالىسىز.
ئەنە شۇ گۈزەل ئەخلاقى سەۋەبى بىلەن نۇرغۇن كىشلەر بۇ دىنغا كىرىشكەن ئىدى ...
سۆزلىرىمىنىڭ ئارىسىدا بىر قىسىم تىل-ھاقارەتلەرنى ئۇچىرتىشىڭلار مۇمكىن . لىكىن بۇ، رىئاللىق تەرىپدىن ماڭىمۇ ،ئۆزىگىمۇ تېڭىلغان ، قەلىب قاتلىرىمىنى تىترەتكەن ، كۆزلىرىمىنى نەملەتكەن ھەقىقى ئەھۋال . پەيغەمبەر ئەلەيھسالامىنىڭ :‹‹ مۆمىندە بېخللىق بىلەن ناچار ئەخلاق بىر يەرگە كەلمەيدۇ ›› دېگەن ھەدىسىنى ئوقۇغاندا ، قانداقمۇ شۇنداق بولمىسۇن ؟!!!!
ئىسلام مەيدانغا كەلگەن ۋاقىتىن تارتىپ ، كىشلەرنى گۈزەل ئەخلاققا ، ئەپۇچانلىققا ، ياخشى مۇئامىلە قىلشقا رىغبەتلەندۇرۈپ كەلدى ، ھەدىس شەرىپلەر ئەشۇ گۈزەل خۇلۇقلار بىلەن بىزىنشىمىزنى تەكىتلىدى . نۇرغۇن ئۆلىمالىرىمىز ئەخلاق ھەققىدە كىتاب يازدى ، سۆزلىدى . شۇنداق ، ئىنسانىيەتنىڭ ئەڭ ئەۋزىلى مۇھەممەد ئەلەيھسسالام ‹‹ مەن گۈزەل ئەخلاقنى تولۇقلاش ئۆچۈن ئەۋەتلىدىم ›› دېگەن ئەمەسىمىدى ؟
پەيغەمبەر ئەلەيھسسالام ۋە ئۇنىڭ ساھابىلىرى ، تائىبنلار زامانسىدىكى مۇسۇلمانلار ئاللاھ تاپشۇرغان ۋەزىپىلەرنى تۇلۇق ئادا قىلىش ئۆچۈن ئەۋلاتلىرىنى ئوقۇتۇپ ، ئىسلام دىننى تەشۋىق قىلىپ ، ئىسلام دىنىڭ شەرىپىنى دۇنياغا ئاڭلىتىپ ، ئاللاھقا قانداق بەندىچىلىك قىلغاندى ؟ بىزلەر ئىلىم – پەندىن سانائەتتىن ، گۈزەل ئەخلاقلاردىن ، ئادىمىگەرچىلىكتىن خىلىلا يىراقلاشتۇق!!، بىر قىسىم ئالىملىرىمىز ئۆزىمۇ ئەمەل قىلمايدۇ ، ئاممىغا ئۆگەتمەي ، ئاتا- ئانىلار پەرزەتلىرىگە ، چوڭلار كىچىكلەرگە ئۆگەتمەي ، جان بىقىشىنى نەپسنى تويغۇزۇشىنى بىرىنجى تۇتۇپ ، ئاللاھىنىڭ ۋە پەيغەمبەر ئەلەيھسسالامىنىڭ ‹‹ ئىلىم ئۆگنىڭلار ، خەلىققە ئۆگىتىڭلار ›› دېگەن تاپشۇرۇقىنى ئاياغ –ئاسىتى قىلىپ ، شەخسى تۇرمۇشتىن باشقىنى ئويلىماي ، دىن ئۆچۈن يىغىلىماي ، دىنىڭ ئاقىۋىتى ئۆچۈن قايغۇرماي ، ئىلىمگە ئىتىبارسىز قاراپ پەرزەتلىرىمىزگە ئەدەب –ئەخلاق ۋە ئادىميلىك خسلەتلەربىلەن تەربيلەشكە سەل قاراپ ، ئىنسانىيەت دۇنياسىدا ئادەم شەكىلىك ھايۋان دىيەرلىك ھالغا چۈشۈپ قالاي دىدۇق ....
قۇرئانغا ، ھەدىسكە ، ھەقىقى بولغان ئىلىم مەرىپەتكە ئەگىشىپ ئەمەل قىلماي قەبرىستانلارغا تەلمۈرگىنىمىزنى چوڭ ئىش دەپ قانائەتلەندۇق ، بەزىلەرنىڭ راست –يالغان ئارلاشتۇرۇلغان ئاشۇرما سۆزلىرىنى تەشىۋىق ئورۇندا قوبۇل قىلىدۇق ، ئىلىم- مەرىپەتتىن ئايرىلىپ مەنىۋى قارغۇ بولدۇق ، ئىنسان قىلمايدىغان يامان قىلىقلارنى ، بۇزۇق ئىستىللار بىزدە ئومۇملاشتى ، باشقىلاردىن نۇمۇس قىلمىدۇق .
ساختىپەزلىك قويمىچىلىق ، يالغانچىلىق ، ۋەدىگە خىلاپلىق قىلىش ، خىيانەتچىلىك ئوغۇرلۇق ، زىناخۇرلۇق ، چېقىمچلىق ، ئاداۋەتخۇرلۇق ، ھەسەتخۇرلۇق ، جاسۇسلۇق قاتارلىق ئادەمگە نۇمۇس رەزىل ئەخلاقلار بىزلەرگە سىڭىپ كەتتى ، ياش ئەۋلاتلار زەھەرلەندى . بۇ رەزىل قىلمىشلار نەدىن كەلدى ؟ پەقەت ياخشلىققا بۇيرۇشىنى تاشلىغانلىقتىن ، ئىلىم –ئەخلاق ئۈگەتمىگەنلىكتىن ، ئىسلام ئاساسىدا تەربىيە بىرىپ ، نەسىھەت قىلمىغانلىقتىن ، ئىسلام دىننى توغرا تونىمىغانلىقتىن ، ئىسلام دىنىغا خىلاپ يامان ئىشلارغا قارشى تۇرمىغانلىقتىن ، قۇرئاننى توغرا چۈشەنمىگەنلىكتىن ، ئىسلام دىنى توغرا تونىمغانلىقتىن ، ئىلىم ئوقمىغانلىقتىن ، دۇنياغا نېمە ئۆچۈن كەلگەنلىكىمىزنى ، دۇنيادا قانداق ياشاش كىرەكلىكىنى تۇنۇمىغانلىقتىن كەلدى . بۇ تۇغۇرلۇق مۇللا ئالىم كىشلەر ، دىنى ۋە پەننى زىيالىلار ئاتا-ئانىلار ئاللاھ ئالدىدا مەسئۇل بولۇپلا قالماستىن ، ئاق بىلەن قارىنى ئارىيالايدىغان پۈتۈن مۇسۇلمانلار مەسئۇللۇققا تارتىلىمىز .
ياخشى ئىشلار ( ئىلىم –مەرىپەتلەر ، ھۈنەر –كەسىپلەر ، گۈزەل- ئەخلاقلار ) ئۆزىچە راۋاجلانمايدۇ ، مەلۇم سەۋەب ۋە تىرىشچانلىق ، ئىزدىنشلەر ئاساسىدا تەرەققى قىلىدۇ ۋە مۇكەممەلىشىدۇ .
ئىسلام دىنىدىن باشقا دىندىكىلەر ۋە ئېقىمدىكىلەرنىڭ جەننەتكە كىرىشكە قىلچە ئۈمۈدى يوق تۇرۇپ ، پەقەت دۇنيادىكى قىسقا مۇددەتلىك ئۆمۈرىنى پاراۋان ئۆتكۈزۈش مەقسىتى بىلەن قىز- ئوغۇل بالىلىرىنى تولۇق ئوقۇتىدۇ ، ئۆزى توغرا دەپ تۇنۇغان كۆز قاراشلىرىنى باشقا مىللەتلەرگىچە تەرجىمە قىلىپ تەشۋىق قىلىدۇ ، ھەتتا تاڭىدۇ . ئىختىيارى ۋە مەجبۇرى قايىل قىلدۇرىدۇ .
ئەمما بىز مۇسۇلمانلىق داۋاسى قىلۋاتقان ئۇيغۇرلار ئىككى ئالەملىك بەخىت يولى بولغان دىنىمىزنى ئۆز بالىلىرىمىزغىمۇ ، خۇتۇنلىرىمىزغىمۇ ئۈگەتمەي ئاغىزدىكى مۇسۇلمانلىققا رازى بولساق بولامدۇ ؟ ئويلاپ بىقىش كىرەك ئەلۋەتتە .
(ئاللاھ توسقان يامان ئىشلارنى قىلشتىن تولۇق ساقلىنىش بىلەن بىرگە يەنە كىشلەرنى قىلشتىن تۇسۇش ) دېمەك : كۆزۈمىزگە كۆرۈنمەيدىغان چوڭ دۆشمىنىمىز شەيتان ئادەمىنىڭ ئىدىيسىگە ھەرخىل بۇزۇق ، يامان ھەۋەسلەرنى سالىدۇ ۋە خاتا يوللارغا باشلايدۇ ، قەلبىگە ئىمان ۋە توغرا تۇنۇش ئورۇنلاشمىغان ئادەملەرنى ئۆزىگە قۇشۇن قىلىپ ، ئۇلار ئارقىلىق ئىسلام دىنىمىزغا مىللى ئەخلاق ئىسل بولغان ئەنئەنلىرىمىزگە خىلاپ بۇزۇق ئېتقادلارنى ، يامان قېلىقلارنى مەيدانغا كەلتۈرىدۇ ،
جەمىئىيەتتە خائىنلىق قىلىش ،بىراۋىنىڭ ما- مۈلىكىنى يۈتىۋىلىش، مۇناپىقلىق زىنا-پاھىشە ، ھاراق –ئىچىش ، ، ئوغۇرلۇق بۇلاڭچىلىق ، باشقىلارنى ئاياغ-ئاستى قىلىش قاتارلىق بۇزۇقچىلىقلار شەيتان ئىغۋا قىلغان ئىشلار بولۇپ ، ئاللاھ بۇ خاتا ئىشلاردىن بەندىلىرىنى تۇسۇش ئۆچۈن پەيغەمبەرلەرنى ئەۋەتكەن ، پەيغەمبەرلەر بۇ خاتا ئىدىيەلەرگە ، يامان قىلىقلارغا قارشى كۈرەش قىلدى ۋە ئۈز ئۈمىتىگە بۇ ئىشلارغا قارشى تۇرۇشنى تاپشۇردى . شۇنىڭ ئۆچۈن دىنىمىزغا خىلاپ، باقىشقلارغا زىيانلىق بولغان سۆزلەرنى ئاڭلىغان ۋە ئىسلام دىنى چەكلىگەن ھارام ئىشلارنىڭ سادىر بولغىنى كۆرگەن ھەربىر مۇسۇلمان ئادەمنىڭ ئۇنى تۇسۇش ۋەزىپىسى بار .
ئۇلۇغ پەيغەمبىرىمىز مۇھەممەد ئەلەيھسسالام بىزگە ئۇلۇغ ئىگىمىزنىڭ ئاللاھىنىڭ ئەمىرىنى يەتكۈزۈپ مۇنداق دىگەن :‹‹ سىلەردىن كىمكى بىرەر يامان ئىشىنى كۆرسە ئۇنى ھەرىكىتى ئارقىلىق توسسۇن ، مۇنداق قىلشقا قادىر بولالمىسا سۆزى ئارقىلىق توسسۇن ، بۇنڭغىمۇ قادىر بولالمىسا ئۇنىڭغا نارازى بولسۇن ، بۇ ئىماننڭ ئەڭ تۆۋەن دەرىجسدۇر ›› (ئىمان مۇسلىم رىۋايەت قىلغان)
ئەمدى بىزدەك يامان سۆز –ھەرىكەتەرگىمۇ نارازىمۇ بولماي ، يامان كۆرمەي ، ئېچىنماي ، بىپەرۋا يۈرگەنلەردە ئىمان بار دىيشكە بولامدۇ ؟ ئاللاھ ئىنساب بەرگەي ! نۇرغۇن ئۆزىنى مۇسۇلمان چاغلايدىغان كىشلەرنىڭ خۇتۇن قىز-بالىلىرى ناماز ئوقۇمايدۇ ، ئىسلامغا زىت ھالدا ياسىنىپ يات ئەرلەرگە ئۆزلىرىنى غىلجىڭلىتىدۇ ، ئۇلۇغ دىنى ئالىمىرىمىز پىتنە- پاسساتتىن ساقلىنىش ئۆچۈن ئاياللارنى مەسجدىلەردە جامائەت بىلەن ناماز ئوقۇشتىن توسقان تۇرسا ، بىزلەر ئاياللىرىمىزنىڭ ئاچا- سىڭللىرىمىزنىڭ ۋە قىزلىرىمىزنىڭ بازارلاردا، كۇلۇپلاردا، دىسكۇخانلاردا ۋە ھەرخىل جامائەت سورۇنلاردا يات ئەرلەر بىلەن ئارلىشىپ ، قىستىشىپ ، چىمدىشىپ ، بۈيۈك ئىسلام ھارام قىلىنغان نۇرغۇن ئىشلارنى قىلىپ يۈرىشىگە نارازى بولمايۋاتمىزۋە ئىتىبارسىز قاراۋاتىمىز .
پەرزەتلىرىمىزنىڭ ناماز ئوقىماي ، روزا تۇتماي ، گۇناھ سادىر قىلىپ يۈرۈشىگە نارازى بولمايمىز .
ئاڭلىق تەربىيەنى داۋاملاشتۇرۇپ قايىل قىلماي ، ئۇرۇش ، تىللاش ، قىيداش ، دۈشكەللەشتەك ، ناتۇغرا ئۇسۇللارنى قۇللىنىمىز . ئەركىنىلىك باھانىسى بىلەن ياشلار ئىستىل بۇزۇقچىلىقغا دۇچار بولدى .
بەزى قىز- ئاياللىرىمىزدا مەيدانسىزلىق ، بىلىمسىزلىك كۆپ بولدى، چىكىدىن ئاشقان بۇزۇقچىلىق ۋە زىناخۇرلۇق قىلىش بىلەن نۇرغىلغان دادىسى ئىنىق بولمىغان بالىلار تۇغۇلۇپ ، ئۇلار ئانسىنىڭ گەردىنىگە چۈشىتى ، تۇرمۇشىغا ياردەملەشكىلى دادىسى بولمىغانلىقتىن ئانسى قىينالدى ، ھەتتا باقالماي مەسجىدلەرگە تاشلاپ قۇيۇپ خارلاندى . دادىسىز بالىلارنى ئوقۇتقىلى ، ھۈنەر ئۆگەتكىلى ئادەم بولمىغاچ ئۇ بالىلار ياخشى بولغان تەربىيلىنش پۇرسىتىدىن مەھرۇم قىلىپ ئوغرى –يانچۇقچى ، پىتىنى –پاساتچى بولدى . دىنىغا تەنە قىلغۇچىلار بۇنى ئويلىمىدى .
خۇتۇنلارنىڭ ئىستىل بۇزۇقلىقى سەۋەبىدىن ئادەم ئۆلتۈرۈش ، باشىقلارنى زەخمىلەندۇرۈشتەك ھادىسلەر يۈز بەردى ، تۆت بەش بالا بىلەن ئاجىرشىپ ، ئائىلە پاراكەندىچىلىكى بولۇپ ، بالىلار ئۆگەينىڭ ئازابىغا تۇتۇلۇپ ، تەربىيسىز ، ئەخلاقىسز ئادەم بۇلدى ، مۇشۇلار ھەممسى زىنا- پاھشىنىڭ ئاقىۋىتى ئەمەسمۇ ؟
ھاراق ئىچىش ئەركىنلىكى بىلەن ياشلار ھاراق بالاسىغا دۇچار بولدى ، نۇرغۇن مۇھىم ۋاقىتلىرىنى مەسلىك بىلەن ، بىخۇدلىق بىلەن ئۆتكۈزدى ، ئىبادەتتىن ، ئوقۇشتىن ، ھۈنەت-كەسپتىن مەھرۇم قالدى . نۇرغۇن ئىقسادلار ۋەيران بولدى ، بەزى ھاراق خۇمارلار بىر نەچچە بالىسى ، خۇتۇنى بارلىقىغا قارىماي ئولتۇرغان ئۆيلىرىنى ، ئۆي سەرەمجانلىرىنى سېتىپ ، ئىچىپ تۈگەتتى ، بۇنىڭ بىلەن ئائىلە بالا چاقلىرى قىينالدى ، ھاراققا پۇل تاپالمىغان ياشلار ئوغۇرلۇق قىلىپ كىشلەرنى يىغلاتتى ،مەسلىك بىلەن ئۆتكۈزگەن ۋاقىتلىرىنى ، پۇللىرىنى ئەلگە پايدىلىق ئىشلارغا سەرىپ قىلغان بولسا نېمىدىگەن ياخشى بولاتتى !!!!؟؟!!!
نائىنساب تىجارەتچىلەر كۆڭلى قارا ھايانكەشلەر جىڭ –تارازىلەردە ئىغىر –ينىك قىلىش ، ساختىلىق قىلىش ، يالغان سۆزلەش ، باشقىلارنىڭ جا-ساختا مىللىرىنى سېتىش ئارقىلىق نۇرغۇن ياۋاش مۇسۇلمانلارنى ، ئۆزىنىڭ دىنداش قىرىنداشلىرىنى زىيانغا ئۇچىراتتى ، ۋىجىدانى ئازاپلانمىدى ، دىنسىزلار نۇمۇس قىلدىغان ئىپلاس قىلمىشلار ئۆزىنى مۇسۇلمان دەيدىغان كىشلىرىمىزدە سادىر بولدى ، دىنىمىز ۋە دۇنيالىقىمىزغا ھەم خەلىقىمىزگە پايدىلىق ئىشلارنى راۋاجلاندۇرماي ، ئىسلام دىنغا خىلاپ خەلىق مەنپەئەتىگە زىيانلىق بولغان يامان ئىشلارغا قارشى تۇرماي ، نارازى بولماي يۈرگىنىمىز ئۆچۈن ھەممىمىز ئاللاھ ئالدىدا جىنايەتكار بولدۇق ، ئاللاھىنىڭ غەزىپىگە لايىق بولغان تۇرۇپ يەنە دۇئايىمىز ئىجابەد بولمىدى ، ئاللاھ ئانداق مانداق قىلىپ بەرمىدى دەپ ئاللاھقا ئەركىلەيمىز .
رەسۇلۇللاھىنىڭ ئۈممىتى بولمىغان بولساق ، بىز مۇسۇلمان دەپ تۇرۇپ ، ئىنسان قىلمايدىغان يامان قىلمىشلارنى قىلغىنمىز ۋە ۋىجدانسىزلىقمىز تۈپەيلىدىن ئاللاھ بىزنى يەرگە يۇتقۇزۇۋىتەتتى ، ئاللاھ يەنە بىزگە رەھىم قىلىپ ئۇنىڭدىن كىچىكىرەك بالايى مۇسىبەتلەر بىلەن ئاگاھلاندۇردى ، لىكىن ئەقىلسىزلىق ،بىخۇدلۇق قىلىپ جىنايەتتى قول يىغمايۋاتمىز . بىلگەنلەر بىلمىگەنلەرنى توسىمايۋاتىمىز .
پەيغەمبەر ئەلەيھسسالام مۇنداق دىگەن ؛‹ دىن ئالىمىلىرى ئاللاھىنڭ مەخلۇقلىرى ئۈستىدىكى ئىشەنچىلىك بەندىلىرىدۇر ›› يەنى خەلىقلەرنىڭ دىن يولىدا مېڭىشىغا موللا- ئالىم كىشلەر مەسئۇل ۋە ئامانەتتۇر ، دىنغا خىلاپ ئىشلارنى تۈزەتمىگەن ۋە قارشى تۇرمىغان موللا ئالىملار خائىن بولىدۇ دېمەكتۇر .
موللا- ئالىملىرىمىز ئاساسىسىز دەلىللەرنى كۆرسىتىپ ، ئەمدى بىزدىن ياخشلىققا بۇيرۇش ، يامانلىقتىن تۇسۇش ۋەزىپسى ساقىت دىيشتى ، گۇيا بۇلار رەسۇلۇللاغا ئۇنىڭ ساھابىلىرىگە دىن يولىدا خىزمەت قىلىش ، پىداكارلىق كۆرسىتىش توغۇرسىدا ئايەتلەر كەلمىگەندەك .
ئاللاھ ؛ ( مىنىڭ رازىلىقىم ئۈچۈن ياخشى ئىش قىلغۇچىلارنىڭ ئەجىرىنى بىلكار قىلۋەتمەيمەن) دىسە .
بىز ئەتىكى كۆشتىن بۈگۈنكى ئۆپكە ياخشى دېدۇق .
بۇ ئەھۋالىمىز بىلەن ئاللاھ بىزنىڭ دۇنيالىق ۋە ئاخىرەتلىك ئىشىمىزنى ياخشىلسا ، بىشىمىزنى ئوڭشىسا دەيدىغانغا نېمە ھەقىمىز بار؟ دۇئانىڭ ئىجابەد بولۇشى ۋە مەقسەتنىڭ ھاسىل بولۇشى ئۆچۈن ۋاستە كىرەك ، ۋەسىيلەر پەقەت ئاللاھ ۋە ئاللاھىنىڭ پەيغەمبىرى كۆرسەتكەن تائەت –ئىبادەتلەر بىلەن ، ئاللاھ ئورۇنلاشتۇرغان توغرا قانۇنىيەت بۇيىچە ھەر ئىشقا ئۆز سەۋەبىنى قىلشتۇر ، ئەمەل قىلماي ، بۇيرۇغاننى قىلماي ، ياخشىلارنىڭ رۇھىدىن مەدەت تىلەش ئەمەستۇر .
ئۇللۇغ ئاللاھ ھەممىمىزگە ھىدايەت نۇرى ئاتا قىلسۇن .
تۇرداشلار خاتا كەتكەن ۋە ئارتۇق يەرلىرى بولسا ئىلىمى چۈشەندۇرۈشلەر بىلەن ئوتتۇرىغا قويساڭلار بولىدۇ، توغرا بولغان ھەرقانداق پىكىرلەر بولسا ئەلۋەتتە قوبۇل قىلىمەن .
